Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016R0172

    Regolament Delegat tal-Kummissjoni (UE) 2016/172 tal-24 ta' Novembru 2015 li jissupplimenta r-Regolament (UE) Nru 691/2011 tal-Parlament Ewropew u tal-Kunsill f'dak li għandu x'jaqsam mal-ispeċifikazzjoni tal-prodotti tal-enerġija (Test b'rilevanza għaż-ŻEE)

    ĠU L 33, 10.2.2016, p. 3–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2016/172/oj

    10.2.2016   

    MT

    Il-Ġurnal Uffiċjali tal-Unjoni Ewropea

    L 33/3

    REGOLAMENT DELEGAT TAL-KUMMISSJONI (UE) 2016/172

    tal-24 ta' Novembru 2015

    li jissupplimenta r-Regolament (UE) Nru 691/2011 tal-Parlament Ewropew u tal-Kunsill f'dak li għandu x'jaqsam mal-ispeċifikazzjoni tal-prodotti tal-enerġija

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 691/2011 tal-Parlament Ewropew u tal-Kunsill tas-6 ta' Lulju 2011 dwar il-kontijiet ekonomiċi ambjentali Ewropej (1), u b'mod partikolari l-Artikolu 3(4) tiegħu,

    Billi:

    (1)

    Ir-Regolament (UE) Nru 691/2011 stabbilixxa struttura modulari għall-kontijiet ekonomiċi ambjentali, inkluż modulu għall-kontijiet tal-flussi fiżiċi ta' enerġija li huwa stabbilit fl-Anness VI tiegħu.

    (2)

    It-tfassil ta' lista ta' prodotti tal-enerġija għall-finijiet tar-Regolament (UE) Nru 691/2011 dwar il-kontijiet ekonomiċi ambjentali Ewropej huwa element essenzjali biex jiġi ddeterminat l-ambitu tal-kontijiet tal-flussi fiżiċi ta' enerġija, sabiex tiġi żgurata l-komparabbiltà tad-dejta fost l-Istati Membri u biex tiġi żgurata l-konsistenza interna (li tibbilanċja) tal-kontijiet tal-flussi fiżiċi ta' enerġija.

    (3)

    L-Anness B tar-Regolament (KE) Nru 1099/2008 tal-Parlament Ewropew u tal-Kunsill (2) jistabbilixxi lista ta' prodotti tal-enerġija għall-istatistika dwar l-enerġija. Abbażi ta' din il-lista, hemm bżonn jiġu speċifikati l-prodotti tal-enerġija għall-finijiet tal-kontijiet tal-enerġija. Il-kontijiet tal-enerġija għandhom l-għan li janalizzaw l-interazzjonijiet bejn l-ambjent u l-azzjoni tal-bniedem bl-għan li jiġi evalwat iċ-ċiklu tal-ambjent-ekonomija-ambjent maħluq mill-attività tal-bniedem. Għaldaqstant, il-kontijiet tal-enerġija għandhom jinkludu b'mod partikolari r-residwi li jirriżultaw mill-użu finali tal-prodotti tal-enerġija, kif ukoll il-prodotti naturali mhux maħduma u dawk ipproċessati.

    (4)

    Id-definizzjoni għall-prodotti tal-enerġija mhux koperti fl-Anness B tar-Regolament (KE) Nru 1099/2008 għandha tkun ibbażata fuq l-istandards internazzjonali tal-kontijiet ekonomiċi ambjentali, sabiex tiġi żgurata l-kosteffiċjenza u jiġi evitat il-piż żejjed fuq dawk li jwieġbu.

    ADOTTAT DAN IR-REGOLAMENT:

    Artikolu 1

    Għall-finijiet tat-Taqsima 3 tal-Anness VI tar-Regolament (UE) Nru 691/2011, l-Istati Membri għandhom jipproduċu l-kontijiet tal-flussi fiżiċi ta' enerġija li jinkludu l-prodotti tal-enerġija elenkati fl-Anness ta' dan ir-Regolament.

    Artikolu 2

    Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament jorbot fl-intier tiegħu u japplika direttament fl-Istati Membri kollha.

    Magħmula fi Brussell, l-24 ta' Novembru 2015.

    Għall-Kummissjoni

    Il-President

    Jean-Claude JUNCKER

    (1)  ĠU L 192, 22.7.2011, p. 1.

    (2)  Ir-Regolament (KE) Nru 1099/2008 tal-Parlament Ewropew u tal-Kunsill tat-22 ta' Ottubru 2008 dwar l-istatistika tal-enerġija (ĠU L 304, 14.11.2008, p. 1).

