This document is an excerpt from the EUR-Lex website
Document 32011R1235
Commission Regulation (EU) No 1235/2011 of 29 November 2011 amending Regulation (EC) No 1222/2009 of the European Parliament and of the Council with regard to the wet grip grading of tyres, the measurement of rolling resistance and the verification procedure Text with EEA relevance
Regolament tal-Kummissjoni (UE) Nru 1235/2011 tad- 29 ta’ Novembru 2011 li jemenda r-Regolament (KE) Nru 1222/2009 tal-Parlament Ewropew u tal-Kunsill fir-rigward tal-klassifikazzjoni tal-qabda fuq l-imxarrab għat-tajers, il-kejl tar-reżistenza għad-dawrien u l-proċedura ta’ verifika Test b’relevanza għaż-ŻEE
Regolament tal-Kummissjoni (UE) Nru 1235/2011 tad- 29 ta’ Novembru 2011 li jemenda r-Regolament (KE) Nru 1222/2009 tal-Parlament Ewropew u tal-Kunsill fir-rigward tal-klassifikazzjoni tal-qabda fuq l-imxarrab għat-tajers, il-kejl tar-reżistenza għad-dawrien u l-proċedura ta’ verifika Test b’relevanza għaż-ŻEE
ĠU L 317, 30.11.2011, p. 17–23
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 30/04/2021; Impliċitament imħassar minn 32020R0740
30.11.2011 |
MT |
Il-Ġurnal Uffiċjali tal-Unjoni Ewropea |
L 317/17 |
REGOLAMENT TAL-KUMMISSJONI (UE) Nru 1235/2011
tad-29 ta’ Novembru 2011
li jemenda r-Regolament (KE) Nru 1222/2009 tal-Parlament Ewropew u tal-Kunsill fir-rigward tal-klassifikazzjoni tal-qabda fuq l-imxarrab għat-tajers, il-kejl tar-reżistenza għad-dawrien u l-proċedura ta’ verifika
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1222/2009 tal-Parlament Ewropew u tal-Kunsill tal-25 ta’ Novembru 2009 dwar it-tikkettar tat-tajers fir-rigward tal-effiċjenza fl-użu tal-fjuwil u parametri essenzjali oħra (1), u b’mod partikolari l-Artikolu 11(a) u (c) tiegħu,
Billi:
(1) |
Ir-Regolament (KE) Nru 1222/2009 tal-Parlament Ewropew u tal-Kunsill għandu l-għan li jistabbilixxi qafas għall-għoti ta’ informazzjoni armonizzata dwar il-parametri tat-tajers permezz tat-tikkettar, biex l-utenti finali jkunu jistgħu jagħmlu għażla infurmata meta jixtru t-tajers. |
(2) |
Ir-reżistenza għad-dawrien tat-tajers tiddetermina l-klassifikazzjoni tal-effiċjenza fl-użu tal-fjuwil tagħhom. Il-kejl tar-reżistenza għad-dawrien irid ikun riproduċibbli; it-testijiet fuq tajers identiċi li jsiru f’laboratorji differenti jridu jagħtu l-istess riżultati biex jiġi żgurat li l-paragun bejn tajers ta’ fornituri differenti jkun ġust. Barra minn hekk, riproduċibbiltà tajba tar-riżultati tal-ittestjar tat-tajers għandha żżomm l-awtoritajiet ta’ sorveljanza tas-suq milli jiksbu riżultati differenti minn dawk tal-fornituri għal testijiet fuq l-istess tajers. |
