6.3.2018   

MT

Il-Ġurnal Uffiċjali tal-Unjoni Ewropea

L 63/15

(1)

Wara investigazzjoni ta' antidumping (“l-investigazzjoni oriġinali”), permezz tar-Regolament ta' Implimentazzjoni tal-Kunsill (UE) Nru 1331/2011 (2), il-Kunsill impona dazju antidumping definittiv fuq l-importazzjonijiet ta' ċerti pajpijiet u tubi mingħajr saldaturi tal-azzar li ma jissaddadx li joriġinaw mir-Repubblika tal-Poplu taċ-Ċina (“ir-RPĊ” jew “il-pajjiż ikkonċernat”).

(2)

Id-dazji antidumping fis-seħħ ivarjaw minn 48,3 % sa 71,9 % għal kumpaniji msemmija individwalment, b'rata ta' dazju residwa ta' 71,9 %.

(3)

Wara l-pubblikazzjoni ta' avviż ta' skadenza imminenti (3) tal-miżuri antidumping fis-seħħ fuq l-importazzjonijiet ta' ċerti pajpijiet u tubi tal-azzar inossidabbli mingħajr saldaturi (“SSSPT”) li joriġinaw mir-RPĊ, il-Kummissjoni rċeviet talba għall-bidu ta' rieżami ta' skadenza skont l-Artikolu 11(2) tar-Regolament (UE) 2016/1036 (“ir-Regolament bażiku”).

(4)

It-talba ġiet preżentata mill-Industrija tat-Tubi tal-Azzar Inossidabbli Mingħajr Saldaturi tal-Unjoni Ewropea (“ESTA” jew “l-applikant”) li tirrappreżenta aktar minn 50 % tal-produzzjoni totali tal-Unjoni ta' SSSPT.

(5)

It-talba hija bbażata fuq ir-raġunijiet li l-iskadenza tal-miżuri aktarx twassal għal rikorrenza ta' dumping u għal rikorrenza ta' dannu għall-industrija tal-Unjoni.

(6)

Wara li stabbiliet li kien hemm biżżejjed evidenza għall-bidu ta' rieżami ta' skadenza, fl-10 ta' Diċembru 2016, permezz ta' avviż ippubblikat f'Il-Ġurnal Uffiċjali tal-Unjoni Ewropea  (4) il-Kummissjoni ħabbret il-bidu ta' rieżami ta' skadenza skont l-Artikolu 11(2) tar-Regolament bażiku.

(7)

Investigazzjoni antiċirkomvenzjoni tal-prodott ikkonċernat li joriġina mir-RPĊ minn importazzjonijiet mibgħuta mill-Indja inbdiet fis-17 ta' Frar 2017 (5). Din l-investigazzjoni ma rriżultatx fl-estensjoni tal-miżuri għall-immportazzjonijiet mill-Indja (6).

(8)

Fin-Notifika ta' Bidu, il-Kummissjoni stiednet lill-partijiet interessati biex jagħmlu kuntatt magħha sabiex jipparteċipaw fl-investigazzjoni tar-rieżami. Il-Kummissjoni speċifikament informat lill-applikant, lill-produtturi, utenti u importaturi oħra magħrufa fl-Unjoni, lill-produtturi esportaturi fir-Repubblika tal-Popu taċ-Ċina, u lill-awtoritajiet Ċiniżi dwar il-bidu tar-rieżami ta' skadenza u stednithom biex jikkooperaw.

(9)

Il-Kummissjoni ddikjarat ukoll li hija pprevediet li tuża lill-Istati Uniti tal-Amerka (“l-Istati Uniti”) bħala pajjiż terz b'ekonomija tas-suq (“pajjiż analogu”), skont it-tifsira tal-Artikolu 2(7)(a) tar-Regolament bażiku. Għalhekk, il-Kummissjoni infurmat lill-produtturi fl-Istati Uniti dwar il-bidu u stednithom biex jipparteċipaw.

(10)

Barra minn hekk, il-Kummissjoni bagħtet ittri lill-produtturi kollha magħrufa tal-SSSPT fir-Repubblika tal-Korea t'Isfel, l-Ukrajna, l-Indja, il-Ġappun, in-Norveġja u t-Turkija, fejn talbithom jikkooperaw fir-rieżami.

(11)

Il-partijiet interessati kollha kellhom l-opportunità biex jikkummentaw dwar il-bidu tar-rieżami fil-limiti taż-żmien stipulati fin-Notifika ta' Bidu u li jitolbu seduta ta' smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali. Is-seduti ta' smigħ fil-preżenza tal-Uffiċjal tas-Seduta saru fl-14 ta' Diċembru 2017 u fid-19 ta' Jannar 2018 fuq talba ta' Zhejiang Jiuli Hi-Tech Metals Co. Ltd. Fit-30 ta' Jannar 2018 waslet talba għat-tielet seduta ta' smigħ u din ġiet aċċettata mill-Uffiċjal tas-Seduta. Is-seduta ta' smigħ saret fil-5 ta' Frar 2018.

(12)

Fin-Notifika ta' Bidu, il-Kummissjoni ddikjarat li hija tista' tieħu kampjun tal-partijiet interessati, f'konformità mal-Artikolu 17 tar-Regolament bażiku.

(13)

Fin-Notifika ta' Bidu, il-Kummissjoni ħabbret li proviżorjament kienet għażlet kampjun ta' produtturi tal-Unjoni u stiednet lill-partijiet interessati biex jikkummentaw fil-limitu ta' żmien stipulat. Il-kampjun intgħażel fuq il-bażi tal-volumi ta' produzzjoni u bejgħ tal-prodott simili matul il-perjodu ta' investigazzjoni tar-rieżami fl-Unjoni filwaqt li ġiet żgurata firxa ġeografika. Din kienet tikkonsisti mill-akbar kumpaniji, li jinsabu fl-Iżvezja, Franza u Spanja, mill-akbar tliet gruppi ta' produtturi tal-Unjoni.

(14)

Wieħed mill-ilmentaturi, Tubacex Group, ta parir lill-Kummissjoni sabiex tagħmel kampjunar tat-tieni l-akbar prodottur tiegħu li jinsab fl-Awstrija, minflok l-akbar produttur li jinsab fi Spanja. Is-suġġeriment sar peress li wħud mit-tipi ta' prodott ta' dan il-produttur ma kinux importati mill-pajjiż ikkonċernat matul il-perjodu ta' investigazzjoni tar-rieżami.

(15)

Madankollu, filwaqt li wieħed iżomm f'moħħu li f'konformità mal-Artikolu 17 tar-Regolament bażiku, il-Kummissjoni tagħmel kampjunar tal-akbar volum ta' produzzjoni u bejgħ, u peress li t-tipi ta' prodotti kkonċernati kienu koperti mid-definizzjoni tal-prodott simili, ġie deċiż li din it-talba ma tiġix aċċettata. Barra minn hekk, il-Kummissjoni kkunsidrat li l-kampjun magħżul inizjalment kien rappreżentattiv b'mod komplet u li pprovda kopertura suffiċjenti f'termini ta' tipi ta' prodott, kif spjegat fil-premessa (13) hawn fuq.

(16)

Ma ġewx ippreżentati aktar kummenti dwar il-kampjun provviżorju ta' produtturi tal-Unjoni u għaldaqstant il-kampjun kien ikkonfermat bħala finali.

(17)

Biex tiddeċiedi jekk it-teħid tal-kampjun kienx meħtieġ u, jekk iva, biex tagħżel kampjun, il-Kummissjoni talbet lill-importaturi mhux relatati sabiex jipprovdu l-informazzjoni speċifikata fin-Notifika ta' Bidu.

(18)

Matul l-eżerċizzju tat-teħid ta' kampjuni żewġ importaturi mhux relatati ipprovdew l-informazzjoni mitluba u għalhekk it-teħid ta' kampjuni tal-importaturi mhux relatati ma kienx meqjus meħtieġ.

(19)

Għaxar produtturi esportaturi bagħtu lura l-formoli tal-kampjunar. L-ewwel il-Kummissjoni għażlet kampjun ta' tnejn minnhom, fuq il-bażi tal-esportazzjonijiet tagħhom lejn l-Unjoni u fuq il-kapaċità tal-produzzjoni. Wara l-irtirar ta' wieħed mill-produtturi fil-kampjun, il-Kummissjoni stabbiliet kampjun ġdid, billi ssostitwiet lill-produttur esportatur li rtira b'dik sussegwenti, biex b'hekk il-kampjun għal darb'oħra kien magħmul minn żewġ produtturi esportaturi, fuq il-bażi tal-esportazzjonijiet tagħhom lejn l-Unjoni u l-kapaċità tal-produzzjoni.

(20)

Il-Kummissjoni bagħtet kwestjonarji liż-żewġ produtturi esportaturi fil-kampjun, lill-produtturi magħrufa f'pajjiżi analogi potenzjali, lit-tliet produtturi tal-Unjoni fil-kampjun u lill-importaturi u l-utenti magħrufa kollha attivi fis-suq tal-Unjoni. It-tweġibiet għall-kwestjonarji waslu mingħand iż-żewġ produtturi esportaturi fil-kampjun, erba' produtturi fil-pajjiż analogu u t-tliet produtturi tal-Unjoni fil-kampjun. Wieħed biss mill-importaturi mhux relatati imsemmija fil-premessa (18) bagħat tweġiba għall-kwestjonarju. Madankollu, ħames importaturi mhux relatati oħra (erbgħa minnhom jaġixxu wkoll bħala utent) bagħtu tweġiba għall-kwestjonarju.

(21)

Il-Kummissjoni fittxet u vverifikat l-informazzjoni kollha li qieset bżonnjuża għad-determinazzjoni tal-probabbiltà ta' kontinwazzjoni jew rikorrenza ta' dumping u d-dannu li jirriżulta u għall-valutazzjoni ta' jekk l-impożizzjoni ta' miżuri tmurx kontra l-interess tal-Unjoni. Iż-żjarat ta' verifika skont l-Artikolu 16 tar-Regolament bażiku saru fil-bini tal-kumpaniji li ġejjin:

(22)

L-investigazzjoni tal-probabbiltà ta' kontinwazzjoni jew rikorrenza tad-dumping kopriet il-perjodu mill-1 ta' Ottubru 2015 sat-30 ta' Settembru 2016 (il-“perjodu ta' investigazzjoni tar-rieżami” jew “PIR”).

(23)

L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew rikorrenza tad-dannu kopra l-perjodu mill-1 ta' Jannar 2013 sat-tmiem tal-perjodu ta' investigazzjoni tar-rieżami (il-“perjodu taħt kunsiderazzjoni”).

(24)

Il-Kummissjoni ddivulgat lill-partijiet interessati kollha l-fatti u l-kunsiderazzjonijiet essenzjali li abbażi tagħhom kien maħsub li jinżammu fis-seħħ il-miżuri antidumping. Il-partijiet kollha ngħataw perjodu li fih setgħu jikkummentaw dwar id-divulgazzjoni.

(25)

Il-kummenti magħmula mill-partijiet interessati ġew ikkunsidrati mill-Kummissjoni u ttieħdu inkonsiderazzjoni, fejn xieraq.

(26)

Il-prodott ikkonċernat huwa ċerti pajpijiet u tubi biċċa waħda tal-istainless steel (ħlief dawk il-pajpijiet u tubi b'tagħmir imwaħħal magħhom li jkunu adattati biex jgħaddu l-gassijiet u l-likwidi minnhom għall-użu fl-inġenji tal-ajru ċivili), li bħalissa jaqgħu fil-kodiċijiet NM 7304 11 00, 7304 22 00, 7304 24 00, ex 7304 41 00, 7304 49 10, ex 7304 49 93, ex 7304 49 95, ex 7304 49 99 u ex 7304 90 00 (kodiċijiet TARIC 7304410090, 7304499390, 7304499590, 7304499990, u 7304900091) u li joriġinaw mir-Repubblika tal-Poplu taċ-Ċina (“ir-RPĊ”).

(27)

L-investigazzjoni uriet li l-prodotti li ġejjin għandhom l-istess karatteristiċi fiżiċi u tekniċi bażiċi kif ukoll l-istess użi bażiċi:

(28)

Il-Kummissjoni kkonkludiet li dawn il-prodotti huma prodotti simili fis-sens tal-Artikolu 1(4) tar-Regolament bażiku.

(29)

Produttur esportatur Ċiniż iddikjara li l-ambitu tal-prodott kien bi żball jinkludi prodotti speċjali għal użi nukleari u militari, u li dawn il-prodotti kellhom jiġu esklużi mill-investigazzjoni, jew alternattivament kelli jiġi varat rieżami tal-ambitu tal-prodott biex jeskludihom.

(30)

Il-Kummissjoni indikat li l-ambitu tal-prodott baqa' l-istess bħal dak tal-investigazzjoni oriġinali b'konformità mal-Artikolu 11(9) tar-Regolament bażiku. L-ambitu tal-prodott kien jinkludi varjetà wiesgħa ta' tipi ta' prodott li għandhom karatteristiċi bażiċi tekniċi u fiżiċi komuni jew simili. Skont il-każistika (7), meta jkun qed jiġi ddeterminat jekk prodotti humiex l-istess sabiex ikunu jiffurmaw parti mill-istess prodott, jeħtieġ li jiġi vvalutat jekk għandhomx karatteristiċi tekniċi u fiżiċi komuni, u jekk għandhomx l-istess użu finali komuni u l-istess proporzjoni prezz-kwalità. F'dan ir-rigward, l-interkambjabbiltà ta' dawn il-prodotti u bejniethom jeħtieġ li jiġi vvalutat. L-investigazzjoni sabet li t-tipi kollha tal-prodotti huma magħmulin minn azzar inossidabbli, jużaw il-proċessi ta' manufattura meħtieġa għall-produzzjoni ta' pajpijiet mingħajr saldaturi, u għalhekk jużaw magni simili, biex b'hekk il-produtturi jistgħu jaqilbu bejn il-varjanti differenti tal-prodott, skont id-domanda. Għaldaqstant, minkejja li t-tipi kollha tal-prodott mhumiex direttament interkambjabbli, il-produtturi qed jikkompetu għal ordnijiet li jkopru firxa wiesgħa ta' tipi ta' prodotti. Barra minn hekk, dawn it-tipi ta' prodotti jiġu manufatturati u mibjugħa kemm mill produtturi esportaturi tal-Unjoni kif ukoll dawk Ċiniżi bl-użu ta' metodu simili ta' produzzjoni. Għalhekk ma kienx hemm bażi biex jiġu kkunsidrati prodotti għal użi nukleari u militari li ma kinux jiffurmaw parti mill-ambitu tal-prodott.

(31)

Rieżami possibbli tal-ambitu tal-prodott ikun jikkostitwixxi investigazzjoni separata u għalhekk ma kienx fl-ambitu ta' din l-investigazzjoni. Barra minn hekk, il-produttur esportatur Ċiniż innifsu ma ħax inizjattiva biex jibda tali rieżami tal-ambitu tal-prodott. Għalhekk it-talba ġiet miċħuda.

(32)

F'konformità mal-Artikolu 11(2) tar-Regolament bażiku, il-Kummissjoni eżaminat jekk l-iskadenza tal-miżuri fis-seħħ aktarx twassal biex id-dumping mir-RPĊ ikompli jew jerġa' jseħħ.

(33)

Fin-Notifika ta' Bidu, il-Kummissjoni stiednet lill-partijiet interessati kollha biex jikkummentaw dwar il-proposta tagħha li tuża lill-Istati Uniti bħala pajjiż terz b'ekonomija tas-suq għall-iskop li jiġi stabbilit il-valur normali fir-rigward tar-RPĊ. Il-Kummissjoni identifikat ukoll lill-Indja bħala pajjiż analogu potenzjali minħabba l-għadd kbir ta' produtturi u l-esportazzjonijiet kbar lejn l-Unjoni. Barra minn hekk, pajjiżi analogi potenzjali oħrajn imsemmija fin-Notifika ta' Bidu kienu l-Ġappun, ir-Repubblika tal-Korea, in-Norveġja, it-Turkija u l-Ukrajna.

