Edizzjoni speċjali bil-Kroat: Kapitolu 03 Volum 037 P. 297 - 298
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32012R0937
Commission Implementing Regulation (EU) No 937/2012 of 12 October 2012 amending Regulations (EC) No 1122/2009 and (EU) No 65/2011 as regards the method for determining applicable interest on undue payments to be recovered from beneficiaries of the direct support schemes for farmers under Council Regulation (EC) No 73/2009, of support for rural development under Council Regulation (EC) No 1698/2005 and of support for the wine sector under Council Regulation (EC) No 1234/2007
Regolament ta’ Implimentazzjoni tal-Kummissjoni (UE) Nru 937/2012 tat- 12 ta’ Ottubru 2012 li jemenda r-Regolamenti (KE) Nru 1122/2009 u (UE) Nru 65/2011 fir-rigward tal-metodu li jiddetermina l-imgħax applikabbli fuq pagamenti mhux dovuti minn benefiċjarji tal-iskemi ta’ appoġġ dirett għal bdiewa skont ir-Regolament tal-Kunsill (KE) Nru 73/2009, ta’ appoġġ għall-iżvilupp rurali skont ir-Regolament tal-Kunsill (KE) Nru 1698/2005 u ta’ appoġġ għas-settur tal-inbid skont ir-Regolament tal-Kunsill (KE) Nru 1234/2007
Regolament ta’ Implimentazzjoni tal-Kummissjoni (UE) Nru 937/2012 tat- 12 ta’ Ottubru 2012 li jemenda r-Regolamenti (KE) Nru 1122/2009 u (UE) Nru 65/2011 fir-rigward tal-metodu li jiddetermina l-imgħax applikabbli fuq pagamenti mhux dovuti minn benefiċjarji tal-iskemi ta’ appoġġ dirett għal bdiewa skont ir-Regolament tal-Kunsill (KE) Nru 73/2009, ta’ appoġġ għall-iżvilupp rurali skont ir-Regolament tal-Kunsill (KE) Nru 1698/2005 u ta’ appoġġ għas-settur tal-inbid skont ir-Regolament tal-Kunsill (KE) Nru 1234/2007
ĠU L 280, 13.10.2012, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2014; Imħassar b' 32014R0640
Language
HTML
PDF
Official Journal
|
13.10.2012 |
MT |
Il-Ġurnal Uffiċjali tal-Unjoni Ewropea |
L 280/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 937/2012
tat-12 ta’ Ottubru 2012
li jemenda r-Regolamenti (KE) Nru 1122/2009 u (UE) Nru 65/2011 fir-rigward tal-metodu li jiddetermina l-imgħax applikabbli fuq pagamenti mhux dovuti minn benefiċjarji tal-iskemi ta’ appoġġ dirett għal bdiewa skont ir-Regolament tal-Kunsill (KE) Nru 73/2009, ta’ appoġġ għall-iżvilupp rurali skont ir-Regolament tal-Kunsill (KE) Nru 1698/2005 u ta’ appoġġ għas-settur tal-inbid skont ir-Regolament tal-Kunsill (KE) Nru 1234/2007
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1698/2005 tal-20 ta’ Settembru 2005 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) (1), u b’mod partikolari l-Artikolu 51(4), l-Artikolu 74(4) u l-Artikolu 91 tiegħu,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (2), u b’mod partikolari l-Artikoli 85x u 103za, flimkien mal-Artikolu 4 tiegħu,
Wara li kkunsidrat ir-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003 (3), u b’mod partikolari l-punti (c) u (o) tal-Artikolu 142 tiegħu,
Billi:
|
(1) |
