EUR-Lex Access to European Union law
This document is an excerpt from the EUR-Lex website
Document 32018D1958
Council Implementing Decision (EU) 2018/1958 of 6 December 2018 on the appointment of the Chair of the ECB Supervisory Board
Deċiżjoni ta' Implimentazzjoni tal-Kunsill (UE) 2018/1958 tas-6 ta' Diċembru 2018 dwar il-ħatra tal-President tal-Bord Superviżorju tal-BĊE
Deċiżjoni ta' Implimentazzjoni tal-Kunsill (UE) 2018/1958 tas-6 ta' Diċembru 2018 dwar il-ħatra tal-President tal-Bord Superviżorju tal-BĊE
ST/14218/2018/REV/1
ĠU L 315, 12.12.2018, p. 25–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2023
12.12.2018 |
MT |
Il-Ġurnal Uffiċjali tal-Unjoni Ewropea |
L 315/25 |
DEĊIŻJONI TA' IMPLIMENTAZZJONI TAL-KUNSILL (UE) 2018/1958
tas-6 ta' Diċembru 2018
dwar il-ħatra tal-President tal-Bord Superviżorju tal-BĊE
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (1), u b'mod partikolari l-Artikolu 26(3) tiegħu,
Billi:
(1) |
Fil-15 ta' Ottubru 2013 il-Kunsill adotta r-Regolament (UE) Nru 1024/2013, li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu. |
(2) |
L-ippjanar u l-eżekuzzjoni tal-kompiti kkonferiti lill-BĊE jenħtieġ li jitwettqu b'mod sħiħ mill-Bord Superviżorju, li hu magħmul mill-President, il-Viċi President u erba' rappreżentanti tal-BĊE kif ukoll rappreżentant wieħed tal-awtorità kompetenti nazzjonali f'kull Stat Membru parteċipanti. |
(3) |
Il-Bord Superviżorju huwa korp essenzjali fit-twettiq ta' kompiti superviżorji mill-BĊE. Ir-Regolament (UE) Nru 1024/2013 għalhekk ikkonferixxa lill-Kunsill is-setgħa li jaħtar lill-President u lill-Viċi President tal-Bord Superviżorju. |
(4) |
Fis-16 ta' Diċembru 2013 il-Kunsill ħatar l-ewwel President tal-Bord Superviżorju permezz tad-Deċiżjoni ta' Implimentazzjoni tal-Kunsill 2013/797/UE (2). Skont l-Artikolu 26(3) tar-Regolament (UE) Nru 1024/2013, il-mandat tal-President tal-Bord Superviżorju huwa ta' ħames snin u ma jistax jiġġedded. |
(5) |
Skont l-Artikolu 26(3) tar-Regolament (UE) Nru 1024/2013, fis-7 ta' Novembru 2018 il-BĊE, abbażi ta' proċedura tal-għażla miftuħa minn fost individwi ta' reputazzjoni rikonoxxuta u ta' esperjenza fi kwistjonijiet bankarji u finanzjarji u wara s-smigħ tal-Bord Superviżorju, ippreżenta proposta għall-ħatra tas-Sur Andrea ENRIA bħala l-President tal-Bord Superviżorju. Il-Parlament Ewropew approva dik il-proposta fid-29 ta' Novembru 2018, |
ADOTTA DIN ID-DEĊIŻJONI:
Artikolu 1
Is-Sur Andrea ENRIA huwa maħtur bħala President tal-Bord Superviżorju tal-Bank Ċentrali Ewropew għal perijodu ta' ħames snin mill-1 ta' Jannar 2019.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Din id-Deċiżjoni għandha tapplika mill-1 ta' Jannar 2019.
Magħmul fi Brussell, is-6 ta' Diċembru 2018.
Għall-Kunsill
Il-President
H. KICKL
(1) ĠU L 287, 29.10.2013, p. 63.
(2) Id-Deċiżjoni ta' Implimentazzjoni tal-Kunsill 2013/797/UE tas-16 ta' Diċembru 2013 li timplimenta r-Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (ĠU L 352, 24.12.2013, p. 50).