(34)

Talbiet għall-koperazzjoni ntbagħtu lill-produtturi magħrufa fl-Indja, il-Ġappun, ir-Repubblika tal-Korea, in-Norveġja, it-Turkija, l-Ukrajna u l-Istati Uniti. F'pajjiżi fejn ebda produtturi ma kienu magħrufa, l-informazzjoni dwar il-produtturi ntalbet mingħand l-awtoritajiet nazzjonali. Waslu tweġibiet għall-kwestjonarju mingħand produttur esportatur fl-Indja u minn tliet produtturi esportaturi fl-Istati Uniti.

(35)

Fir-rigward tal-għażla bejn l-Indja u l-Istati Uniti, il-Kummissjoni għażlet l-Indja għar-raġunijiet li ġejjin: kien hemm aktar minn 20 produttur domestiku magħruf fl-Indja, u għalhekk il-prezzijiet fis-suq Indjan kienu r-riżultat ta' kompetizzjoni ġenwina. Il-produttur Indjan kien juża l-istess metodu ta' produzzjoni bħal dak użat prinċipalment mill-industrija Ċiniża, u l-firxa tal-prodotti tiegħu kienet aktar komparabbli mal-esportazzjonijiet Ċiniżi mill-firxa ta' prodotti tal-Istati Uniti. Barra minn hekk, fl-investigazzjoni oriġinali, l-Istati Uniti ma kinux preċiżament magħżula minħabba li, kif spjegat fil-premessa (48) tar-Regolament provviżorju tal-investigazzjoni oriġinali (8), il-produtturi tal-Istati Uniti kienu jiddependu fuq l-importazzjonijiet ta' materja prima bażika u ta' prodotti finali mill-kumpaniji prinċipali tal-UE, u żammu attività ta' produzzjoni limitata fl-Istati Uniti, primarjament biex iwieġbu għall-ordnijiet personalizzati jew urġenti. Il-produtturi tal-Istati Uniti kellhom spejjeż tal-ipproċessar għoljin li jirriflettu ċ-ċirkostanzi partikolari tagħhom fil-manifattura u dawn l-ispejjeż issarrfu fi prezzijiet domestiċi għoljin fis-suq tal-Istati Uniti.

(36)

Il-produttur Indjan ipprovda tweġiba għall-kwestjonarju u l-informazzjoni addizzjonali kollha mitluba. Għar-raġunijiet stipulati fil-premessa (45), id-data pprovduta kienet ikkunsidrata preċiża.

(37)

L-industrija tal-Unjoni esprimiet il-preferenza tagħha għall-Istati Uniti biex jintgħażel bħala l-pajjiż analogu. Hija argumentat li l-esportazzjonijiet kbar Ċiniżi lejn l-Indja kienu joħolqu distorsjoni tal-prezzijiet domestiċi fl-Indja, u b'hekk l-Indja mhux adattat bħala pajjiż analogu.

(38)

Il-Kummissjoni nnutat li l-allegati distorsjonijiet tal-prezzijiet domestiċi Indjani ma kinux sostanzjati. Il-Kummissjoni osservat ukoll li, fi kwalunkwe każ, il-produttur Indjan uża prinċipalment materja prima prodotta internament u li l-bejgħ domestiku kien qed irendi profitt. Għalhekk, ma kien hemm l-ebda indikazzjoni li l-allegati distorsjonijiet ikkawżaw prezzijiet domestiċi anormalment baxxi tal-produttur Indjan.

(39)

Il-produtturi esportaturi Ċiniżi jiddikjaraw li t-Taqsima 15 tal-Protokol tal-Adeżjoni tar-RPĊ għad-WTO kienet skadiet wara l-11 ta' Diċembru 2016 u għalhekk il-metodoloġija tal-pajjiż analogu ma kinitx meħtieġa aktar.

(40)

Il-Kummissjoni fakkret li, b'konformità mal-Artikolu 2(7) tar-Regolament bażiku applikabbli, il-valur normali ġie ddeterminat abbażi tad-data mill-pajjiż analogu. Għalhekk it-talba ġiet miċħuda.

(41)

Wara d-divulgazzjoni definittiva, produttur esportatur Ċiniż iddubita mill-għażla tal-Indja bħala l-pajjiż analogu u argumenta li d-divulgazzjoni definittiva ma kinitx tiġġustifika biżżejjed l-għażla tal-Indja. L-ewwel, qal li l-Indja ma kinitx pajjiż analogu xieraq għaliex il-firxa ta' prodotti Indjani ma kinitx komparabbli biżżejjed mal-esportazzjonijiet tal-produttur esportatur Ċiniż lejn l-Unjoni. It-tieni, huwa allega li peress li ma saret l-ebda żjara ta' verifika għand il-produttur Indjan, il-Kummissjoni ma setgħetx tiggarantixxi li ma kienu ġew inkużi ebda prodotti speċjali għal użu militari jew nukleari fil-bejgħ domestiku Indjan. It-tielet, allega li kien hemm distorsjoni fil-prezzijiet tal-mineral tal-ħadid fl-Indja, skont il-kostatazzjonijiet provviżorji tal-Kummissjoni fl-investigazzjoni antidumping rigward fundaturi miċ-Ċina (9). Bħala riżultat ta' din id-distorsjoni allegata, ġie ddikjarat li l-valuri normali użati fil-kalkolu tad-dumping kienu minfuħa. Ir-raba', huwa argumenta li l-valuri normali tal-Indja kienu għoljin b'mod anormali, kif muri mill-fatt li l-prezzijiet tal-bejgħ Spanjoli fl-Unjoni kienu fuq medja iktar baxxi mill-prezzijiet medji Indjani. Huwa argumenta li, li kieku kellha tintuża Spanja bħala l-pajjiż analoġu, il-marġini tad-dumping kien ikun negattiv.

(42)

Il-Kummissjoni nnutat li r-raġunijiet għaliex intgħażlet l-Indja bħala l-pajjiż analoġu kienu stipulati fid-dettall fil-premessa (35) u li ebda waħda minn dawn ir-raġunijiet ma ġiet ikkontestata mill-produttur esportatur Ċiniż. Il-produttur esportatur Ċiniż ukoll ma saħaqx li kellu jintgħażel pajjiż analogu differenti. Fir-rigward tat-talbiet speċifiċi, l-ewwel argument dwar il-komparabbiltà tal-firxa tal-prodotti ġie miċħud, peress li l-Indja kellha l-ogħla għadd ta' tipi ta' prodott komparabbli fost il-pajjiżi analogi potenzjali disponibbli, meta mqabbla mal-esportazzjonijiet Ċiniżi lejn l-Ewropa kollha kemm hi, kif spjegat fil-premessa (35). Il-livell individwali ta' komparabbiltà ma' produttur esportatur Ċiniż ma setax jinvalida l-għażla tal-Indja bħala pajjiż analogu, peress li l-valutazzjoni saret fil-livell tal-pajjiż kollu. It-tieni, il-Kummissjoni indikat li, kif spjegat fil-premessa (30), il-prodotti għal użu nukleari u militari kienu parti mill-ambitu tal-prodott, għalhekk dan ma setax jinvalida l-għażla tal-Indja bħala l-pajjiż analogu. Il-każ separat tal-paragun korrett bejn tipi differenti ta' prodott ġie indirizzat hawn taħt fil-premessi (60) u (66). It-tielet, id-dikjarazzjoni li distorsjoni allegata tal-prezz tal-mineral tal-ħadid kellha impatt fuq il-valur normali ma ġietx sostanzjata. Fi kwalunkwe każ, il-mineral tal-ħadid ma ntużax bħala materja prima diretta għall-prodott ikkonċernat, lanqas ma ġiet ipprovduta xi evidenza ta' effett indirett fuq il-prezzijiet domestiċi Indjani. Barra minnhekk, l-investigazzjoni tal-Kummissjoni li rrefera għaliha l-produttur esportatur Ċiniż kienet, għall-kuntrarju, ċaħdet id-dikjarazzjoni li kien se jkun hemm distorsjoni tal-prezz tal-mineral tal-ħadid. L-allegazzjoni rigward id-distorsjoni tal-mineral tal-ħadid għalhekk ġiet miċħuda. Ir-raba', il-fatt li l-għażla ta' pajjiż analogu differenti kienet tkun aktar favorevoli għal produttur esportatur Ċiniż partikolari ma kinitx bażi valida għall-għażla jew iċ-ċaħda ta' pajjiż analogu. Barra minn hekk, il-paragun ma' Spanja li ressaq il-produttur esportatur Ċiniż kien ibbażat fuq prezzijiet medji ta' kategoriji wiesgħa ta' prodott u ma kienx jieħu kont tat-tipi speċifiċi tal-prodott. Għalhekk id-data ma kinitx turi li l-prezzijiet Indjani kienu għoljin b'mod anormali. Għalhekk l-argument ġie miċħud. Fi kwalunkwe każ, Spanja waħedha ma kinitx tkun għażla possibbli ta' pajjiż analogu, minħabba li hija Stat Membru tal-Unjoni. Il-Kummissjoni nnutat li l-alternattiva li tintgħażel l-Unjoni kollha kemm hi bħala l-pajjiż analogu ma kinitx tbiddel il-kostatazzjoni li d-dumping kompla. Dan minħabba li ntwera li l-prezzijiet Ċiniżi kienu jwaqqgħu dawk tal-Unjoni, kif spjegat fil-premessa (126).

(43)

Il-Kummissjoni għalhekk ikkonkludiet li l-ebda waħda mid-dikjarazzjonijiet ma kienet tinvalida lill-Indja bħala pajjiż analogu u kkonfermat lill-Indja bħala pajjiż analogu xieraq.

(44)

Wara li saru kjarifiki addizzjonali, il-produttur esportatur Ċiniż irrepeta n-nuqqas ta' qbil tiegħu mal-użu tal-Indja bħala l-pajjiż analogu u mal-metodu tal-użu tal-pajjiż analogu inġenerali. Barra mill-argumenti li għamel qabel, huwa allega wkoll li n-nuqqas ta' żjara ta' verifika lill-produttur Indjan kien jinvalida l-għażla tal-Indja bħala l-pajjiż analogu.

(45)

Il-Kummissjoni nnutat li żjara ta' verifika ma kinitx prekundizzjoni għall-għażla tal-pajjiż analogu u tista' tkun rilevanti biss fil-valutazzjoni tal-korrettezza tal-informazzjoni ppreżentata mill-produttur Indjan. Wara valutazzjoni bir-reqqa, il-Kummissjoni kkonkludiet li d-data pprovduta mill-produttur Indjan kienet koerenti u kompleta, u l-produttur Indjan kellu rekord preċedenti li għall-investigazzjonijiet tal-Kummissjoni jipprovdi data preċiża. Id-data Indjana għalhekk kienet meqjusa bħala bażi preċiża minkejja n-nuqqas ta' żjara ta' verifika. Id-dikjarazzjonijiet l-oħra diġà ġew miċħuda fil-premessi (40), (42) u (43) u għalhekk ma biddlux il-kostatazzjonijiet tal-Kummissjoni.

(46)

Wara l-kjarifiki addizzjonali spjegati fil-premessa (53), il-produttur esportatur Ċiniż allega li l-Unjoni kienet ġiet magħżula bħala pajjiż analogu addizzjonali mingħajr il-possibbiltà li l-partijiet interessati jikkummentaw dwar l-għażla.

(47)

Il-Kummissjoni ċċarat li l-pajjiż analogu kien l-Indja u ma kien hemm l-ebda pajjiż analogu addizzjonali. Kif spjegat fil-premessi (51) u (53), l-informazzjoni mit-tweġibiet għall-kwestjonarju ta' produtturi oħra ntużaw sabiex jiġu ddeterminati l-valuri normali biss fejn meħtieġ minħabba n-nuqqas ta' bejgħ tal-prodott fil-kategorija “Kejsing u tubi ta' tip użat għat-tħaffir għaż-żejt u l-gass” fil-pajjiż analogu, l-Indja.

(48)

B'konformità mal-Artikolu 2(2) tar-Regolament bażiku, il-Kummissjoni l-ewwel eżaminat jekk il-volum totali tal-bejgħ domestiku tal-prodott simili lil klijenti indipendenti magħmul mill-produttur Indjan kienx rappreżentattiv meta mqabbel mal-volum totali ta' esportazzjoni mir-RPĊ lejn l-Unjoni, jiġifieri jekk il-volum totali ta' tali bejgħ domestiku kienx jirrappreżenta mill-inqas 5 % tal-volum totali tal-bejgħ f'esportazzjoni tal-prodott ikkonċernat lejn l-Unjoni.

(49)

Suċċessivament, il-Kummissjoni identifikat it-tipi ta' prodotti mibjugħin fuq livell domestiku fil-pajjiż analogu li kienu identiċi jew paragunabbli mat-tipi ta' prodotti mibjugħin għall-esportazzjoni lejn l-Unjoni mill-produtturi esportaturi fir-RPĊ. Il-Kummissjoni eżaminat jekk il-bejgħ domestiku ta' kull wieħed minn dawk it-tipi tal-prodott fil-pajjiż analogu kienx rappreżentattiv, skont l-Artikolu 2(2) tar-Regolament bażiku.

(50)

Instab li l-bejgħ domestiku kien qed isir fl-andament normali tal-kummerċ, b'konformità mal-Artikolu 2(4) tar-Regolament bażiku. L-analiżi wriet li l-bejgħ domestiku Indjan kollu ħalla profitt u li l-prezz tal-bejgħ medju ponderat kien ogħla mill-ispiża tal-produzzjoni. Il-valur normali ta' kull tip ta' prodott kien għalhekk ibbażat fuq il-prezz domestiku attwali, li ġie kkalkulat bħala prezz medju peżat ta' kull tip ta' prodott tal-bejgħ domestiku kollu li sar matul il-perjodu ta' investigazzjoni tar-rieżami.

(51)

Għal dawk it-tipi ta' prodotti esportati mingħajr il-bejgħ domestiku korrispondenti fil-pajjiż analogu, il-valur normali ġie ddeterminat fuq il-bażi tal-prezz domestiku tal-prodott li l-aktar jixxiebaħ fil-pajjiż analogu. Sabiex jirrifletti d-differenzi bejn it-tipi ta' prodott, il-valur normali ta' determinazzjoni ħa inkunsiderazzjoni l-karatteristiċi tat-tip tal-prodott kif iddefinit min-Numru ta' Kontroll tal-Prodott: il-kategorija tal-prodott, id-dijametru estern, il-ħxuna tal-materjal, il-grad tal-azzar, l-ittestjar, l-estremità tat-tubu, l-irfinitura u t-tul. Dawn il-karatteristiċi ġew riflessi f'koeffiċjenti li ġew applikati għall-prezz domestiku Indjan tal-prodott li l-aktar jixxiebaħ. Fejn meħtieġ, l-informazzjoni disponibbli fit-tweġibiet għall-kwestjonarju ta' produtturi oħra ntużaw sabiex jiġu ddeterminati (i) il-koeffiċjenti u (ii) il-bażi tal-valuri normali ta' kategorija ta' prodott “Kejsing u tubi ta' tip użat għat-tħaffir għaż-żejt u l-gass”. Fir-rigward taż-żewġ karatteristiċi (l-ittestjar u l-estremità tat-tubu) ma ġie applikat l-ebda koeffiċjent 'il fuq, li b'hekk irriżulta f'determinazzjoni aktar konservattiva tal-valur normali.

(52)

Wara divulgazzjoni definittiva, produttur esportatur Ċiniż indika li l-firxa ta' prodotti tal-produttur Indjan ma kinitx tinkludi kull kategorija ta' prodott, grad ta' azzar u dijametru li kienu inklużi fl-esportazzjonijiet miċ-Ċina lejn l-Unjoni. Għalhekk allega li d-determinazzjoni tal-valur normali bbażata fuq il-bejgħ domestiku Indjan ma kinitx korretta.

