EUR-Lex Access to European Union law
This document is an excerpt from the EUR-Lex website
Document 32017R1533
Commission Delegated Regulation (EU) 2017/1533 of 8 September 2017 amending Delegated Regulation (EU) 2017/1165 as regards the temporary exceptional support measures for producers of peaches and nectarines in Greece, Spain and Italy
Regolament Delegat tal-Kummissjoni (UE) 2017/1533 tat-8 ta' Settembru 2017 li jemenda r-Regolament Delegat (UE) 2017/1165 fir-rigward tal-miżuri temporanji eċċezzjonali ta' appoġġ għall-produtturi tal-ħawħ u tan-nuċiprisk fil-Greċja, fi Spanja u fl-Italja
Regolament Delegat tal-Kummissjoni (UE) 2017/1533 tat-8 ta' Settembru 2017 li jemenda r-Regolament Delegat (UE) 2017/1165 fir-rigward tal-miżuri temporanji eċċezzjonali ta' appoġġ għall-produtturi tal-ħawħ u tan-nuċiprisk fil-Greċja, fi Spanja u fl-Italja
C/2017/5993
ĠU L 233, 9.9.2017, p. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
9.9.2017 |
MT |
Il-Ġurnal Uffiċjali tal-Unjoni Ewropea |
L 233/1 |
REGOLAMENT DELEGAT TAL-KUMMISSJONI (UE) 2017/1533
tat-8 ta' Settembru 2017
li jemenda r-Regolament Delegat (UE) 2017/1165 fir-rigward tal-miżuri temporanji eċċezzjonali ta' appoġġ għall-produtturi tal-ħawħ u tan-nuċiprisk fil-Greċja, fi Spanja u fl-Italja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikolu 219(1) flimkien mal-Artikolu 228 tiegħu,
Billi:
(1) |
Mit-3 sat-8 ta' Awwissu 2017, xi Stati Membri u partijiet ikkonċernati infurmaw lill-Kommissjoni dwar disturb serju fis-suq fis-settur tal-ħawħ u tan-nuċiprisk, minħabba livell għoli ta' produzzjoni u ta' ħażniet, speċjalment fil-Greċja, fi Spanja u fl-Italja. Il-ħażniet tal-ħawħ u tan-nuċiprisk fi Spanja jammontaw għal 87 000 tunnellata, filwaqt li 50 % tal-ħawħ kienu għadhom ma nħasdux fil-bidu ta' Awwissu. Il-ħażniet tal-ħawħ u tan-nuċiprisk fl-Italja jammontaw għal 130 000 tunnellata, filwaqt li 30 % tal-prodotti għad iridu jinħasdu. |
(2) |
Mill-projbizzjoni Russa fuq l-importazzjonijiet tal-frott u l-ħxejjex mill-Unjoni fl-2014 'l hawn, il-produtturi ppruvaw isibu swieq alternattivi għall-esportazzjoni. Madankollu, l-esportazzjonijiet lejn il-Belarussja, li bħalissa hija l-ewwel destinazzjoni ta' esportazzjoni għall-ħawħ u għan-nuċiprisk waqt il-perjodu tal-ħsad, naqsu b'25 % mill-2015 'l hawn. L-esportazzjoni ntlaqtet saħansitra aktar mill-1 ta' Lulju 2017 wara l-introduzzjoni ta' miżuri sanitarji u fitosanitarji minn pajjiżi li huma membri tal-Unjoni Ekonomika Ewrasjatika, b'mod partikolari l-Belarussja. Barra minn hekk, l-esportazzjoni lejn pajjiżi terzi hija diffiċli b'mod ġenerali minħabba li l-prodotti jitħassru malajr. |
(3) |
Il-kombinament ta' dawn iċ-ċirkostanzi jħalli impatt fuq il-prezzijiet. Skont id-dejta disponibbli, is-sitwazzjoni tas-suq u b'mod partikolari l-prezzijiet huma simili ħafna għal dawk fl-2014 meta r-Russja introduċiet l-embargo. |
