10.4.2013   

MT

Il-Ġurnal Uffiċjali tal-Unjoni Ewropea

L 101/48

(1)

Fit-12 ta’ Novembru 2012, l-awtoritajiet Franċiżi ppreżentaw programm lill-Kummissjoni għall-2013 li jistipula l-miżuri għas-saħħa tal-pjanti fid-dipartimenti Franċiżi extra-Ewropej. Dan il-programm jispeċifika l-għanijiet li jridu jinkisbu, ir-riżultati mistennija, il-miżuri li jridu jittieħdu, kemm idumu u l-ispiża fuqhom bil-għan li possibbilment tingħata kontribuzzjoni finanzjarja mill-Unjoni għalih.

(2)

Il-miżuri stipulati f’dak il-programm jissodisfaw ir-rekwiżiti tad-Deċiżjoni tal-Kummissjoni 2007/609/KE tal-10 ta’ Settembru 2007 dwar it-tifsira tal-miżuri eliġibbli għall-finanzjament tal-Komunità fil-programmi għall-kontroll ta’ organiżmi ta’ ħsara għall-pjanti u prodotti tal-pjanti f’dipartimenti Franċiżi barra mill-pajjiż, fl-Azores u Madeira (2).

(3)

Il-miżuri stabbiliti fil-programm ġew ivvalutati mill-Kummissjoni u diskussi fil-laqgħa tal-Kumitat Permanenti dwar is-Saħħa tal-Pjanti tat-22 u t-23 ta’ Novembru 2012. Tabella finanzjarja riveduta ġiet ipprovduta fil-15 ta’ Frar 2013. B’riżultat ta’ dan, il-Kummissjoni tikkunsidra li l-programm u l-għanijiet tiegħu jissodisfaw ir-rekwiżiti tal-Artikolu 17(1) tar-Regolament (KE) Nru 247/2006.

(4)

Skont l-Artikolu 17(3) tar-Regolament (KE) Nru 247/2006, għandu jiġi stabbilit limitu massimu adegwat għall-kontribuzzjoni finanzjarja tal-Unjoni, u l-ħlas ghandu jsir abbażi tad-dokumenti ppreżentati minn Franza.

(5)

Skont l-Artikolu 3(2)(a) tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (3), il-kontribuzzjonijiet finanzjarji tal-Unjoni għall-miżuri għas-saħħa tal-pjanti għandhom jiġu ffinanzjati mill-Fond Agrikolu Ewropew ta’ Garanzija. Għall-finijiet tal-kontroll finanzjarju ta’ dawk il-miżuri, għandhom japplikaw l-Artikoli 9, 36 u 37 ta’ dak ir-Regolament.

(6)

Skont l-Artikolu 75 tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit generali tal-Komunitajiet Ewropej (4) u l-Artikolu 90(1) tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolament Finanzjarju li jgħodd għall-baġit ġenerali tal-Komunitajiet Ewropej (5), l-impenn tan-nefqa mill-baġit tal-Unjoni għandu jsegwi deċiżjoni ta’ finanzjament adottata mill-istituzzjoni jew l-awtorità li lilha jkunu ngħataw il-poteri, li tistabbilixxi l-elementi essenzjali tal-azzjoni li tinvolvi n-nefqa.

(7)

Il-programm ippreżentat mill-awtoritajiet Franċiżi fit-12 ta’ Novembru 2012 u l-miżuri stipulati jirrigwardaw is-sena kalendarja tal-2013. L-Artikolu 112 tar-Regolament (KE, Euratom) Nru 1605/2002 jistipula li l-għotja għal azzjoni diġà mibdija tista’ tingħata biss meta l-applikant ikun jista’ juri l-ħtieġa li jibda l-azzjoni qabel ma tingħata l-għotja. Franza wriet il-ħtieġa li tibda dan il-programm mill-bidu tal-2013 biex tippermetti finanzjament xieraq u biex tippermetti li dawn il-miżuri jibdew jitwettqu qabel ma tingħata l-kontribuzzjoni finanzjarja mill-Unjoni stipulata fid-Deċiżjoni attwali.

(8)

Din id-deċiżjoni tikkostitwixxi deċiżjoni finanzjarja skont it-tifsira tal-Artikolu 75 tar-Regolament (KE, Euratom) Nru 1605/2002 għall-ammonti massimi awtorizzati ta’ nfiq ipprovduti fit-talba għall-kofinanzjament, kif inhu stabbilit fil-programm imressaq minn Franza.

(9)

Il-miżuri stipulati f’din id-deċiżjoni huma skont l-opinjoni tal-Kumitat Permanenti dwar is-Saħħa tal-Pjanti,

(a)

evalwazzjoni teknika konċiża tal-programm kollu, inkluż il-grad ta’ kisba tal-għanijiet fiżiċi u kwalitattivi. Dik l-evalwazzjoni għandha torbot l-għanijiet stabbiliti fil-programm inizjali ppreżentat minn Franza mar-riżultati miksuba, mogħtija f’termini tal-kisbiet mistennija u tal-passi tat-tlestija tax-xogħol. Hija għandha tispjega l-progress li sar u tivvaluta l-impatt fitosanitarju u ekonomiku immedjat tal-miżuri miksuba; kif ukoll

(b)

dikjarazzjoni tal-ispiża finanzjarja li tistabbilixxi l-ispejjeż imġarrba u mħallsa mill-1 ta’ Jannar 2013 sal-31 ta’ Diċembru 2013, imqassmin skont is-sottoprogramm u skont il-miżura. Din id-dikjarazzjoni għandu jkollha magħha prova jew evidenza tal-ħlas tan-nefqa permezz tad-dokumentazzjoni x-xierqa, bħall-fatturi jew l-irċevuti.