(3) |
Ir-riproduċibbiltà tar-riżultati tat-testijiet tista’ tittejjeb billi tiġi stabbilita proċedura għall-allinjament tal-laboratorji tat-testijiet fir-rigward tal-kejl tar-reżistenza għad-dawrien. |
(4) |
Peress li għall-klassifikazzjoni tal-qabda fuq l-imxarrab ġie żviluppat metodu armonizzat ta’ ttestjar adegwat fuq il-livell tal-ISO, issa għandha tiddaħħal klassifikazzjoni tal-qabda fuq l-imxarrab għat-tajers tal-Klassijiet C2 u C3, skont l-Artikolu 11 (a) tar-Regolament (KE) Nru 1222/2009. |
(5) |
Iċ-ċarezza tal-proċedura ta’ verifika tal-konformità kif stipulata fl-Anness IV għar-Regolament (KE) Nru 1222/2009 għandha tiġi mtejba billi jiġu ffissati valuri limiti li magħhom, il-valuri ddikjarati li jintużaw għar-rekwiżiti ta’ tikkettar jitqiesu konformi ma’ dak ir-Regolament. |
(6) |
Ir-Regolament (KE) Nru 1222/2009 għalhekk għandu jiġi emendat skont dan. |
(7) |
Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 13 tar-Regolament (KE) Nru 1222/2009, |
ADOTTAT DAN IR-REGOLAMENT:
Artikolu 1
Emenda għar-Regolament (KE) Nru 1222/2009
Ir-Regolament (KE) Nru 1222/2009 għandu jiġi emendat kif ġej:
(1) |
l-Anness I, il-Parti A: Klassijiet ta’ effiċjenza fl-użu tal-fjuwil, l-ewwel sentenza tiġi sostitwita b’dan li ġej: “Il-klassi tal-effiċjenza fl-użu tal-fjuwil għandha tiġi ddeterminata abbażi tal-koefiċċjent tar-reżistenza għad-dawrien (RRC) skont l-iskala A sa G speċifikata aktar ‘l isfel u mkejla skont l-Anness 6 għar-Regolament Nru 117 tal-UNECE u l-emendi sussegwenti tiegħu, u tiġi allinjata skont il-proċedura stipulata fl-Anness IVa.”; |
(2) |
l-Anness I, il-Parti B: Klassijiet tal-Qabda fuq l-Imxarrab, it-test u t-tabella jiġu sostitwiti b’dan li ġej:
|
(3) |
l-Anness IV: Proċedura ta’ verifika, jiġi sostitwit b’dan li ġej: “ANNESS IV Proċedura ta’ verifika Il-konformità tal-klassijiet iddikjarati tal-effiċjenza tal-uzu tal-fjuwil u tal-qabda fuq l-imxarrab, kif ukoll il-valur iddikjarat u l-klassi tal-istorbju estern tat-tidwir għandha tiġi vvalutata għal kull tip ta’ tajer jew għal kull grupp ta’ tajers kif iddeterminat mill-fornitur, skont waħda mill-proċeduri li ġejjin:
Il-valutazzjoni tad-dejta tal-kejl li tkun ġejja mit-testijiet għall-konformità tal-produzzjoni tat-tajers għandha tqis it-tolleranzi ddefiniti fit-Tabella 1. Tabella 1
|
(4) |
it-test stipulat fl-anness għal dan ir-Regolament huwa miżjud bħala l-Anness IVa. |
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu japplika mit-30 ta' Mejju 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Novembru 2011.
Għall-Kummissjoni
Il-President
José Manuel BARROSO
(1) ĠU L 342, 22.12.2009, p. 46.