(53)

Il-Kummissjoni ċċarat li kull fejn ma kien hemm l-ebda bejgħ domestiku ta' tip ta' prodott li jikkorrispondi direttament fl-Indja, minflok intużat data mit-tweġibiet tal-kwestjonarju ta' produtturi oħra. Fin-nuqqas ta' bejgħ domestiku tal-kategoriji ta' prodotti, gradi tal-azzar u dijametri indikati mill-produttur esportatur Ċiniż, il-Kummissjoni bbażat id-determinazzjoni tal-valur normali ta' dawn it-tipi ta' prodotti fuq l-aktar tipi ta' prodotti li jixxiebhu fit-tweġibiet għall-kwestjonarju tal-produtturi tal-Unjoni. Dawn it-tipi speċifiċi tal-prodotti ġew divulgati lill-produttur esportatur Ċiniż u kienu jikkonċernaw esklużivament il-kategorija tal-prodott “Kejsing u tubi ta' tip użat għat-tħaffir għaż-żejt u l-gass”.

(54)

Wara dawn il-kjarifiki addizzjonali, il-produttur esportatur Ċiniż allega li t-tipi ta' prodotti li l-aktar jixxiebhu f'din il-kategorija ta' prodotti “Kejsing u tubi ta' tip użat għat-tħaffir għaż-żejt u l-gass” kienu ntgħażlu mill-Kummissjoni b'mod li nefħu l-marġini tad-dumping. It-tieni, huwa allega li l-Kummissjoni kien imissha ddivulgat id-data ta' liema produttur speċifiku tal-Unjoni kienet intużat. It-tielet, huwa saħaq li l-kjarifiki addizzjonali ma ċċarawx jekk id-data mill-industrija tal-Unjoni kinitx intużat għad-determinazzjoni tat-tipi kollha tal-prodotti esportati f'din il-kategorija ta' prodotti jew ta' uħud minnhom biss. Fl-aħħar nett, huwa talab li l-prodotti kollha tal-grad speċifiku tal-azzar (13 %Cr) jiġu esklużi mill-kalkolu tad-dumping, minħabba li l-esportazzjonijiet ta' dan il-grad ta' azzar kienu l-bejgħ mill-ġdid ta' prodotti mhux manifatturati mill-produttur esportatur Ċiniż innifsu.

(55)

Il-Kummissjoni ċċarat li t-tipi ta' prodotti li l-aktar jixxiebhu kienu ntgħażlu fuq il-bażi tal-għadd ta' karatteristiċi li jaqblu kif ġie spjegat fil-premessa (60). It-tip ta' prodott li jixxiebah l-aktar użat għal kull tip ta' prodott esportat kien ġie divulgat lill-produttur esportatur Ċiniż. It-tieni, il-produttur esportatur Ċiniż ma ġab l-ebda argument biex isostni l-argument tiegħu. It-tielet, il-kjarifiki addizzjonali pprovduti lill-produttur esportatur Ċiniż kienu kkonfermaw li ma kien hemm l-ebda bejgħ domestiku Indjan ta' kategorija speċifika tal-prodott, grad tal-azzar u dijametru li kien speċifika l-produttur esportatur Ċiniż. Għalhekk intużat id-data minn produtturi oħra għall-bejgħ kollu ta' dawk it-tipi ta' prodotti. Il-firxa tal-valur normali li ngħatat lill-produttur esportatur Ċiniż kienet tapplika għat-tipi kollha ta' prodotti li l-aktar jixxiebhu għal din il-kategorija ta' prodotti. Fl-aħħar nett, il-Kummissjoni kienet legalment obbligata li tiddetermina valur normali għall-esportazzjonijiet kollha lejn l-Unjoni u għalhekk il-kategorija tal-prodott ma setgħetx tiġi eskluża mill-kalkolu tad-dumping. Fi kwalunkwe każ, anki jekk l-esportazzjonijiet ta' din il-kategorija ta' prodotti kienu ġew injorati fil-kalkolu tad-dumping, dan ma kienx ibiddel l-eżitu li d-dumping kompla fil-PIR. Għalhekk it-talbiet ġew miċħuda.

(56)

Il-prezz tal-esportazzjoni ġie stabbilit skont l-Artikolu 2(8) tar-Regolament bażiku, jiġifieri fuq il-bażi tal-prezz tal-esportazzjoni attwalment imħallas jew pagabbli lill-ewwel klijent indipendenti.

(57)

Il-Kummissjoni qabblet il-valur normali u l-prezzijiet tal-esportazzjoni tal-produtturi esportaturi fil-kampjun. Kif previst fl-Artikolu 2(11) u (12) tar-Regolament bażiku, il-valur normali medju ponderat ta' kull tip tal-prodott li jixxiebaħ fil-pajjiż analogu ġie mqabbel mal-prezz tal-esportazzjoni medju ponderat tat-tip korrispondenti tal-prodott ikkonċernat.

(58)

Peress li nstab id-dumping meta sar it-tqabbil bejn il-valuri normali u l-prezzijiet tal-esportazzjoni, ġie konkluż li l-applikazzjoni ta' aġġustamenti għal dawk il-prezzijiet ta' esportazzjoni li ġew espressi fuq bażi FOB ma kinitx taffettwa l-konstatazzjoni tal-eżistenza ta' dumping, peress li t-tnaqqis tal-prezzijiet tal-esportazzjoni permezz ta' aktar aġġustamenti 'l isfel kien iżid biss il-marġini ta' dumping.

(59)

Produttur esportatur Ċiniż sostna li jista' jkun hemm distorsjoni fit-tqabbil tal-prezz, għaliex il-bejgħ Indjan seta' kien jinkludi prodotti ta' kwalità għolja għall-użu nukleari u militari li ġew imqabbla ma' prodotti Ċiniżi regolari. Huwa kkritika l-istruttura tan-Numru tal-Kodiċi tal-Prodotti (Product Code Number, PCN), billi allega li l-PCN ma kienx jirrifletti kif suppost dawn id-differenzi, u dan wassal għal tqabbil inġust. Huwa talab lill-Kummissjoni sabiex terġa tibgħat il-kwestjonarji lill-partijiet kollha bl-istruttura PCN riveduta. Huwa stqarr l-istess ħaġa fir-rigward tal-bejgħ tal-Unjoni (ara l-premessa (125)).

(60)

Il-Kummissjoni nnutat id-differenzi fost it-tipi ta' prodott u żgurat li jkun jkun hemm tqabbil ġust. Ġie allokat numru tal-kontroll ta' prodott uniku (PCN) għal kull tip ta' prodott, maħdum u mibjugħ mill-produtturi esportaturi Ċiniżi, minn produttur fil-pajjiż analogu u mill-indistrija tal-Unjoni. Il-PCN kien jiddependi fuq il-karatteristiċi ewlenin tal-prodott, f'dan il-każ, il-kategorija tal-prodott, id-dijametru estern, il-ħxuna tal-materjal, il-grad tal-azzar, l-ittestjar, l-estremità tat-tubu, l-irfinitura u t-tul. L-istruttura tal-PCN għalhekk ikkunsidrat fid-dettall l-ispeċifikazzjonijiet ta' kull tip ta' prodott, biex b'hekk seta' jsir paragun ġust. Għalhekk ma kienx meħtieġ li tinbidel l-istruttura tal-PCN u li joħorġu kwestjonarji ġodda. Barra minn hekk, kif spjegat fil-premessa (42), il-tipi ta' prodotti għal użi nukleari jew militari kienu parti mill-ambitu tal-prodott u għalhekk ma kienx hemm bażi biex jiġu esklużi. Ma kien hemm l-ebda indikazzjoni li xi prodotti Indjani għal użi nukleari jew militari kienu ġew imqabbla indebitament mal-esportazzjonijiet Ċiniżi. It-tipi ta' prodotti speċifikati mill-produttur esportatur Ċiniż fejn allegatament kien hemm il-possibbiltà ta' konfużjoni fir-rigward tal-gradi tal-azzar li jintużaw għal tubi standard b'kuntrast ma' tubi nukleari, ma kinux effettivament esportati mill-produttur esportatur Ċiniż. Peress li ma kien hemm l-ebda possibbiltà għal distorsjoni fit-tqabbil fuq din il-bażi, it-talba ġiet miċħuda.

(61)

Fuq din il-bażi, il-marġini medju peżat ta' dumping, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, kien fil-firxa ta' [25 % sa 35 %] għaż-żewġ produtturi fil-kampjun. Għalhekk ġie konkluż li d-dumping tkompla matul il-perjodu ta' investigazzjoni tar-rieżami.

(62)

Wara d-divulgazzjoni definittiva, produttur esportatur Ċiniż talab, l-ewwel, għal kjarifiki dwar il-kalkolu tal-marġini ta' dumping tiegħu, b'mod partikolari dwar kif ġew użati l-PCNs tal-produttur ta' pajjiż analoġu kif ukoll il-koeffiċjenti. It-tieni, huwa talab għal aktar informazzjoni dwar il-prezzijiet domestiċi Indjani, u ddikjara li l-firxa tal-valuri nominali u tal-marġini tad-dumping iddivulgati ma kinux jippermettulu jivverifika l-preċiżjoni tal-kalkoli, u allega li l-valuri ogħla kienu r-riżultat ta' distorsjoni fil-kostatazzjonijiet. It-tielet, huwa talab ukoll għal aktar kjarifika dwar it-tipi ta' prodotti mibjugħa fis-suq domestiku Indjan, b'mod partikolari kif il-Kummissjoni żgurat li prodotti speċjali għal użi miltari u nukleari ma ġewx imqabbla b'mod inġust mal-esportazzjonijiet Ċiniżi lejn l-Unjoni.

(63)

Wara t-tweġiba tal-Kummissjoni, il-produttur esportatur Ċiniż għamel talbiet u dikjarazzjonijiet addizzjonali. Ir-raba', huwa talab għal lista sħiħa ta' PCNs tal-industrija tal-Unjoni u tal-produtturi tal-US, fejn id-determinazzjoni tal-koeffiċjenti suppost tiġi identifikata. Il-ħames, huwa ddikjara li t-tweġibiet tal-produtturi tal-UE għall-kwestjonarju ma għandhomx jintużaw biex jiġu ddeterminati l-koeffiċjenti, fuq il-bażi tal-fatt li l-Istati Uniti tal-Amerka ma kinux ġew ikkunsidrati bħala pajjiż analoġu xieraq, għar-raġunijiet spjegati fil-premessa (35), u ddikjara li l-koeffiċjenti bbażati fuq il-prezzijiet tal-Istati Uniti jistgħu jkunu minfuħa. Is-sitta, huwa ddikjara li waħda mit-tranżazzjonijiet ta' esportazzjoni tiegħu kienet bi żball ġiet ikkalkulata fil-prezz tal-esportazzjoni. Is-seba', huwa ddikjara li l-Kummissjoni kellha tipprovdi aktar informazzjoni dwar il-valuri normali u l-marġini tad-dumping f'kull PCN, minflok firxa. It-tmienja, huwa ddikjara li t-tipi ta' prodotti esportati li għalihom ma kien jeżisti ebda bejgħ domestiku korrispondenti fil-pajjiż analogu kellhom jiġu esklużi mill-kalkolu u d-determinazzjoni bħala prodotti oġġett ta' dumping, sabiex tiġi evitata l-“preżunzjoni ta' ħtija”. Fl-aħħar nett, il-produttur esportatur Ċiniż talab ukoll għal estensjoni tal-iskadenza għall-kummenti ta' divulgazzjoni.

(64)

L-ewwel, il-Kummissjoni pprovdiet lill-produttur esportatur lista tal-PCNs li kienu l-bażi għad-determinazzjoni tal-valur normali, inkluża lista ta' PCNs li kienu direttament jikkorrisondu mal-esportazzjonijiet tiegħu lill-Unjoni u, fejn ma kienx hemm PCNs li jikkorrispondu direttament, bagħtet informazzjoni dwar il-PCNs li kienet il-bażi għad-determinazzjoni tal-valur normali bl-applikazzjoni tal-koeffiċjenti. Il-lista ta' PCNs uriet li l-bejgħ domestiku Indjan użat għad-determinazzjoni tal-valur normali ma kienx jinkludi l-gradi speċjali tal-azzar, tipikament għal użi nukleari u militari. Il-Kummissjoni pprovdiet ukoll lista dettaljata ta' kull koeffiċjent li ntuża.

(65)

It-tieni, il-Kummissjoni pprovdiet lill-produttur esportatur Ċiniż il-firxiet tal-valuri normali u tal-marġini tad-dumping għal kull tip ta' prodott esportat. Iċ-ċifri dettaljati tal-produttur ma setgħux jingħataw mingħajr ma tiġi divulgata data kunfidenzjali, għalhekk id-data ġiet ippreżentat f'firxiet. Bi tweġiba għall-preokkupazzjonijiet speċifiċi dwar l-ogħla marġini ta' dumping, il-Kummissjoni nnutat li kemm l-ogħla marġini kif ukoll dawk l-aktar baxxi kienu jikkonċernaw biss kwantitajiet limitati (inqas minn 7 % tal-esportazzjonijiet) u għalhekk ma kinux biżżejjed biex jeliminaw il-marġini kumplessiv tad-dumping tal-produttur esportatur Ċiniż. Għalhekk, anki jekk dawn il-valuri kellhom jiġu injorati, ma kinitx tinbidel il-kostatazzjoni li d-dumping kompla matul il-PIR.

(66)

It-tielet, rigward il-paragun ġust tat-tipi ta' prodotti, il-Kummissjoni ċċarat li d-determinazzjoni tal-marġini tad-dumping għal kull tip ta' prodott esportat minn produttur esporttur Ċiniż kien ibbażat fuq paragun tal-prezz tal-esportazzjoni mal-valur normali tal-istess tip ta' prodott, jew, fin-nuqqas ta' tip ta' prodott korrispondenti, tal-aktar prodott viċin li jixxiebaħ li ġew applikati għalih il-koeffiċjenti sabiex jirrifletti l-karatteristiċi ddefiniti mill-PCN. Għaldaqstant, il-prezzijiet ta' esportazzjoni ta' tipi regolari ta' prodotti ma ġewx ipparagunati mat-tipi ta' prodotti speċjali. B'mod speċifiku, il-bejgħ domestiku Indjan komparabbli ma kienx jinkludi gradi speċjali tal-azzar tipikament użati fi prodotti speċjali militari jew nukleari. Il-Kummissjoni għalhekk ikkonkludiet li ma kien hemm l-ebda riskju ta' paragun mhux ġust kif allega l-produttur esportatur Ċiniż. Fi kwalunkwe każ, anki jekk il-Kummissjoni hija legalment obbligata li tiddetermina l-valur normali għal kull tip ta' prodott esportat lejn l-Unjoni, instab li sar dumping anki meta ġew ikkunsidrati tipi ta' prodotti direttament korrispondenti. Dan wera li l-għażla tat-tipi ta' prodotti li l-aktar jixxiebhu jew id-determinazzjonijiet tal-koeffiċjenti ma kinux ir-raġuni għall-kostatazzjoni ġenerali ta' dumping.

(67)

Ir-raba', barra minn lista dettaljata tal-koeffiċjenti, il-Kummissjoni pprovdiet spjega ulterjuri dwar kif ġew applikati l-koeffiċjenti għad-determinazzjoni tal-valuri normali fuq il-bażi ta' tip ta' prodott li jixxiebah sew fil-każ ta' tipi ta' prodotti mingħajr tip ta' prodott direttament korrispondenti fil-pajjiż analogu. Il-lista sħiħa ta' PCNs fl-Istati Uniti tal-Amerka u fl-Unjoni u l-kalkoli tal-koeffiċjenti ma setgħux jiġu pprovduti għaliex id-divulgazzjoni tagħhom kienet tirrikjedi li tiġi żvelata informazzjoni sensittiva ta' negozju tal-produtturi fl-Istati Uniti tal-Amerka u fl-Unjoni.

