This document is an excerpt from the EUR-Lex website
Document 32012A0605(02)
Commission Opinion of 31 May 2012 relating to the plan for the disposal of radioactive waste arising from the Uranium Extraction Facility of the Talvivaara Mine, located in Finland, in accordance with Article 37 of the Euratom Treaty
Opinjoni tal-Kummissjoni tal- 31 ta’ Mejju 2012 li tirrigwarda l-pjan għar-rimi ta' skart radjuattiv mill-Faċilità tal-Estrazzjoni tal-Uranju tal-Minjiera ta’ Talvivaara, fil-Finlandja, skont l-Artikolu 37 tat-Trattat tal-Euratom
Opinjoni tal-Kummissjoni tal- 31 ta’ Mejju 2012 li tirrigwarda l-pjan għar-rimi ta' skart radjuattiv mill-Faċilità tal-Estrazzjoni tal-Uranju tal-Minjiera ta’ Talvivaara, fil-Finlandja, skont l-Artikolu 37 tat-Trattat tal-Euratom
ĠU C 158, 5.6.2012, p. 2–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
5.6.2012 |
MT |
Il-Ġurnal Uffiċjali tal-Unjoni Ewropea |
C 158/2 |
OPINJONI TAL-KUMMISSJONI
tal-31 ta’ Mejju 2012
li tirrigwarda l-pjan għar-rimi ta' skart radjuattiv mill-Faċilità tal-Estrazzjoni tal-Uranju tal-Minjiera ta’ Talvivaara, fil-Finlandja, skont l-Artikolu 37 tat-Trattat tal-Euratom
2012/C 158/02
Il-valutazzjoni hawn taħt hija mwettqa skont id-dispożizzjonijiet tat-Trattat tal-Euratom, bla ħsara għal kwalunkwe valutazzjoni addizzjonali li trid titwettaq skont it-Trattat dwar il-Funzjonament tal-Unjoni Ewropea u l-obbligi li joħorġu minnu u minn leġiżlazzjoni sekondarja.
Fil-15 ta' April 2011, f'konformità mal-Artikolu 37 tat-Trattat tal-Euratom, il-Kummissjoni Ewropea rċeviet mingħand il-Gvern tal-Finlandja, Dejta Ġenerali li tirrigwarda l-pjan għar-rimi tal-iskart radjuattiv li jirriżulta mill-Faċilità tal-Estrazzjoni tal-Uranju tal-Minjiera ta’ Talvivaara, fil-Finlandja.
Abbażi ta’ din id-dejta u ta’ tagħrif addizzjonali mitlub mill-Kummissjoni fl-20 ta’ Ġunju 2011 u li l-awtoritajiet Finlandiżi pprovdew fit-12 u fis-27 ta’ Diċembru 2011, u wara li kkonsultat il-Grupp ta’ Esperti, il-Kummissjoni fasslet l-opinjoni tagħha kif ġej:
|
1. |
Id-distanza bejn is-sit u l-eqreb fruntiera ma’ Stat Membru ieħor, f’dan il-każ, l-Isvezja, hija ta' 280 km. L-eqreb pajjiż ġar huwa r-Russja b’distanza ta’ 96 km. |
|
2. |
Il-Faċilità tal-Estrazzjoni tal-Uranju mhix se tkun soġġetta għal awtorizzazzjoni ta' rilaxx fir-rigward ta' effluwenti radjuattivi likwidi. F’kundizzjonijiet ta’ tħaddim normali, ir-rilaxx ta’ effluwenti radjuattivi likwidi mhux se jseħħ. |
|
3. |
F’kundizzjonijiet ta' tħaddim normali, ir-rilaxx ta’ effluwenti radjuattivi mill-ajru ma jwassalx għal esponiment tal-popolazzjoni ta' Stat Membru ieħor jew ta’ pajjiż ġar li jkun sinifikanti mill-aspett sanitarju. |
|
4. |
F'każ ta’ rilaxxi mhux ippjanati ta’ effluwenti radjuattivi, li jistgħu jirriżultaw minn inċident tat-tip u d-daqs ikkunsidrati fid-Dejta Ġenerali, id-dożi li x'aktarx jilħqu l-popolazzjoni fi Stat Membru ieħor jew f'pajjiż ġar ma jkunux sinifikanti mill-aspett sanitarju. |
Bħala konklużjoni, il-Kummissjoni hija tal-opinjoni li l-implimentazzjoni tal-pjan għar-rimi ta' skart radjuattiv ikun f'liema forma jkun, li joriġina mill-Faċilità tal-Estrazzjoni tal-Uranju tal-Minjiera ta’ Talvivaara, fil-Finlandja, kemm f’kundizzjonijiet ta’ tħaddim normali kif ukoll f’każ ta’ inċident tat-tip u tad-daqs ikkunsidrati fid-Dejta Ġenerali, mhijiex tali li tista’ twassal għal kontaminazzjoni radjuattiva tal-ilma, tal-ħamrija jew tal-ispazju tal-ajru ta' Stat Membru ieħor jew ta' pajjiż ġar, li tista' tkun sinifikanti mill-aspett sanitarju.
Magħmul fi Brussell, il-31 ta’ Mejju 2012.
Għall-Kummissjoni
Günther OETTINGER
Membru tal-Kummissjoni