L-Artikolu 80(2) tar-Regolament tal-Kummissjoni (KE) Nru 1122/2009 tat-30 ta’ Novembru 2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 73/2009 fir-rigward tal-kundizzjonalità, il-modulazzjoni u s-sistema integrata ta’ amministrazzjoni u kontroll, skont l-iskemi ta’ appoġġ għall-bdiewa previsti għal dak ir-Regolament, kif ukoll għall-implimentazzjoni tar-Regolament tal-Kunsill (KE) Nru 1234/2007 fir-rigward tal-kundizzjonalità skont l-iskema ta’ appoġġ prevista għas-settur tal-inbid (4) u l-Artikolu 5(2) tar-Regolament tal-Kummissjoni (UE) Nru 65/2011 tas-27 ta’ Jannar 2011 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1698/2005 dwar l-implimentazzjoni ta’ proċeduri ta’ kontroll kif ukoll kundizzjonalità fir-rigward ta’ miżuri ta’ appoġġ għall-iżvilupp rurali (5) jistipulaw il-metodu li jiddetermina l-imgħax applikabbli fuq pagamenti mhux dovuti li għandu jiġi rkuprat minn benefiċjarji tal-appoġġ kopert minn dawk ir-Regolamenti. |
|
(2) |
L-imgħax japplika għal perjodu ta’ żmien min-notifika tal-obbligu tal-ħlas lura sal-ħlas lura effettiv jew it-tnaqqis tal-ammont li jrid jerġa’ jitħallas. Dan iwassal għal obbligu min-naħa tal-awtoritajiet nazzjonali li jiġbru l-imgħax fi prattikament kull każ ta’ rkupru, b’ordni ta’ rkupru separata ladarba jkun magħruf iż-żmien li jkun għadda. |
|
(3) |
Għal raġunijiet ta’ simplifikazzjoni u sabiex tittejjeb l-effiċjenza amministrattiva, l-imgħax għandu jkun dovut biss minn data ta’ skadenza tal-pagament li tkun raġonevoli għad-debitur, indikata fl-ordni ta’ rkupru. |
|
(4) |
Għalhekk, ir-Regolamenti (KE) Nru 1122/2009 u (KE) Nru 65/2011 għandhom ikunu emendati skont dan. |
|
(5) |
Fl-interess taċ-ċertezza legali, għandu jkun speċifikat li l-miżuri stipulati f’dan ir-Regolament japplikaw fir-rigward tal-ordnijiet ta’ rkupru maħruġa mis-16 ta’ Ottubru 2012. |
|
(6) |
Il-miżuri previsti f’dan ir-Regolament huma skont l-opinjoni tal-Kumitat għall-Iżvilupp Rurali, tal-Kumitat ta’ Ġestjoni għall-Organizzazzjoni Komuni tas-Swieq Agrikoli u tal-Kumitat ta’ Ġestjoni għall-Pagamenti Diretti, |
ADOTTAT DAN IR-REGOLAMENT:
Artikolu 1
Emenda tar-Regolament (KE) Nru 1122/2009
Fl-Artikolu 80(2) tar-Regolament (KE) Nru 1122/2009, l-ewwel subparagrafu għandu jinbidel b’dan li ġej:
“2. L-imgħax għandu jiġu kkalkulat għall-perjodu mid-data ta’ skadenza tal-pagament għall-bidwi, indikata fl-ordni ta’ rkupru, li ma għandhiex tkun aktar minn 60 ġurnata, sad-data jew tal-ħlas lura jew tat-tnaqqis.”
Artikolu 2
Emenda għar-Regolament (UE) Nru 65/2011
Fl-Artikolu 5(2) tar-Regolament (UE) Nru 65/2011, l-ewwel subparagrafu għandu jinbidel b’dan li ġej:
“2. L-imgħax għandu jiġu kkalkulat għall-perjodu mid-data ta’ skadenza tal-pagament għall-benefiċjarju, indikata fl-ordni ta’ rkupru, li ma għandhiex tkun aktar minn 60 ġurnata, sad-data jew tal-ħlas lura jew tat-tnaqqis.”.
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan għandu japplika fir-rigward tal-ordnijiet ta’ rkupru maħruġa mis-16 ta’ Ottubru 2012.
Dan ir-Regolament għandu japplika fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Ottubru 2012.
Għall-Kummissjoni
Il-President
José Manuel BARROSO
(1) ĠU L 277, 21.10.2005, p. 1.
(2) ĠU L 299, 16.11.2007, p. 1.
(3) ĠU L 30, 31.1.2009, p. 16.
(4) ĠU L 316, 2.12.2009, p. 65.