(68)

Il-ħames, il-Kummissjoni ċċarat li l-koeffiċjenti ġew stabbiliti bħala perċentwali li kienu jirriflettu d-differenzi relattivi bejn it-tipi ta' prodotti, u mhux il-livelli assoluti tal-prezzijiet fl-Istati Uniti tal-Amerka. Għaldaqstant id-dikjarazzjoni li l-livell assolut tal-prezz fl-Istati Uniti tal-Amerka kien neffaħ id-determinazzjoni tal-valur normali ġiet miċħuda.

(69)

Is-sitta, il-Kummissjoni nnotat li t-tranżazzjoni ta' esportazzjoni speċifikata kienet tirrappreżenta biss volum żgħir (inqas minn 3 % tal-esportazzjonijiet) u għalhekk anki jekk din it-tranżazzjoni kellha titneħħa, ma kinitx tibdel il-kostatazzjoni li d-dumping kompla matul il-perjodu tal-investigazzjoni ta' rieżami.

(70)

Is-seba', kif spjegat fil-premessa (65), il-Kummissjoni pprovdiet, għal kull PCN esportat, firxiet tal-valur normali u tal-marġini tad-dumping. Iċ-ċifri dettaljati tal-produttur ma setgħux jingħataw mingħajr ma tiġi divulgata d-data kunfidenzjali tagħhom, għalhekk id-data ġiet ippreżentat f'firxiet.

(71)

It-tmienja, il-Kummissjoni indikat li kien meħtieġ li jiġi stabbilit valur normali u li ssir determinazzjoni tad-dumping għal kull tip ta' prodott esportat. Ma kienx hemm “preżunzjoni ta' ħtija” għaliex id-dumping ġie stabbilit biss jekk il-prezz tal-esportazzjoni kien inqas mill-valur normali u kwalunkwe ammont negattiv ta' dumping ġie kkunsidrat meta sar il-kalkolu tal-marġini ġenerali ta' dumping.

(72)

Fl-aħħar nett, ingħatat estensjoni għar-reazzjoni għall-kjarifiki ġodda spjegati fil-premessi (64) sa (70) li ngħataw lill-produttur esportatur Ċiniż.

(73)

B'segwitu għall-kjarifiki addizzjonali, il-produttur esportatur Ċiniż kompla jikkontesta l-aspetti speċifiċi tal-paragun, id-determinazzjoni tad-dumping u rrepeta wħud mill-argumenti preċedenti tiegħu.

(74)

L-ewwel, huwa argumenta li kellhom isiru aġġustamenti għall-prezzijiet tal-pajjiż analogu abbażi tal-ekonomiji ta' skala, il-livell tal-kummerċ, il-produttuvità aktar baxxa, l-ispejjez tal-bejgħ, ir-rata ta' rendiment u l-ispejjeż tal-materja prima. It-tieni, huwa ddikjara li l-kjarifiki li ngħataw xorta waħda ma ppermettewlux jifhem kif kienu ġew iddeterminati l-valuri normali. It-tielet, huwa rrepeta t-talba tiegħu biex jikseb id-data dwar l-ispejjeż ta' kull PCN tal-produtturi fl-Istati Uniti tal-Amerka u fl-Unjoni, għall-inqas il-firxiet tagħhom. Barra minn hekk huwa talab informazzjoni dwar is-sors ta' kull koeffiċjent, u talab għad-divulgazzjoni tal-karatteristiċi tal-prodott. Ir-raba', huwa allega li kien hemm distorsjoni fil-koeffiċjenti minħabba l-preżenza ta' prodotti nukleari u militari fl-Istati Uniti tal-Amerka u fl-Unjoni. Il-ħames, huwa allega li l-koeffiċjenti applikati mill-Kummissjoni ma kinux korretti. Huwa ppreżenta koeffiċjenti alternattivi, li l-użu tagħhom kien allegatament juri li ma kien sar ebda dumping fl-esportazzjonijiet tiegħu lejn l-Unjoni. Alternattivament, huwa talab lill-Kummissjoni biex tagħmel aġġustamenti fil-koeffiċjenti abbażi tal-metodu ta' produzzjoni użat, ix-xiri relatat jew it-tip ta' materja prima użata. Is-sitta, huwa argumenta li anki kieku ġew osservati t-tipi ta' prodotti direttament korrispondenti, il-kostatazzjoni ta' dumping ma ħaditx kont tal-prezzijiet ġeneralment aktar baxxi fl-Indja, l-aġġustamenti għall-prezzijiet fil-pajjiż analogu li kien iddikjara, u s-sitwazzjoni speċifika tal-produttur fil-pajjiż analogu.

(75)

Il-Kummissjoni eżaminat id-dikjarazzjonijiet addizzjonali fid-dettall.

(76)

L-ewwel, kif spjegat fil-premessa (35), il-prezzijiet domestiċi fl-Indja kienu r-riżultat ta' kompetizzjoni ġenwina u għalhekk kienu kkunsidrati affidabbli. Id-dikjarazzjonijiet rigward id-distorsjonijiet tal-prezzijiet domestiċi fl-Indja kienu diġà indirizzati fil-premessa (42). It-talbiet ġodda għal aġġustamenti fil-prezzijiet domestiċi Indjani ma ġewx sostanzjati mill-produttur esportatur Ċiniż u għalhekk ġew miċħuda.

(77)

It-tieni, il-Kummissjoni pprovdiet informazzjoni addizzjonali dettaljata dwar il-koeffiċjenti, is-sorsi tagħhom u l-metodu tal-kalkolu, kif spjegat fil-premessi (64) sa (71), u sussegwentement wieġbet għal sensiela ta' mistoqsijiet tekniċi rigward il-metodu tal-kalkolu (10). Kif stipulat fil-premessa (83), il-Kummissjoni tipprovdi wkoll eżempju ta' kif koeffiċjent ġie kkalkolat minn d-data tal-ispejjeż. Fl-eżempju, id-data tal-ispejjeż attwali ġiet espressa f'firxiet sabiex tiġi protetta l-kunfidenzjalità tagħha skont l-Artikolu 19 tar-Regolament bażiku. Għalhekk ġie konkluż li l-produttur esportatur Ċiniż kien kiseb biżżejjed informazzjoni li tippermettilu jintraċċa l-metodu tad-determinazzjoni tal-valuri normali.

(78)

It-tielet, it-talba għall-aċċess għal data addizzjonali tal-produtturi tal-Istati Uniti tal-Amerka u tal-Unjoni kienet diġà ġiet miċħuda għar-raġunijiet spjegati fil-premessa (67). Li kieku ġie fornut is-sors ta' kull koeffiċjent kienet tiġi żvelata informazzjoni dwar it-tipi ta' prodotti manifatturati minn kull produttur. Li kieku ġiet fornuta d-data kollha fil-forma ta' firxiet ukoll kienet tkun ta' piż mhux raġonevoli, fid-dawl tal-volum kbir ta' data tal-ispejjeż speċifika għal kull kumpanija (aktar minn 2 000 ringiela fuq 50 kolonna). Barra minn hekk, ġie nnutat li d-data mitluba kienet tikkonċerna l-livell tal-ispejjeż ta' kull PCN. Il-livell tal-ispiża fih innifsu ma kellu ebda impatt fuq id-determinazzjoni tal-valuri normali, minħabba li l-koeffiċjenti ġew applikati bħala proporzjonijiet (perċentwali), mhux bħala valuri assoluti. Fi kliem ieħor, il-livell tal-ispejjeż għal kull PCN ma kellu ebda impatt fuq l-eżitu. Fl-aħħar nett, il-grad ta' preċiżjoni meħtieġa għall-kalkolu tal-koeffiċjenti ma setax jiġi rifless bl-użu ta' firxiet. Dan għaliex il-multiplikazzjoni trasversali tal-valuri espressi f'firxiet kien jagħti riżultat ta' firxa wiesgħa wisq sabiex tkun sinifikanti. Filwaqt li d-data sottostanti tal-ispejjeż ma kinitx ġiet divulgata għal dawn ir-raġunijiet, il-koeffiċjenti li attwalment irriżultaw ġew totalment żvelati. Fl-aħħar nett, il-prezzijiet tal-bejgħ domestiku Indjan kienu pprovduti f'firxiet. Dan għaliex b'mod differenti mid-data tal-ispejjeż użata biex jiġu ddeterminati l-koeffiċjenti, il-prezzijiet Indjani ddeterminaw il-livell bażi tal-valuri normali. Għalhekk kien iġġustifikat li l-produttur esportatur Ċiniż jingħata aċċess biex jivverifika dik id-data.

(79)

Ir-raba', kif spjegat fil-premessa (30), il-tipi ta' prodotti militari u nukleri kienu parti mill-ambitu tal-prodott u ma kienx hemm bażi biex l-ambitu tal-prodott jiġi ddefinit mill-ġdid. Il-karatteristiċi tal-prodott ġew riflessi fl-istruttura tal-PCN, li żgurat paragun ġust bejn it-tipi ta' prodotti, għar-raġunijiet spjegati fil-premessi (60) u (66). Ma kien hemm l-ebda prova ta' xi distorsjonijiet. Barra minn hekk ma kien hemm l-ebda indikazzjoni li xi allegata distorsjoni setgħet kienet biżżejjed biex tibdel il-kostatazzjoni ġenerali li d-dumping kompla fil-perjodu tal-investigazzjoni ta' rieżami. Għaldaqstant id-dikjarazzjonijiet rigward it-tipi ta' prodotti nukleari u militari ġew miċħuda.

(80)

Il-ħames, fid-dawl tal-kummenti, il-koeffiċjenti użati għad-Dijametru estern u l-Grad tal-azzar ġew rieżaminati u mmodifikati. Il-koeffiċjenti riveduti ġew divulgati, kif ukoll it-tibdil li rriżulta fil-marġini ta' dumping individwali. Filwaqt li l-modifiki baxxew il-marġini ta' dumping ta' produttur esportatur Ċiniż, dawn ma kinux biżżejjed biex jibdlu l-kostatazzjoni ġenerali li d-dumping kompla fil-PIR. B'kuntrast ma' dan, il-koeffiċjenti alternattivi ppreżentati mill-produttur esportatur Ċiniż ma ġewx aċċettati, peress li dawn kienu bbażati fuq listi ta' prezzijiet standard ta' produttur tal-Unjoni, minn perjodu ta' żmien barra mill-perjodu tal-investigazzjoni ta' rieżami. Id-data attwali speċifika għall-kumpajini, mill-perjodu tal-investigazzjoni ta' rieżami, kienet tikkostitwixxi bażi aktar affidabbli għad-determinazzjoni tal-valur normali. It-talbiet biex jiġu aġġustati l-koeffiċjenti għall-metodu ta' produzzjoni, it-tip ta' materja prima u x-xiri relatat ma kinux sostanzjati u mhux speċifiċi, minħabba li l-ebda wieħed mill-elementi speċifikati mill-produttur esportatur Ċiniż ma kellu influwenza fuq id-determinazzjoni tal-koeffiċjenti, u għalhekk ġew miċħuda.

(81)

Is-sitta, l-aġġustamenti ddikjarati ma ġewx sostanzjati u ma kien hemm ebda indikazzjoni li kienu sinifikanti biżżejjed biex jaqilbu l-konstatazzjoni ta' dumping. Il-livell ġenerali tal-prezzijiet tal-esportazzjonijiet Indjani lejn l-Unjoni ma kienx rilevanti, peress li d-determinazzjoni tal-valur normali kienet ibbażata fuq il-prezzijiet domestiċi, mhux fuq il-prezzijiet ta' esportazzjoni, u fi kwalunkwe każ it-tqabbil ta' PCN ma' PVN kien iktar preċiż minn paragun tal-prezzijiet medji minħabba l-firxa wiesgħa ta' tipi tal-prodotti u differenzi sostanzjali fil-prezzijiet bejniethom, li jistgħu ma jiġux riflessi fil-prezzijiet medji. B'konsegwenza ta' dan, it-talbiet ġew miċħuda.

(82)

Fi stadju tard ħafna tal-investigazzjoni, produttur esportatur Ċiniż talab għal tieni seduta ta' smigħ mal-Uffiċjal tas-Seduta peress li ddikjara ksur tad-drittijiet ta' difiża tiegħu peress li deherlu li ma kienx irċieva spjegazzjoni suffiċjenti dwar il-metodoloġija segwita mill-Kummissjoni għad-determinazzjoni ta' dumping, b'mod aktar speċifiku kif ġew stabbiliti u applikati l-koeffiċjenti biex jiġu stabbiliti l-valuri normali. Huwa talab ukoll li l-partijiet interessati l-oħra, jiġifieri l-produtturi tal-Unjoni, il-produttur tal-pajjiż analogu mill-Indja u l-produtturi Amerikani li kkoperaw, jattendu din il-laqgħa. Madankollu, ħadd minn dawn il-partijiet interessati ma aċċetta l-istedina.

(83)

Wara s-seduta ta' smigħ, l-Uffiċjal tas-Seduta għamel ċerti rakkomandazzjonijiet fejn ta struzzjonijiet lill-Kummissjoni biex tispjega ulterjorment il-metodoloġija segwita, filwaqt li tissupplimenta d-divulgazzjonijiet u l-ispjegazzjonijiet addizzjonali magħmula aktar kmieni fil-proċedura. B'konsegwenza ta' dan, il-Kummissjoni għamlet divulgazzjoni supplimentari limitata għall-punti identifikati mill-Uffiċjal tas-Seduta bħala li possibbilment jinterferixxu mad-drittijiet ta' difiża u stiednet lill-produttur esportatur biex jikkummenta fuq dawn il-punti. Il-kontenut ta' din id-divulgazzjoni supplimentari huwa stipulat fil-permessi (53), (77), (78) u (80). L-aġġustament ipprovdut minħabba l-kummenti tal-produttur esportatur, barra minn hekk, irriżulta f'marġini medju ta' dumping aktar baxx għall-produtturi esportaturi Ċiniżi: il-marġini tad-dumping ġie mnaqqas għall-firxa ta' [25 % sa 35 %], kif stipulat fil-premessa (61), ftit inqas mill-firxa ta' [30 % sa 40 %] inizjalment ikkalkolata fl-istadju tad-divulgazzjoni definittiva. Il-livell preċiż tal-marġini ta' dumping ma kellu l-ebda impatt fuq il-produtturi esportaturi, minħabba li l-livell tal-miżuri ma kienx affettwat minn rieżami ta' skadenza, kif indikat fil-premessa (195).

(84)

Il-Kummissjoni tat lill-produtturi esportaturi Ċiniżi biżżejjed żmien biex jikkummentaw dwar elementi addizzjonali divulgati lilhom.

(85)

Fis-sottomissjoni tiegħu, madankollu, produttur esportatur Ċiniż ma llimitax ruħu għal kummenti dwar il-punti mqajma mill-Uffiċjal tas-Seduta li għalihom l-Kummissjoni pprovdiet spjegazzjonijiet addizzjonali. Minflok, huwa għal darb'oħra xeħet dubji fuq il-metodoloġija segwita mill-Kummissjoni billi kkontesta l-ispjegazzjonijiet diġà mogħtija aktar kmieni fil-proċedura, kif deskritt fil-premessi minn (59) sa (83). Barra minn hekk, tard il-Ġimgħa waranofsinhar tas-26 ta' Jannar 2018 qabel l-iskadenza għall-kummenti t-Tnejn 29 ta' Jannar 2018, huwa ressaq għadd ta' mistoqsijiet u talbiet, li qatt qabel ma kienu tqajmu matul il-proċedura jew quddiem l-Uffiċjal tas-Smigħ, u argumenta li n-nuqqas ta' tweġiba għal dawn il-mistoqsijiet u ta' żvelar dwarhom jikser id-drittijiet ta' difiża tiegħu.