(4) |
Spanja u l-Italja kkonfermaw li l-organizzazzjonijiet tal-produtturi diġà implimentaw il-miżuri tal-prevenzjoni u tal-ġestjoni tal-kriżijiet skont il-programmi operazzjonali tagħhom u użaw il-miżuri temporanji eċċezzjonali ta' appoġġ previsti fir-Regolament Delegat tal-Kummissjoni (UE) 2017/1165 (2). Għalhekk, ma hemmx aktar marġni ta' manuvra biex jiġu rtirati kwantitajiet ulterjuri mis-suq skont l-iskemi attwali. |
(5) |
Iċ-ċirkostanzi attwali qed jiddisturbaw is-suq b'mod sinifikanti fis-settur tal-ħawħ u tan-nuċiprisk u dik is-sitwazzjoni, jew l-effetti tagħha fuq is-suq x'aktarx li jkomplu jew jiddeterjoraw, filwaqt li l-miżuri tal-prevenzjoni u tal-ġestjoni tal-kriżijiet disponibbli skont ir-Regolament (UE) Nru 1308/2013 jidhru li mhumiex suffiċjenti. |
(6) |
Għalkemm din id-disturbazzjoni tas-suq hija marbuta biss b'mod indirett mal-embargo Russu, huwa xieraq, għal raġunijiet prattiċi u fl-interess tas-simplifikazzjoni, li tintuża s-sistema eżistenti stabbilita fir-Regolament Delegat (UE) 2017/1165. |
(7) |
Sabiex ikun hemm impatt suffiċjenti fl-istabbilizzazzjoni tas-suq, il-kwantitajiet previsti fir-Regolament Delegat (UE) 2017/1165 għall-ħawħ u għan-nuċiprisk għandhom jiġu triplikati għal produtturi fil-Greċja, fi Spanja u fl-Italja. |
(8) |
Għaldaqstant jenħtieġ li r-Regolament Delegat (UE) 2017/1165 jiġi emendat skont dan, |
(9) |
Sabiex ikun hemm impatt immedjat fuq is-suq u biex il-prezzijiet ikomplu jistabbilizzaw ruħhom matul l-istaġun ewlieni tal-ħsad, dan ir-Regolament għandu japplika b'mod retroattiv mid-data meta s-sitwazzjoni ġiet formalment u fattwalment ikkomunikata lill-Kummissjoni, jiġifieri fit-3 ta' Awwissu 2017. |
ADOTTAT DAN IR-REGOLAMENT:
Artikolu 1
Emenda tar-Regolament Delegat (UE) 2017/1165
L-Anness I tar-Regolament Delegat (UE) 2017/1165 jinbidel bit-test stipulat fl-Anness ta' dan ir-Regolament.
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mit-3 ta' Awwissu 2017.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Settembru 2017.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Ir-Regolament Delegat tal-Kummissjoni (UE) 2017/1165 tal-20 ta' April 2017 li jistabbilixxi miżuri temporanji eċċezzjonali ta' appoġġ għall-produtturi ta' ċertu frott (ĠU L 170, 1.7.2017, p. 31).
ANNESS
ANNESS I
Kwantitajiet massimi ta' prodotti allokati għal kull Stat Membru kif imsemmi fl-Artikolu 2(1)
(tunnellati) |
||||
Stat Membru |
Tuffieħ u lanġas |
Għanbaqar |
Larinġ, klementin, mandolin u lumi |
Ħawħ u nuċiprisk |
Il-Belġju |
21 845 |
|
|
|
Il-Ġermanja |
1 615 |
|
|
|
Il-Ġreċja |
680 |
4 165 |
2 040 |
16 065 |
Spanja |
1 955 |
1 275 |
14 110 |
29 325 |
Franza |
3 060 |
|
|
|
Il-Kroazja |
510 |
|
850 |
|
L-Italja |
4 505 |
3 910 |
850 |
7 140 |
Ċipru |
|
|
3 060 |
|
In-Netherlands |
5 865 |
|
|
|
L-Awstrija |
510 |
|
|
|
Il-Polonja |
75 565 |
425 |
|
510 |
Il-Portugall |
935 |
|
|
|