This document is an excerpt from the EUR-Lex website
Document 32020B0586
Decision (EU) 2020/586 of the Single Resolution Board of 25 March 2020 on discharge in respect of the implementation of the budget and on the closure of the accounts of the Single Resolution Board for the financial year 2018 (SRB/PS/2020/11)
Deċiżjoni (UE) 2020/586 tal-Bord Uniku ta’ Riżoluzzjoni tal-25 ta’ Marzu 2020 dwar ir-rilaxx fir-rigward tal-implimentazzjoni tal-baġit u dwar l-għeluq tal-kontijiet tal-Bord Uniku ta’ Riżoluzzjoni għas-sena finanzjarja 2018 (SRB/PS/2020/11)
Deċiżjoni (UE) 2020/586 tal-Bord Uniku ta’ Riżoluzzjoni tal-25 ta’ Marzu 2020 dwar ir-rilaxx fir-rigward tal-implimentazzjoni tal-baġit u dwar l-għeluq tal-kontijiet tal-Bord Uniku ta’ Riżoluzzjoni għas-sena finanzjarja 2018 (SRB/PS/2020/11)
ĠU L 135, 29.4.2020, p. 13–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
29.4.2020 |
MT |
Il-Ġurnal Uffiċjali tal-Unjoni Ewropea |
L 135/13 |
DEĊIŻJONI (UE) 2020/586 TAL-BORD UNIKU TA’ RIŻOLUZZJONI
tal-25 ta’ Marzu 2020
dwar ir-rilaxx fir-rigward tal-implimentazzjoni tal-baġit u dwar l-għeluq tal-kontijiet tal-Bord Uniku ta’ Riżoluzzjoni għas-sena finanzjarja 2018 (SRB/PS/2020/11)
IL-BORD UNIKU TA’ RIŻOLUZZJONI,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (1), u b’mod partikolari l-Artikoli 50(1)(b) u 63(8) tar-Regolament SRM,
Wara li kkunsidra l-Artikoli 97, 98 u 99 tar-Regolament Finanzjarju SRB tas-17 ta’ Jannar 2020,
Wara li kkunsidra l-Kontijiet Annwali Finali tal-SRB għas-sena finanzjarja 2018 kif adottati fis-26 ta’ Ġunju 2019 permezz ta’ proċedura bil-miktub (il-“Kontijiet Annwali Finali tal-2018”),
Wara li kkunsidra r-Rapport Annwali tal-SRB għas-sena finanzjarja 2018 kif adottat fis-7 ta’ Ġunju 2019 permezz ta’ proċedura bil-miktub (ir-“Rapport Annwali tal-2018”),
Wara li kkunsidra r-Rapport Annwali tal-Qorti Ewropea tal-Awdituri dwar l-Aġenziji tal-UE li jinkludi d-dikjarazzjoni ta’ assigurazzjoni dwar l-affidabbiltà tal-kontijiet u l-legalità u r-regolarità tat-tranżazzjonijiet sottostanti u l-ġestjoni finanzjarja tajba għas-sena finanzjarja 2018, flimkien mat-tweġibiet tal-SRB, (ir-“Rapport Annwali tal-Qorti tal-Awdituri tal-2018”),
Wara li kkunsidra r-Rapport dwar il-Kontijiet Annwali Finali tal-2018 inklużi l-opinjonijiet tal-awditjar tal-25 ta’ Ġunju 2019 ippreparati minn Mazars Réviseurs d’Enterprises (ir-“Rapport ta’ Mazars dwar l-Awditjar tal-2018”),
Wara li kkunsidra r-Rapport tal-Qorti Ewropea tal-Awdituri (skont l-Artikolu 92(4) tar-Regolament (UE) Nru 806/2014) dwar kwalunkwe obbligazzjoni kontinġenti li tinħoloq bħala riżultat tal-prestazzjoni mill-Bord Uniku ta’ Riżoluzzjoni, il-Kunsill jew il-Kummissjoni tal-kompiti tagħhom skont ir-Regolament SRM għas-sena finanzjarja 2018 (ir-“Rapport dwar l-Obbligazzjonijiet Kontinġenti tal-Qorti tal-Awdituri tal-2018”),
Wara li kkunsidra r-Rapport Annwali tal-Awditjar Intern tal-2018 tat-8 ta’ Jannar 2019 ippreżentat lill-Bord u nnotat minnu fis-Sessjoni Plenarja tiegħu tat-30 ta’ Jannar 2019 (ir-“Rapport Annwali tal-Awditjar Intern tal-2018”),
ADOTTA DIN ID-DEĊIŻJONI:
1. |
Jagħti lill-President tal-SRB ir-rilaxx fir-rigward tal-implimentazzjoni tal-baġit tal-SRB għas-sena finanzjarja 2018; |
2. |
Japprova l-għeluq tal-kontijiet tal-SRB għas-sena finanzjarja 2018; |
3. |
Jippreżenta l-kummenti tiegħu fil-mozzjoni t’hawn taħt; |
4. |
Jagħti struzzjonijiet lill-President tal-Bord Uniku ta’ Riżoluzzjoni biex jinnotifika din id-Deċiżjoni lill-Kunsill, lill-Kummissjoni u lill-Qorti tal-Awdituri, biex jiżgura li tiġi ppubblikata f’Il-Ġurnal Uffiċjali tal-Unjoni Ewropea (serje L), u fuq is-sit web tal-SRB. |
Għall-Bord Uniku ta’ Riżoluzzjoni
Dr Thorsten PÖTZSCH
Membru tal-Plenarja