This document is an excerpt from the EUR-Lex website
Document 32016D2366
Commission Implementing Decision (EU, Euratom) 2016/2366 of 19 December 2016 establishing models for statements of accounts for entitlements to own resources and a form for reports on irrecoverable amounts corresponding to the entitlements to own resources pursuant to Council Regulation (EU, Euratom) No 609/2014
Deċiżjoni ta' Implimentazzjoni tal-Kummissjoni (UE, Euratom) 2016/2366 tad-19 ta' Diċembru 2016 li tistabbilixxi mudelli għad-dikjarazzjonijiet tal-kontijiet għall-intitolamenti ta' riżorsi proprji u formola għar-rapporti dwar ammonti li ma jistgħux jiġu rkuprati korrispondenti għall-intitolamenti għar-riżorsi proprji skont ir-Regolament tal-Kunsill (UE, Euratom) Nru 609/2014
Deċiżjoni ta' Implimentazzjoni tal-Kummissjoni (UE, Euratom) 2016/2366 tad-19 ta' Diċembru 2016 li tistabbilixxi mudelli għad-dikjarazzjonijiet tal-kontijiet għall-intitolamenti ta' riżorsi proprji u formola għar-rapporti dwar ammonti li ma jistgħux jiġu rkuprati korrispondenti għall-intitolamenti għar-riżorsi proprji skont ir-Regolament tal-Kunsill (UE, Euratom) Nru 609/2014
C/2016/8448
ĠU L 350, 22.12.2016, p. 30–41
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/08/2018; Imħassar b' 32018D0194
|
22.12.2016 |
MT |
Il-Ġurnal Uffiċjali tal-Unjoni Ewropea |
L 350/30 |
DEĊIŻJONI TA' IMPLIMENTAZZJONI TAL-KUMMISSJONI (UE, Euratom) 2016/2366
tad-19 ta' Diċembru 2016
li tistabbilixxi mudelli għad-dikjarazzjonijiet tal-kontijiet għall-intitolamenti ta' riżorsi proprji u formola għar-rapporti dwar ammonti li ma jistgħux jiġu rkuprati korrispondenti għall-intitolamenti għar-riżorsi proprji skont ir-Regolament tal-Kunsill (UE, Euratom) Nru 609/2014
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat it-Trattat li jistabbilixxi l-Komunità Ewropea dwar l-Enerġija Atomika,
Wara li kkunsidrat ir-Regolament tal-Kunsill (UE, Euratom) Nru 609/2014 tas-26 ta' Mejju 2014 dwar il-metodi u l-proċedura li jintużaw biex jitqiegħdu għad-dispożizzjoni r-riżorsi proprji tradizzjonali, dawk ibbażati fuq il-VAT u dawk ibbażati fuq l-ING u dwar il-miżuri li jissodisfaw il-ħtiġijiet fi flus kontanti (1) u b'mod partikolari l-Artikoli 6(4) u 13(3) tiegħu,
Wara li kkonsultat lill-Kumitat Konsultattiv dwar ir-Riżorsi Proprji,
Billi:
|
(1) |
Id-Deċiżjoni tal-Kummissjoni 97/245/KE, Euratom (2), tippreskrivi l-arranġamenti għat-trażmissjoni ta' informazzjoni lill-Kummissjoni mill-Istati Membri taħt is-sistema tar-riżorsi tagħhom tal-Kummissjoni. |
|
(2) |
Id-Deċiżjoni 97/245/KE, Euratom għandha bażi ġuridika waħda, ir-Regolament tal-Kunsill (KE, Euratom) Nru 1150/2000 (3). Wara d-dħul fis-seħħ tad-Deċiżjoni tal-Kunsill 2014/335/UE, Euratom (4), it-trażmissjoni ta' informazzjoni lill-Kummissjoni mill-Istati Membri hija rregolata minn żewġ Regolamenti tal-Kunsill: Ir-Regolament (UE, Euratom) Nru 608/2014 (5) u r-Regolament (UE, Euratom) Nru 609/2014. Huwa għalhekk xieraq li tiġi adottata Deċiżjoni ta' Implimentazzjoni tal-Kummissjoni separat għal kull wieħed minn dawk ir-Regolamenti. Dispożizzjonijiet dwar formoli u mudell għar-rapportar dwar frodi u irregolaritajiet li jaffettwaw l-intitolamenti għar-riżorsi proprji tradizzjonali u dwar l-ispezzjonijiet dwar ir-riżorsi proprji tradizzjonali stabbiliti fid-Deċiżjoni 97/245/KE, Euratom ġew inklużi fid-Deċiżjoni ta' Implimentazzjoni tal-Kummissjoni (UE, Euratom) 2016/2365 (6). Dispożizzjonijiet dwar mudelli għad-dikjarazzjonijiet tal-kontijiet għall-intitolamenti għar-riżorsi proprji u formola għar-rapporti dwar l-ammonti irrekuperabbli korrispondenti għall-intitolamenti għar-riżorsi proprji stabbiliti fid-Deċiżjoni 97/245/KE, Euratom jeħtieġ li jiġu inklużi f'din id-Deċiżjoni. |
|
(3) |
