EUR-Lex Access to European Union law
This document is an excerpt from the EUR-Lex website
Document 32015D1160
Commission Implementing Decision (EU) 2015/1160 of 13 July 2015 concerning certain protective measures in relation to highly pathogenic avian influenza of subtype H7N7 in the United Kingdom (notified under document C(2015) 4978) (Text with EEA relevance)
Deċiżjoni ta' Implimentazzjoni tal-Kummissjoni (UE) 2015/1160 tat-13 ta' Lulju 2015 dwar ċerti miżuri protettivi fir-rigward ta' influwenza avjarja b'patoġeniċità għolja tas-sottotip H7N7 fir-Renju Unit (notifikata bid-dokument C(2015) 4978) (Test b'rilevanza għaż-ŻEE)
Deċiżjoni ta' Implimentazzjoni tal-Kummissjoni (UE) 2015/1160 tat-13 ta' Lulju 2015 dwar ċerti miżuri protettivi fir-rigward ta' influwenza avjarja b'patoġeniċità għolja tas-sottotip H7N7 fir-Renju Unit (notifikata bid-dokument C(2015) 4978) (Test b'rilevanza għaż-ŻEE)
ĠU L 187, 15.7.2015, p. 88–90
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2015
15.7.2015 |
MT |
Il-Ġurnal Uffiċjali tal-Unjoni Ewropea |
L 187/88 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/1160
tat-13 ta' Lulju 2015
dwar ċerti miżuri protettivi fir-rigward ta' influwenza avjarja b'patoġeniċità għolja tas-sottotip H7N7 fir-Renju Unit
(notifikata bid-dokument C(2015) 4978)
(It-test bl-Ingliż biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u zootekniku applikabbli għall-kummerċ intra-Kommunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,
Billi:
(1) |
L-influwenza avjarja hija marda virali infettiva tal-għasafar, inkluż il-pollam. L-infezzjonijiet bil-vajrusis tal-influwenza avjarja fil-pollam domestiku jagħtu lok għal żewġ forom ta' din il-marda li huma distinti mill-virulenza tagħhom. Il-forma ta' patoġeniċità baxxa ġeneralment tikkawża biss sintomi ħfief, filwaqt li l-forma ta' patoġeniċità għolja twassal għal rati ferm għoljin ta' mwiet fil-parti l-kbira tal-ispeċijiet tal-pollam. Din il-marda tista' tħalli impatt qawwi fuq il-profitabbiltà mit-trobbija tal-pollam tal-irziezet. |
(2) |
L-influwenza avjarja tinstab l-aktar fl-għasafar, iżda f'ċerti ċirkustanzi jaf ikun hemm infezzjonijiet ukoll fil-bnedmin, minkejja li r-riskju ta' dan huwa ġeneralment baxx ħafna. |
(3) |
Fil-każ ta' tifqigħa tal-influwenza avjarja, hemm riskju li l-aġent tal-marda jinfirex f'azjendi oħrajn fejn jittrabbew pollam jew għasafar oħra. Minħabba f'hekk, din tista' tinfirex minn Stat Membru għal Stati Membri oħra jew għal pajjiżi terzi permezz tal-kummerċ ta' tjur ħajjin jew tal-prodotti tagħhom. |
(4) |
Id-Direttiva tal-Kunsill 2005/94/KE (3) tistabbilixxi ċerti miżuri preventivi relatati mas-sorveljanza u d-detezzjoni kmieni tal-influwenza avjarja u l-miżuri minimi tal-kontroll li jridu jiġu applikati f'każ ta' tifqigħa ta' dik il-marda f'pollam jew f'għasafar mrobbijin oħra. Dik id-Direttiva tistipula li jitwaqqfu żoni ta' protezzjoni u sorveljanza f'każ li tfaqqa' l-influwenza avjarja b'patoġeniċità għolja. |
(5) |
Ir-Renju Unit għarraf lill-Kummissjoni b'tifqigħa tal-influwenza avjarja b'patoġenità għolja tas-sottotip H7N7 fi stabbiliment fit-territorju tiegħu fejn kienu qed jitrabbew il-pollam jew għasafar oħra u ħa minnufih il-miżuri meħtieġa skont id-Direttiva 2005/94/KE, inkluż it-twaqqif ta' żoni ta' protezzjoni u sorveljanza. |
