(a)

f’konformità mal-Kunċett ta’ Reazzjoni Militari Rapida tal-UE, ilestu l-Bażi tad-Data ta’ Reazzjoni Rapida biex jippermettulha tkun għodda utli għall-ippjanar militari biex tikkontribwixxi biex jintlaħaq il-livell ta’ ambizzjoni tal-UE. Meta jikkontribwixxu għall-Bażi tad-Data ta’ Reazzjoni Rapida, u mingħajr preġudizzju għal kwalunkwe rekwiżit kostituzzjonali nazzjonali fir-rigward ta’ deċiżjonijiet dwar skjerament, l-Istati Membri parteċipanti ser jindikaw il-kontribut potenzjali tagħhom ta’ formazzjonijiet skjerabbli b’mod rapidu, ta’ kapaċitajiet u ta’ infrastruttura rilevanti ta’ appoġġ, li jkunu jistgħu jiġu skjerati jew utilizzati b’mod rapidu f’missjoni jew operazzjoni militari taħt il-politika ta’ sigurtà u ta’ difiża komuni (PSDK) b’appoġġ għal-livell ta’ ambizzjoni tal-UE. Għal dan il-għan, kull Stat Membru parteċipanti jenħtieġ li jaġġorna l-bażi tad-data matul il-Konferenza annwali ta’ Koordinazzjoni tar-Reazzjoni Rapida Militari b’lista tal-formazzjonijiet u kapaċitajiet disponibbli militari tiegħu. Dak il-proċess stabbilit jinkludi t-tlestija ta’ bażijiet tad-data tal-art, marittimi u tal-ajru u jinkludi indikazzjoni tal-livell ta’ tħejjija għall-kapaċitajiet u forzi, fejn applikabbli. Mingħajr preġudizzju għar-rekwiżiti ta’ klassifikazzjoni, jenħtieġ li din il-parti tal-Bażi ta’ Data tar-Reazzjoni Rapida tkun aċċessibbli għall-Istati Membri parteċipanti sabiex tappoġġa l-kapaċità li ssir valutazzjoni inizjali rigward il-possibbiltà li tiġi varata missjoni jew operazzjoni militari tal-PSDK. Jenħtieġ li l-Istati Membri parteċipanti jirriflettu l-kontributi tagħhom għal din il-bażi tad-data fl-NIPs tagħhom.

(b)

ikunu vvalutaw il-fattibilità ta’ impenn politiku aċċellerat fil-livell nazzjonali, filwaqt li jirrispettaw ir-rekwiżiti kostituzzjonali tagħhom, inkluż permezz ta’ rieżami possibbli, jekk dan ma jkunx diġà sar, tal-proċedura nazzjonali tat-teħid tad-deċiżjonijiet nazzjonali tagħhom bil-ħsieb li jsir titjib. Jekk applikabbli, jenħtieġ li l-eżerċizzju ta’ proċeduri ta’ teħid ta’ deċiżjonijiet f’xenarji ta’ reazzjoni rapida permezz ta’ eżerċizzji tat-tip POLEX, u l-konklużjonijiet rilevanti, jiġu riflessi wkoll fl-NIPs.

(c)

ikunu pprovdew appoġġ sostanzjali skont il-mezzi u l-kapaċitajiet tagħhom lil operazzjonijiet u missjonijiet militari tal-PSDK bil-għan li jimlew kompletament id-dikjarazzjonijiet ta’ rekwiżiti (SORs, statements of requirement) u b’hekk jipprovdu sehem ġust għall-ġenerazzjoni tal-forza rispettiva, u jirrappurtaw dan fl-NIPs tagħhom.

(d)

jikkonfermaw il-kontributi sostanzjali u rikorrenti tagħhom lill-Gruppi Tattiċi tal-UE (EU BGs, EU Battlegroups) fil-prinċipju tal-inqas erba’ snin minn qabel u jħejju u jħarrġu l-forzi u l-kapaċitajiet kontribwenti tagħhom f’konformità mal-Kunċett tal-EU BG u l-Gwida ta’ Tħejjija tal-EU BG. Għal dan il-għan, jenħtieġ li kull Stat Membru parteċipanti jirrifletti l-aġġornamenti ta’ darbtejn f’sena lir-Roster tal-EU BG fl-NIPs tagħhom.