ANNESS
“ANNESS IVa
Proċedura ta’ allinjament f’laboratorji għall-kejl tar-reżistenza għad-dawrien
1. DEFINIZZJONIJIET
Għall-fini tal-proċedura ta’ allinjament f’laboratorji, għandhom japplikaw dawn id-definizzjonijiet:
(1) |
“Laboratorju ta’ Referenza” tfisser laboratorju li jagħmel parti min-netwerk ta’ laboratorji msemmija għall-fini tal-proċedura ta’ allinjament f’pubblikazzjoni ta’ Il-Ġurnal Uffiċjali tal-Unjoni Ewropea, u li kapaċi jikseb ir-riżultati tat-testijiet bil-preċiżjoni indikata fit-taqsima 3; |
(2) |
“Laboratorju kandidat” tfisser laboratorju li jipparteċipa fil-proċedura ta’ allinjament u li ma jkunx laboratorju ta’ referenza; |
(3) |
“Tajer tal-allinjament” tfisser tajer li jiġi ttestjat biex issir il-proċedura ta’ allinjament; |
(4) |
“Sett ta’ tajers tal-allinjament” tfisser sett ta’ ħames tajers tal-allinjament jew aktar. |
(5) |
“Valur assenjat” tfisser valur teoretiku ta’ tajer tal-allinjament wieħed kif imkejjel minn laboratorju teoretiku li jirrappreżenta n-netwerk ta’ laboratorji ta’ referenza li jintuża għall-proċedura ta’ allinjament. |
2. DISPOŻIZZJONIJIET ĠENERALI
2.1. Il-prinċipju
Il-Koefiċċjent tar-Reżistenza għad-Dawrien imkejjel (RRCm ) f’laboratorju ta’ referenza (l) għandu jiġi allinjat mal-valuri assenjati tan-netwerk ta’ laboratorji ta’ referenza.
L-RRCm f’laboratorju kandidat (c) għandu jiġi allinjat minn laboratorju ta’ referenza tan-netwerk magħżul mil-laboratorju kandidat.
2.2. Rekwiżiti għall-għażla tat-tajers
Għall-proċedura ta’ allinjament skont il-kriterji indikati hawn taħt, għandu jintgħażel sett ta’ ħames tajers tal-allinjament jew aktar. Għandu jintgħażel sett wieħed għal tajers C1 u C2 flimkien, u sett wieħed għal tajers C3.
(a) |
Is-sett ta’ tajers tal-allinjament għandu jintgħażel b’mod li jkopri l-firxa ta’ RRCs differenti tat-tajers C1 u C2 flimkien, jew tat-tajers C3. Fi kwalunkwe każ, id-differenza bejn l-ogħla RRCm tas-sett ta’ tajers, u l-aktar valur baxx ta’ RRCm tas-sett ta’ tajers għandha tkun mill-inqas
|
(b) |
L-RRCm fil-laboratorji kandidati jew ta’ referenza (c jew l) abbażi tal-valuri ta’ RRC iddikjarati ta’ kull tajer tal-allinjament tas-sett għandha tkun mifruxa kif ġej u mqassma b’mod uniformi:
|
(ċ) |
Il-wisa’ tas-sezzjoni tat-tajer magħżul għal kull tajer tal-allinjament għandha tkun:
|
(d) |
Id-dijametru ta’ barra tat-tajer magħżul għal kull tajer tal-allinjament għandu jkun:
|
(e) |
Il-valuri tal-indiċi tat-tagħbija għandhom ikopru b’mod adegwat il-firxa għat-tajers li għandhom jiġu ttestjati, biex ikun żgurat li l-valuri tal-Forza tar-Reżistenza għad-Dawrien (RRF) ikopru wkoll il-firxa għat-tajers li għandhom jiġu ttestjati. Kull tajer ta’ allinjament għandu jkun ikkontrollat qabel ma jintuża u għandu jiġi sostitwit meta:
|
2.3. Metodu tal-kejl
Il-laboratorju ta’ referenza għandu jkejjel kull tajer tal-allinjament erba’ darbiet u jżomm l-aħħar tliet riżultati għal aktar analiżi, skont il-paragrafu 4 tal-Anness 6 għar-Regolament Nru 117 tal-UNECE u l-emendi sussegwenti tiegħu u japplika l-kundizzjonijiet stipulati fil-paragrafu 3 tal-Anness 6 għar-Regolament Nru 117 tal-UNECE u l-emendi sussegwenti tiegħu.
Il-laboratorju kandidat għandu jkejjel kull tajer tal-allinjament (n + 1) darbiet, fejn il-valur ta’ n jiġi speċifikat fit-taqsima 5 u jżomm l-aħħar n riżultati għal aktar analiżi, skont il-paragrafu 4 tal-Anness 6 għar-Regolament Nru 117 tal-UNECE u l-emendi sussegwenti tiegħu u japplika l-kundizzjonijiet stipulati fil-paragrafu 3 tal-Anness 6 għar-Regolament Nru 117 tal-UNECE u l-emendi sussegwenti tiegħu.
