(a)

jipprovdi appoġġ dirett lill-Kmandant tal-Operazzjonijiet Ċivili għall-ippjanar u t-tmexxija operattivi tal-missjonijiet ċivili fil-Qarn tal-Afrika u fir-reġjun tas-Saħel, billi juża l-kompetenzi militari u l-kompetenzi ta' ppjanar speċjalizzati tiegħu;

(b)

jipprovdi appoġġ lill-Kmandanti tal-Missjonijiet u l-Operazzjoni militari fil-Qarn tal-Afrika u fir-reġjun tas-Saħel;

(c)

jipprovdi appoġġ lid-Direttorat tal-Maniġġar ta' Kriżijiet u l-Ippjanar (CMPD), fuq talba tiegħu, fl-ippjanar strateġiku tiegħu għall-missjonijiet u l-operazzjoni tal-PSDK fil-Qarn tal-Afrika u fir-reġjun tas-Saħel;

(d)

jiffaċilita l-interazzjoni bejn il-missjonijiet u l-operazzjoni tal-PSDK rispettivi u l-istrutturi bbażati fi Brussell. Fir-rigward tal-każijiet pilota ‘taħriġ u tagħmir’ f'Mali u s-Somalja, iċ-Ċentru ta' Operazzjonijiet tal-UE jista' b'mod utli jipprovdi appoġġ għal mekkaniżmu ta' koordinazzjoni funzjonali, fid-dawl tal-pjan ta' implimentazzjoni tiegħu;

(e)

jiffaċilita l-koordinazzjoni u jtejjeb is-sinerġiji fost il-missjonijiet u l-operazzjoni tal-PSDK fil-Qarn tal-Afrika, fil-kuntest tal-istrateġija għall-Qarn tal-Afrika u f'kollaborazzjoni mar-Rappreżentant Speċjali tal-Unjoni Ewropea (RSUE) għall-Qarn tal-Afrika u l-Mibgħut Speċjali tal-Unjoni Ewropea għas-Somalja;

(f)

jiffaċilita l-koordinazzjoni u jtejjeb is-sinerġiji fost il-missjonijiet tal-PSDK fir-reġjun tas-Saħel, fil-kuntest tal-Istrateġija għas-Saħel u f'kollaborazzjoni mar-RSUE.

(a)

il-paragrafi 1 u 1a huma sostitwiti b'dan li ġej;

“1.   Il-Kunsill b'dan jawtorizza lill-KPS, f'konformità mal-Artikolu 38 tat-Trattat, biex jieħu deċiżjonijiet dwar il-ħatra tal-Kap taċ-Ċentru ta' Operazzjonijiet tal-UE.”

(b)

il-paragrafu 4 huwa sostitwit b'dan li ġej:

“4.   Il-Kap taċ-Ċentru ta' Operazzjonijiet tal-UE għandu jkun responsabbli li jwieġeb għat-talbiet indirizzati liċ-Ċentru ta' Operazzjonijiet tal-UE mill-Kmandant tal-Operazzjonijiet Ċivili, il-Kmandanti tal-Operazzjoni u tal-Missjoni tal-missjonijiet tal-PSDK fil-Qarn tal-Afrika u fir-reġjun tas-Saħel u mis-CMPD. Huwa għandu jiżgura l-funzjonament korrett taċ-Ċentru ta' Operazzjonijiet tal-UE u jikkoordina l-użu effiċjenti tal-kapaċitajiet tiegħu. Ir-responsabbiltà finali għad-dokumenti u d-deċiżjonijiet dwar l-ippjanar operattiv dwar it-twettiq tal-missjonijiet u l-operazzjoni għandha tibqa' rispettivament tal-Kmandant tal-Operazzjonijiet Ċivili u l-Kmandanti rispettivi tal-Operazzjoni u tal-Missjoni fil-Qarn tal-Afrika u fir-reġjun tas-Saħel.”

(c)

il-paragrafu 5 huwa sostitwit b'dan li ġej:

“5.   Fil-limiti tar-responsabbiltà tiegħu, il-Kap taċ-Ċentru ta' Operazzjonijiet tal-UE għandu jirrapporta regolarment lill-KPS u lill-EUMC, kif adatt.”

(a)

il-paragrafu 1 huwa sostitwit b'dan li ġej:

“1.   Iċ-Ċentru ta' Operazzjonijiet tal-UE għandu jkun magħmul minn persunal issekondat mill-Istati Membri u pprovdut mill-EUMS. Iċ-ċelloli rilevanti ta' kollegament u ta' appoġġ tal-missjonijiet u l-operazzjoni militari fil-Qarn tal-Afrika u fir-reġjun tas-Saħel għandhom jiġu integrati fiċ-Ċentru ta' Operazzjonijiet tal-UE, mingħajr preġudizzju għal-linji ta' kmand attwali.”

(b)

fil-paragrafu 2, l-ewwel sentenza hija sostitwita b'dan li ġej:

“2.   Ir-riżorsi umani mqiegħda għad-dispożizzjoni taċ-Ċentru ta' Operazzjonijiet tal-UE għandhom ikopru l-kompetenzi esperti militari kollha meħtieġa għall-implimentazzjoni korretta tal-mandat u l-kompiti tiegħu abbażi ta' pjan ta' implimentazzjoni ppreżentat lill-KPS u għandhom ikunu soġġetti għall-reviżjoni regolari.”

(c)

il-paragrafu 3 huwa sostitwit b'dan li ġej:

“3.   Il-persunal kollu għandu jirrispetta l-prinċipji ta' sigurtà u l-istandards minimi stabbiliti bid-Deċiżjoni tal-Kunsill 2013/488/UE (*).

(*)  Deċiżjoni tal-Kunsill 2013/488/UE tat-23 ta' Settembru 2013 dwar ir-regoli tas-sigurtà għall-protezzjoni ta' informazzjoni klassifikata tal-UE (ĠU L 274, 15.10.2013, p. 1).”"