Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32019R0295

Regolament ta' Implimentazzjoni tal-Kummissjoni (UE) 2019/295 tal-20 ta' Frar 2019 li jemenda r-Regolament ta' Implimentazzjoni (UE) Nru 1011/2014 fir-rigward tal-bidliet lill-mudell għall-applikazzjoni għal ħlas rigward strumenti finanzjarji u lill-mudell għall-kontijiet

C/2019/1300

ĠU L 50, 21.2.2019, p. 1–3 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2019/295/oj

21.2.2019   

MT

Il-Ġurnal Uffiċjali tal-Unjoni Ewropea

L 50/1

REGOLAMENT TA' IMPLIMENTAZZJONI TAL-KUMMISSJONI (UE) 2019/295

tal-20 ta' Frar 2019

li jemenda r-Regolament ta' Implimentazzjoni (UE) Nru 1011/2014 fir-rigward tal-bidliet lill-mudell għall-applikazzjoni għal ħlas rigward strumenti finanzjarji u lill-mudell għall-kontijiet

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Ewropew għall-Affarijiet Marittimi u s-Sajd u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (1), u b'mod partikolari l-Artikolu 41(4), l-Artikolu 131(6) u l-Artikolu 137(3) tiegħu,

Billi:

(1)

L-Anness VI tar-Regolament ta' Implimentazzjoni tal-Kummissjoni (UE) Nru 1011/2014 (2) jistabbilixxi mudell għall-applikazzjoni għal ħlas li jinkludi informazzjoni addizzjonali rigward strumenti finanzjarji b'konformità mal-Artikolu 131(6) tar-Regolament (UE) Nru 1303/2013. Fir-rigward tal-ħlasijiet bil-quddiem magħmula fil-kuntest ta' għajnuna mill-Istat, l-Appendiċi 2 ta' dak l-Anness jispeċifika x'ammont minn dawk il-ħlasijiet bil-quddiem li saru u li mbagħad ġew koperti jew le minn nefqa mħallsa mill-benefiċjarji f'perjodu partikolari jenħtieġ li jiġi inkluż fl-applikazzjonijiet għal ħlas.

(2)

Ir-Regolament (UE, Euratom) 2018/1046 tal-Parlament Ewropew u tal-Kunsill (3) emenda d-definizzjoni ta' “benefiċjarju” fir-Regolament (UE) Nru 1303/2013. Huwa emenda wkoll l-Artikolu 131(3) tar-Regolament (UE) Nru 1303/2013, li issa jistipula li f'każ ta' għajnuna mill-Istat, il-kontribuzzjoni pubblika li tikkorrispondi għan-nefqa inkluża f'applikazzjoni għal ħlas trid tkun tħallset lill-benefiċjarji mill-entità li tagħti l-għajnuna jew, meta l-Istati Membri jkunu ddeċidew li l-benefiċjarju jkun l-entità li tagħti l-għajnuna skont il-punt (a) tal-Artikolu 2(10) ta' dak ir-Regolament, tkun tħallset mill-benefiċjarju lill-entità li tirċievi l-għajnuna. Minħabba dawn il-bidliet, jenħtieġ li l-Appendiċi 2 tal-Anness VI tar-Regolament ta' Implimentazzjoni (UE) Nru 1011/2014 jiġu emendati skont dan.

(3)

L-Anness VII tar-Regolament ta' Implimentazzjoni tal-Kummissjoni (UE) Nru 1011/2014 jistabbilixxi mudell għall-kontijiet b'konformità mal-Artikolu 137(3) tar-Regolament (UE) Nru 1303/2013. Fir-rigward tal-ħlasijiet bil-quddiem magħmula fil-kuntest ta' għajnuna mill-Istat, l-Appendiċi 7 ta' dak l-Anness jispeċifika x'ammont minn dawk il-ħlasijiet bil-quddiem li saru u li mbagħad ġew koperti jew le minn nefqa mħallsa mill-benefiċjarji f'perjodu partikolari jrid jiġi inkluż fil-kontijiet.

(4)

Fir-rigward tal-ammont totali ta' nefqa eliġibbli mdaħħla fis-sistemi kontabilistiċi tal-awtorità ta' ċertifikazzjoni li kienet ġiet inkluża fl-applikazzjonijiet għal ħlas, il-punt (a) tal-Artikolu 137(1) tar-Regolament (UE) Nru 1303/2013 jirreferi lura għall-Artikolu 131 tiegħu. Minħabba l-bidliet fl-Artikolu 131(3) ta' dak ir-Regolament, jenħtieġ li l-Appendiċi 7 tal-Anness VII tar-Regolament ta' Implimentazzjoni (UE) Nru 1011/2014 jiġu emendati skont dan.