    ANNESS

    Tikketta

    Korrispondenza għall-Anness B tar-Regolament (KE) Nru 1099/2008

    (fejn teżisti korrispondenza)

    Definizzjoni ta' prodott tal-enerġija

    (fejn ma teżistix korrispondenza għall-Anness B tar-Regolament (KE) Nru 1099/2008)

    Sorsi ta' Enerġija Naturali

     

    Il-flussi ta' enerġija li jittieħdu mill-ambjent naturali bħala parti minn attivitajiet ekonomiċi ta' produzzjoni jew li jintużaw direttament fil-produzzjoni

    N01

    Sorsi ta' enerġija naturali fossili mhux rinnovabbli

     

    Il-flussi ta' enerġija li jittieħdu minn riżorsi tal-enerġija fossili (riżorsi taż-żejt, riżorsi ta' gass naturali, riżorsi ta' faħam u pit) li jinsabu fl-ambjent naturali permezz ta' attivitajiet ekonomiċi ta' produzzjoni

    N02

    Sorsi ta' enerġija naturali nukleari mhux rinnovabbli

     

    Il-flussi ta' enerġija nukleari utilizzabbli li jittieħdu minn riżorsi minerali li jinsabu fl-ambjent naturali permezz ta' attivitajiet ekonomiċi ta' produzzjoni

    N03

    Sorsi ta' enerġija naturali rinnovabbli mill-idroenerġija

     

    Il-flussi ta' enerġija minn sorsi rinnovabbli li jittieħdu mill-ambjent naturali permezz ta' attivitajiet ekonomiċi ta' produzzjoni — f'dan il-każ l-enerġija idrokinetika

    N04

    Sorsi ta' enerġija naturali rinnovabbli minn ġenerazzjoni eolika

     

    Il-flussi ta' enerġija minn sorsi rinnovabbli li jittieħdu mill-ambjent naturali permezz ta' attivitajiet ekonomiċi ta' produzzjoni — f'dan il-każ l-enerġija kinetika mir-riħ maqbuda permezz ta' attivitajiet ekonomiċi ta' produzzjoni

    N05

    Sorsi ta' enerġija naturali rinnovabbli minn ġenerazzjoni solari

     

    Il-flussi ta' enerġija minn sorsi rinnovabbli li jittieħdu mill-ambjent naturali permezz ta' attivitajiet ekonomiċi ta' produzzjoni — f'dan il-każ l-enerġija mir-radjazzjoni solari maqbuda permezz ta' attivitajiet ekonomiċi ta' produzzjoni

    N06

    Sorsi ta' enerġija naturali rinnovabbli ġġenerati mill-bijomassa

     

    Il-flussi ta' enerġija minn sorsi rinnovabbli li jittieħdu mill-ambjent naturali permezz ta' attivitajiet ekonomiċi ta' produzzjoni — f'dan il-każ l-enerġija ġġenerata mill-bijomassa

    N07

    Sorsi oħra ta' enerġija naturali rinnovabbli

     

    Il-flussi ta' enerġija minn sorsi rinnovabbli li jittieħdu mill-ambjent naturali permezz ta' attivitajiet ekonomiċi ta' produzzjoni — f'dan il-każ oħrajn li mhumiex imsemmija taħt N03, N04, N05 u N06, bħalma huma l-enerġija ġeotermali, l-enerġija mill-mewġ u l-enerġija mill-marea

    Prodotti tal-Enerġija

     

    Il-flussi ta' enerġija prodotti bħala riżultat tal-attivitajiet ekonomiċi ta' produzzjoni (prodotti kif definiti fil-kontijiet nazzjonali tal-ESA)

    P08

    Faħam iebes

    1.1 — 1.

    Antraċite

    1.1 — 2.

    Faħam għall-Kokk

    1.1 — 3.

    Faħam Bituminuż Ieħor (Faħam għall-istim)

     

    P09

    Faħam kannella u pit

    1.1 — 4.

    Faħam Subbituminuż

    1.1 — 5.

    Linjite

    1.1 — 15.

    Pit

    1.1 — 17.

    Żejt tax-shale u ramel bituminuż

     

    P10

    Gassijiet derivati (= gassijiet manifatturati minbarra l-bijogass)

    1.1 — 11.

    Gass tal-Impjanti tal-Manifattura tal-Gass

    1.1 — 12.

    Gass tal-Ifran tal-Kokk

    1.1 — 13.

    Gass tal-Kalkari tal-Funderiji

    1.1 — 14.

    Gassijiet oħrajn irkuprati

     

    P11

    Prodotti tal-faħam sekondarji (kokk, qatran tal-faħam, fjuwil bil-privattiva, BKB u prodotti tal-pit)

    1.1 — 6.

    Fjuwil bil-Privattiva

    1.1 — 7.

    Kokk tal-Ifran tal-Kokk

    1.1 — 8.

    Kokk bħala Gass

    1.1 — 9.

    Qatran tal-Faħam

    1.1 — 10.

    BKB (il-Maltunelli tal-Faħam Kannella)

    1.1 — 16.

    Prodotti tal-Pit

     

    P12

    Żejt mhux maħdum, NGL u idrokarburi oħra (minbarra bijokomponenti)

    4.1 — 1.

    Żejt Mhux Maħdum

    4.1 — 2.

    NGL

    4.1 — 5.

    Idrokarburi oħra

     

    P13

    Gass naturali (mingħajr bijokomponenti)

    2.1 —

    Gass Naturali

     

    P14

    Petrol għall-magni (mingħajr bijokomponenti)

    4.1 — 10.

