This document is an excerpt from the EUR-Lex website
Document 32011R0655
Council Implementing Regulation (EU) No 655/2011 of 28 June 2011 terminating the anti-dumping measures applicable to imports of coumarin originating in the People’s Republic of China
Regolament ta’ Implimentazzjoni tal-Kunsill (UE) Nru 655/2011 tat- 28 ta’ Ġunju 2011 li jtemm il-miżuri anti-dumping applikabbli għall-importazzjonijiet ta’ kumarina li joriġinaw mir-Repubblika Popolari taċ-Ċina
Regolament ta’ Implimentazzjoni tal-Kunsill (UE) Nru 655/2011 tat- 28 ta’ Ġunju 2011 li jtemm il-miżuri anti-dumping applikabbli għall-importazzjonijiet ta’ kumarina li joriġinaw mir-Repubblika Popolari taċ-Ċina
ĠU L 180, 8.7.2011, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
8.7.2011 |
MT |
Il-Ġurnal Uffiċjali tal-Unjoni Ewropea |
L 180/1 |
REGOLAMENT TA’ IMPLIMENTAZZJONI TAL-KUNSILL (UE) Nru 655/2011
tat-28 ta’ Ġunju 2011
li jtemm il-miżuri anti-dumping applikabbli għall-importazzjonijiet ta’ kumarina li joriġinaw mir-Repubblika Popolari taċ-Ċina
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b'mod partikolari l-Artikoli 9 u 11(2) tiegħu,
Wara li kkunsidra l-proposta mressqa mill-Kummissjoni Ewropea wara li kkonsulta mal-Kumitat Konsultattiv,
Billi:
1. PROĊEDURA
1.1. Miżuri fis-seħħ
(1) |
Il-miżuri fis-seħħ bħalissa huma dazju anti-dumping definittiv impost mir-Regolament tal-Kunsill (KE) Nru 654/2008 (2) fuq importazzjonijiet ta’ kumarina li joriġinaw mir-Repubblika Popolari taċ-Ċina, kif estiż għall-importazzjonijiet ta’ kumarina kkonsenjati mill-Indja, mit-Tajlandja, mill-Indoneżja u mill-Malasja, kemm jekk iddikjarati li joriġinaw mill-Indja, mit-Tajlandja, mill-Indoneżja u mill-Malasja kif ukoll jekk le, u impenn aċċettat minn produttur Indjan wieħed (Atlas Fine Chemicals Pvt. Ltd) (3). |
1.2. Raġunijiet għar-reviżjoni
(2) |
Il-Kummissjoni ġiet infurmata li l-uniku produttur tal-kumarina, li jikkostitwixxi l-industrija tal-Unjoni fl-investigazzjoni li wasslet għall-impożizzjoni tal-miżuri eżistenti, iddeċieda li jwaqqaf il-produzzjoni tal-kumarina fl-Unjoni fl-aħħar ta’ Awwissu 2010. |
1.3. Bidu
(3) |
Għaldaqstant, il-Kummissjoni, wara konsultazzjoni mal-Kumitat Konsultattiv, tat bidu, permezz ta’ nota ppubblikata f'Il-Ġurnal Uffiċjali tal-Unjoni Ewropea (4), għal reviżjoni interim parzjali limitata għall-aspetti ta’ ħsara tal-miżuri anti-dumping applikabbli għall-importazzjonijiet ta’ kumarina li toriġina mir-Repubblika Popolari taċ-Ċina, kif estiż għall-importazzjonijiet ta’ kumarina konsenjati mill-Indja, mit-Tajlandja, mill-Indoneżja u mill-Malasja, kemm jekk dikjarati li joriġinaw mill-Indja, mit-Tajlandja, mill-Indoneżja u mill-Malasja kif ukoll jekk le. |
(4) |
Il-Kummissjoni avżat uffiċjalment lill-produtturi tal-Unjoni u lir-rappreżentanti tar-Repubblika Popolari taċ-Ċina bil-bidu tal-investigazzjoni ta’ reviżjoni. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta fil-limitu taż-żmien stipulat fl-avviż ta’ bidu. |
1.4. Il-prodott rivedut
(5) |
Il-prodott taħt reviżjoni huwa kumarina, li toriġina mir-Repubblika Popolari taċ-Ċina, li bħalissa huwa klassifikabbli fi ħdan il-kodiċi NM ex 2932 21 00 (“il-prodott ikkonċernat”). |
2. SEJBIET U TMIEM IL-PROĊEDIMENT
(6) |
L-investigazzjoni kkonfermat li l-uniku produttur tal-Unjoni tal-prodott ikkonċernat għalaq permanentement il-faċilità ta’ produzzjoni tiegħu f'Awwissu 2010. |
(7) |
Il-Kummissjoni tqis li l-proċediment attwali għandu jitwaqqaf peress li l-investigazzjoni tar-reviżjoni ma sabet l-ebda kunsiderazzjoni li turi li dan it-tmiem ma jkunx fl-interess tal-Unjoni. Il-partijiet interessati ġew mgħarrfa b'dan u ngħataw l-opportunità li jikkummentaw. Ma tressqu l-ebda kummenti li jindikaw li dan it-tmiem ma jkunx fl-interess tal-Unjoni. |
(8) |
Il-Kummissjoni għalhekk tikkonkludi li l-proċediment anti-dumping li jikkonċerna l-importazzjonijiet tal-prodott ikkonċernat fl-Unjoni għandu jintemm. |
ADOTTA DAN IR-REGOLAMENT:
Artikolu 1
Il-miżuri anti-dumping li jikkonċernaw l-importazzjonijiet ta’ kumarina li attwalment jaqgħu taħt il-kodiċi NM ex 2932 21 00 u li joriġinaw mir-Repubblika Popolari taċ-Ċina, kif estiżi għall-importazzjonijiet konsenjati mill-Indja, it-Tajlandja, l-Indoneżja u l-Malasja, sew jekk ikunu ddikjarati bħala li joriġinaw mill-Indja, it-Tajlandja, l-Indoneżja u l-Malasja u sew jekk le, huma b'dan revokati u l-proċediment li jikkonċerna dawn l-importazzjonijiet huwa mitmum.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u għandu jkun direttament applikabbli fl-Istati Membri kollha.
Magħmul fil-Lussemburgu, it-28 ta’ Ġunju 2011.
Għall-Kunsill
Il-President
FAZEKAS S.
(1) ĠU L 343, 22.12.2009, p. 51.
(2) ĠU L 183, 11.7.2008, p. 1.
(4) ĠU C 299, 5.11.2010, p. 4.