(86)

Fit-tweġiba tagħha, il-Kummissjoni l-ewwel fakkret li passi legali u proċedurali u l-iskadenzi għall-konklużjoni ta' investigazzjoni ta' rieżami ma kinux jippermettulha taċċetta li jkomplu jsiru argumenti, talbiet u mistoqsijiet fi stadju avvanzat tal-proċedura peress li dan jipperikola l-konklużjoni f'waqtha tal-investigazzjoni speċjalment meta kien hemm biżżejjed opportunità u żmien biex il-partijiet jikkummentaw aktar kmieni. Dan kien aktar u aktar minnu f'dan il-każ fejn il-metodoloġija ġiet spjegata fit-tul matul diversi seduti u f'dokumenti multipli ta' divulgazzjoni lill-partijiet interessati. Huwa għal dawn ir-raġunijiet li l-Kummissjoni, b'mod espliċitu, fil-kjarifiki tagħha ta' wara s-smigħ, talbet lill-produttur esportatur Ċiniż biex jillimita l-kummenti tiegħu għall-kwistjonijiet speċifiċi li għalihom kien allega ksur tad-drittijiet tad-difiża tiegħu quddiem l-Uffiċjal tas-Smigħ, u li skont liema kwistjonijiet kien irċeva kjarifiki ulterjuri. Il-produttur esportatur Ċiniż ma weriex kif id-drittijiet ta' difiża tiegħu kienu ġew miksura, u lanqas ma ssostanzja kif il-punti mqajma setgħu jaffettwaw il-kostatazzjonijiet ġenerali tal-investigazzjoni.

(87)

Apparti li kkontesta l-metodoloġija għad-determinazzjoni tal-valur normali, il-produttur esportatur Ċiniż kompla jsostni li l-marġini ta' dumping tiegħu kien minfuħ minn paragun bejn pajpijiet għall-użu militari u nukleari u pajpijiet għall-użu komuni. Madankollu, kif spjegat fil-premessa (79), ma sar l-ebda paragun bħal dan u ma ġie ddeterminat l-ebda valur normali għal dawn it-tipi speċifiċi ta' prodotti.

(88)

Barra minn hekk, il-produttur esportatur, għall-ewwel darba f'dan l-istadju avvanzat tal-proċediment, talab li jsir aġġustament għal paragun ġust tal-prezzijiet abbażi tal-allegazzjoni li l-produttività tiegħu kienet darbtejn u nofs (2,5) dik tal-produttur analogu Indjan. Huwa enfasizza wkoll il-marġini tal-profitt tal-produttur Indjan u talab li jsir aġġustament 'l isfel tad-determinazzjoni tal-valur normali fuq il-bażi li l-bejgħ domestiku fl-Indja matul l-RIP iġġenera aktar profitt mill-profitt fil-mira stabbilit għall-industrija tal-Unjoni fl-investigazzjoni oriġinali. Iż-żewġ talbiet flimkien kienu jammontaw għal aġġustament 'l isfel tal-valuri normali bi 28 %, u b'hekk jinħoloq allegat marġini ta' dumping negattiv.

(89)

L-ewwel talba tressqet fi stadju fejn il-verifika kienet saret impossibbli. Fi kwalunkwe każ, anki jekk l-ewwel talba kienet saret fi stadju aktar bikri tal-proċediment, ma kinitx korroborata minn evidenza u għaldaqstant ma kinitx tissodisfa r-rekwiżiti stabbiliti fl-Artikolu 6(8) tar-Regolament bażiku. It-tieni talba kienet bla bażi, peress li l-valur normali kien ibbażat fuq il-prezzijiet attwali tal-bejgħ domestiku tal-produttur fil-pajjiż analogu, kif stipulat fil-premessi minn (48) sa (51), u mhux mibnija fuq il-bażi tal-ispejjeż u l-profitti. Il-profittabilità tal-bejgħ domestiku tal-produttur fil-pajjiż analogu kienet ikkunsidrata fid-determinazzjoni li l-bejgħ domestiku sar fl-andament normali tal-kummerċ, kif spjegat fil-premessa (50). B'kuntrast, il-profitt fil-mira tal-industrija tal-Unjoni kien jirrifletti l-profitt li seta' jinkiseb fin-nuqqas ta' importazzjonijiet oġġett ta' dumping. Bħala tali, il-profittabilità domestika u l-qligħ fil-mira tal-industrija tal-Unjoni ma kinux paragunabbli. Għaldaqstant iż-żewġ pretensjonijiet ma ntlaqgħux. Bħala riżultat tar-rifjut ta' aġġustament ta' 28 %, kif ukoll tal-kalkolu ta' dumping alternattiv tal-esportatur produttur Ċiniż, anki jekk mod ieħor aċċettat, ma kienx ibiddel il-konklużjoni li d-dumping kompla fil-PIR.

(90)

Waqt is-seduta tal-5 ta' Frar 2018, l-istess produttur esportatur Ċiniż ripetutament irrefera għad-deċiżjoni tal-Korp tal-Appell tad-WTO dwar l-importazzjonijiet ta' Qfieli miċ-Ċina (il-kawża DS397). Huwa allega li, abbażi ta' dik is-sentenza, il-Kummissjoni kien imissha kkomunikat kull spiża, prezz u valur normali ta' kull tip ta' prodott tal-produttur Indjan fil-pajjiż analogu, tal-produtturi tal-Istati Uniti li kkooperaw u tal-industrija tal-Unjoni, u allega li altrimenti kienu nkisru d-drittijietta' difiża tiegħu.

(91)

Madankollu, il-Kummissjoni nnutat li s-sentenza ordnat id-divulgazzjoni tal-metodoloġija tad-determinazzjoni tal-valur normali biss għat-tipi ta' prodotti esportati mill-produttur Ċiniż, biex b'hekk tiġi żgurata kopertura sħiħa tal-esportazzjonijiet. Min-naħa l-oħra, id-deċiżjoni ma implikatx li data kunfidenzjali tal-kumpanija fuq l-attività sħiħa tal-partijiet kollha għandha ssir disponibbli lill-produttur esportatur. Għalhekk it-talba ġiet miċħuda.

(92)

Waqt is-seduta tal-5 ta' Frar 2018, l-istess produttur esportatur Ċiniż kompla jallega li anki l-koeffiċjenti riveduti stabbiliti mill-Kummissjoni kienu żbaljati. Huwa kkontesta l-koeffiċjenti riveduti tal-grad tal-azzar u l-koeffiċjenti għall-iċken dijametri. Huwa sostna li kull koeffiċjent determinat abbażi tad-data tal-produtturi esportaturi tal-Istati Uniti kellu jkun ibbażat fuq ipprezzar standard. Huwa ppreżenta kalkolu alternattiv tad-dumping bl-użu tal-koeffiċjenti alternattivi, li wrew dumping negattiv minħabba l-aġġustament ta' 28 % spjegat fil-premessi (88) sa (89).

(93)

Il-Kummissjoni kompliet tiċħad il-koeffiċjenti alternattivi minħabba li kienu bbażati fuq listi ta' prezzijiet standard, minn perjodu ta' żmien differenti mill-PIR, kif spjegat fil-premessa (80). Il-Kummissjoni kkonfermat li f'investigazzjonijiet antidumping jenħtieġ li jintużaw l-ispejjeż attwali b'mod obbligatorju, jiġifieri l-ispejjeż standard aġġustati skont il-kwantità u varjazzjonijiet fil-prezz. Barra minn hekk, il-koeffiċjenti riveduti kienu ġeneralment skont il-koeffiċjenti alternattivi mressqa mill-produttur esportatur Ċiniż. Fi kwalunkwe każ, il-koeffiċjenti alternattivi waħedhom, anki kieku ġew aċċettati, ma kinux biżżejjed biex ibiddlu l-kostatazzjoni li d-dumping kompla fil-PIR.

(94)

Wara li nstab li kien qed isir dumping matul il-perjodu tal-investigazzjoni ta' rieżami, il-Kummissjoni investigat il-probabbiltà ta' kontinwazzjoni ta' dumping, fin-nuqqas ta' miżuri. L-elementi addizzjonali li jmiss ġew analizzati: il-kapaċità tal-produzzjoni u l-kapaċità żejda fir-RPĊ, il-komportament ta' pprezzar tal-produtturi fir-RPĊ lejn swieq oħra, u l-attraenza tas-suq tal-Unjoni.

(95)

Instab li r-rata tal-użu tal-kapaċità taż-żewġ produtturi Ċiniżi fil-kampjun kienet fil-firxa ta' [40 % sa 60 %]. Il-kapaċità żejda nstab li kienet fil-firxa ta' [40 000 sa 50 000 tunnellata] għaż-żewġ produtturi fil-kampjun. Dan huwa ekwivalenti għal [30 % sa 50 %] tal-konsum tal-Unjoni. Barra minn hekk, instab li kien hemm pjanijiet biex tinbena kapaċità addizzjonali.

(96)

Skont l-istima tal-applikant il-kapaċità totali tal-produtturi kollha fir-RPĊ kienet aktar minn miljun tunnellata. Abbażi tar-rata tal-użu tal-kapaċità tal-produtturi fil-kampjun, il-kapaċità żejda totali fir-RPĊ kienet stmata għal madwar 500 000 tunnellata, aktar minn erba' darbiet il-konsum tal-Unjoni. Anke kieku r-rati ta' użu tal-kapaċità tal-produtturi esportaturi l-oħra kienu ogħla minn dawk tal-produtturi fil-kampjun, il-kapaċità żejda totali Ċiniża xorta kienet tkun sinifikanti u ekwivalenti għal aktar mill-konsum totali tal-Unjoni.

(97)

Skont l-istima tal-applikant il-konsum domestiku totali fir-RPĊ li kien 310 000 tunnellata fuq il-bażi tal-produzzjoni domestika, l-importazzjonijiet u l-esportazzjonijiet Ċiniżi. Peress li l-kapaċità żejda kienet tikkorrispondi għal aktar minn 150 % tal-konsum domestiku Ċiniż stmat, tqies li ma kienx probabbli li l-konsum domestiku fir-RPĊ seta' jiżdied b'150 % u jassorbixxi l-kapaċità żejda kbira.

(98)

Għalhekk ġie konkluż li kien hemm kapaċità żejda sinifikanti li għall-anqas parti minnha setgħet tiġi diretta lejn is-suq tal-Unjoni li kieku l-miżuri kontra r-RPĊ kellhom jitħallew jiskadu.

(99)

Miżuri antidumping fuq l-importazzjonijiet tal-prodott ikkonċernat mir-RPĊ kienu fis-seħħ fl-Unjoni Ekonomika Ewrasjatika (il-Belarussja, il-Każakistan u r-Russja) u l-Ukrajna. Dawn il-miżuri wrew l-eżistenza ta' dumping mill-industrija Ċiniża kollha kemm hi fir-rigward tal-prodott ikkonċernat fuq swieq oħra.

(100)

Barra minn hekk, nstab li l-esportazzjonijiet Ċiniżi lejn il-pajjiżi terzi kollha kienu magħmula b'mod ġenerali bi prezzijiet aktar baxxi minn dawk tal-esportazzjonijiet lejn l-Unjoni. Abbażi tal-istatistika tal-esportazzjoni Ċiniża, il-prezzijiet medji tal-esportazzjonijiet Ċiniżi lejn pajjiżi terzi kienu 23 % aktar baxxi mill-prezzijiet tal-esportazzjoni lejn l-Unjoni.

(101)

Il-Kummissjoni kkonkludiet li, jekk il-miżuri attwali kellhom jiġu revokati, x'aktarx li l-produtturi esportaturi Ċiniżi kienu jirridirezzjonaw l-esportazzjonijiet lejn l-Unjoni bi prezzijiet oġġett ta' dumping.

(102)

Id-daqs tas-suq tal-Unjoni kien aktar minn 100 000 tunnellata, li huwa stmat it-tieni l-akbar fid-dinja wara r-RPĊ, u akbar minn dak tal-Istati Uniti tal-Amerka. B'hekk is-suq tal-Unjoni kien diġà, minħabba d-daqs tiegħu, suq attraenti għall-esportaturi Ċiniżi.

(103)

It-tieni nett, instab li l-prezzijiet medji tal-esportazzjonijiet Ċiniżi lejn l-Unjoni kienu ogħla ħafna mill-prezzijiet medji tal-esportazzjoni Ċiniżi lejn swieq oħra, li kienet prova oħra ta' kemm hu attraenti s-suq tal-Unjoni. Kif spjegat fil-premessa (100), il-prezzijiet tal-esportazzjoni Ċiniżi lejn pajjiżi terzi kienu 23 % aktar baxxi mill-prezzijiet tal-esportazzjoni lejn l-Unjoni.

(104)

It-tielet nett, il-miżuri antidumping fis-seħħ fi swieq oħrajn bħar-Russja u l-Ukrajna rrestrinġew il-firxa ta' swieq oħra disponibbli għall-esportazzjonijiet Ċiniżi. Għalhekk, huwa probabbli li jekk il-miżuri jitħallew jiskadu, l-esportazzjonijiet Ċiniżi jkunu diretti mill-ġdid lejn is-suq tal-Unjoni u x'aktarx li jilħqu sehem mis-suq eqreb lejn is-sehem li kellhom qabel l-impożizzjoni tal-miżuri, li kien ta' 18 %.

(105)

Bħala konklużjoni, il-Kummissjoni kkonkludiet li s-suq tal-Unjoni x'aktarx ikun destinazzjoni attraenti ħafna għall-esportazzjonijiet Ċiniżi, f'każ li l-miżuri jitneħħew.

(106)

L-investigazzjoni wriet li matul il-perjodu tal-investigazzjoni ta' rieżami l-importazzjonijiet Ċiniżi komplew jidħlu fis-suq tal-Unjoni bi prezzijiet li huma l-oġġett ta' dumping. Din l-investigazzjoni wriet ukoll li l-kapaċità żejda fir-RPĊ kienet ferm sinifikanti meta mqabbla mal-konsum tal-Unjoni matul il-perjodu tal-investigazzjoni ta' rieżami. Għall-anqas parti minn din il-kapaċità żejda x'aktarx tkun diretta lejn is-suq tal-Unjoni jekk il-miżuri jitħallew jiskadu.

(107)

Barra minn hekk, swieq oħra kellhom fis-seħħ miżuri antidumping applikabbli għal importazzjonijiet tal-prodott ikkonċernat mir-RPĊ, u l-prezzijiet ta' esportazzjoni Ċiniżi lejn swieq oħra kienu aktar baxxi mill-prezzijiet għall-Unjoni. L-imġiba tal-ipprezzar tal-esportazzjonijiet Ċiniżi fi swieq terzi ssostni l-probabbiltà li d-dumping lejn l-Unjoni ikompli, jekk il-miżuri jitħallew jiskadu.

(108)

Fl-aħħar nett, l-attrattività tas-suq tal-Unjoni f'dak li jirrigwarda daqs u prezzijiet, u l-fatt li swieq oħra għadhom magħluqa minħabba l-miżuri antidumping, indikaw li x'aktarx li l-esportazzjonijiet Ċiniżi jkunu diretti lejn is-suq tal-Unjoni, jekk il-miżuri jitħallew jiskadu.

(109)

Fid-dawl ta' dan ta' hawn fuq, il-Kummissjoni kkonkludiet li hemm probabbiltà qawwija li r-revoka tal-miżuri antidumping tirriżulta f'żieda sinifikanti f'importazzjonijiet li huma l-oġġett ta' dumping mir-RPĊ lejn l-Unjoni.

(110)

Il-prodott simili kien manifatturat minn 23 produttur magħruf, uħud minnhom relatati ma' xulxin, fl-Unjoni matul il-perjodu tal-investigazzjoni ta' rieżami. Huma jikkostitwixxu l-industrija tal-Unjoni fis-sens tal-Artikolu 4(1) tar-Regolament bażiku.

(111)

Il-produzzjoni totali tal-Unjoni matul il-perjodu ta' investigazzjoni tar-rieżami kienet stabbilita għal madwar 117 000 tunnellata abbażi ta' data pprovduta mill-applikant.

(112)

Il-kumpaniji fil-kampjun fl-investigazzjoni jirrappreżentaw 54 % tal-produzzjoni tal-Unjoni u 55 % tal-bejgħ tal-Unjoni. Id-data tal-kampjun hija għalhekk rappreżentattiva tas-sitwazzjoni tal-industrija tal-Unjoni.