    Gażolina għall-Magni

    4.1 — 11.

    Gażolina għall-Avjazzjoni

     

    P15

    Pitrolju u jet fuels (mingħajr bijokomponenti)

    4.1 — 12.

    Jet Fuel tat-Tip tal-Gażolina

    4.1 — 13.

    Jet Fuel tat-Tip tal-Pitrolju (mingħajr bijokomponenti)

    4.1 — 14.

    Pitrolju Ieħor

     

    P16

    Nafta

    4.1 — 9.

    Nafta

     

    P17

    Diżil tat-trasport (mingħajr bijokomponenti)

    4.1 — 15.1.

    Diżil għat-Triq

     

    P18

    Żejt għall-gass għat-tisħin u żejt tal-gass ieħor (mingħajr bijokomponenti)

    4.1 — 15.2.

    Żejt għall-Gass għat-Tisħin u Żejt tal-Gass Ieħor

     

    P19

    Żejt tal-fjuwil residwali

    4.1 — 16.1.

    Żejt tal-Fjuwil — b'Kontenut Baxx ta' Kubrit

    4.1 — 16.2.

    Żejt tal-Fjuwil — b'Kontenut Għoli ta' Kubrit

     

    P20

    Gass tar-raffineriji, ethane u LPG

    4.1 — 6.

    Gass tar-Raffineriji (mhux likwifikat)

    4.1 — 7.

    Ethane

    4.1 — 8.

    LPG (Gass taż-Żejt mhux Raffinat Likwifikat)

     

    P21

    Prodotti taż-żejt mhux raffinat oħra, inklużi addittivi/ossiġenati u materja prima tar-raffineriji

    4.1 — 4.

    Addittivi/Ossiġenati

    4.1 — 3.

    Materja Prima tar-Raffineriji

    4.1 — 17.

    Spirtu Abjad u SBP

    4.1 — 18.

    Lubrikanti

    4.1 — 19.

    Bitum

    4.1 — 21.

    Kokk taż-Żejt mhux Raffinat

    4.1 — 20.

    Xema' tal-Paraffin

    4.1 — 22.

    Prodotti Oħrajn taż-Żejt

     

    P22

    Fjuwil nukleari

    3.2.1 — 1.1.

    In-Nukleari

     

    P23

    Injam, skart tal-injam u bijomassa solida oħra, faħam tal-kannol

    5.1 — 8.1.

    Faħam tal-Kannol

    5.2.7 — 1.1.

    Injam li jintuża bħala fjuwils, residwi tal-injam u prodotti sekondarji

    5.2.7 — 1.2.

    Likur iswed

    5.2.7 — 1.3.

    Bagasse

    5.2.7 — 1.4.

    Skart tal-annimali

    5.2.7 — 1.5.

    Residwi u materjali veġetali oħra

     

    P24

    Bijofjuwils likwidi

    5.1 — 10.1.

    Bijogażolina

    5.1 — 10.2.

    Bijodiżils

    5.1 — 10.3.

    Pitrolju bijoloġiku għall-ġettijiet

    5.1 — 10.4.

    Bijofjuwils likwidi oħrajn

     

    P25

    Bijogass

    5.2.7 — 2.1.

    Gass mill-miżbliet

    5.2.7 — 2.2.

    Gass mill-effluwent imtajjen tad-drenaġġ

    5.2.7 — 2.3.

    Bijogassijiet oħrajn mill-fermentazzjoni anerobika

    5.2.7 — 3.

    Bijogassijiet minn proċessi termali

     

    P26

    Enerġija elettrika

    3.1.

    Elettriku

     

    P27

    Sħana

    3.1.

    Sħana

    5.1 — 2.

    Enerġija Ġeotermali

    5.1 — 3.

    Enerġija Solari

     

    Residwi ta' Enerġija

     

    Flussi ta' kontenut ta' enerġija f'nonprodotti skartati, mormija jew emessi bħala riżultat ta' attivitajiet ekonomiċi ta' produzzjoni, konsum u akkumulazzjoni

    R28

    Skart rinnovabbli

    5.1 — 7.1.

    Skart Muniċipali Rinnovabbli

     

    R29

    Skart mhux rinnovabbli

    5.1 — 6.

    Skart Industrijali (mhux rinnovabbli)

    5.1 — 7.2.

    Skart Muniċipali Mhux Rinnovabbli

     

    R30

    Telf ta' enerġija ta' kull tip (waqt l-estrazzjoni, id-distribuzzjoni, il-ħżin u t-trasformazzjoni, u sħana dissipattiva mill-użu aħħari)

     

    Flussi ta' enerġija (prinċipalment fil-forma ta' sħana dissipattiva) skartati, mormija jew emessi fl-ambjent bħala riżultat ta' attivitajiet ekonomiċi

    R31

    Enerġija inkorporata fi prodotti għal użu mhux għall-enerġija

     

    Flussi ta' enerġija inkorporata fi prodotti għal użu mhux għall-enerġija, bħal lubrikanti, bitum
    Top