Il-mudelli jeħtieġ li jkunu definiti għal kull xahar tat-trażmissjoni tad-dikjarazzjonijiet tal-kont “A” u tal-kont “B” sabiex ikunu jistgħu jiġu rrapportati b'mod strutturat. |
|
(4) |
Il-mudelli għad-dikjarazzjonijiet tal-kontijiet tal-intitolamenti għar-riżorsi proprji jeħtieġ li jkunu jirrifletti l-aġġustament tar-rata tal-ispejjeż tal-ġbir li l-Istati Membri għandhom iżommu meta jiġbru r-riżorsi proprji tradizzjonali kif stabbilit fid-Deċiżjoni 2014/335/UE, Euratom. |
|
(5) |
Id-Deċiżjoni 97/245/KE, Euratom tesiġi li l-Istati Membri jipprovdu informazzjoni lill-Kummissjoni dwar id-dipartimenti u l-aġenziji responsabbli għar-rapportar. Huwa meħtieġ li jkun previst li l-Istati Membri wkoll jinfurmaw lill-Kummissjoni bi kwalunkwe tibdil f'dik l-informazzjoni. |
|
(6) |
Għal raġunijiet ta' ċarezza u ċertezza legali, id-Deċiżjoni 97/245/KE, Euratom għandha tiġi revokata. |
|
(7) |
Sabiex jiġi żgurat li l-Istati Membri jużaw il-formoli kif emendati, b'mod partikolari fir-rigward tar-rata ta' retenzjoni modifikata, kemm jista' jkun malajr, din id-Deċiżjoni jeħtieġ li tidħol fis-seħħ u għandha tapplika mid-data tal-pubblikazzjoni tagħha. |
|
(8) |
Għal raġunijiet ta' konsistenza, din id-Deċiżjoni u d-Deċiżjoni ta' Implimentazzjoni (UE, Euratom) 2016/2365 jeħtieġ li japplikaw mill-istess data. |
ADOTTAT DIN ID-DEĊIŻJONI:
Artikolu 1
L-Istati Membri għandhom jużaw il-mudelli li stabbiliti fl-Annessi I, II, III u IV ta' din id-Deċiżjoni biex ifasslu d-dikjarazzjonijiet tal-kontijiet għall-intitolamenti għar-riżorsi proprji msemmija fl-Artikolu 6(4) tar-Regolament (UE, Euratom) Nru 609/2014.
Artikolu 2
L-Istati Membri għandhom jużaw il-formola stabbilita fl-Anness V ta' din id-Deċiżjoni biex ifasslu rapporti dwar ammonti li ma jistgħux jiġu rkuprati li jikkorrispondu għal intitolamenti għal riżorsi proprji msemmija fl-Artikolu 13(3) tar-Regolament (UE, Euratom) Nru 609/2014. Huma għandhom jittrażmettu dawk ir-rapporti billi jużaw sistema elettronika għall-ġestjoni u l-informazzjoni.
Artikolu 3
L-Istati Membri għandhom jinfurmaw lill-Kummissjoni dwar id-dipartimenti u l-aġenziji responsabbli għat-tfassil u jibgħatu d-dikjarazzjonijiet imsemmija fl-Artikolu 1 u r-rapporti msemmija fl-Artikolu 2. L-Istati Membri għandhom jinfurmaw ukoll lill-Kummissjoni dwar kwalunkwe tibdil fl-informazzjoni dwar id-dipartimenti u l-aġenziji.
Artikolu 4
Id-Deċiżjoni 97/245/KE, Euratom hija revokata.
Artikolu 5
Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, id-19 ta' Diċembru 2016.
Għall-Kummissjoni
Il-President
Jean-Claude JUNCKER
(1) ĠU L 168, 7.6.2014, p. 39.
(2) Id-Deċiżjoni tal-Kummissjoni 97/245/KE, Euratom tal-20 ta' Marzu 1997 li tippreskrivi l-arranġamenti għat-trażmissjoni ta' informazzjoni lill-Kummissjoni mill-Istati Membri taħt is-sistema tar-riżorsi tagħhom tal-Kummissjoni (ĠU L 97, 12.4.1997, p. 12).
(3) Ir-Regolament tal-Kunsill (KE, Euratom) Nru 1150/2000 tat-22 ta' Mejju 2000 li jimplimenta d-Deċiżjoni 2007/436/KE, Euratom dwar is-sistema tar-riżorsi tagħhom tal-Komunitajiet (ĠU L 130, 31.5.2000, p. 1).
(4) Id-Deċiżjoni tal-Kunsill 2014/335/UE, Euratom: tas-26 ta' Mejju 2014 dwar is-sistema tar-riżorsi proprji tal-Unjoni Ewropea (ĠU L 168, 7.6.2014, p. 105).
(5) Ir-Regolament tal-Kunsill (UE, Euratom) Nru 608/2014 tas-26 ta' Mejju 2014 li jistabbilixxi miżuri li jimplimentaw is-sistema tar-riżorsi proprji tal-Unjoni Ewropea (ĠU L 168, 7.6.2014, p. 29).
(6) Deċiżjoni ta' Implimentazzjoni tal-Kummissjoni (UE, Euratom) 2016/2365 tad-19 ta' Diċembru 2016 li tistabbilixxi formoli għar-rapport dwar frodi u irregolaritajiet li jaffettwaw l-intitolamenti għar-riżorsi proprji tradizzjonali, u dwar spezzjonijiet dwar ir-riżorsi proprji tradizzjonali skont ir-Regolament tal-Kunsill (UE, Euratom) Nru 608/2014 (ara l-paġna 24 ta' dan il-Ġurnal Uffiċjali).
ANNESS I
ANNESS II
ANNESS III
ANNESS IV
ANNESS V
