12.9.2017   

MT

Il-Ġurnal Uffiċjali tal-Unjoni Ewropea

L 234/1

(1)

Id-deni Afrikan tal-ħnieżer huwa l-aktar marda infettiva importanti għall-annimali tal-ispeċi porċina. Seħħew tifqigħat kemm fl-annimali selvaġġi u kemm fl-irziezet fil-fruntiera tal-Lvant tal-Unjoni mill-2014 u, sabiex tiġi kkontrollata l-marda, ġew adottati restrizzjonijiet sanitarji stretti fil-livell tal-Unjoni.

(2)

Sabiex jiżdied il-livell globali tal-bijosigurtà fiż-żona ġeografika li hija f'riskju għoli ta' deni Afrikan tal-ħnieżer u biex jiġu evitati tifqigħat ġodda fl-irziezet, il-Polonja stabbiliet rekwiżiti nazzjonali ġodda għall-irziezet li jmorru lil hinn mir-rekwiżiti tal-Unjoni eżistenti, permezz tar-Regolament tal-Ministeru tal-Agrikoltura u l-Iżvilupp Rurali tal-5 ta' Lulju 2017 li jemenda r-Regolament dwar il-miżuri meħuda fir-rigward tal-okkorrenza tad-deni Afrikan tal-ħnieżer (2). Ir-rekwiżiti l-ġodda jirrigwardaw b'mod partikolari l-mod kif jitqandlu u kif jiġu alimentati l-annimali, il-kostruzzjoni, id-diżinfezzjoni u l-kontroll tal-aċċess fl-irziezet. Ċerti rziezet se jkunu obbligati li jwaqqfu l-produzzjoni tal-laħam tal-majjal sa data ta' skadenza stabbilita mill-awtoritajiet Pollakki.

(3)

Is-suq tal-laħam tal-majjal fil-livell nazzjonali u fil-livell tal-Unjoni ġie affettwat ħafna mir-restrizzjonijiet sanitarji adottati wara t-tifqigħat tad-deni Afrikan tal-ħnieżer u, għalhekk, reċentement ġew adottati miżuri eċċezzjonali tas-suq skont l-Artikolu 220 tar-Regolament (UE) Nru 1308/2013. Barra minn hekk, minħabba d-dipendenza għolja fuq l-esportazzjonijiet tas-settur tal-laħam tal-majjal tal-Unjoni, aktar każijiet tad-deni Afrikan tal-ħnieżer fl-irziezet jistgħu jiddistabbilizzaw serjament lis-suq jekk jiġu applikati restrizzjonijiet kummerċjali.

(4)

F'dan il-kuntest, il-miżuri adottati b'mod volontarju mill-Polonja huma meħtieġa biex jitnaqqas ir-riskju ta' każijiet oħra tad-deni Afrikan tal-ħnieżer u, għalhekk, dawk il-miżuri fl-aħħar mill-aħħar jikkontribwixxu għall-istabbiltà tas-suq tal-laħam tal-majjal tal-Unjoni fil-ġejjieni.

(5)

Peress li l-maġġoranza tat-tifqigħat tad-deni Afrikan tal-ħnieżer fl-irziezet fit-territorju Pollakk seħħew fl-irziezet li jżommu għadd żgħir ta' annimali tal-ispeċi porċina, u, fiż-żoni f'riskju, 50 % tal-irziezet għandhom inqas minn 10 ħnieżer u 90 % għandhom inqas minn 50, ikun partikolarment tajjeb u fl-interess tal-Unjoni li l-Polonja tapplika dawk il-miżuri għall-irziezet bħal dawn. Madankollu, dawk l-irziezet ma jistgħux iġarrbu l-piż u l-ispejjeż meħtieġa biex jikkonformaw mar-rekwiżiti l-ġodda u, għalhekk, l-applikazzjoni ta' dawk ir-rekwiżiti fil-maġġoranza tal-każijiet se tobbligahom iwaqqfu l-produzzjoni tal-laħam tal-majjal, u dan jimplika li l-produtturi kkonċernati se jiċċaħħdu minn parti sinifikanti tad-dħul tagħhom fil-ġejjieni.

(6)

Il-fatt li dan huwa fl-interess tal-Unjoni, mill-perspettiva tal-istabbiltà tas-suq tal-Unjoni, li l-miżuri Pollakki l-ġodda japplikaw preċiżament għal dawk l-irziezet li se jitilfu d-dħul minħabba r-rekwiżiti rilevanti, jikkostitwixxi problema speċifika skont it-tifsira tal-Artikolu 221 tar-Regolament (UE) Nru 1308/2013. Din il-problema speċifika ma tistax tiġi indirizzata mill-miżuri meħuda skont l-Artikolu 219 jew 220 ta' dak ir-Regolament. Minn naħa waħda, mhijiex marbuta speċifikament ma' tfixkil tas-suq eżistenti jew ma' theddida preċiża attwali tiegħu. Min-naħa l-oħra, il-miżuri Pollakki ma jimponux restrizzjonijiet kummerċjali kif imsemmi fl-Artikolu 220 tar-Regolament (UE) Nru 1308/2013 u ma jimmirawx li jiġġieldu direttament kontra t-tixrid tat-tifqigħat attwali tad-deni Afrikan tal-ħnieżer.

