This document is an excerpt from the EUR-Lex website
Document 32018D0419
Commission Implementing Decision (EU) 2018/419 of 16 March 2018 concerning certain protective measures relating to African swine fever in Romania (notified under document C(2018) 1707) (Text with EEA relevance. )
Deċiżjoni ta' Implimentazzjoni tal-Kummissjoni (UE) 2018/419 tas-16 ta' Marzu 2018 li tikkonċerna ċerti miżuri ta' protezzjoni marbuta mad-deni Afrikan tal-ħnieżer fir-Rumanija (notifikata bid-dokument C(2018) 1707) (Test b'rilevanza għaż-ŻEE. )
Deċiżjoni ta' Implimentazzjoni tal-Kummissjoni (UE) 2018/419 tas-16 ta' Marzu 2018 li tikkonċerna ċerti miżuri ta' protezzjoni marbuta mad-deni Afrikan tal-ħnieżer fir-Rumanija (notifikata bid-dokument C(2018) 1707) (Test b'rilevanza għaż-ŻEE. )
C/2018/1707
ĠU L 75, 19.3.2018, p. 38–40
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/06/2018
|
19.3.2018 |
MT |
Il-Ġurnal Uffiċjali tal-Unjoni Ewropea |
L 75/38 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/419
tas-16 ta' Marzu 2018
li tikkonċerna ċerti miżuri ta' protezzjoni marbuta mad-deni Afrikan tal-ħnieżer fir-Rumanija
(notifikata bid-dokument C(2018) 1707)
(It-test bir-Rumen biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u zootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,
Billi:
|
(1) |
Id-deni Afrikan tal-ħnieżer huwa marda virali infettiva li taffettwa l-popolazzjonijiet tal-ħnieżer domestiċi u selvaġġi u jista' jkollha impatt serju fuq il-profitti tan-negozji tat-trobbija tal-ħnieżer li jisfratta l-kummerċ fl-Unjoni u l-esportazzjonijiet lejn pajjiżi terzi. |
|
(2) |
F'każ ta' tifqigħa tad-deni Afrikan tal-ħnieżer, hemm ir-riskju li l-aġent tal-marda jista' jinxtered ma' rziezet oħra tal-ħnieżer u mal-ħnieżer selvaġġi. B'hekk, jista' jinxtered minn Stat Membru għall-ieħor u għall-pajjiżi terzi permezz tal-kummerċ tal-ħnieżer ħajjin jew tal-prodotti tagħhom. |
|
(3) |
Id-Direttiva tal-Kunsill 2002/60/KE (3) tistabbilixxi l-miżuri minimi li jridu jiġu applikati fl-Unjoni għall-kontroll tad-deni Afrikan tal-ħnieżer. L-Artikolu 9 tad-Direttiva 2002/60/KE jipprevedi t-twaqqif ta' żoni ta' protezzjoni u ta' sorveljanza fil-każ ta' tifqigħat ta' dik il-marda, fejn għandhom japplikaw il-miżuri stipulati fl-Artikoli 10 u 11 ta' dik id-Direttiva. |
|
(4) |
Id-Deċiżjoni ta' Implimentazzjoni tal-Kummissjoniu (UE) 2018/86 (4) ġiet adottata wara l-istabbiliment taż-żoni ta' protezzjoni u ta' sorveljanza fir-Rumanija, skont l-Artikolu 9 tad-Direttiva 2002/60/KE, wara tifqigħat tad-deni Afrikan tal-ħnieżer f'dak l-Istat Membru. |
|
(5) |
Mid-data tal-adozzjoni tad-Deċiżjoni ta' Implimentazzjoni (UE) 2018/86, ir-Rumanija nnotifikat lill-Kummissjoni dwar tifqigħa ġdida tad-deni Afrikan tal-ħnieżer f'farm għall-użu personali. Wara l-aktar tifqigħa riċenti, ir-Rumanija ħadet ukoll il-miżuri neċessarji meħtieġa skont id-Direttiva 2002/60/KE, inkluż l-istabbiliment ta' żoni ta' protezzjoni u ta' sorveljanza ġodda skont l-Artikolu 9 tad-Direttiva 2002/60/KE. |
|
(6) |
Sabiex jiġi evitat kull xkiel bla bżonn għall-kummerċ fl-Unjoni u biex jiġu evitati ostakoli mhux ġustifikati għall-kummerċ minn pajjiżi terzi, jeħtieġ li jiġu deskritti fil-livell tal-Unjoni ż-żoni stabbiliti issa bħala żoni ta' protezzjoni u ta' sorveljanza għad-deni Afrikan tal-ħnieżer fir-Rumanija, f'kollaborazzjoni ma' dak l-Istat Membru. |
|
(7) |
Għaldaqstant, iż-żoni issa identifikati bħala żoni ta' protezzjoni u ta' sorveljanza fir-Rumanija jenħtieġ li jiġu stabbiliti fl-Anness ta' din id-Deċiżjoni u jenħtieġ li jiġi stabbilit it-tul ta' żmien ta' dik ir-regjonalizzazzjoni. |
|
(8) |
Barra minn hekk, jenħtieġ li d-Deċiżjoni ta' Implimentazzjoni (UE) 2018/86 titħassar u li tiġi sostitwita b'din id-Deċiżjoni biex titqies is-sitwazzjoni aġġornata tal-marda fir-Rumanija. |
|
(9) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Ir-Rumanija għandha tiżgura li ż-żoni ta' protezzjoni u ta' sorveljanza stabbiliti f'konformità mal-Artikolu 9 tad-Direttiva 2002/60/KE jinkludu mill-inqas iż-żoni elenkati bħala ż-żoni ta' protezzjoni u ta' sorveljanza fl-Anness ta' din id-Deċiżjoni.
Artikolu 2
Id-Deċiżjoni ta' Implimentazzjoni (UE) 2018/86 titħassar.
Artikolu 3
Din id-Deċiżjoni għandha tapplika sat-30 ta' Ġunju 2018.
Artikolu 4
Din id-Deċiżjoni hija indirizzata lir-Rumanija.
Magħmul fi Brussell, is-16 ta' Marzu 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 395, 30.12.1989, p. 13.
(2) ĠU L 224, 18.8.1990, p. 29.
(3) Id-Direttiva tal-Kunsill 2002/60/KE tas-27 ta' Ġunju 2002 li tistabbilixxi miżuri għall-kontroll tad-deni Afrikan tal-qżieqeż u temenda d-Direttiva 92/119/KEE għar-rigward tal-marda Teschen u d-deni Afrikan tal-qżieqeż (ĠU L 192, 20.7.2002, p. 27).
(4) Id-Deċiżjoni ta' Implimentazzjoni tal-Kummissjoni (UE) 2018/86 tad-19 ta' Jannar 2018 li tikkonċerna ċerti miżuri ta' protezzjoni marbuta mad-deni Afrikan tal-ħnieżer fir-Rumanija (ĠU L 16, 20.1.2018, p. 13).
ANNESS
|
Ir-Rumanija |
Żoni kif imsemmija fl-Artikolu 1 |
Data sa meta applikabbli |
||||||||||||||||||||||||||||||||
|
Żona ta' protezzjoni |
Satu Mare county with following localities:
|
it-30 ta' Ġunju 2018 |
||||||||||||||||||||||||||||||||
|
Żona ta' sorveljanza |
Satu Mare county with following localities:
|
it-30 ta' Ġunju 2018 |