This document is an excerpt from the EUR-Lex website
Document 32018D1197
Council Decision (EU) 2018/1197 of 26 June 2018 on the signing, on behalf of the European Union, and provisional application of the Strategic Partnership Agreement between the European Union and its Member States, of the one part, and Japan, of the other part
Deċiżjoni tal-Kunsill (UE) 2018/1197 tas-26 ta' Ġunju 2018 dwar l-iffirmar, f'isem l-Unjoni Ewropea, u l-applikazzjoni proviżorja tal-Ftehim ta' Sħubija Strateġika bejn l-Unjoni Ewropea u l-Istati Membri tagħha, minn naħa, u l-Ġappun, min-naħa l-oħra
Deċiżjoni tal-Kunsill (UE) 2018/1197 tas-26 ta' Ġunju 2018 dwar l-iffirmar, f'isem l-Unjoni Ewropea, u l-applikazzjoni proviżorja tal-Ftehim ta' Sħubija Strateġika bejn l-Unjoni Ewropea u l-Istati Membri tagħha, minn naħa, u l-Ġappun, min-naħa l-oħra
ST/8461/2018/INIT
ĠU L 216, 24.8.2018, p. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2018/1197/oj
|
24.8.2018 |
MT |
Il-Ġurnal Uffiċjali tal-Unjoni Ewropea |
L 216/1 |
DEĊIŻJONI TAL-KUNSILL (UE) 2018/1197
tas-26 ta' Ġunju 2018
dwar l-iffirmar, f'isem l-Unjoni Ewropea, u l-applikazzjoni proviżorja tal-Ftehim ta' Sħubija Strateġika bejn l-Unjoni Ewropea u l-Istati Membri tagħha, minn naħa, u l-Ġappun, min-naħa l-oħra
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 37 tiegħu,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 212(1), flimkien mal-Artikolu 218(5) u t-tieni subparagrafu tal-Artikolu 218(8) tiegħu,
Wara li kkunsidra l-proposta mill-Kummissjoni Ewropea u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
|
(1) |
Fid-29 ta' Novembru 2012, il-Kunsill awtorizza lill-Kummissjoni u lir-Rappreżentant Għoli tal-Unjoni għall-Affarijiet Barranin u l-Politika ta' Sigurtà biex jiftħu negozjati mal-Ġappun dwar ftehim qafas bejn l-Unjoni Ewropea u l-Ġappun. |
|
(2) |
In-negozjati dwar il-Ftehim ta' Sħubija Strateġika bejn l-Unjoni Ewropea u l-Istati Membri tagħha, minn naħa, u l-Ġappun, min-naħa l-oħra (il-“Ftehim”) ġew konklużi b'mod pożittiv f'April 2018. |
|
(3) |
L-objettiv tal-Ftehim huwa li jsaħħaħ il-kooperazzjoni u d-djalogu f'firxa wiesgħa ta' kwistjonijiet bilaterali, reġjonali u multilaterali. |
|
(4) |
Jenħtieġ li l-Ftehim jiġi ffirmat, soġġett għall-konklużjoni tiegħu f'data aktar tard. |
|
(5) |
Fid-dawl tal-importanza li l-Ftehim jiġi implimentat malajr kemm jista' jkun wara l-firma tiegħu, partijiet mill-Ftehim jenħtieġ li jiġu applikati fuq bażi proviżorja, sakemm jiġu konklużi l-proċeduri neċessarji għad-dħul fis-seħħ tiegħu. |
|
(6) |
Dikjarazzjoni li ser issir mill-Unjoni Ewropea mal-iffirmar tal-Ftehim ser tiċċara li l-Artikolu 47(3) tal-Ftehim għandu jiġi interpretat b'mod li jkun konsistenti mal-Artikolu 25 “Applikazzjoni proviżorja” tal-Konvenzjoni ta' Vjenna dwar il-Liġi tat-Trattati u jenħtieġ li din tiġi approvata, |
ADOTTA DIN ID-DEĊIŻJONI:
Artikolu 1
1. L-iffirmar f'isem l-Unjoni tal-Ftehim ta' Sħubija Strateġika bejn l-Unjoni Ewropea u l-Istati Membri tagħha, minn naħa, u l-Ġappun, min-naħa l-oħra, huwa b'dan awtorizzat, soġġett għall-konklużjoni tal-imsemmi Ftehim.
2. It-test tal-Ftehim huwa mehmuż ma' din id-Deċiżjoni.
Artikolu 2
Id-dikjarazzjoni mill-Unjoni Ewropea dwar l-Artikolu 47(3) tal-Ftehim annessa ma' din id-Deċiżjoni hija b'dan approvata f'isem l-Unjoni.
Artikolu 3
Il-President tal-Kunsill huwa b'dan awtorizzat jinnomina l-persuna jew persuni li jkollhom is-setgħa li jiffirmaw il-Ftehim f'isem l-Unjoni.
Artikolu 4
Sakemm jitlestew il-proċeduri neċessarji għad-dħul fis-seħħ tiegħu, skont l-Artikolu 47 tal-Ftehim u soġġett għan-notifiki previsti fih, il-partijiet li ġejjin tal-Ftehim għandhom jiġu applikati b'mod proviżorju bejn l-Unjoni u l-Ġappun (1):
|
(a) |
l-Artikoli 11, 12, 14, 16, 18, 20, 25, 28, 40 u 41; |
|
(b) |
l-Artikoli 13, 15 (bl-eċċezzjoni tal-punt (b) tal-paragrafu 2), 17, 21, 22, 23, 24, 26, 27, 29, 30, 31 u 37, l-Artikolu 38(1) u l-Artikolu 39 sa fejn dawn ikopru kwistjonijiet li għalihom l-Unjoni diġà eżerċitat il-kompetenza tagħha internament; |
|
(c) |
l-Artikoli 1, 2, 3, 4, 5(1) sa fejn dawn ikopru kwistjonijiet li jaqgħu taħt il-kompetenza tal-Unjoni fir-rigward tad-definizzjoni u l-implimentazzjoni ta' politika estera u ta' sigurtà komuni; |
|
(d) |
l-Artikoli 42 (bl-eċċezzjoni tal-punt (c) tal-paragrafu 2), l-Artikoli 43 sa 47, l-Artikolu 48(3) u l-Artikoli 49, 50 u 51 sa fejn dawn id-dispożizzjonijiet huma limitati għall-fini li jiżguraw l-applikazzjoni proviżorja tal-Ftehim. |
Artikolu 5
Din id-Deċiżjoni għandha tidħol fis-seħħ fil-jum wara dak tal-adozzjoni tagħha.
Magħmul fil-Lussemburgu, is-26 ta' Ġunju 2018.
Għall-Kunsill
Il-President
E. ZAHARIEVA
(1) Id-data minn meta l-partijiet tal-Ftehim imsemmija f'dan l-Artikolu ser jiġu applikati b'mod proviżorju ser tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.
ANNESS
DIKJARAZZJONI MILL-UNJONI EWROPEA DWAR L-ARTIKOLU 47(3) TAL-FTEHIM
L-Unjoni Ewropea tiddikjara li l-Artikolu 47(3) tal-Ftehim għandu jiġi interpretat b'mod li jkun konsistenti mal-Artikolu 25 tal-Konvenzjoni ta' Vjenna dwar il-Liġi tat-Trattati.