EUR-Lex Access to European Union law
This document is an excerpt from the EUR-Lex website
Document 32012A0623(01)
Commission Opinion of 20 June 2012 relating to the modified plan for the disposal of radioactive waste arising from the decommissioning of the Bradwell site, located in Essex, United Kingdom, in accordance with Article 37 of the Euratom Treaty
Opinjoni tal-Kummissjoni tal- 20 ta’ Ġunju 2012 dwar il-pjan modifikat għar-rimi ta' skart radjuattiv li jirriżulta mid-dekummissjonament tas-sit ta’ Bradwell, li jinsab f'Essex, ir-Renju Unit, skont l-Artikolu 37 tat-Trattat Euratom
Opinjoni tal-Kummissjoni tal- 20 ta’ Ġunju 2012 dwar il-pjan modifikat għar-rimi ta' skart radjuattiv li jirriżulta mid-dekummissjonament tas-sit ta’ Bradwell, li jinsab f'Essex, ir-Renju Unit, skont l-Artikolu 37 tat-Trattat Euratom
ĠU C 183, 23.6.2012, p. 1–1
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
23.6.2012 |
MT |
Il-Ġurnal Uffiċjali tal-Unjoni Ewropea |
C 183/1 |
OPINJONI TAL-KUMMISSJONI
tal-20 ta’ Ġunju 2012
dwar il-pjan modifikat għar-rimi ta' skart radjuattiv li jirriżulta mid-dekummissjonament tas-sit ta’ Bradwell, li jinsab f'Essex, ir-Renju Unit, skont l-Artikolu 37 tat-Trattat Euratom
(It-test bil-Ingliż biss hu awtentiku)
2012/C 183/01
Il-valutazzjoni hawn taħt qed titwettaq skont id-dispożizzjonijiet tat-Trattat Euratom, mingħajr ħsara għal kwalunkwe valutazzjoni addizzjonali li trid titwettaq skont it-Trattat dwar il-Funzjonament tal-Unjoni Ewropea u l-obbligi li joħorġu minnu u minn leġiżlazzjoni sekondarja.
Fit-12 ta’ Marzu 2012, il-Kummissjoni Ewropea, f’konformità mal-Artikolu 37 tat-Trattat Euratom, rċeviet mill-Gvern tar-Renju Unit, Dejta Ġenerali dwar il-pjan modifikat għar-rimi ta’ skart radjuattiv li jirriżulta mid-dekummissjonament tas-sit ta’ Bradwell li jinsab f’Essex, ir-Renju Unit.
Abbażi ta’ din id-dejta, u wara konsultazzjoni mal-Grupp ta’ Esperti, il-Kummissjoni fasslet l-opinjoni li ġejja:
|
(1) |
Id-distanza mis-sit sal-eqreb fruntiera ta’ Stat Membru ieħor, f'dan il-każ Franza, hija ta’ madwar 110 km. |
|
(2) |
Il-modifika ppjanata se tinvolvi żieda fil-limiti awtorizzati tar-rilaxx għall-karbonju-14 u t-tritju li huma ttrasportati bl-ajru. |
|
(3) |
Matul operazzjonijiet normali ta’ dekummissjonament il-modifika ppjanata ma tikkawżax esponiment tal-popolazzjoni ta’ Stat Membru ieħor li huwa sinifikanti mill-aspett tas-saħħa. |
|
(4) |
Fil-każ ta’ rilaxxi mhux ippjanati ta’ effluwenti radjuattivi, li jistgħu jseħħu wara xi aċċident tat-tip u d-daqs ikkunsidrati fid-Dejta Ġenerali inizjali, il-modifika ppjanata mhux se twassal għal dożi għand il-popolazzjoni fi Stat Membru ieħor li jkunu sinifikanti mill-aspett tas-saħħa. |
Bħala konklużjoni, il-Kummissjoni hija tal-opinjoni li l-implimentazzjoni tal-pjan modifikat għar-rimi ta’ skart radjuattiv fi kwalunkwe forma mis-sit ta’ Bradwell f’Essex, ir-Renju Unit, kemm waqt operat normali kif ukoll fil-każ ta’ aċċident tat-tip u d-daqs ikkunsidrat fid-Dejta Ġenerali, ma għandux il-probabbiltà li jirriżulta f'kontaminazzjoni radjuattiva tal-ilma, tal-ħamrija jew tal-ispazju tal-ajru ta’ Stat Membru ieħor, li tkun sinifikanti mill-aspett tas-saħħa.
Magħmul fi Brussell, l-20 ta’ Ġunju 2012.
Għall-Kummissjoni
Günther OETTINGER
Membru tal-Kummissjoni