Kull darba li jitkejjel tajer tal-allinjament, l-assemblaġġ tat-tajer/tar-rota għandu jitneħħa mill-magna u l-proċedura kollha tat-test, speċifikata fil-paragrafu 4 tal-Anness 6 għar-Regolament Nru 117 tal-UNECE u l-emendi sussegwenti tiegħu, għandha terġa’ tiġi segwita mill-bidu.
Il-laboratorju kandidat jew ta’ referenza għandu jikkalkula:
(a) |
il-valur imkejjel ta’ kull tajer tal-allinjament kif speċifikat fil-paragrafi 6.2 u 6.3 tal-Anness 6 għar-Regolament Nru 117 tal-UNECE u l-emendi sussegwenti tiegħu (jiġifieri, jiġi kkoreġut għal temperatura ta’ 25 °C u dijametru tad-drum ta’ 2 m), |
(b) |
il-valur medju tal-aħħar tliet valuri (fil-każ tal-laboratorji ta’ referenza) jew tal-aħħar n valuri (fil-każ tal-laboratorji kandidati) mkejla għal kull tajer tal-allinjament, u |
(c) |
id-devjazzjoni standard (σm), kif ġej: fejn:
|
2.4. Formati tad-dejta li għandhom jintużaw għall-kalkoli u r-riżultati
— |
Il-valuri ta’ RRC imkejla kkoreġuti għad-dijametru tad-drum u t-temperatura għandhom jiġu aġġustati sa 2 ċifri wara l-punt deċimali. |
— |
Wara, il-kalkoli kollha għandhom isiru biċ-ċifri sħaħ: ma jsirux aktar aġġustamenti għajr fl-ekwazzjonijiet finali tal-allinjament. |
— |
Il-valuri kollha tad-devjazzjoni standard għandhom jiġu indikati sa 3 ċifri wara l-punt deċimali. |
— |
Il-valuri kollha ta’ RRC għandhom jiġu indikati sa 2 ċifri wara l-punt deċimali. |
— |
Il-koeffiċjenti kollha tal-allinjament (A1 l, B1 l, A2c u B2c) għandhom jiġu aġġustati u indikati sa 4 ċifri wara l-punt deċimali. |
3. REKWIŻITI APPLIKABBLI GĦAL-LABORATORJI TA’ REFERENZA U BIEX IKUNU DDETERMINATI L-VALURI ASSENJATI
Il-valuri assenjati għal kull tajer tal-allinjament għandhom jiġu ddeterminati minn netwerk ta’ laboratorji ta’ referenza. Wara sentejn, in-netwerk għandu jivvaluta l-istabbiltà u validità tal-valuri assenjati.
Kull laboratorju ta’ referenza li jipparteċipa fin-netwerk għandu jżomm il-konformità mal-ispeċifikazzjonijiet tal-Anness 6 għar-Regolament Nru 117 tal-UNECE u l-emendi sussegwenti tiegħu, b’devjazzjoni standard (σm) kif ġej:
(i) |
mhux akbar minn 0,05 kg/t għat-tajers tal-klassijiet C1 u C2, u |
(ii) |
mhux akbar minn 0,05 kg/t għat-tajers tal-klassi C3. |
Is-settijiet ta’ tajers tal-allinjament, b’konformità mal-ispeċifikazzjoni tat-taqsima 2.2, għandhom jiġu mkejla skont it-taqsima 2.3 minn kull laboratorju ta’ referenza tan-netwerk.
Il-valur assenjat ta’ kull tajer tal-allinjament huwa l-medja tal-valuri mkejla u mogħtija mil-laboratorji ta’ referenza tan-netwerk għal dak it-tajer ta’ allinjament.
