EUR-Lex Access to European Union law
This document is an excerpt from the EUR-Lex website
Document 32014R0848
Commission Implementing Regulation (EU) No 848/2014 of 4 August 2014 concerning the authorisation of L-valine produced by Corynebacterium glutamicum as a feed additive for all animal species and amending Regulation (EC) No 403/2009 as regards the labelling of the feed additive L-valine Text with EEA relevance
Regolament ta' Implimentazzjoni tal-Kummissjoni (UE) Nru 848/2014 tal- 4 ta' Awwissu 2014 dwar l-awtorizzazzjoni tal-L-valina prodotta mill- Corynebacterium glutamicum bħala addittiv tal-għalf għall-ispeċi kollha tal-annimali u li jemenda r-Regolament (KE) Nru 403/2009 rigward it-tikkettar tal-addittiv tal-għalf L-valina Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 848/2014 tal- 4 ta' Awwissu 2014 dwar l-awtorizzazzjoni tal-L-valina prodotta mill- Corynebacterium glutamicum bħala addittiv tal-għalf għall-ispeċi kollha tal-annimali u li jemenda r-Regolament (KE) Nru 403/2009 rigward it-tikkettar tal-addittiv tal-għalf L-valina Test b'rilevanza għaż-ŻEE
ĠU L 232, 5.8.2014, p. 13–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 30/07/2015
|
5.8.2014 |
MT |
Il-Ġurnal Uffiċjali tal-Unjoni Ewropea |
L 232/13 |
REGOLAMENT TA' IMPLIMENTAZZJONI TAL-KUMMISSJONI (UE) Nru 848/2014
tal-4 ta' Awwissu 2014
dwar l-awtorizzazzjoni tal-L-valina prodotta mill-Corynebacterium glutamicum bħala addittiv tal-għalf għall-ispeċi kollha tal-annimali u li jemenda r-Regolament (KE) Nru 403/2009 rigward it-tikkettar tal-addittiv tal-għalf L-valina
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) u l-Artikolu 13(2) tiegħu,
Billi:
|
(1) |
Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti u għall-emenda ta' din l-awtorizzazzjoni. |
|
(2) |
B'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-L-valina. Flimkien ma' dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(3) |
L-applikazzjoni tikkonċerna l-awtorizzazzjoni tal-L-valina prodotta minn Corynebacterium glutamicum (KCCM 80058) bħala addittiv tal-għalf għall-ispeċijiet kollha tal-annimali, biex tiġi kklassifikata fil-kategorija tal-addittivi “addittivi nutrittivi”. |
|
(4) |
L-Awtorità Ewropea dwar is-Sigurtà fl-Ikel (“l-Awtorità”) fl-opinjoni tagħha tat-8 ta' Ottubru 2013 (2) ikkonkludiet li, skont il-kundizzjonijiet proposti tal-użu, l-L-valina prodotta mill-Corynebacterium glutamicum (KCCM 80058) ma għandhiex effett negattiv fuq is-saħħa tal-annimali, is-saħħa tal-bniedem jew l-ambjent u li titqies bħala sors effikaċi tal-aċidu amminiku L-valina essenzjali għall-għalf tal-annimali. L-Awtorità ma tqisx li hemm bżonn ta' rekwiżiti speċifiċi għall-monitoraġġ ta' wara l-kummerċjalizzazzjoni. L-Awtorità vverifikat ukoll ir-rapport dwar il-metodu tal-analiżi tal-addittivi tal-għalf fl-għalf li ġie ppreżentat mil-Laboratorju ta' Referenza mwaqqaf bir-Regolament (KE) Nru 1831/2003. |
|
(5) |
Il-valutazzjoni ta' dik is-sustanza turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' dik is-sustanza għandu jiġi awtorizzat kif speċifikat fl-Anness ta' dan ir-Regolament. |
|
(6) |
Ir-Regolament tal-Kummissjoni (KE) Nru 403/2009 (3) awtorizza l-L-valina prodotta mill-Escherichia coli. Sabiex tiġi żgurata d-differenzazzjoni tal-addittivi fl-għalf finali, in-numru tal-identifikazzjoni tagħhom għandu jkun ittikkettat fuq il-materjali tal-għalf u l-għalf kompost flimkien ma' isimhom u l-ammont miżjud. |
|
(7) |
Ir-Regolament (KE) Nru 403/2009 għandu għalhekk jiġi emendat skont dan. Billi l-modifiki tal-kundizzjonijiet tal-awtorizzazzjoni mhumiex relatati ma' raġunijiet ta' sikurezza, huwa xieraq li jiġi previst perjodu ta' tranżizzjoni li matulu jistgħu jintużaw l-istokkijiet kollha eżistenti. |
|
(8) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Is-sustanza speċifikata fl-Anness, li tifforma parti mill-kategorija ta' addittivi “addittivi nutrittivi” u mill-grupp funzjonali “aċidi amminiċi, l-imluħ u l-analogi tagħhom”, hija awtorizzata bħala addittiv fl-għalf tal-annimali suġġetta għall-kundizzjonijiet stipulati f'dak l-Anness.