(7)

Meta wieħed jikkunsidra r-relazzjoni bejn id-daqs ta' razzett u l-kapaċità tiegħu li jadatta għar-rekwiżiti l-ġodda u d-dejta dwar it-tifqigħat fil-passat, din il-miżura ta' emerġenza jenħtieġ li tkun soġġetta għal daqs massimu tal-merħla. Sabiex jiġi evitat ir-riskju ta' frodi, id-daqs rilevanti tal-merħla tal-irziezet jenħtieġ li jkun limitat għad-daqs medju fil-passat reċenti. Bil-għan li jiġu evitati żidiet f'daqqa fil-provvista tal-laħam tal-ħnieżer fiż-żoni kkonċernati u kull impatt negattiv possibbli fuq is-suq, jenħtieġ li jiġi stabbilit perjodu ta' żmien biex l-annimali jitilqu mir-razzett wara l-pubblikazzjoni ta' ordni biex titwaqqaf il-produzzjoni tal-laħam tal-majjal, filwaqt li jitqies iċ-ċiklu normali tal-produzzjoni. Għal skopijiet amministrattivi, jenħtieġ li d-detentur jingħata perjodu ta' żmien massimu biex iressaq applikazzjoni għall-għajnuna wara li jwaqqaf il-produzzjoni tal-laħam tal-majjal.

(8)

Sabiex jiġi evitat kull riskju ta' finanzjament doppju, jenħtieġ li t-telf rilevanti fid-dħul ma jkunx ġie kkumpensat b'għajnuna mill-Istat jew b'assigurazzjoni u jenħtieġ li l-għajnuna tkun limitata għall-annimali eliġibbli li għalihom ma jkun ingħata l-ebda kontribut finanzjarju mill-Unjoni b'mod ieħor.

(9)

Sabiex jiġi evitat kull riskju ta' kumpens żejjed, jenħtieġ li l-benefiċjarji jitħallew jerġgħu jibdew il-produzzjoni wara perjodu ta' żmien, wara li jagħtu evidenza li jikkonformaw mar-rekwiżiti l-ġodda.

(10)

Jenħtieġ li l-għajnuna tiġi limitata għal dak li huwa strettament neċessarju biex tiġi indirzzata l-emerġenza fir-rigward tal-benefiċjarji u fir-rigward tal-ammont totali tal-għajnuna. Jenħtieġ li l-għajnuna mogħtija tkun ekwivalenti għal rata fissa għal kull annimal li tkopri t-telf tad-dħul fuq żmien qasir mill-produzzjoni. Jenħtieġ li l-ammont totali tal-għajnuna u l-allokazzjoni baġitarja globali jkunu bbażati fuq l-informazzjoni rċevuta mill-Polonja u li jikkorrispondu mad-dħul mill-produzzjoni tal-laħam tal-majjal għad-daqs medju rilevanti tal-merħla tal-irziezet. Peress li l-għajnuna se tikkumpensa biss porzjon limitat tat-telf tad-dħul futur imġarrab mid-detenturi li jkunu waqqfu l-produzzjoni, jenħtieġ li l-Polonja tingħata permess li tagħti appoġġ addizzjonali lil dawn id-detenturi, taħt l-istess kundizzjonijiet.

(11)

Jenħtieġ li jkun previst li l-awtoritajiet kompetenti tal-Polonja jieħdu l-miżuri kollha li hemm bżonn u jwettqu l-verifiki kollha meħtieġa u jgħarrfu lill-Kummissjoni b'dan kif xieraq. B'mod partikulari, dawk il-verifiki għandhom jinkludu verifiki dwar l-eliġibbiltà u l-korrettezza tal-applikazzjoni għall-għajnuna. Jenħtieġ li l-għadd ta' annimali eliġibbli jiġi stabbilit fuq il-bażi tal-mezzi xierqa kollha disponibbli lill-awtoritajiet kompetenti, inklużi b'mod partikolari l-verifiki fuq il-post, ir-rekords storiċi u r-reġistru tar-razzett obbligatorju kif stabbilit fid-Direttiva tal-Kunsill 2008/71/KE (3).

(12)

Skont l-Artikolu 221 tar-Regolament (UE) Nru 1308/2013, jenħtieġ li l-miżura tkun limitata għal perjodu massimu ta' 12-il xahar li jibda mid-data tad-dħul fis-seħħ ta' dan ir-Regolament. Jenħtieġ li l-ħlasijiet li jkunu saru mill-Polonja lill-benefiċjarji wara dak il-perjodu ma jkunux eliġibbli għall-finanzjament tal-Unjoni.