(e)

ikunu taw kontribut tanġibbli lejn l-implimentazzjoni tal-Pjan ta’ Azzjoni tal-UE dwar il-mobbiltà militari u l-proġetti PESCO f’dak il-qasam, soġġett għas-sovranità, it-teħid tad-deċiżjonijiet, il-liġijiet u r-regolamenti nazzjonali, inkluż billi jmexxu ‘l quddiem l-erba’ miżuri fil-livell nazzjonali kif maqbul fil-konklużjonijiet tal-Kunsill dwar is-sigurtà u d-difiża tal-25 ta’ Ġunju 2018, partikolarment fil-paragrafu 18 ta’ dawk il-konklużjonijiet, kemm jista’ jkun malajr iżda mhux aktar tard mill-2024. Għandhom jimmiraw ukoll li jwettqu l-ewwel miżuri msemmija sa tmiem l-2019, inkluż l-iżvilupp ta’ pjan nazzjonali għall-implimentazzjoni tal-mobbiltà militari. Jenħtieġ li dawk il-kontributi nazzjonali jiġu deskritti fid-dettall fl-NIPs.

(a)

jużaw il-Gwida ta’ Tħejjija tal-EU BG, inkluż il-kriterji komuni ta’ evalwazzjoni u validazzjoni tal-pakkett ta’ forza tal-EU BG li huma allinjati mal-istandards tan-NATO, filwaqt li tinżamm iċ-ċertifikazzjoni nazzjonali. Fl-NIPs tagħhom, l-Istati Membri parteċipanti għandhom jiddikjaraw kif iħarrġu u jiċċertifikaw il-forzi tagħhom billi, pereżempju, jiżviluppaw programm ta’ eżerċizzju tal-EU BG għall-fażi ta’ tħejjija u billi jiġi eżegwit eżerċizzju attiv (LIVEX, live exercise) finali bħala parti mill-pakkett ta’ ċertifikazzjoni tal-BG;

(b)

jispeċifikaw fl-NIPs tagħhom kif biħsiebhom jaqblu dwar standards tekniċi u operazzjonali komuni li għandhom jiġu utilizzati mill-forzi tal-Istati Membri parteċipanti kollha, filwaqt li jirrikonoxxu l-ħtieġa li jiġu żgurati l-interoperabbiltà u l-koerenza bejn l-UE u n-NATO u jiġi żgurat li l-prerekwiżiti adatti għall-interoperabbiltà massima jeħtieġ li jkunu fis-seħħ biex jippermettu lill-Istati Membri parteċipanti kollha jwettqu l-impenji tagħhom;

(c)

jindikaw fl-NIPs tagħhom il-parteċipazzjoni attwali u l-intenzjoni li jżidu, fejn possibbli, il-parteċipazzjoni u l-kontribut tagħhom lill-istrutturi multinazzjonali Ewropej rilevanti, b’mod partikolari dawk disponibbli għall-Unjoni.

(a)

L-NIPs jenħtieġ li jispeċifikaw kif politika industrijali adatta, jekk tkun fis-seħħ, tiggwida l-iżvilupp ta’ proġetti kollaborattivi ta’ żvilupp tal-kapaċitajiet biex tiġi evitata sovrapożizzjoni bla bżonn, b’indikazzjonijiet dwar l-oqsma industrijali msaħħa u dawk l-oqsma li fihom ġew evitati s-sovrapożizzjonijiet.

(b)

L-Istati Membri parteċipanti se jirrappurtaw dwar il-programmi kooperattivi li jibbenefikaw mill-kofinanzjament tal-UE taħt l-EDIDP f’konformità mal-impenn 8.

(a)

Sal-2020, jenħtieġ li l-Istati Membri parteċipanti juru li l-programmi ta’ kooperazzjoni tagħhom huma ta’ benefiċċju għal entitajiet li jipprovdu valur miżjud fuq it-territorju tal-UE (e.ż. aspetti relatati ma’ riżultati ġenerati u d-drittijiet ta’ proprjetà intellettwali, it-titjib teknoloġiku, il-ħolqien ta’ opportunitajiet tas-suq). L-NIPs jenħtieġ li jipprovdu indikazzjonijiet kif adatt dwar l-entitajiet rilevanti li jibbenefikaw minn programmi kooperattivi u l-impatt relatat fuq l-EDTIB.

(b)

L-Istati Membri parteċipanti ser juru li l-istrateġiji ta’ akkwist li jkunu implimentaw mill-2018 sal-2020 ikollhom impatt pożittiv fuq l-EDTIB. Dan jista’ jiġi indikat billi jiġi elenkat il-volum assolut tal-investiment fid-difiża u s-sehem relattiv li huwa allokat għal soluzzjonijiet kemm żviluppati kif ukoll prodotti fl-Unjoni. B’mod partikolari l-NIPs jenħtieġ li jipprovdu informazzjoni dwar oqsma ta’ kapaċitajiet u teknoloġija kif maqbul fis-CDP u l-istrateġija ta’ akkwist fir-rigward tal-proġetti ta’ kapaċità li jkollhom dimensjoni industrijali.