This document is an excerpt from the EUR-Lex website
Document 32013R0923
Commission Implementing Regulation (EU) No 923/2013 of 25 September 2013 opening and providing for the management of Union tariff quotas for agricultural products originating in Panama
Regolament ta’ Implimentazzjoni tal-Kummissjoni (UE) Nru 923/2013 tal- 25 ta’ Settembru 2013 li jiftaħ u jipprevedi l-ġestjoni tal-kwoti tariffarji tal-Unjoni għall-prodotti agrikoli li joriġinaw fil-Panama
Regolament ta’ Implimentazzjoni tal-Kummissjoni (UE) Nru 923/2013 tal- 25 ta’ Settembru 2013 li jiftaħ u jipprevedi l-ġestjoni tal-kwoti tariffarji tal-Unjoni għall-prodotti agrikoli li joriġinaw fil-Panama
ĠU L 254, 26.9.2013, p. 3–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
26.9.2013 |
MT |
Il-Ġurnal Uffiċjali tal-Unjoni Ewropea |
L 254/3 |
REGOLAMENTTA’ IMPLIMENTAZZJONI TAL-KUMMISSJONI (UE) Nru 923/2013
tal-25 ta’ Settembru 2013
li jiftaħ u jipprevedi l-ġestjoni tal-kwoti tariffarji tal-Unjoni għall-prodotti agrikoli li joriġinaw fil-Panama
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2012/734/UE tal-25 ta’ Ġunju 2012 dwar l-iffirmar, f’isem l-Unjoni Ewropea, tal-Ftehim li jistabbilixxi Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Amerika Ċentrali, min-naħa l-oħra, u l-applikazzjoni proviżorja tal-Parti IV tiegħu dwar kwistjonijiet kummerċjali (1), u b’mod partikolari l-Artikolu 6 tagħha,
Billi:
(1) |
Id-Deċiżjoni 2012/734/UE awtorizzat l-iffirmar, f’isem l-Unjoni, tal-Ftehim li jistabbilixxi Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Amerika Ċentrali min-naħa l-oħra (“il-Ftehim”). Skont id-Deċiżjoni 2012/734/UE, il-Ftehim għandu jiġi applikat fuq bażi proviżorja, sakemm jitlestew il-proċeduri għall-konklużjoni tiegħu. Il-Ftehim jibda japplika fuq bażi proviżorja mill-1 ta’ Awwissu 2013. |
(2) |
L-Appendiċi 2 tal-Anness I tal-Ftehim jikkonċerna l-kwoti tar-rati tariffarji tal-UE għall-importazzjoni għall-oġġetti li joriġinaw mill-Amerika Ċentrali. Żewġ kwoti tariffarji huma mogħtija esklużivament lill-Panama. Għaldaqstant huwa neċessarju li jinfetħu l-kwoti tariffarji għat-tali prodotti. |
(3) |
Il-kwoti għandhom jiġu amministrati fuq bażi ta’ min jasal l-ewwel skont ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (2). Sabiex jibbenefikaw mill-konċessjonijiet tariffarji previsti f’dan ir-Regolament, il-prodotti elenkati fl-Anness għandhom jiġu akkumpanjati minn prova tal-oriġini kif previst fil-Ftehim. L-Anness I tar-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (3), kif emendat mir-Regolament ta’ Implimentazzjoni tal-Kummissjoni (UE) Nru 927/2012 (4), fih kodiċijiet tan-NM ġodda li huma differenti minn dawk imsemmija fil-Ftehim. Il-kodiċijiet il-ġodda għaldaqstant għandhom ikunu riflessi fl-Anness ta’ dan ir-Regolament. |
(4) |
Peress li l-Ftehim jidħol fis-seħħ fl-1 ta’ Awwissu 2013, dan ir-Regolament għandu japplika mill-istess data. |
(5) |
Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Huma miftuħa kwoti tariffarji tal-Unjoni għall-oġġetti li joriġinaw fil-Panama u elenkati fl-Anness.