4. PROĊEDURA GĦALL-ALLINJAMENT TA’ LABORATORJU TA’ REFERENZA GĦALL-VALURI ASSENJATI
Kull laboratorju ta’ referenza (l) għandu jallinja ruħu mal-valuri assenjati għas-sett ta’ tajers tal-allinjament billi juża teknika ta’ rigressjoni lineari, A1 l u B1 l, ikkalkulati kif ġej:
RRC = A1 l * RRC m,l + B1 l
fejn:
RRC |
hija l-valur assenjat tal-koeffiċjent tar-reżistenza għad-dawrien; |
RRCm |
hija l-valur imkejjel tal-koeffiċjent tar-reżistenza għad-dawrien mil-laboratorju ta’ referenza “l” (inklużi l-korrezzjonijiet għat-temperatura u għad-dijametru tad-drum). |
5. REKWIŻITI APPLIKABBLI GĦAL-LABORATORJI KANDIDATI
Il-laboratorji kandidati għandhom jirrepetu l-proċedura ta’ allinjament mill-inqas darba kull sentejn u dejjem wara kwalunkwe bidla sinifikanti fil-magna jew kwalunkwe drift fid-dejta tal-monitoraġġ tat-tajer ta’ kontroll tal-magna.
Sett komuni ta’ ħames tajers differenti, b’konformità mal-ispeċifikazzjoni tat-taqsima 2.2, għandu jiġi mkejjel skont it-taqsima 2.3 mil-laboratorju kandidat u minn laboratorju ta’ referenza wieħed. Fuq talba tal-laboratorju kandidat, jistgħu jiġu ttestjati aktar minn ħames tajers tal-allinjament.
Il-laboratorju ta’ referenza għandu jirċievi s-sett ta’ tajers tal-allinjament mingħand il-laboratorju kandidat.
Il-laboratorju kandidat (c) għandu jżomm il-konformità mal-ispeċifikazzjonijiet tal-Anness 6 għar-Regolament Nru 117 tal-UNECE u l-emendi sussegwenti tiegħu, u preferibbilment, b’devjazzjonijiet standard (σm ) kif ġej:
(i) |
mhux akbar minn 0,075 kg/t għat-tajers C1 u C2, u |
(ii) |
mhux akbar minn 0,06 kg/t għat-tajers C3. |
F’każ li d-devjazzjonijiet standard (σm) tal-laboratorju kandidat ikunu akbar mill-valuri li jidhru hawn fuq bi tliet kejlijiet, in-numru ta’ ripetizzjonijiet tal-kejl għandhom jiżdiedu kif ġej:
n = (σm/γ)2, aġġustat għall-eqreb u l-ogħla numru sħiħ
fejn:
γ |
= |
0,043 kg/t għat-tajers tal-Klassijiet C1 u C2 |
γ |
= |
0,035 kg/t għat-tajers tal-Klassi C3 |
6. PROĊEDURA TA’ ALLINJAMENT TA’ LABORATORJU KANDIDAT
Laboratorju ta’ referenza (l) tan-netwerk għandu jikkalkula l-funzjoni ta’ rigressjoni lineari tal-laboratorju kandidat (c), A2c u B2c, kif ġej:
RRC m,l = A2c × RRCm,c + B2c
fejn:
RRCm,l |
hija l-valur imkejjel tal-koeffiċjent tar-reżistenza għad-dawrien mil-laboratorju ta’ referenza (l) (inklużi l-korrezzjonijiet għat-temperatura u għad-dijametru tad-drum) |
RRCm,c |
hija l-valur imkejjel tal-koeffiċjent tar-reżistenza għad-dawrien mil-laboratorju kandidat (c) (inklużi l-korrezzjonijiet għat-temperatura u għad-dijametru tad-drum) |
L-RRC allinjat tat-tajers ittestjati mil-laboratorju kandidat jiġi kkalkulat kif ġej:
RRC = (A1 l × A2c) × RRCm,c + (A1 l × B2c + B1 l )”