Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0093

Regolament ta’ Implimentazzjoni tal-Kummissjoni (UE) Nru 93/2012 tat- 3 ta’ Frar 2012 dwar l-awtorizzazzjoni tal- Lactobacillus plantarum (DSM 8862 u DSM 8866) bħala addittiv fl-għalf għall-ispeċi kollha tal-annimali Test b’relevanza għaż-ŻEE

ĠU L 33, 4.2.2012, p. 1–3 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 25/07/2023; Imħassar b' 32023R1416

ELI: http://data.europa.eu/eli/reg_impl/2012/93/oj

4.2.2012   

MT

Il-Ġurnal Uffiċjali tal-Unjoni Ewropea

L 33/1

REGOLAMENT TA’ IMPLIMENTAZZJONI TAL-KUMMISSJONI (UE) Nru 93/2012

tat-3 ta’ Frar 2012

dwar l-awtorizzazzjoni tal-Lactobacillus plantarum (DSM 8862 u DSM 8866) bħala addittiv fl-għalf għall-ispeċi kollha tal-annimali

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment tal-annimali u r-raġunijiet u l-proċeduri għall-għoti ta’ awtorizzazzjoni bħal din.

(2)

Ġiet ippreżentata applikazzjoni, f’konformità mal-Artikolu 7 tar-Regolament (KE) Nru 1831/2003, għall-awtorizzazzjoni tal-Lactobacillus plantarum (DSM 8862 u DSM 8866). Din l-applikazzjoni kienet akkumpanjata mid-dettalji u d-dokumenti stipulati fl-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-Lactobacillus plantarum (DSM 8862 u DSM 8866) bħala addittiv fl-għalf tal-ħnieżer, il-bovini, in-nagħaġ, il-mogħoż u ż-żwiemel, li għandu jiġi klassifikat fil-kategorija tal-addittivi “addittivi teknoloġiċi”.

(4)

L-Awtorità Ewropea dwar is-Sigurtà fl-Ikel (“l-Awtorità”), fl-opinjoni tagħha tal-11 ta' Ottubru 2011 (2), ikkonkludiet li l-Lactobacillus plantarum (DSM 8862 u DSM 8866) ma għandux effett ta' ħsara fuq is-saħħa tal-annimali, is-saħħa tal-bniedem jew l-ambjent meta jintużaw skont il-kondizzjonijiet proposti u li din il-preparazzjoni għandha l-potenzjal li ttejjeb il-produzzjoni tal-ħaxix għall-għalf mill-foraġġ kollu billi tnaqqas il-pH u żżid il-preservazzjoni tal-materja niexfa. L-Awtorità tqis li ma hemmx bżonn ta' rekwiżiti speċifiċi ta’ monitoraġġ għal wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittivi fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003.

(5)

Il-valutazzjoni tal-Lactobacillus plantarum (DSM 8862 u DSM 8866) turi li l-kundizzjonijiet għall-awtorizzazzjoni, kif stabbilit fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta' dik il-preparazzjoni għandu jiġi awtorizzat kif speċifikat fl-Anness ma' dan ir-Regolament.

(6)

Huwa xieraq, li biex tiġi żgurata l-konsistenza, l-approvazzjoni ta’ dan l-addittiv għall-ħnieżer, il-bovini, in-nagħaġ, il-mogħoż u ż-żwiemel tiġi estiża għall-ispeċijiet kollha tal-annimali, skont l-awtorizzazzjoni preċedenti għall-addittivi simili.

(7)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tifforma parti mill-kategorija ta’ addittivi “addittivi teknoloġiċi” u mill-grupp funzjonali “addittivi tal-ħaxix għall-għalf”, hija awtorizzata bħala addittiv fin-nutriment tal-annimali suġġetta għall-kundizzjonijiet stipulati f’dak l-Anness.

Artikolu 2

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-3 ta’ Frar 2012.

Għall-Kummissjoni

Il-President

José Manuel BARROSO

(1)  ĠU L 268, 18.10.2003, p. 29.

(2)  EFSA Journal 2011; 9(11):2408.

ANNESS

Numru ta' identifikazzjoni tal-addittiv

L-isem tad-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku.

Speċi jew kategorija ta' annimal

Età massima

Kontenut minimu

Kontenut massimu

Dispożizzjonijet oħra

Tmiem il-perjodu ta' awtorizzazzjoni

CFU /kg ta' materja friska

Kategorija ta’ addittivi teknoloġiċi. Grupp funzjonali: additivi tal-ħaxix għall-għalf.

1k20812

—

Lactobacillus plantarum

(DSM 8862 u DSM 8866)

 

Kompożizzjoni tal-addittiv:

Preparazzjoni ta’ Lactobacillus plantarum (DSM 8862 u DSM 8866) li jkollha minimu ta' 3 × 1011 CFU/g ta' addittiv (fi proporzjoni ta’ 1:1)

 

Karatterizzazzjoni tas-sustanza attiva:

Lactobacillus plantarum (DSM 8862 u DSM 8866)

 

Metodu analitiku  (1):

 

Enumerazzjoni fl-addittiv tal-għalf: il-metodu tat-tifrix (EN 15787)

 

Identifikazzjoni: Elettroforeżi bil-Ġell f'Kamp Pulsat (PFGE).

L-ispeċi tal-annimali kollha

—

—

—

1.

Fl-istruzzjonijiet għall-użu tal-addittiv u t-taħlita ta' qabel, indika t-temperatura li fiha għandu jinħażen, u kemm jista' jdum maħżun..

2.

Id-doża minima tal-addittiv meta użat mingħajr ma jitħallat ma’ mikroorganiżmi oħrajn bħala addittivi tal-ħaxix għall-għalf: 3 × 108 CFU/kg (fi proporzjon ta’ 1:1) ta’ materja friska.

3.

Għal finijiet ta’ sikurezza: huwa rakkomandat li tintuża protezzjoni għall-imnifsejn u par ingwanti waqt l-immaniġġjar.

l-24 ta’ Frar 2022

(1)  Id-dettalji tal-metodi analitiċi huma disponibbli fl-indirizz li ġej tal-Laboratorju Komunitarju ta' Referenza: http://irmm.jrc.ec.europa.eu/EURLs/EURL_feed_additives/Pages/index.aspx

Top