(5)

Sabiex tkun żgurata ċ-ċertezza tad-dritt u biex d-diskrepanzi bejn id-dispożizzjonijiet emendati tar-Regolament (UE) Nru 1303/2013 li japplikaw mit-2 ta' Awwissu 2018 jew qabel skont l-Artikolu 282 tar-Regolament (UE, Euratom) 2018/1046 u d-dispożizzjonijiet ta' dan ir-Regolament ikunu limitati għall-minimu, jenħtieġ li dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(6)

Il-miżuri previsti f'dan ir-Regolament huma skont l-opinjoni tal-Kumitat ta' Koordinament għall-Fondi Strutturali u ta' Investiment Ewropej.

(7)

Għalhekk, jenħtieġ li r-Regolament ta' Implimentazzjoni (UE) Nru 1011/2014 jiġi emendat skont dan,

ADOTTAT DAN IR-REGOLAMENT:

Artikolu 1

L-Annessi VI u VII tar-Regolament ta' Implimentazzjoni (UE) Nru 1011/2014 huma emendati skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-20 ta' Frar 2019.

Għall-Kummissjoni

Il-President

Jean-Claude JUNCKER

(1)  ĠU L 347, 20.12.2013, p. 320.

(2)  Ir-Regolament ta' Implimentazzjoni tal-Kummissjoni (UE) Nru 1011/2014 tat-22 ta' Settembru 2014 li jistabbilixxi regoli dettaljati għall-implimentazzjoni tar-Regolament (UE) Nru 1303/2013 tal-Parlament Ewropew u tal-Kunsill fir-rigward tal-mudelli għall-preżentazzjoni ta' ċerta informazzjoni lill-Kummissjoni u r-regoli dettaljati rigward l-iskambji ta' informazzjoni bejn il-benefiċjarji u l-awtoritajiet ta' ġestjoni, l-awtoritajiet ta' ċertifikazzjoni, l-awtoritajiet ta' verifika u l-korpi intermedji (ĠU L 286, 30.9.2014, p. 1).

(3)  Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012 (ĠU L 193, 30.7.2018, p. 1).

ANNESS

L-Annessi VI u VII huma emendati kif ġej:

(1)

fl-Anness VI, l-Appendiċi 2 huwa emendat kif ġej:

(a)

l-intestatura tal-kolonna (B) tinbidel b'dan li ġej:

“Ammont li ġie kopert min-nefqa mħallsa mill-benefiċjarji jew, meta l-Istati Membri jkunu ddeċidew li l-benefiċjarju jkun l-entità li tagħti l-għajnuna skont il-punt (a) tal-Artikolu 2(10) tar-Regolament (UE) Nru 1303/2013, mill-entità li tirċievi l-għajnuna, fi żmien tliet snin mill-ħlas tal-avvanz”;

(b)

l-intestatura tal-kolonna (C) tinbidel b'dan li ġej:

“Ammont li ma ġiex kopert min-nefqa mħallsa mill-benefiċjarji jew, meta l-Istati Membri jkunu ddeċidew li l-benefiċjarju jkun l-entità li tagħti l-għajnuna skont il-punt (a) tal-Artikolu 2(10) tar-Regolament (UE) Nru 1303/2013, mill-entità li tirċievi l-għajnuna, u li l-perjodu ta' tliet snin għalih ma jkunx għadu skada”;

(2)

fl-Anness VII, l-Appendiċi 7 huwa emendat kif ġej:

(a)

l-intestatura tal-kolonna (B) tinbidel b'dan li ġej:

“Ammont li ġie kopert min-nefqa mħallsa mill-benefiċjarji jew, meta l-Istati Membri jkunu ddeċidew li l-benefiċjarju jkun l-entità li tagħti l-għajnuna skont il-punt (a) tal-Artikolu 2(10) tar-Regolament (UE) Nru 1303/2013, mill-entità li tirċievi l-għajnuna, fi żmien tliet snin mill-ħlas tal-avvanz”;

(b)

l-intestatura tal-kolonna (C) tinbidel b'dan li ġej:

“Ammont li ma ġiex kopert min-nefqa mħallsa mill-benefiċjarji jew, meta l-Istati Membri jkunu ddeċidew li l-benefiċjarju jkun l-entità li tagħti l-għajnuna skont il-punt (a) tal-Artikolu 2(10) tar-Regolament (UE) Nru 1303/2013, mill-entità li tirċievi l-għajnuna, u li l-perjodu ta' tliet snin għalih ma jkunx għadu skada”.
Top