Artikolu 2
Emenda tar-Regolament (KE) Nru 403/2009
Fid-disa' kolonna tal-Anness tar-Regolament (KE) Nru 403/2009, qed jiżdied il-paragrafu li ġej:
“Meta dikjarazzjoni volontarja tal-addittiv issir fuq it-tikkettar tal-materjali tal-għalf u l-għalf kompost, għandu jiġi inkluż dan li ġej:
|
— |
l-isem u n-numru ta' identifikazzjoni tal-addittiv, |
|
— |
l-ammont miżjud tal-addittiv.” |
Artikolu 3
Miżuri ta' tranżizzjoni
Il-materjali tal-għalf u l-għalf kompost, kif imsemmija fl-Artikolu 2, li jiġu prodotti u ttikkettati qabel il-25 ta' Frar 2015 skont ir-regoli applikabbli qabel il-25 ta' Awwissu 2014 jistgħu jibqgħu jitqiegħdu fis-suq u jintużaw sakemm jiġu eżawriti l-istokkijiet eżistenti. Fir-rigward tal-għalf maħsub għall-annimali domestiċi, il-perjodu taż-żmien għall-produzzjoni u t-tikkettar imsemmi fl-ewwel sentenza għandu jintemm fil-25 ta' Awwissu 2016.
Artikolu 4
Dħul fis-seħħ
Dan ir-Regolament jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Awwissu 2014.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) The EFSA Journal 2013; 11(10):3429.
(3) Ir-Regolament tal-Kummissjoni (KE) Nru 403/2009 tal-14 ta' Mejju 2009 dwar l-awtorizzazzjoni ta' preparazzjoni tal-L-valina bħala addittiv fl-għalf (ĠU L 120, 15.5.2009, p. 3).
ANNESS
|
Numru ta' identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku. |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta' awtorizzazzjoni |
||||||||||
|
mg/kg tal-għalf komplet b'kontenut ta' umdità ta' 12 % |
|||||||||||||||||||
|
Kategorija tal-addittivi nutrittivi. Grupp funzjonali: aċidi amminiċi, l-imluħ u l-analogi tagħhom. |
|||||||||||||||||||
|
3c370 |
— |
L-valina |
Kompożizzjoni tal-addittiv: L-valina b'minimu ta' 98 % (abbażi ta' materja niexfa) Karatterizzazzjoni tas-sustanza attiva: L-valina ((2S)-2-ammino-3-aċidu metilbutanojku) prodotta mill-Corynebacterium glutamicum (KCCM 80058) Formula kimika: C5H11NO2 Numru CAS: 72-18-4 Metodu analitiku: (1) Sabiex tiġi ddeterminata l-L-valina fl-addittiv tal-għalf: Il-Codex tal-Kimiċi tal-Ikel “Monografija tal-L-valina”. Sabiex tiġi ddeterminata l-valina fit-taħlitiet lesti minn qabel, l-għalf kompost u l-materjali tal-għalf: kromatografija bi skambju ta' joni flimkien ma' derivatizzazzjoni postkolonna u detezzjoni spettrofotometrika (HPLC/VIS) — ir- Regolament tal-Kummissjoni (KE) Nru 152/2009 (ĠU L 54, 26.2.2009, p. 1). |
L-ispeċijiet kollha |
— |
|
|
|
Il-25 ta' Awwissu 2024 |
||||||||||
(1) Id-dettalji dwar il-metodi analitiċi jinsabu fl-indirizz tal-Laboratorju ta' Referenza li ġej: https://ec.europa.eu/jrc/en/eurl/feed-additives/evaluation-reports