(6) |
Il-Kummissjoni eżaminat dawk il-miżuri b'kollaborazzjoni mar-Renju Unit u ħarġet sodisfatta li l-fruntieri taż-żoni ta' protezzjoni u sorveljanza stabbiliti mill-awtorità kompetenti f'dak l-Istat Membru jinsabu 'l bogħod biżżejjed mill-istabbiliment proprju fejn ġiet konfermata t-tifqigħa. |
(7) |
Sabiex jiġi evitat kwalunkwe tfixkil bla bżonn fil-kummerċ tal-Unjoni u sabiex jiġu evitati ostakli mhux ġustifikati fil-kummerċ li jistgħu jimponu pajjiżi terzi, jeħtieġ li ż-żoni ta' protezzjoni u sorveljanza stabbiliti fir-Renju Unit jiġu stabbiliti fil-livell tal-Unjoni f'kollaborazzjoni ma' dak l-Istat Membru. |
(8) |
Għaldaqstant, iż-żoni ta' protezzjoni u ta' sorveljanza fir-Renju Unit, fejn qed jiġu applikati l-miżuri ta' kontroll għas-saħħa tal-annimali stipulati fid-Deċiżjoni 2005/94/KE, għandhom ikunu ddefiniti fl-Anness ta' din id-Deċiżjoni u d-durata ta' dik ir-reġjonalizzazzjoni għandha tiġi stipulata. |
(9) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Ir-Renju Unit għandu jiżgura li ż-żoni ta' protezzjoni u sorveljanza stabbiliti skont l-Artikolu 16(1) tad-Direttiva 2005/94/KE ikunu jinkludu mill-inqas iż-żoni elenkati bħala żoni ta' protezzjoni u sorveljanza fil-Parti A u fil-Parti B tal-Anness ta' din id-Deċiżjoni.
Artikolu 2
Din id-Deċiżjoni tapplika sal-31 ta' Diċembru 2015.
Artikolu 3
Din id-Deċiżjoni hija indirizzata lir-Renju Unit tal-Gran Brittanja u lill-Irlanda ta' Fuq.
Magħmul fi Brussell, it-13 ta' Lulju 2015.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 395, 30.12.1989, p. 13.
(2) ĠU L 224, 18.8.1990, p. 29.
(3) Id-Direttiva tal-Kunsill 2005/94/KE tal-20 ta' Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE (ĠU L 10, 14.1.2006, p. 16).
ANNESS
Parti A
Iż-żona ta' protezzjoni kif imsemmija fl-Artikolu 1:
Kodiċi ISO tal-Pajjiż |
Stat Membru |
Kodiċi (jekk disponibbli) |
Isem |
Id-data sa meta tibqa' applikabbli skont l-Artikolu 29 tad-Direttiva 2005/94/KE |
UK |
Ir-Renju Unit |
Kodiċi Postali/ADNS |
Żona li tinkludi: |
|
|
|
PR1-PR2/00151 |
Fi Preston (Lancashire, fil-Majjistral tal-Ingilterra), iz-żona inkluża fiċ-ċirku b'raġġ ta' 3 kilometri, biċ-ċentru tagħha fil-koordinati ta' referenza SD 5685637176 kif jidhru fil-mappa tal-Ordnance Survey Landranger bi skala ta' 1: 250 000 (il-koordinati 53.829045,-2.656974). |
2.8.2015 |
Parti B
Iż-żona ta' sorveljanza kif imsemmija fl-Artikolu 1:
Kodiċi ISO tal-Pajjiż |
Stat Membru |
Kodiċi (jekk disponibbli) |
Isem |
Id-data sa meta tibqa' applikabbli skont l-Artikolu 31 tad-Direttiva 2005/94/KE |
UK |
Ir-Renju Unit |
Kodiċi Postali/ADNS |
Żona li tinkludi: |
|
|
|
PR1-PR2/00151 |
Fi Preston (Lancashire, fil-Majjistral tal-Ingilterra), iz-żona inkluża fiċ-ċirku b'raġġ ta' 10 kilometri, biċ-ċentru tagħha fil-koordinati ta' referenza SD 5685637176 kif jidhru fil-mappa tal-Ordnance Survey Landranger bi skala ta' 1: 250 000 (il-koordinati 53.829045,-2.656974), fuq barra taż-żona inkluża fiċ-ċirku deskritt fil-Parti A. |
11.8.2015 |
|
|
|
Fi Preston (Lancashire, fil-Majjistral tal-Ingilterra), iz-żona inkluża fiċ-ċirku b'raġġ ta' 3 kilometri, biċ-ċentru tagħha fil-koordinati ta' referenza SD 5685637176 kif jidhru fil-mappa tal-Ordnance Survey Landranger bi skala ta' 1: 250 000 (il-koordinati 53.829045,-2.656974) |
3.8. — 11.8.2015 |