This document is an excerpt from the EUR-Lex website
Document 32013R0933
Commission Implementing Regulation (EU) No 933/2013 of 26 September 2013 fixing the representative prices and additional import duties applicable to molasses in the sugar sector from 1 October 2013
Regolament ta’ Implimentazzjoni tal-Kummissjoni (UE) Nru 933/2013 tas- 26 ta’ Settembru 2013 li jistabbilixxi l-prezzijiet rappreżentattivi u l-ammonti tad-dazji addizzjonali għall-importazzjoni tal-melassa fis-settur taz-zokkor applikabbli mill- 1 ta' Ottubru 2013
Regolament ta’ Implimentazzjoni tal-Kummissjoni (UE) Nru 933/2013 tas- 26 ta’ Settembru 2013 li jistabbilixxi l-prezzijiet rappreżentattivi u l-ammonti tad-dazji addizzjonali għall-importazzjoni tal-melassa fis-settur taz-zokkor applikabbli mill- 1 ta' Ottubru 2013
ĠU L 255, 27.9.2013, p. 16–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
27.9.2013 |
MT |
Il-Ġurnal Uffiċjali tal-Unjoni Ewropea |
L 255/16 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 933/2013
tas-26 ta’ Settembru 2013
li jistabbilixxi l-prezzijiet rappreżentattivi u l-ammonti tad-dazji addizzjonali għall-importazzjoni tal-melassa fis-settur taz-zokkor applikabbli mill-1 ta' Ottubru 2013
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS), [ir-Regolament dwar l-OKS unika] (1), u b'mod partikolari l-Artikolu 143 tiegħu, b’rabta mal-Artikolu 4 tiegħu,
Billi:
|
(1) |
Ir-Regolament tal-Kummissjoni (KE) Nru 951/2006 tat-30 ta' Ġunju 2006 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 318/2006 dwar il-kummerċ ma’ pajjiżi terzi fis-settur taz-zokkor (2), jipprovdi li l-prezzijiet ta' importazzjoni CIF tal-melassa għall-kwalità standard definita fl-Artikolu 27 tar-Regolament imsemmi jitqiesu bħala l-"prezzijiet rappreżentattivi". |
|
(2) |
Biex dawn il-prezzijiet rappreżentattivi jiġu stabbiliti, għandha titqies l-informazzjoni kollha pprovduta fl-Artikolu 29 tar-Regolament (KE) Nru 951/2006, ħlief fil-każijiet previsti fl-Artikolu 30 tar-Regolament imsemmi, u kif xieraq, dawn jistgħu jiġu stabbiliti skont il-metodu speċifikat fl-Artikolu 33 tar-Regolament (KE) Nru 951/2006. |
|
(3) |
Il-prezzijiet li ma għandhomx x’jaqsmu mal-kwalità standard għandhom jiġu aġġustati, skont il-kwalità ta’ melassa offerta, billi jitnaqqsu jew jiżdiedu skont l-Artikolu 32 tar-Regolament (KE) Nru 951/2006. |
|
(4) |
Fejn ikun hemm differenza bejn il-prezz inizjali għall-prodott ikkonċernat u l-prezz rappreżentattiv, jeħtieġ li jiġu stabbiliti dazji addizzjonali għall-importazzjoni, dejjem skont il-kundizzjonijiet stipulati fl-Artikolu 39 tar-Regolament (KE) Nru 951/2006. F’każ ta’ sospensjoni tad-dazji għall-importazzjoni bl-applikazzjoni tal-Artikolu 40 tar-Regolament (KE) Nru 951/2006, jeħtieġ li jiġu stabbiliti l-ammonti partikolari għal dawn id-dazji. |
|
(5) |
Jeħtieġ li jiġu stabbiliti l-prezzijiet rappreżentattivi u d-dazji addizzjonali għall-importazzjoni tal-prodotti kkonċernati, skont l-Artikolu 34 tar-Regolament (KE) Nru 951/2006. |
|
(6) |
Sabiex jiġi żgurat li din il-miżura tapplika malajr kemm jista' jkun wara li d-dejta aġġornata ssir disponibbli, jeħtieġ li dan ir-Regolament jidħol fis-seħħ fil-jum tal-pubblikazzjoni tiegħu. |
|
(7) |
Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi u d-dazji addizzjonali għall-importazzjoni tal-prodotti msemmija fl-Artikolu 34 tar-Regolament (KE) Nru 951/2006 huma stabbiliti fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Settembru 2013.
Għall-Kummissjoni, F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 178, 1.7.2006, p. 24.
ANNESS
Prezzijiet rappreżentattivi u l-ammonti tad-dazji addizzjonali għall-importazzjoni ta' melassa fis-settur taz-zokkor applikabbli mill-1 ta' Ottubru 2013
|
(f'EUR) |
|||
|
Kodiċi NM |
Ammont tal-prezz rappreżentattiv għal kull 100 kg nett tal-prodott ikkonċernat |
Ammont tad-dazju addizzjonali għal kull 100 kg nett tal-prodott ikkonċernat |
Ammont ta’ dazju applikat għall-importazzjoni minħabba s-sospensjoni msemmija fl-Artikolu 40 tar-Regolament (KE) Nru 951/2006 għal kull 100 kg nett tal-prodott ikkonċernat (1) |
|
1703 10 00 (2) |
14,73 |
— |
0 |
|
1703 90 00 (2) |
14,35 |
— |
0 |
(1) Dan l-ammont jissostitwixxi, skont l-Artikolu 40 għar-Regolament (KE) Nru 951/2006, ir-rata tad-dazju tat-Tariffa Doganali Komuni stabbilita għal dawn il-prodotti.
(2) Stabbilit għall-kwalità standard kif iddefinita fl-Artikolu 27 tar-Regolament (KE) Nru 951/2006.