This document is an excerpt from the EUR-Lex website
Document 32014D0523
2014/523/EU: Commission Implementing Decision of 4 August 2014 amending Annex I to Decision 2004/211/EC as regards the entry for Kuwait in the list of third countries and parts thereof from which the importation into the Union of live equidae and semen, ova and embryos of the equine species is authorised (notified under document C(2014) 5440) Text with EEA relevance
2014/523/UE: Deċiżjoni ta' Implimentazzjoni tal-Kummissjoni tal- 4 ta' Awwissu 2014 li temenda l-Anness I tad-Deċiżjoni 2004/211/KE fir-rigward tal-entrata tal-Kuwajt fil-lista ta' pajjiżi terzi u ta' partijiet mit-territorju tiegħu li minnhom hija awtorizzata l-importazzjoni fl-Unjoni ta' ekwidi ħajjin u ta' semen, ova u embrijoni tal-ispeċi ekwina (notifikata bid-dokument C(2014) 5440) Test b'rilevanza għaż-ŻEE
2014/523/UE: Deċiżjoni ta' Implimentazzjoni tal-Kummissjoni tal- 4 ta' Awwissu 2014 li temenda l-Anness I tad-Deċiżjoni 2004/211/KE fir-rigward tal-entrata tal-Kuwajt fil-lista ta' pajjiżi terzi u ta' partijiet mit-territorju tiegħu li minnhom hija awtorizzata l-importazzjoni fl-Unjoni ta' ekwidi ħajjin u ta' semen, ova u embrijoni tal-ispeċi ekwina (notifikata bid-dokument C(2014) 5440) Test b'rilevanza għaż-ŻEE
ĠU L 233, 6.8.2014, p. 33–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/09/2018; Impliċitament imħassar minn 32018R0659
|
6.8.2014 |
MT |
Il-Ġurnal Uffiċjali tal-Unjoni Ewropea |
L 233/33 |
DEĊIŻJONI TA' IMPLIMENTAZZJONI TAL-KUMMISSJONI
tal-4 ta' Awwissu 2014
li temenda l-Anness I tad-Deċiżjoni 2004/211/KE fir-rigward tal-entrata tal-Kuwajt fil-lista ta' pajjiżi terzi u ta' partijiet mit-territorju tiegħu li minnhom hija awtorizzata l-importazzjoni fl-Unjoni ta' ekwidi ħajjin u ta' semen, ova u embrijoni tal-ispeċi ekwina
(notifikata bid-dokument C(2014) 5440)
(Test b'rilevanza għaż-ŻEE)
(2014/523/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 92/65/KEE tat-13 ta' Lulju 1992, li tistabbilixxi l-ħtiġijiet dwar saħħa tal-annimali li jirregolaw il-kummerċ ta', u l-importazzjoni fil-Komunità ta' annimali, semen, ova u embrijuni mhux suġġetti għal ħtiġijiet ta' saħħa tal-annimali meħtieġa f'regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (1), u b'mod partikolari l-Artikolu 17(3)(a) tagħha,
Wara li kkunsidrat id-Direttiva tal-Kunsill 2009/156/KE tat-30 ta' Novembru 2009 dwar kundizzjonijiet tas-saħħa tal-annimali li jirregolaw il-moviment u l-importazzjoni minn pajjiżi terzi ta' ekwidi (2), u b'mod partikolari l-Artikolu 12(1) u (4), u l-frażi introduttorja tal-Artikolu 19 u l-punti (a) u (b) tal-Artikolu 19 tagħha,
Billi:
|
(1) |
Id-Direttiva 2009/156/KE tistipula l-kundizzjonijiet tas-saħħa tal-annimali għall-importazzjoni ta' ekwidi ħajjin fl-Unjoni. Hija tipprovdi, fost oħrajn, li l-importazzjonijiet tal-ekwidi fl-Unjoni huma awtorizzati biss minn pajjiżi terzi li ilhom ħielsa mill-glanders għal sitt xhur. |
|
(2) |
Id-Deċiżjoni tal-Kummissjoni 2004/211/KE (3) tistabbilixxi l-lista ta' pajjiżi terzi u ta' partijiet mit-territorju tagħhom li minnhom l-Istati Membri għandhom jawtorizzaw id-dħul temporanju ta' żwiemel irreġistrati, id-dħul mill-ġdid ta' żwiemel irreġistrati wara esportazzjoni temporanja, u l-importazzjoni ta' ekwidi rreġistrati u ekwidi għat-tgħammir u l-produzzjoni, u tistipula l-kundizzjonijiet għall-importazzjoni ta' ekwidi minn pajjiżi terzi. |
|
(3) |
Wara li nstab il-glanders fil-Kuwajt fl-2010, il-Kummissjoni, billi adottat id-Deċiżjoni tal-Kummissjoni 2010/776/UE (4), issospendiet l-importazzjoni ta' żwiemel irreġistrati mill-Kuwajt. Il-Kuwajt issa ressaq informazzjoni li turi li l-marda inqerdet għalkollox u li minn mindu ġie kkonfermat l-aħħar każ fid-19 ta' Diċembru 2010 is-sorveljanza għaddejja fuq il-popolazzjoni kollha ekwina ma skopriet l-ebda każ ġdid. |
|
(4) |
Minħabba li għaddew iktar minn sitt xhur minn wara l-aħħar każ tal-glanders fil-Kuwajt, jixraq li jiġi awtorizzat id-dħul temporanju, id-dħul mill-ġdid wara l-esportazzjoni temporanja, u l-importazzjoni ta' żwiemel irreġistrati minn dak il-pajjiż. Għalhekk, l-entrata għall-Kuwajt fl-Anness I tad-Deċiżjoni 2004/211/KE għandha tiġi emendata skont dan. |
|
(5) |
L-Anness I tad-Deċiżjoni 2004/211/KE għandu għalhekk jiġi emendat skont dan. |
|
(6) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Fl-Anness I tad-Deċiżjoni 2004/211/KE l-entrata għall-Kuwajt tinbidel b'dan li ġej:
|
“KW |
Il-Kuwajt |
KW-0 |
Il-pajjiż kollu |
E |
X |
X |
X |
— |
— |
— |
— |
— |
—” |
|
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, l-4 ta' Awwissu 2014.
Għall-Kummissjoni
Tonio BORG
Membru tal-Kummissjoni
(1) ĠU L 268, 14.9.1992, p. 54.
(2) ĠU L 192, 23.7.2010, p. 1.
(3) Id-Deċiżjoni tal-Kummissjoni 2004/211/KE tas-6 ta' Jannar 2004 li tistabbilixxi l-lista ta' pajjiżi terzi u ta' partijiet mit-territorju tagħhom li minnhom l-Istati Membri jawtorizzaw l-importazzjoni ta' equidae ħajjin u ta' semen, ova u embrijoni tal-ispeċi ekwina, u li temenda d-Deċiżjonijiet Nru 93/195/KEE u 94/63/KE (ĠU L 73, 11.3.2004, p. 1).
(4) Id-Deċiżjoni tal-Kummissjoni 2010/776/UE tal-15 ta' Diċembru 2010 li temenda d-Deċiżjoni 2004/211/KE dwar ir-reġistrazzjonijiet tal-Brażil, il-Kuwajt u s-Sirja fil-lista ta' pajjiżi terzi u ta' partijiet tagħhom li minnhom l-Unjoni Ewropea tawtorizza l-introduzzjoni ta' equidae ħajjin u ta' semen, ova u embrijoni tal-ispeċi ekwina (ĠU L 332, 16.12.2010, p. 38).