EUR-Lex Access to European Union law
This document is an excerpt from the EUR-Lex website
Document 32011R0769
Commission Implementing Regulation (EU) No 769/2011 of 2 August 2011 providing for an allocation coefficient for the temporary exceptional Union support, for the fruit and vegetable sector
Regolament ta’ Implimentazzjoni tal-Kummissjoni (UE) Nru 769/2011 tat- 2 ta’ Awwissu 2011 li jipprovdi għall-koeffiċjent ta' allokazzjoni għall-appoġġ temporanju eċċezzjonali tal-Unjoni, għas-settur tal-frott u l-ħaxix
Regolament ta’ Implimentazzjoni tal-Kummissjoni (UE) Nru 769/2011 tat- 2 ta’ Awwissu 2011 li jipprovdi għall-koeffiċjent ta' allokazzjoni għall-appoġġ temporanju eċċezzjonali tal-Unjoni, għas-settur tal-frott u l-ħaxix
ĠU L 200, 3.8.2011, p. 18–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 12/03/2014
3.8.2011 |
MT |
Il-Ġurnal Uffiċjali tal-Unjoni Ewropea |
L 200/18 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 769/2011
tat-2 ta’ Awwissu 2011
li jipprovdi għall-koeffiċjent ta' allokazzjoni għall-appoġġ temporanju eċċezzjonali tal-Unjoni, għas-settur tal-frott u l-ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament ta’ Implimentazzjoni tal-Kummissjoni (UE) Nru 585/2011 tas-17 ta’ Ġunju 2011 li jistabbilixxi miżuri temporanji eċċezzjonali ta’ għajnuna għas-settur tal-frott u l-ħxejjex (2), u 'mod partikolari l-Artikolu 7(3) tiegħu,
Billi:
(1) |
Ir-Regolament ta’ Implimentazzjoni tal-Kummissjoni (UE) Nru 585/2011 daħħal miżuri ta' appoġġ temporanji eċċezzjonali għas-settur tal-frott u l-ħaxix wara li faqqgħet l-Escherichia coli (E. coli) fil-Ġermanja, li kkawżet disturbi sinifikanti fis-suq tal-frott u l-ħaxix tal-Unjoni. |
(2) |
Abbażi tal-informazzjoni notifikata mill-Istati Membri u skont l-Artikolu 7(2) tar-Regolament ta' Implimentazzjoni (UE) Nru 585/2011, jidher li t-talbiet għall-għajnuna mill-Unjoni ma qabżux l-ammont massimu ta' għajnuna ffissat fl-Artikolu 2 ta' dak ir-Regolament. Għalhekk, għandu jiġi ffissat koeffiċjent ta' allokazzjoni ta' 100 % għal dawk it-talbiet. |
(3) |
Għal finijiet ta' trasparenza, l-organizzazzjonijiet tal-produtturi u ta' dawk li mhumiex membri li applikaw għall-għajnuna mill-Unjoni għandhom jiġu infurmati malajr dwar l-allokazzjoni ta' koeffiċjent iffissat mill-Kummissjoni. Għal din ir-raġuni u sabiex tiġi żgurata ġestjoni effiċjenti tal-miżura, dan ir-Regolament għandu jidħol fis-seħħ fid-data tal-pubblikazzjoni tiegħu, |
ADOTTAT DIN ID-DEĊIŻJONI:
Artikolu 1
It-talbiet għall-għajnuna mill-Unjoni li waslu mingħand l-Istati Membri matul il-perjodu li beda mis-26 ta'Mejju 2011 sat-30 ta' Ġunju 2011 u li ġew innotifikati lill-Kummissjoni mill-awtoritajiet kompetenti tal-Istati Membri skont l-Artikolu 7(2) tar-Regolament ta' Implimentazzjoni (UE) Nru 585/2011 għandhom jiġu aċċettati bl-applikazzjoni ta' koeffiċjent ta' allokazzjoni ta' 100 %.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Awwissu 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 160, 18.6.2011, p. 71.