EUR-Lex Access to European Union law
This document is an excerpt from the EUR-Lex website
Document 32017R2233
Commission Implementing Regulation (EU) 2017/2233 of 4 December 2017 amending Regulation (EC) No 900/2009 as regards the characterisation of selenomethionine produced by Saccharomyces cerevisiae CNCM I-3399 (Text with EEA relevance. )
Regolament ta' Implimentazzjoni tal-Kummissjoni (UE) 2017/2233 tal-4 ta' Diċembru 2017 li jemenda r-Regolament (KE) Nru 900/2009 fir-rigward tal-karatterizzazzjoni tas-selenometjonina prodotta mis-Saccharomyces cerevisiae CNCM I-3399 (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2017/2233 tal-4 ta' Diċembru 2017 li jemenda r-Regolament (KE) Nru 900/2009 fir-rigward tal-karatterizzazzjoni tas-selenometjonina prodotta mis-Saccharomyces cerevisiae CNCM I-3399 (Test b'rilevanza għaż-ŻEE. )
C/2017/8029
ĠU L 319, 5.12.2017, p. 78–79
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 05/01/2021; Impliċitament imħassar minn 32020R2117
5.12.2017 |
MT |
Il-Ġurnal Uffiċjali tal-Unjoni Ewropea |
L 319/78 |
REGOLAMENT TA' IMPLIMENTAZZJONI TAL-KUMMISSJONI (UE) 2017/2233
tal-4 ta' Diċembru 2017
li jemenda r-Regolament (KE) Nru 900/2009 fir-rigward tal-karatterizzazzjoni tas-selenometjonina prodotta mis-Saccharomyces cerevisiae CNCM I-3399
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat- 22 ta' Settembru 2003 fuq l-addittivi għall-użu fl-għalf tal-annimali (1) u b'mod partikulari l-Artikolu 13(2) tiegħu,
Billi:
(1) |
Ir-Regolament tal-Kummissjoni (KE) Nru 900/2009 (2) kif emendat mir-Regolament ta' Implimentazzjoni tal-Kummissjoni (UE) Nru 427/2013 (3) jawtorizza s-selenometjonina prodotta mis-Saccharomyces cerevisiae CNCM I-3399 bħala addittiv fl-għalf. |
(2) |
Il-Kummissjoni rċeviet applikazzjoni li talbet modifika tal-kundizzjonijiet tal-awtorizzazzjoni fir-rigward tal-karatterizzazzjoni tal-addittiv fl-għalf. Dik l-applikazzjoni ġiet ippreżentata flimkien mad-dejta ta' sostenn rilevanti. Il-Kummissjoni bagħtet dik l-applikazzjoni lill-Awtorità Ewropea dwar is-Sigurtà fl-Ikel (“l-Awtorità”). |
(3) |
Fl-opinjoni tagħha tal-5 ta' Lulju 2017 (4) l-Awtorità kkonkludiet li l-modifika mitluba ma kinetx se taffettwa s-sikurezza u l-effikaċja tal-prodott, filwaqt li fakkret ir-riskju għas-sikurezza tal-utent tal-prodott. L-att ta' awtorizzazzjoni attwali fih dispożizzjoni biex b'mod adegwat tindirizza dan ir-riskju. L-awtorità tissuġġerixxi li l-kontenut ta' selenoċisteina jiġi inkluż fil-karatterizzazzjoni tal-addittiv iżda minħabba n-nuqqas ta' metodu analitiku għas-selenoċisteina dan is-suġġeriment ma jistax jiġi segwit. |
(4) |
L-evalwazzjoni tal-preparazzjoni mmodifikata turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma ssodisfati. |
(5) |
Għalhekk jenħtieġ li r-Regolament (KE) Nru 900/2009 jiġi emendat skont dan. |
(6) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda għar-Regolament (KE) Nru 900/2009
Fir-raba' kolonna tal-Anness tar-Regolament (KE) Nru 900/2009, it-test bejn l-intestatura “Karatterizzazzjoni tal-addittiv” u l-intestatura “Karatterizzazzjoni tas-sustanza attiva” jinbidel b'dan li ġej:
“Selenju organiku, l-aktar selenometjonina (63 %), b'kontenut ta' 2 000 sa 3 500 mg Se/kg (97 sa 99 % ta' selenju organiku).”
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Diċembru 2017.
Għall-Kummissjoni
Il-President
Jean-Claude JUNCKER
(1) ĠU L 268, 18.10.2003, p. 29.
(2) Ir-Regolament tal-Kummissjoni (KE) Nru 900/2009 tal-25 ta' Settembru 2009 dwar l-awtorizzazzjoni tas-selenomethionine prodotta mis-Saccharomyces cerevisiae CNCM I-3399 bħala addittiv fl-għalf (ĠU L 256, 29.9.2009, p. 12).
(3) Ir-Regolament ta' Implimentazzjoni tal-Kummissjoni (UE) Nru 427/2013 tat-8 ta' Mejju 2013 li jikkonċerna l-awtorizzazzjoni tas-selenometjonina prodott minn Saccharomyces cerevisiae NCYC R646 bħala addittiv fl-għalf għall-ispeċi kollha tal-annimali u li jemenda r-Regolamenti (KE) Nru 1750/2006, (KE) Nru 634/2007 u (KE) Nru 900/2009 fir-rigward tal-livelli massimi ta' supplimentazzjoni ma' ħmira selenizzata (ĠU L 127, 9.5.2013, p. 20).
(4) EFSA Journal 2017;15(7):4937.