(113)

Il-Kummissjoni stabbiliet il-konsum tal-Unjoni fuq il-bażi ta' (i) il-volum tal-bejgħ tal-industrija tal-Unjoni fis-suq tal-Unjoni fuq il-bażi tad-data pprovduta mill-applikant u (ii) l-importazzjonijiet minn pajjiżi terzi li jinsabu fil-bażi tad-data tal-Eurostat. Din il-bażi tad-data pprovdiet l-aktar data preċiża peress li, barra l-importazzjonijiet taħt ir-reġim normali, inkludiet ukoll l-importazzjonijiet fir-reġim ta' proċessar attiv.

(114)

Il-konsum tal-Unjoni żviluppa kif ġej:

Tabella 1

Il-konsum tal-Unjoni (tunnellati metriċi)

(115)

Għalkemm il-konsum tal-Unjoni żdied bi 8 % fl-2014, dan imbagħad naqas bi 11 % bejn l-2014 u l-perjodu tal-investigazzjoni ta' rieżami. Dan it-tnaqqis kien prinċipalment minħabba tnaqqis f'investiment fl-industrija taż-żejt u tal-gass, li hija waħda mill-akbar industriji utenti.

(116)

Il-Kummissjoni stabbiliet il-volum tal-importazzjonijiet fuq il-bażi tal-informazzjoni abbażi ta' data tal-Eurostat (fil-livell ta' 10 ċifri). Madankollu, deher ċar minn tqassim tal-pajjiżi ta' oriġini tal-importazzjonijiet fil-bażi tad-data tal-Eurostat li xi pajjiżi inklużi ma kinux il-manifatturi ta' SSSPT. Għalhekk, l-importazzjonijiet minn dawn il-pajjiżi kienu esklużi għall-finijiet ta' din l-investigazzjoni minħabba li b'mod ċar ma kinux relatati mal-prodott ikkonċernat. Dettalji rilevanti kienu disponibbli għal spezzjoni mill-partijiet interessati fil-fajl miftuħ. Id-data li tirrigwarda r-RPĊ, l-Indja, l-Ukrajna u pajjiżi oħra manifatturi ta' SSSPT ma kinitx teħtieġ korrezzjoni.

(117)

Is-sehem mis-suq tal-importazzjonijiet kien stabbilit ukoll abbażi tad-dejta kkoreġuta tal-Eurostat.

(118)

L-importazzjonijiet fl-Unjoni mir-RPĊ żviluppaw kif ġej:

Tabella 2

Volum ta' importazzjoni (f'tunnellati metriċi) u sehem mis-suq

(119)

Matul il-perjodu taħt kunsiderazzjoni, il-volum tal-importazzjonijiet mir-RPĊ kien baxx. Importazzjonijiet totali mir-RPĊ kienu jirrappreżentaw sehem mis-suq ta' madwar 2 % matul il-perjodu taħt kunsiderazzjoni. Dawn kienu jirrappreżentaw sehem mis-suq ta' madwar 1 % matul il-perjodu taħt kunsiderazzjoni jekk ma jiġix ikkunsidrat l-ipproċessar attiv. Il-volumi importati taħt reġim ta' proċessar attiv ġew esportati mill-ġdid fi prodotti lesti bħal tagħmir għat-trasferiment tas-sħana.

(120)

Il-livelli ta' importazzjoni kienu f'dan il-livell baxx sa mill-impożizzjoni tal-miżuri oriġinali fl-2011 u li għalhekk jista' jiġi preżunt li huwa r-riżultat tal-miżuri antidumping fis-seħħ.

(121)

Bħala rimarka preliminari, huwa nnutat li l-prezzijiet medji tal-prodott ikkonċernat jistgħu ma jkunux rappreżentattivi għal kull tip ta' prodott minħabba l-firxa wiesgħa tagħhom u d-differenza sostanzjali fil-prezz bejniethom. Madankollu, dawn huma ppreżentati hawn taħt.

Tabella 3

Prezzijiet medji tal-importazzjonijiet mir-RPĊ

(122)

Il-prezzijiet medji mir-RPĊ matul il-perjodu taħt kunsiderazzjoni naqsu bi 13 %.

(123)

Il-produtturi esportaturi li kkooperaw kienu jirrappreżentaw 56 % tal-importazzjonijiet miċ-Ċina u kellhom sehem mis-suq ta' madwar 1 % fil-perjodu tal-investigazzjoni ta' rieżami.

(124)

Il-Kummissjoni ivvalutat it-twaqqigħ tal-prezz matul il-perjodu tal-investigazzjoni ta' rieżami billi qabblet il-prezzijiet tal-bejgħ medji ponderati għal kull tip ta' prodott tal-produtturi tal-Unjoni fil-kampjun mitluba lil klijenti mhux relatati fis-suq tal-Unjoni, aġġustati għal livell tal-prezz mill-fabbrika; kif ukoll il-prezzijiet medji ponderati korrispondenti fil-livell CIF fil-fruntiera tal-Unjoni għal kull tip ta' prodott tal-importazzjonijiet mill-produtturi inklużi fil-kampjun lill-ewwel klijent indipendenti fis-suq tal-Unjoni, bl-aġġustamenti xierqa għall-kostijiet ta' wara l-importazzjoni. It-tqabbil tal-prezzijiet sar abbażi tat-tipi ta' tranżazzjonijiet, debitament aġġustamenti fejn meħtieġ, u wara t-tnaqqis tar-ribassi u tal-iskontar. Ir-riżultat tat-tqabbil ġie espress bħala perċentwal tal-fatturat tal-produtturi tal-Unjoni matul il-perjodu ta' investigazzjoni tar-rieżami.

(125)

Produttur esportatur Ċiniż sostna li jista' jkun hemm distorsjoni fit-tqabbil tal-prezz, peress li l-bejgħ tal-Unjoni kien jinkludi prodotti ta' kwalità għolja għal użu nukleari jew militari li ġew imqabbla ma' prodotti Ċiniżi regolari. Huwa kkritika l-istruttura tat-tip ta' prodott, billi allega li din ma kinitx tirrifletti kif suppost dawn id-differenzi. Madankollu, is-sistema tat-tip ta' prodott żgurat li dawn it-tipi ta' prodotti mmanifatturati mill-industrija tal-Unjoni ma ġewx imqabbla mat-tipi ta' prodotti importati mill-produtturi esportaturi Ċiniżi. Dan għaliex dawn il-prodotti speċjali manifatturati mill-industrija tal-Unjoni kienu jingħataw kodiċi differenti fil-qasam tal-grad tal-azzar.

(126)

Fuq il-bażi tal-metodoloġija ta' hawn fuq, l-importazzjonijiet waqqgħu l-prezzijiet tal-industrija tal-Unjoni b'medja ta' 44 %. Anke bid-dazji antidumping miżjuda (dan mhuwiex il-każ jekk ikun jikkonċerna l-importazzjonijiet taħt reġim ta' proċessar attiv), il-prezz medju ta' dawn l-importazzjonijiet Ċiniżi waqqgħu l-prezzijiet tal-industrija tal-Unjoni bi 32 %.

(127)

Produttur esportatur Ċiniż iddikjara li waħda mit-tranżazzjonijiet ta' bejgħ tiegħu kienet ġiet identifikata b'mod żbaljat bħala tranżazzjoni ta' proċessar attiv meta ma kinitx. Peress li t-tranżazzjoni inkwistjoni (waħda minn iktar minn 100 tranżazzjoni b'kollox) kienet tikkonċerna inqas minn 3 % tal-bejgħ tiegħu lejn l-Unjoni, din ma kellhiex impatt sinifikanti fuq il-marġini kkwotati fil-premessa (126) hawn fuq.

(128)

It-tabella li ġejja turi l-iżvilupp tal-importazzjonijiet lejn l-Unjoni minn pajjiżi terzi oħrajn matul il-perjodu taħt kunsiderazzjoni f'termini ta' volumi u sehem mis-suq, kif ukoll il-prezz medju ta' dawn l-importazzjonijiet. Il-kumment dwar l-utilità ta' prezzijiet medji magħmul fil-premessa (121) japplika hawnhekk ukoll.

Tabella 4

Importazzjonijiet minn pajjiżi terzi

(129)

Is-sehem mis-suq tal-importazzjonijiet minn pajjiżi terzi għajr għall-pajjiż ikkonċernat laħaq 43,1 % tal-konsum totali tal-Unjoni matul il-perjodu tal-investigazzjoni ta' rieżami. L-akbar sehem mis-suq huwa rappreżentat minn importazzjonijiet mill-Indja (19 % tal-konsum totali fl-Unjoni). Importazzjonijiet sostanzjali oħra fil-perjodu ta' investigazzjoni tar-rieżami ġew mill-Ukrajna (11,3 % tas-sehem mis-suq).

(130)

Il-prezzijiet medji li bihom dawn l-importazzjonijiet daħlu fl-Unjoni kienu relattivament baxxi meta mqabbla mal-medja tal-prezzijiet tal-industrija tal-Unjoni. L-importazzjonijiet mill-Indja kellhom prezz medju tal-bejgħ għal kull unità partikolarment baxx ta' EUR 4 519 għal kull tunnellata fil-perjodu tal-investigazzjoni ta' rieżami.

(131)

Żewġ produtturi esportaturi Ċiniżi kkumentaw li l-prezz medju ta' esportazzjoni tal-produtturi Ċiniżi kien iktar baxx mill-prezzijiet ta' importazzjoni Ċiniżi. Kif spjegat fil-premessa (121) hawn fuq, il-prezzijiet medji mhux neċessarjament jiffurmaw bażi ġusta u sinifikanti għall-paragun tal-prezzijiet. L-analiżi tal-Kummissjoni dwar it-twaqqigħ tal-prezzijiet tal-importazzjonijiet Ċiniżi (fil-premessa (126)) saret fuq il-bażi ta' tip b'tip. Ma kienet disponibbli ebda data fuq il-bażi ta' tip b'tip għall-investigazzjoni fuq l-importazzjonijiet Indjani lejn l-Unjoni.

(132)

B'konformità mal-Artikolu 3(5) tar-Regolament bażiku, l-analiżi tal-impatt li għandhom l-importazzjonijiet li huma l-oġġett ta' dumping fuq l-industrija tal-Unjoni tinkludi evalwazzjoni tal-indikaturi ekonomiċi kollha li għandhom effett fuq l-istat tal-industrija tal-Unjoni matul il-perjodu taħt kunsiderazzjoni.

(133)

Għall-analiżi tad-dannu, il-Kummissjoni għamlet distinzjoni bejn indikaturi tad-dannu makroekonomiċi u mikroekonomiċi. Il-Kummissjoni evalwat l-indikaturi makroekonomiċi fuq il-bażi tad-data pprovduta minn ESTA. Id-dejta hija relatata għall-produtturi magħrufa kollha tal-Unjoni. Il-Kummissjoni evalwat l-indikaturi mikroekonomiċi abbażi tad-data inkluża fit-tweġibiet għall-kwestjonarju mill-produtturi tal-Unjoni fil-kampjun li ġew ivverifikati. Iż-żewġ settijiet ta' data nstabu li huma rappreżentattivi tas-sitwazzjoni ekonomika tal-industrija tal-Unjoni.

(134)

L-indikaturi makroekonomiċi huma: il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, it-tkabbir, l-inventarji, l-impjiegi, il-produttività, id-daqs tal-marġini tad-dumping u l-irkupru mid-dumping tal-passat.

(135)

L-indikaturi mikroekonomiċi huma: il-prezzijiet medji ta' kull unità, il-kost ta' kull unità, il-kostijiet lavorattivi, il-profittabbiltà, il-fluss tal-flus, l-investimenti, ir-redditu fuq l-investiment, u l-kapaċità li jiġi ġġenerat il-kapital.

(136)

Il-produzzjoni totali, il-kapaċità ta' produzzjoni u l-użu tal-kapaċità tal-Unjoni żviluppaw kif ġej matul il-perjodu taħt kunsiderazzjoni:

Tabella 5

Produzzjoni, kapaċità tal-produzzjoni u użu tal-kapaċità

(137)

Il-volum tal-produzzjoni naqas b'20 % matul il-perjodu taħt kunsiderazzjoni bl-akbar tnaqqis fl-2015.

(138)

Il-kapaċità tal-produzzjoni matul il-perjodu tal-investigazzjoni ta' rieżami żdied bi ftit, bi 2 %, matul il-perjodu taħt kunsiderazzjoni. Din iż-żieda kienet dovuta għal investimenti f'impjanti u tagħmir li wasslu għal ftit titjib fl-effiċjenza.

(139)

L-użu ta-kapaċità naqas bi ftit matul il-perjodu taħt kunsiderazzjoni. It-tnaqqis ta' 22 % tal-kapaċità tal-użu tirrifletti t-tnaqqis tal-volum tal-produzzjoni matul il-perjodu taħt kunsiderazzjoni.

(140)

Il-volum tal-bejgħ u s-sehem mis-suq tal-industrija tal-Unjoni żviluppaw kif ġej matul il-perjodu taħt kunsiderazzjoni:

Tabella 6

Volum tal-bejgħ u sehem mis-suq

(141)

Il-volumi tal-bejgħ fis-suq tal-Unjoni naqsu għal 57 295 tunnellata fil-perjodu tal-investigazzjoni ta' rieżami li jirrappreżenta tnaqqis ta' 11 % matul il-perjodu taħt kunsiderazzjoni. Is-sehem mis-suq tal-industrija tal-Unjoni naqas bi 8 % matul l-istess perjodu, filwaqt li l-volumi tal-esportazzjoni tal-industrija tal-Unjoni naqsu bi 22 %.

(142)

Kif jista' jidher mit-Tabella 6 hawn fuq, l-industrija tal-Unjoni ma kibritx u saħansitra ċkienet f'termini ta' sehem mis-suq matul il-perjodu taħt kunsiderazzjoni.

(143)

Matul il-perjodu taħt kunsiderazzjoni, l-impjiegi u l-produttività żviluppaw kif ġej:

Tabella 7

Impjiegi u produttività

(144)

Matul il-perjodu taħt kunsiderazzjoni, l-għadd ta' impjegati naqas bi 8 %. Il-produttività tal-impjegati fl-industrija tal-Unjoni, imkejla bħala l-produzzjoni (f'tunnellati) għal kull persuna impjegata, għal kull sena, naqset b'14 % matul il-perjodu taħt kunsiderazzjoni.

(145)

Il-livelli tal-istokks tal-produtturi tal-Unjoni fil-kampjun żviluppaw kif ġej matul il-perjodu taħt kunsiderazzjoni:

Tabella 8

Inventarji

(146)

L-istokk tal-għeluq naqas b'20 % fil-perjodu ta' investigazzjoni tar-rieżami meta mqabbel mal-2013. Meta mqabbel mal-livell tal-produzzjoni, l-istokk tal-għeluq baqa' stabbli matul dan il-perjodu.

(147)

Id-dumping kompla matul il-perjodu ta' investigazzjoni tar-rieżami, kif spjegat taħt it-Taqsima 3 hawn fuq. Id-dumping sinifikanti li għamlu l-produtturi Ċiniżi kellu effett negattiv fuq il-prestazzjoni tal-industrija tal-Unjoni, peress li dawn il-prezzijiet waqqgħu sew il-prezzijiet tal-bejgħ tal-industrija tal-Unjoni.

(148)

Matul il-perjodu taħt kunsiderazzjoni, il-volum tal-importazzjonijiet oġġett ta' dumping mir-RPĊ kien madankollu sostanzjalment iktar baxx matul il-perjodu tal-investigazzjoni oriġinali. Fuq din il-bażi, jista' jiġi konkluż li l-impatt tal-kobor tal-marġini ta' dumping fuq l-industrija tal-Unjoni kien ukoll inqas evidenti.