(13)

Għal raġunijiet ta' ġestjoni baġitarja soda tal-miżura u ta' ħlas f'waqtu lill-produtturi, jenħtieġ li l-Artikolu 5(2) tar-Regolament ta' Delega tal-Kummissjoni (UE) Nru 907/2014 (4) ma jkunx applikabbli.

(14)

Sabiex l-Unjoni tkun tista' timmonitorja l-effiċjenza ta' din il-miżura ta' emerġenza, jenħtieġ li l-Polonja tikkomunika lill-Kummissjoni informazzjoni dettaljata dwar l-eżekuzzjoni tagħha. Sabiex l-Unjoni tkun tista' twettaq il-kontroll finanzjarju tagħha, jenħtieġ li l-Polonja tgħarraf lill-Kummissjoni bl-approvazzjoni tal-pagamenti.

(15)

Peress li l-applikazzjonijiet għall-għajnuna jistgħu jitressqu f'dati differenti skont id-data tal-waqfien tal-produzzjoni minn kull applikant tul perjodu ta' żmien massimu ta' 12-il xahar wara d-data tad-dħul fis-seħħ ta' dan ir-Regolament, huwa xieraq, fl-interess taċ-ċarezza u ċ-ċertezza legali, li wieħed iqis id-data tad-dħul fis-seħħ ta' dan ir-Regolament bħala l-avveniment operattiv għar-rata tal-kambju fir-rigward tal-ammont tal-għajnuna.

(16)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

(a)

fiż-żmien meta jiġi ppubblikat l-ordni r-razzett tagħhom irid jinsab f'waħda miż-żoni tal-Polonja soġġetta għall-miżuri dwar is-saħħa tal-annimali għall-kontroll tad-deni Afrikan tal-ħnieżer kif elenkat fl-Anness tad-Deċiżjoni ta' Implimentazzjoni tal-Kummissjoni 2014/709/UE (6) kif emendata mid-Deċiżjoni ta' Implimentazzjoni 2017/1481/UE (7);

(b)

fil-medja ma jkunux żammew aktar minn 50 annimal tal-ispeċi porċina fil-perjodu mill-1 ta' Lulju 2016 sat-30 ta' Ġunju 2017 u mill-inqas annimal wieħed minn dawn fi żmien iż-żjara ta' spezzjoni li wasslet għall-pubblikazzjoni tal-ordni biex titwaqqaf il-produzzjoni tal-laħam tal-majjal;

(c)

l-annimali tagħhom jkunu telqu mir-razzett sal-iskadenza stabbilita mill-awtoritajiet kompetenti iżda mhux aktar tard minn 120 jum wara l-pubblikazzjoni mill-awtoritajiet kompetenti ta' ordni biex iwaqqfu l-produzzjoni tal-laħam tal-majjal;

(d)

ikunu ressqu applikazzjoni għall-għajnuna sal-iskadenza stabbilita mill-Polonja;

(e)

ma jkunux ibbenefikaw, għall-istess telf ta' dħul jew għall-istess annimali, mill-għajnuna tal-Istat, assigurazzjonijiet jew għajnuna ffinanzjata minn kontribut tal-Unjoni skont ir-Regolament (UE) Nru 652/2014 tal-Parlament Ewropew u tal-Kunsill (8) .

(a)

l-eliġibbiltà tal-applikant;

(b)

l-għadd ta' qżieqeż eliġibbli sa 20 kg u ħnieżer oħrajn imsemmijin fl-Artikolu 2(2) fuq il-bażi tal-verifiki fuq il-post, ir-rekords storiċi u r-reġistru tar-razzett miżmum skont l-Artikolu 4(1) tad-Direttiva 2008/71/KE;

(c)

li għal kull applikant eliġibbli, l-annimali tal-ispeċi porċina jkunu telqu mir-razzett sal-iskadenza stabbilita mill-awtoritajiet kompetenti iżda mhux aktar tard minn 120 jum wara l-pubblikazzjoni tal-ordni biex iwaqqfu l-produzzjoni tal-laħam tal-majjal;

(d)

għal kull applikant eliġibbli, il-fatt li ma hemm l-ebda annimal tal-ispeċi porċina fir-razzett matul il-perjodu kollu li fih japplikaw il-miżuri dwar is-saħħa tal-annimali għall-kontroll tad-deni Afrikan tal-ħnieżer fiż-żona rilevanti kif imsemmi fl-Artikolu 1(1)(a);

(e)

li l-ebda applikant eliġibbli ma rċieva finanzjament minn sorsi oħrajn kif imsemmi fl-Artikolu 1(1)(e) fir-rigward tal-istess telf tad-dħul jew l-istess annimali.