Artikolu 2
Id-dazji doganali applikabbli għall-importazzjonijiet fl-Unjoni ta’ oġġetti li joriġinaw fil-Panama u elenkati fl-Anness għandhom, fil-kwoti tariffarji rispettivi stipulati fl-Anness ta’ dan ir-Regolament, jiġu sospiżi.
Artikolu 3
Il-prodotti elenkati fl-Anness għandhom jiġu akkumpanjati minn prova tal-oriġini kif stipulat fl-Appendiċi 3 tal-Anness II tal-Ftehim.
Artikolu 4
Il-kwoti tariffarji fl-Anness għandhom jiġu ġestiti mill-Kummissjoni b’konformità mal-Artikoli 308a sa 308c tar-Regolament (KEE) Nru 2454/93.
Artikolu 5
Dan ir-Regolament jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan japplika mill-1 ta’ Awwissu 2013.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Settembru 2013.
Għall-Kummissjoni
Il-President
José Manuel BARROSO
(1) ĠU L 346, 15.12.2012, p. 1.
(2) ĠU L 253, 11.10.1993, p. 1.
(4) ĠU L 304, 31.10.2012, p. 1.
ANNESS
Minkejja r-regoli ta’ interpretazzjoni tan-Nomenklatura Magħquda, il-kliem użat għad-deskrizzjoni tal-prodotti għandu jitqies biss bħala kliem ta’ valur indikattiv, bil-kamp ta’ applikazzjoni tal-iskema preferenzjali deċiż, fil-kuntest ta’ dan l-Anness, permezz tal-kodiċijiet tan-NM kif jeżistu meta jiġi adottat dan ir-Regolament.
Numru tal-Ordni |
Kodiċi NM |
Deskrizzjoni tal-oġġetti |
Perjodu tal-kwota |
Volum tal-kwota annwali (piż nett f’tunnellati sakemm mhux speċifikat mod ieħor) |
09.7310 |
2208 40 51 2208 40 99 |
Rum u spirti oħra miksuba permezz tad-distillazzjoni ta’ prodotti miz-zokkor tal-kannamieli ffermentati, f’kontenituri li jesgħu aktar minn 2 litri |
Mill-1.8.2013 sal-31.12.2013 |
417 ettolitru (espressi f’ekwivalent ta’ alkoħol pur) |
Mill-1.1 sal-31.12.2014 u għal kull perjodu sussegwenti mill-1.1 sal-31.12 |
1 050 ettolitru (espressi f’ekwivalent ta’ alkoħol pur) (1) |
|||
09.7311 |
1701 13 1701 14 1701 91 1701 99 |
Zokkor tal-kannamieli jew tal-pitravi u sukrows kimikalment pur, f’forma solida, għajr iż-żokkor mhux raffinat li ma fihx miżjudin ħwawar jew materjal biex jagħti l-kulur |
Mill-1.8.2013 sal-31.12.2013 |
5 000 (espress f’ekwivalent ta’ zokkor mhux raffinat) |
1702 30 |
Glukows u ġulepp tal-glukows, li ma fihomx fruktows jew fihom fl-istat xott anqas minn 20 % tal-piż fruktows |
Mill-1.1 sal-31.12.2014 u għal kull perjodu sussegwenti mill-1.1 sal-31.12. |
12 360 (espress f’ekwivalent ta’ zokkor mhux raffinat) (2) |
|
1702 40 90 |
Glukows u ġulepp tal-glukows għajr l-isoglukows, li fihom fl-istat xott għallinqas 20 % iżda inqas minn 50 % tal-piż fruktows, ħlief zokkor maqlub (invert) |
|||
1702 50 |
Fruktows kimikalment pur |
|||
1704 90 99 |
Ħelu taz-zokkor ieħor, mingħajr kawkaw |
|||
1702 90 30 1702 90 50 1702 90 71 1702 90 75 1702 90 79 1702 90 80 1702 90 95 |