(149)

Il-prezzijiet medji ponderati tal-bejgħ ta' unità tal-produtturi tal-Unjoni fil-kampjun lill-klijenti mhux relatati fl-Unjoni żviluppaw kif ġej matul il-perjodu taħt kunsiderazzjoni:

Tabella 9

Prezzijiet tal-bejgħ fl-Unjoni

(150)

Matul il-perjodu taħt kunsiderazzjoni, il-prezzijiet ta' bejgħ fl-Unjoni naqsu b'10 %. Il-kost unitarju tal-produzzjoni naqas b'7 % hekk kif il-prezzijiet tal-materja prima, u b'mod partikolari l-prezz tan-nikil, naqsu. Iż-żieda fil-kosti unitarji fl-2015 tista' tiġi spjegata mit-tnaqqis fil-produzzjoni u fil-volumi tal-bejgħ f'dik is-sena (it-Tabelli 5 u 6 hawn fuq).

(151)

Irid jiġi ddikjarat li l-prezzijiet medji u l-kosti unitarji medji rrappurtati hawn fuq jinkludu firxa ta' prodotti ta' kwalità għolja mibjugħa lil ċerti industriji li mhumiex f'kompetizzjoni mal-importazzjonijiet Ċiniżi. Dawn il-prodotti kienu, għalhekk, mhux użati fit-tqabbil tal-prezzijiet bejn l-importazzjonijiet u l-bejgħ tal-Unjoni tal-industrija tal-Unjoni (ara l-premessa (124)).

(152)

Il-kostijiet lavorattivi medji tal-produtturi tal-Unjoni fil-kampjun żviluppaw kif ġej matul il-perjodu taħt kunsiderazzjoni:

Tabella 10

Kostijiet lavorattivi medji għal kull impjegat

(153)

Il-kostijiet lavorattivi medji għal kull impjegat kellhom xejra relattivament stabbli fil-perjodu taħt kunsiderazzjoni. Bejn l-2013 u l-perjodu ta' investigazzjoni tar-rieżami, il-kostijiet lavorattivi medji għal kull impjegat naqsu bi 3 %.

(154)

Il-Kummissjoni stabbiliet il-profittabbiltà tal-produtturi tal-Unjoni fil-kampjun billi esprimiet il-profitt nett, qabel it-taxxa, tal-prodott simili għall-klijenti mhux relatati fl-Unjoni bħala perċentwal tal-fatturat ta' dak il-bejgħ. Il-fluss tal-flus nett huwa l-ħila tal-produtturi tal-Unjoni li jiffinanzjaw huma stess l-attivitajiet tagħhom. Ir-redditu fuq l-investimenti huwa l-profitt f'perċentwal tal-valur kontabilistiku nett tal-investimenti.

(155)

Il-profittabbiltà, il-fluss tal-flus, l-investimenti u r-redditu fuq l-investimenti tal-produtturi tal-Unjoni inklużi fil-kampjun żviluppaw kif ġej matul il-perjodu taħt kunsiderazzjoni:

Tabella 11

Profittabbiltà, fluss tal-flus, investimenti u redditu fuq l-investimenti

(156)

Matul il-perjodu taħt kunsiderazzjoni il-profitti tal-industrija tal-Unjoni naqsu. Fl-2014 l-industrija rreġistrat żieda ta' 23 % fuq l-2013. Bejn l-2014 u l-2015 il-profitt naqas bi 88 % u fil-perjodu tal-investigazzjoni ta' rieżami l-industrija kważi laħqet ekwilibriju, bil-profitti jkomplu jonqsu għal 0,3 %.

(157)

Il-fluss nett tal-flus u r-redditu fuq l-investimenti żviluppaw f'xejra simili għall-profittabbiltà.

(158)

L-investimenti tal-kumpaniji fil-kampjun inżammu f'livelli stabbli matul il-perjodu taħt kunsiderazzjoni. L-investimenti kienu prinċipalment maħsuba biex itejbu l-effiċjenza ta' linji ta' produzzjoni eżistenti, u tas-saħħa u s-sikurezza u t-titjib ambjentali.

(159)

Fil-bidu tal-perjodu taħt kunsiderazzjoni ċerti indikaturi ekonomiċi tal-industrija tal-Unjoni ppreżentaw sitwazzjoni pożittiva billi wrew sinjali b'saħħithom ta' rkupru mid-dannu stabbilit fl-investigazzjoni oriġinali. B'mod partikolari, l-industrija tal-Unjoni kisbet livelli ta' profitt ogħla mill-profitt fil-mira fis-snin 2013 u 2014. L-industrija tal-Unjoni kienet kapaċi wkoll ittejjeb sostanzjalment il-livelli tal-produttivita u l-użu ta' kapaċità tagħha, kif ukoll il-volum ta' bejgħ tal-esportazzjonijiet.

(160)

Madankollu, mill-2015 il-maġġoranza tal-indikaturi ekonomiċi esperjenzaw deterjorament qawwi. B'mod partikolari l-industrija tal-Unjoni sofriet minn tnaqqis qawwi fil-livelli ta' profittabilità tagħha ('l isfel sa 0,3 % matul il-perjodu ta' investigazzjoni tar-rieżami), u tnaqqis sinifikanti fil-livelli tal-produzzjoni u tal-użu tal-kapaċità, kif ukoll fil-prezzijiet unitarji tal-bejgħ u l-impjiegi. B'mod ġenerali, ix-xejriet ta' kważi kull indikatur ekonomiku marru għall-agħar matul il-perjodu taħt kunsiderazzjoni.

(161)

Ix-xejriet negattivi jistgħu jiġu spjegati mill-effett kumulattiv ta' sensiela ta' fatturi li, waqt li jaġixxu flimkien, komplew jiddeterjoraw l-istat tal-industrija tal-Unjoni li kienet għadha f'sitwazzjoni fraġli: il-preżenza kontinwa tal-importazzjonijiet oġġett ta' dumping Ċiniżi, għalkemm f'volumi limitati meta mqabbla mal-investigazzjoni oriġinali, f'livelli li qed iwaqqgħu b'mod sinifikanti l-prezzijiet tal-produtturi tal-Unjoni; tnaqqis sostanzjali fl-investiment madwar id-dinja għall-industrija taż-żejt u l-gass, li hija l-akbar suq għall-prodott ikkonċernat; u żieda qawwija ta' importazzjonijiet bi prezz baxx minn pajjiżi terzi (prinċipalment l-Indja, iżda wkoll l-Ukrajna), li għamlu pressjoni qawwija 'l isfel fil-prezzijiet u l-volum fuq l-industrija tal-Unjoni.

(162)

Wara d-divulgazzjoni, iż-żewġ produtturi esportaturi Ċiniżi ddikjaraw li kellu jiġi pprovdut aktar dettall dwar it-tliet fatturi ta' kawżalità msemmija fil-premessa (161). Madanakollu, dawn il-faturi huma spjegati kif xieraq u ebda parti interessata ma ssuġġeriet li kien hemm xi fattur ieħor li kellu rwol sinifikanti. Għalhekk, f'termini ta' kompletezza, il-Kummissjoni kienet sodisfatta li l-analiżi tagħha kienet adegwata.

(163)

Tabilħaqq, il-konklużjoni li l-importazzjonijiet miċ-Ċina kellhom impatt materjali fuq l-istat tal-industrija tal-Unjoni, kif jirrikjedi l-Artikolu 3(6) tar-Regolament bażiku, tirriżulta mil-livelli sostanzjali ta' twaqqigħ ta' prezz kif speċifikat fit-Taqsima 4.3.2 hawn fuq. Id-dikjarazzjoni li saret wara d-divulgazzjoni minn produttur esportatur li s-sehem mis-suq tal-importazzjonijiet Ċiniżi laħqu 1 % biss hija korretta, peress li meta jkun qed jiġi stabbilit is-sehem mis-suq Ċiniż jeħtieġ li jiġi kkunsidrat ukoll il-bejgħ, fl-Unjoni, skont ir-reġim tal-ipproċessar attiv. Dan għaliex l-importazzjonijiet skont l-ipproċessar attiv huma parti mill-konsum tal-prodott taħt rieżami u jikkompetu ma' bejgħ ieħor fis-suq tal-Unjoni inkluż dak tal-industrija tal-Unjoni. Fil-premessa (115) hawn fuq huwa ulterjorment spjegat li matul il-perjodu taħt kunsiderazzjoni l-konsum waqa' bi 3 %, u li dan it-tnaqqis kien dovut l-aktar għal tnaqqis fl-investiment fl-industrija taż-żejt u tal-gass, li hija l-aktar industrija tal-utent importanti għall-prodott ikkonċernat, mill-2015 'l hawn. Id-domanda dgħajfa minn dan is-settur fl-aħħar parti tal-perjodu kkunsidrat kienet ikkonfermata minn ESTA fi preżentazzjoni mhux ikkontestata li kienet disponibbli għall-partijiet interessati kollha. Għalhekk, peress li dan il-fattur ikkaġuna tnaqqis fid-domanda, kellu wkoll impatt fuq l-istat tal-industija tal-Unjoni għall-aħħar parti tal-perjodu kkunsidrat. Fl-aħħar nett, iż-żidiet fl-importazzjonijiet mill-Indja u minn pajjiżi terzi oħra ġew indirizzati b'mod estensiv fil-Kapitolu 4.3.3 hawn fuq, u t-Tabella 4 tipprovdi d-dettalji kollha tad-daqs taż-żidiet, tal-iżviluppi fil-prezzijiet u taż-żidiet fis-sehem mis-suq. Filwaqt li l-prezzijiet medji tal-importazzjonijiet Indjani jissuġġerixxu li dawn l-importazzjonijiet iwaqqgħu il-prezzijiet tal-industrija tal-Unjoni, dan ma jistax jiġi konkluż b'ċertezza peress li biex isir paragun validu tal-prezzijiet jenħtieġ li tintuża data aktar preċiża kif ukoll jenħtieġ li jiġu kkunsidrati l-iżviluppi futuri relevanti (ara l-premessi (176)-(180)). Fi kwalunkwe każ, il-Kummissjoni tinnota li l-Artikolu 11(2) tar-Regolament bażiku ma jirrikjedix li ssir analiżi ta' kawżalità separata bħala kundizzjoni biex jiġu estiżi d-doveri fil-każ tal-probabbiltà ta' rikorrenza ta' dumping u l-kontinwazzjoni ta' dannu, kif stabbilit f'dan ir-Regolament. Abbażi ta' dawn l-elementi kollha, wieħed ma jistax jikkonkludi li l-importazzjonijiet mill-Indja jew minn pajjiżi terzi oħra huma l-uniku fattur li kien qed jikkawża d-dannu lill-industrija tal-Unjoni matul il-perjodu ta' investigazzjoni tar-rieżami. L-eżistenza u l-importanza tat-tliet fatturi jirriżultaw minn valutazzjoni tal-informazzjoni li hemm fil-fajl li kienet disponibbli għall-partijiet interessati kollha. Għalhekk, il-pretensjoni li d-divulgazzjoni tar-rabta ta' kawżalità ma kinitx adegwata hija miċħuda.

(164)

Il-Kummissjoni għalhekk ikkonkludiet li l-industrija tal-Unjoni gawdiet mill-miżuri oriġinali, kif urew xi titjib matul il-perjodu taħt kunsiderazzjoni (b'mod partikolari fl-2013 u fl-2014), meta mqabbla mas-sitwazzjoni li nstabet matul il-perjodu oriġinali ta' investigazzjoni (2010). Madankollu, l-industrija tal-Unjoni qed tirkupra b'pass kajman u għadha f'sitwazzjoni fraġli u vulnerabbli, minħabba l-fatturi msemmija iktar 'il fuq. Għaldaqstant, matul il-perjodu ta' investigazzjoni tar-rieżami, l-industrija tal-Unjoni kienet qed issofri minn dannu materjali skont it-tifsira tal-Artikolu 3(5) tar-Regolament bażiku.

(165)

Fil-premessa (164) l-investigazzjoni kkonkludiet li l-industrija tal-Unjoni ġarrbet dannu. Għalhekk, il-Kummissjoni vvalutat jekk ikunx hemm probabbiltà ta' kontinwazzjoni ta' dannu kkawżat mill-importazzjonijiet oġġett ta' dumping miċ-Ċina kieku l-miżuri kontra r-RPĊ kellhom jitħallew jiskadu, b'konformità mal-Artikolu 11(2) tar-Regolament bażiku.

(166)

F'dan ir-rigward il-Kummissjoni analizzat l-elementi li ġejjin: il-kapaċità żejda fir-RPĊ, l-attrattività tas-suq tal-Unjoni, il-livelli probabbli tal-prezzijiet mill-importazzjonijiet Ċiniżi fin-nuqqas ta' miżuri antidumping, u l-impatt tagħhom fuq l-industrija tal-Unjoni.

(167)

Il-Kummissjoni stabbiliet li matul il-perjodu ta' investigazzjoni ta' rieżami, l-importazzjonijiet Ċiniżi fis-suq tal-Unjoni saru bi prezzijiet oġġett ta' dumping u għalhekk waqqgħu b'mod sinifikanti l-produtturi tal-Unjoni. Il-Kummissjoni għaldaqstant ikkonkludiet (fil-premessa (109) hawn fuq) li kien hemm il-probabbiltà ta' kontinwazzjoni tad-dumping jekk il-miżuri fis-seħħ jitħallew jiskadu.

(168)

Il-Kummissjoni kkonfermat fil-premessi (95)-(98) l-eżistenza ta' kapaċitajiet żejda kbira fir-RPĊ, li huma stmati li jammontaw għal iktar minn erba' darbiet il-konsum totali fis-suq tal-Unjoni. F'dan ir-rigward, l-investigazzjoni kkonfermat ukoll (ara l-premessa (102)) li s-suq tal-Unjoni ta' SSSPT huwa, minbarra r-RPĊ, l-akbar suq fid-dinja f'termini ta' livelli ta' konsum.

(169)

Barra minn hekk, l-investigazzjoni żvelat li l-produtturi esportaturi Ċiniżi kienu wkoll l-oġġett ta' dumping meta kienu jesportaw lejn swieq oħra. Dan wassal għall-impożizzjoni ta' miżuri antidumping kontra l-produtturi esportaturi Ċiniżi f'diversi pajjiżi, u għalhekk ġiet ristretta l-firxa ta' swieq disponibbli għall-esportazzjonijiet Ċiniżi.

(170)

Għalhekk, il-Kummissjoni kkonkludiet li mill-inqas parti l-kapaċità żejda kbira disponibbli fir-RPĊ x'aktarx tkun diretta lejn is-suq tal-Unjoni keiku il-miżuri kellhom jitħallew jiskadu.

(171)

Abbażi tal-elementi deskritti fit-Taqsima 5.1, l-investigazzjoni kkonfermat li, fin-nuqqas ta' miżuri antidumping, il-produtturi esportaturi Ċiniżi kien ikollhom inċentiv qawwi biex iżidu b'mod sinifikanti l-volum tal-importazzjonijiet tagħhom fis-suq tal-Unjoni. Il-Kummissjoni kkonkludiet ukoll li kien hemm probabbiltà qawwija ta' kontinwazzjoni tad-dumping jekk il-miżuri jitħallew jiskadu (il-premessi (106)-(109) hawn fuq).

(172)

Sabiex ikollha indikazzjoni tal-livelli tal-prezzijiet tal-importazzjonijiet Ċiniżi fin-nuqqas ta' miżuri, il-Kummissjoni wettqet evalwazzjoni tal-elementi li ġejjin: (i) tqabbil tal-prezz bejn il-prezzijiet ta' importazzjoni Ċiniżi lejn l-Unjoni mingħajr dazju antidumping (jiġifieri importazzjonijiet li saru taħt il-proċedura tal-ipproċessar) u l-prezzijiet tal-industrija tal-Unjoni matul il-perjodu tal-investigazzjoni ta' rieżami; u (ii) l-imġiba fl-ipprezzar tal-produtturi esportaturi Ċiniżi fuq swieq terzi (bla miżuri antidumping fis-seħħ).