Oħrajn, inklużi zokkor maqlub (invert) u zokkor ieħor u taħlit ta’ ġulepp taz-zokkor li fihom fl-istat xott 50 % tal-piż fruktows, għajr il-maltosju kimikalment pur |
|||
1806 10 30 1806 10 90 |
Trab tal-kawkaw, li fih 65 % jew aktar tal-piż sukrows jew isoglukows imfisser bħala sukrows |
|||
Ex18062095 |
Preparazzjonijiet oħrajn fi blokki, ċangaturi jew biċċiet jiżnu aktar minn 2 kg jew f’forma likwida, pejst, trab, granulari jew f’xi forma oħra bl-ingrossa ġo kontenituri jew pakki diretti, b’kontenut itqal minn 2 kg, li fihom inqas minn 18 % tal-piż butir tal-kawkaw u 70 % jew aktar tal-piż sukrows |
|||
Ex18069090 |
Preparazzjonijiet oħra taċ-ċikkulata u ikel ieħor li fihom il-kawkaw li fihom 70 % jew aktar f’piż ta’ sukrows (inkluż zokkor invertit espress bħala sukrows) |
|||
1901 90 99 |
Preparazzjonijiet tal-ikel oħra tad-dqiq, groats (xgħir u barli mitħun oħxon), pasta, lamtu jew estratt tax-xgħir, ma fihomx kawkaw jew fihom inqas minn 40 % tal-piż kawkaw kalkulata fuq bażi totalment mingħajr xaħam, preparazzjonijiet tal-ikel oħra ta’ oġġetti ta’ titli 0401 sa 0404 , ma fihomx kawkaw jew fihom inqas minn 5 % tal-piż kawkaw kalkulata fuq bażi totalment mingħajr xaħam |
|||
2006 00 31 2006 00 38 |
Frott (eskluż il-frott tropikali u l-ġinġer), ħxejjex, ġewż (eskluż il-ġewż tropikali), qoxra tal-frott u bċejjeċ oħrajn ta’ pjanti, ippreservati biz-zokkor (ixxuttati, glasè jew mgħasslin) |
|||
2007 91 10 2007 99 20 2007 99 31 2007 99 33 2007 99 35 2007 99 39 |
Ġammijiet, ġèli tal-frott, marmellati, purée tal-frott jew tal-ġewż u pejsts tal-frott u tal-ġewż, miksubin bit-tisjir |
|||
Ex20 09 |
Meraq tal-frott (għajr il-meraq tat-tadam, il-meraq tal-frott tropikali u t-taħlitiet tal-meraq tal-frott tropikali) u meraq tal-ħxejjex ta’ valur taħt it-30 EUR kull 100 kg piż nett, mhux fermentati u ma fihomx spirtu miżjud, b’kontenut ta’ zokkor miżjud ogħla minn 30 % tal-piż |
|||
Ex21011298 Ex21012098 |
Preparazzjonijiet b’bażi ta’ kafè, tè jew matè, b’kontenut ta’ 70 % jew aktar ta’ sukrows bil-piż |
|||
Ex21069098 |
Preparazzjonijiet tal-ikel oħra li mhumiex speċifikati jew inklużi band’oħra, li jkollhom 70 % jew aktar f’piż ta’ sukrows |
|||
3302 10 29 |
Taħlit ta’ sustanzi li jfuħu u taħlit b’bażi ta’waħda jew aktar minn dawn is-sustanzi, ta’ tip użati fl-industriji tax-xorb, li fihom l-aġenti kollha ta’ taħwir li jikkaratterizzaw xarba, b’saħħa alkoħolika attwali bil-volum mhux aktar minn 0,5 % |
(1) B’żieda ta’ 50 ettolitri (espressi f’ekwivalent ta’ alkoħol pur) kull sena mill-1.1.2015.
(2) B’żieda ta’ 360 tunnellata (espressi f’ekwivalent ta’ zokkor mhux raffinat) kull sena mill-1.1.2015.