(173)

Dan it-tqabbil tal-prezzijiet wera li l-prezzijiet ta' importazzjoni Ċiniżi lejn is-suq tal-Unjoni, mingħajr id-dazju antidumping, kienu bħala medja 44 % inqas mill-prezzijiet tal-industrija tal-Unjoni. Barra minn hekk, analiżi tal-imġiba tal-esportazzjoni tal-produtturi Ċiniżi uriet li l-esportazzjonijiet Ċiniżi lejn swieq terzi oħrajn saru ġeneralment bi prezzijiet kemxejn irħas mill-esportazzjonijiet lejn l-Unjoni. Għalhekk, il-Kummissjoni kkonfermat li l-produtturi esportaturi Ċiniżi segwew tendenza konsistenti ta' esportazzjonijiet bi prezzijiet baxxi ħafna fis-swieq kollha.

(174)

Bħala konsegwenza tal-elementi ta' hawn fuq, huwa probabbli ħafna li l-importazzjonijiet oġġett ta' dumping Ċiniżi jidħlu fis-suq tal-Unjoni f'volumi sinifikanti u bi prezzijiet li jnaqqsu b'mod sinifikanti l-prezzijiet tal-produtturi tal-Unjoni. Dan ikollu impatt negattiv fuq l-industrija tal-Unjoni peress li dawn iż-żidiet sinifikanti fil-volumi tal-importazzjonijiet iwaqqgħu l-prezzijiet tal-bejgħ li l-industrija tal-Unjoni tista' tikseb, inaqqsu il-volum tal-bejgħ tal-industrija tal-Unjoni kif ukoll l-użu tal-kapaċità tagħha, minħabba li l-ispejjeż tal-produzzjoni tagħha jiżdiedu. Iż-żieda mistennija fl-importazzjonijiet oġġett ta' dumping bi prezz baxx b'hekk tikkawża deterjorament ulterjuri u qawwi fir-riżultati finanzjarji tal-industrija tal-Unjoni, b'mod partikolari, fil-profittabilità.

(175)

Produttur esportatur Ċiniż staqsa jekk l-importazzjonijiet Ċiniżi tal-prodott ikkonċernat jidħlux lura fis-suq tal-Unjoni f'volumi kbar, biex b'hekk jaggravaw id-dannu fuq l-industrija tal-Unjoni, filwaqt li wieħed iżomm f'moħħu l-preżenza attwali ta' volumi kbar ta' importazzjonijiet Indjani. F'dan ir-rigward, il-parti argumentat li l-importazzjonijiet Indjani kienu ħadu post l-inportazzjonijiet Ċiniżi u li x'aktarx li l-importazzjonijiet Ċiniżi ma kinux se jirkupraw dawn il-volumi ta' bejgħ peress li l-prezzijiet Indjani kienu b'mod konsistenti iktar baxxi mill-prezzijiet Ċiniżi. Filwaqt li l-prezzijiet Ċiniżi lejn swieq terzi kienu biss kemxejn iktar baxxi mill-prezzijiet Ċiniżi lejn l-Unjoni, il-prezzijiet tal-Unjoni kienu sostanzjalment iktar baxxi mill-prezzijiet Ċiniżi lejn l-Unjoni.

(176)

Jeħtieġ li jitressqu diversi argumenti biex iwieġbu għal dan.

(177)

L-ewwel, skont ir-rekwiżiti tal-Artikolu 11(2) tar-Regolament bażiku, din l-investigazzjoni hija limitata għall-ivvalutar ta' jekk ikunx hemm il-probabbiltà ta' rikorrenza ta' dumping u ta' dannu minn importazzjonijiet Ċiniżi bi prezzijiet dannużi tal-prodott ikkonċernat li kellhom jitneħħew id-dazji fil-kwistjoni. Il-fatt li attwalment jidħlu fis-suq tal-Unjoni ħafna inqas importazzjonijiet Ċiniżi minn qabel l-impożizzjoni tal-miżuri juri li d-dazji rnexxielhom jistabbilixxu mill-ġdid kundizzjonijiet ta' kompetizzjoni mingħajr distorsjoni bejn l-esportaturi Ċiniżi tal-prodott ikkonċernat u l-industrija tal-Unjoni. Li l-importazzjonijiet Indjani jwaqqgħu il-prezzijiet ta' dawk miċ-Ċina ma jippreġudikax l-obbligi tal-Kummissjoni li tibqa' fil-qafas ta' din l-investigazzjoni. Tabilħaqq, kif turi l-każistika tal-Qorti Ġenerali, huwa ovvju mill-Artikolu 11(2) tar-Regolament bażiku li l-Kummissjoni teħtieġ biss li tikkonferma d-dikjarazzjoni li hemm il-probabbiltà ta' rikorrenza jew tkomplija tad-dannu kkawżat minn importazzjonijiet Ċiniżi oġġett ta' dumping, jekk il-miżuri jitħallew jiskadu (11). Kif stipulat fil-premessa (183), abbażi tal-valutazzjoni li għamlet f'dan ir-Regolament, ġie ppruvat li dik il-probabbiltà teżisti.

(178)

It-tieni, wieħed għandu jiftakar li, kif imfakkar fil-premessa (121) hawn fuq, l-użu tal-prezzijiet medji fir-rigward tal-prodott ikkonċernat irid isir b'attenzjoni peress li hemm firxa wiesgħa ta' prezzijiet għal kull tunnellata u li kull fejn possibbli l-paragun fil-prezzijiet jeħtieġ li jsir fuq il-bażi ta' tip b'tip. Madankollu, sabiex tistabbilixxi l-probabbiltà ta' tkomplija ta' dannu, il-Kummissjoni ma qabblitx il-prezzijiet u l-volumi tal-bejgħ Ċiniżi mal-prezzijiet u l-volumi tal-bejgħ Indjani iżda pjuttost qabblithom mal-prezzijiet u l-volumi tal-bejgħ tal-industrija tal-Unjoni. Tabilħaqq, il-Kummissjoni ma targumentax li l-importazzjonijiet Ċiniżi jieħdu post l-importazzjonijiet mill-Indja. Tali żvilupp fih innifsu ma jkunx jiggrava d-dannu lill-industrija tal-Unjoni. Madankollu, minħabba l-marġini kbir ta' twaqqigħ ta' prezzijiet fir-rigward tal-importazzjonijiet Ċiniżi (ara l-premessa (173) hawn fuq) u l-kapaċitajiet żejda kbar disponibbli huwa kkunsidrat li l-importazzjonijiet Ċiniżi jiżdiedu b'mod sostanzjali u, bħala riżultat, ikomplu jikkawżaw aktar dannu lill-industrija tal-Unjoni jekk il-miżuri jitħassru. Dawn l-importazzjonijiet għalhekk ikollhom effett devastanti fuq il-volumi tal-bejgħ u fuq il-profittabilità tal-industrija tal-Unjoni.

(179)

It-tielet, fir-rigward tal-paragun bejn il-prezzijiet ta' importazzjoni Ċiniżi u l-prezzijiet ta' importazzjoni Indjani, analiżi tad-data tal-produtturi esportaturi Ċiniżi fil-kampjun tindika b'mod ċar li l-importazzjonijiet matul il-perjodu kkunsidrat kienu jikkonsistu fi prodotti speċjalizzati (bħal tubi ta' preċiżjoni) jew jirrelataw ma' importazzjonijiet taħt l-arranġamenti ta' proċessar attiv. Żgur li, jekk il-miżuri jitħassru ssir possibbli firxa ta' importazzjonijiet ħafna aktar wiesgħa u jiżdiedu l-importazzjonijiet fit-tipi ta' prodotti aktar standard (dawk bl-ogħla volum għall-industrija tal-Unjoni). Il-volumi ta' importazzjoni Ċiniżi x'aktarx li jiżdiedu sew jekk teżisti l-kompetizzjoni Indjana sew jekk le.

(180)

L-istess produttur esportatur Ċiniż għamel użu wkoll minn data dwar il-prezzijiet medji tal-importazzjonijiet Indjani lejn l-Unjoni biex jispjega għaliex il-prezzijiet tal-esportazzjoni Ċiniżi lejn pajjiżi terzi ma setgħux isostnu l-kostatazzjoni tal-probabbiltà ta' tkomplija ta' dannu. Għal darb'oħra l-użu tal-prezzijiet medji jfisser li din l-analiżi ma setgħetx tiġi aċċettata mill-Kummissjoni. L-użu li għamlet il-Kummissjoni mid-data ta' esportazzjoni Ċiniża lejn pajjiżi terzi kien ibbażat fuq paragun sinifikanti abbażi tat-tip ta' prodott.

(181)

L-esportatur Ċiniż għamel referenzi għall-każ ta' ċirkomvenzjoni Indjana msemmija fil-premessa (7). Madankollu, għal darb'oħra din-id-dikjarazzjoni ma tistax tiġi aċċettata peress li konklużjonijiet preċiżi fil-paragun tal-prezzijiet jistgħu jsiru biss meta jsiru fuq bażi ta' tip b'tip. Referenzi għal prezzijiet medji ta' importazzjoni anki jekk dawn ikunu baxxi mhumiex sinifikanti fil-kuntest tal-investigazzjoni attwali tar-rieżami ta' skadenza.

(182)

Għar-raġunijiet kollha ta' hawn fuq, il-Kummissjoni għalhekk tiċħad id-dikjarazzjoni li ma tagħtix biżżejjed spjega tal-kontinwazzjoni ta' dannu.

(183)

Fid-dawl ta' dan ta' hawn fuq, il-Kummissjoni kkonkludiet li t-tħassir tal-miżuri, bil-probabbiltà kollha jirriżulta f'żieda sinifikanti ta' importazzjonijiet oġġett ta' dumping Ċiniżi bi prezzijiet li jwaqqgħu l-prezzijiet tal-industrija tal-Unjoni, u b'hekk ikompli jaggrava d-dannu mġarrab mill-industrija tal-Unjoni. Bħala konsegwenza, il-vijabilità tal-industrija tal-Unjoni tkun f'riskju serju.

(184)

Skont l-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri antidumping eżistenti kontra ċ-Ċina tmurx kontra l-interessi tal-Unjoni b'mod ġenerali. Id-determinazzjoni tal-interess tal-Unjoni kienet ibbażata fuq l-apprezzament tal-bosta interessi involuti, inklużi dawk tal-industrija tal-Unjoni, tal-importaturi, il-bejjiegħa bl-ingrossa u tal-utenti. Għaldaqstant tippermetti sabiex issir il-valutazzjoni ta' kwalunkwe impatt negattiv żejjed fuq il-partijiet ikkonċernati mill-miżuri antidumping attwali.

(185)

Il-partijiet interessati kollha ngħataw l-opportunità li jesprimu l-opinjonijiet tagħhom skont l-Artikolu 21(2) tar-Regolament bażiku.

(186)

Abbażi ta' dan ġie analizzat jekk kienx hemm raġunijiet inevitabbli li jwasslu għall-konklużjoni li ma kienx fl-interess tal-Unjoni li jinżammu l-miżuri eżistenti.

(187)

Minkejja li l-miżuri antidumping fis-seħħ evitaw importazzjonijiet li huma l-oġġett ta' dumping milli jidħlu fis-suq tal-Unjoni, l-industrija tal-Unjoni għadha f'qagħda fraġli, kif ikkonfermat minn xejra negattiva ta' ċerti indikaturi ta' dannu essenzjali.

(188)

Jekk il-miżuri jitħallew jiskadu, huwa probabbli li l-influss probabbli ta' volumi sostanzjali ta' importazzjonijiet li huma l-oġġett ta' dumping mill-pajjiżi kkonċernati kien jikkawża dannu għal rikorrenza. Dan l-influss jikkawża, fost l-oħrajn, telf fis-sehem mis-suq, tnaqqis fil-prezz tal-bejgħ, tnaqqis fl-użu tal-kapaċità u b'mod ġenerali deterjorament serju tas-sitwazzjoni finanzjarja tal-industrija tal-Unjoni.

(189)

Għalhekk il-Kummissjoni kkonkludiet li ż-żamma tal-miżuri antidumping kontra ċ-Ċina tkun fl-interess tal-industrija tal-Unjoni.

(190)

Fl-investigazzjoni oriġinali nstab li l-impatt tal-impożizzjoni tal-miżuri x'aktarx ma kien ikollu l-ebda effett negattiv serju fuq is-sitwazzjoni tal-importaturi u l-utenti fl-Unjoni. Sitt importaturi (li erbgħa minnhom kienu wkoll utenti tal-prodott ikkonċernat) ikkooperaw f'din l-investigazzjoni billi ssottomettew it-tweġibiet tal-kwestjonarju u waħda biss minnhom irreġistrat li kienet kontra l-miżuri.

(191)

L-investigazzjoni wriet li l-maġġoranza tal-importazzjonijiet saru taħt arranġamenti ta' proċessar attiv (fejn l-ebda dazju antidumping ma kien pagabbli). Barra minn hekk, dawn l-importaturi spiss kellhom partijiet kbar min-negozju li ma kienu b'ebda mod jinvolvu l-prodott ikkonċernat. Aktar minn hekk, dawn l-importaturi spjegaw li huma kellhom ħafna sorsi oħrajn ta' forniment għall-prodott ikkonċernat. Barra minn hekk, eżaminazzjoni tal-ispejjeż tal-utenti wriet li l-prodott ikkonċernat kien jirrappreżenta inqas minn 10 % (bħala medja) tal-ispiża totali ta' produzzjoni tal-prodotti lesti.

(192)

Mill-premessa ta' hawn fuq, kien ikkonfermat li l-importaturi u l-utenti ma kinux ġew sostanzjalment effettwati mill-miżuri u għalhekk il-Kummissjoni kkonkludiet li l-kontinwazzjoni tal-miżuri ma tkun taffettwa negattivament l-importaturi u l-utenti tal-Unjoni sa ebda punt sinifikanti.

(193)

Parti interessata kienet qalbet parti kbira mis-sorsi ta' importazzjonijiet tagħha minn produtturi esportaturi Ċiniżi għal Indjani u argumentat li l-industrija tal-Unjoni ma bbenefikatx mill-miżuri. Madankollu, kif ġie spjegat fit-Taqsima 4.5, meta wieħed iħares lejn is-sitwazzjoni tal-industrija tal-Unjoni kollha kemm hi kienet uriet il-kapaċità tagħha li tibbenefika mill-miżuri fin-nuqqas ta' volumi kbar ta' importazzjonijiet mir-RPĊ.

(194)

Abbażi ta' dak li ntqal hawn fuq, il-Kummissjoni kkonkludiet li ma kienx hemm raġunijiet konvinċenti f'termini tal-interess tal-Unjoni kontra ż-żamma tal-miżuri antidumping definittivi fuq importazzjonjiet tal-prodott ikkonċernat li joriġinaw fir-RPĊ.

(195)

Fid-dawl tal-konklużjonijiet milħuqa fir-rigward tal-probabbiltà ta' kontinwazzjoni ta' dumping u ta' dannu, isegwi li, b'konformità mal-Artikolu 11(2) tar-Regolament bażiku, il-miżuri antidumping applikabbli għall-importazzjonijiet ta' pajpijiet u tubi mingħajr saldaturi tal-azzar li ma jissaddadx li joriġinaw mir-RPĊ, imposti bir-Regolament ta' Implimentazzjoni (UE) Nru 1331/2011, għandhom jinżammu.

(196)

Fid-dawl tal-każistika reċenti tal-Qorti tal-Ġustizzja (12), huwa xieraq li tiġi prevista r-rata tal-imgħax ta' inadempjenza li jrid jitħallas f'każ ta' rimborż ta' dazji definittivi, minħabba li d-dispożizzjonijiet rilevanti fis-seħħ rigward id-dazji doganali ma jipprevedux tali rata ta' mgħax, u l-applikazzjoni tar-regoli nazzjonali jwasslu għal distorsjonijiet mhux dovuti bejn l-operaturi ekonomiċi skont liema Stat Membru jintgħażel għall-iżdoganar tal-merkanzija.

(197)

Il-miżuri previsti f'dan ir-Regolament huwa f'konformità mal-opinjoni tal-Kumitat stabbilit mill-Artikolu 15(1) tar-Regolament (UE) 2016/1036,