This document is an excerpt from the EUR-Lex website
Document 32011R0474
Council Implementing Regulation (EU) No 474/2011 of 3 May 2011 amending Regulation (EC) No 1425/2006 imposing a definitive anti-dumping duty on imports of certain plastic sacks and bags originating, inter alia, in the People’s Republic of China
Regolament ta’ Implimentazzjoni tal-Kunsill (UE) Nru 474/2011 tat- 3 ta’ Mejju 2011 li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw, inter alia , fir-Repubblika Popolari taċ-Ċina
Regolament ta’ Implimentazzjoni tal-Kunsill (UE) Nru 474/2011 tat- 3 ta’ Mejju 2011 li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw, inter alia , fir-Repubblika Popolari taċ-Ċina
ĠU L 131, 18.5.2011, p. 2–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 28/09/2011
18.5.2011 |
MT |
Il-Ġurnal Uffiċjali tal-Unjoni Ewropea |
L 131/2 |
REGOLAMENT TA’ IMPLIMENTAZZJONI TAL-KUNSILL (UE) Nru 474/2011
tat-3 ta’ Mejju 2011
li jemenda r-Regolament (KE) Nru 1425/2006 li jimponi dazju anti-dumping definittiv fuq l-importazzjonijiet ta’ ċerti xkejjer u basktijiet tal-plastik li joriġinaw, inter alia, fir-Repubblika Popolari taċ-Ċina
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”) u b’mod partikolari l-Artikoli 13(3), 14(3) u 14(5) tiegħu,
Wara li kkunsidra l-proposta ppreżentata mill-Kummissjoni Ewropea wara konsultazzjoni mal-Kumitat Konsultattiv,
Billi:
1. PROĊEDURA
1.1. Miżuri eżistenti
(1) |
Permezz tar-Regolament (KE) Nru 1425/2006 (2) (“ir-Regolament oriġinali”), il-Kunsill impona dazji anti-dumping definittivi fuq l-importazzjonijiet fl-Unjoni ta’ ċerti xkejjer u basktijiet tal-plastik li joriġinaw, inter alia, fir-Repubblika Popolari taċ-Ċina (“RPĊ”). Minħabba l-għadd kbir ta’ produtturi esportaturi Ċiniżi li kkooperaw, intgħażel kampjun ta’ produtturi esportaturi u ġew imposti fuqhom rati ta’ dazju individwali li jvarja bejn 4,8 % sa 12,8 % fuq il-kumpaniji inklużi fil-kampjun, filwaqt li fuq kumpaniji oħra li kkooperaw iżda mhux inklużi fil-kampjun u elenkati fl-Anness I tar-Regolament oriġinali ġiet imposta rata ta’ dazju ta’ 8,4 %. Ġiet imposta rata ta’ dazju ta’ 28,8 % (“rata ta’ dazju residwu”) fuq kumpaniji Ċiniżi li jew ma ddikjarawx rwieħhom jew inkella ma kkooperawx fl-investigazzjoni tad-dumping li kopra l-perijodu mill-1 ta’ April 2004 sal-31 ta’ Marzu 2005 (“l-investigazzjoni oriġinali”). |
(2) |
Permezz tar-Regolament tal-Kunsill (KE) Nru 189/2009 (3), li jemenda r-Regolament oriġinali, u skont l-Artikolu 2 tar-Regolament oriġinali, żdiedu tliet kumpaniji Ċiniżi mal-lista ta’ produtturi mir-RPĊ elenkati fl-Anness I. |
1.2. It-tnedija tal-Ex-officio
(3) |
L-evidenza prima facie disponibbli għall-Kummissjoni uriet li, wara li ġew imposti l-miżuri, kien hemm bidla fix-xejra tal-kummerċ li tinvolvi esportazzjonijiet mir-RPĊ lejn l-Unjoni li għaliha ma kienx hemm raġuni jew ġustifikazzjoni adegwata għajr l-impożizzjoni tad-dazji fis-seħħ. Din il-bidla fix-xejra tal-kummerċ dehret li ġiet mill-esportazzjoni lejn l-Unjoni tal-prodott ikkonċernat li huwa prodott mill-produtturi esportaturi Ċiniżi soġġetti għar-rata ta’ dazju residwu permezz ta’ produttur esportatur Ċiniż li qed igawdi minn rata ta’ dazju aktar baxxa, jiġifieri l-kumpanija Xiamen Xingxia Polymers Co., Ltd. (“Xiamen”) elenkata fl-Anness I tar-Regolament oriġinali. |
(4) |
Barra minn dan, l-evidenza indikat il-fatt li l-effetti rimedjali tal-miżuri anti-dumping eżistenti fuq il-prodott ikkonċernat qegħdin jiġu mxekkla f’termini ta’ prezz. Kien hemm biżżejjed evidenza prima facie li l-importazzjonijiet tal-prodott ikkonċernat saret bi prezzijiet ferm inqas mill-prezz bla ħsara stabbilit fl-investigazzjoni li wasslet għall-miżuri eżistenti. |
(5) |
Finalment, il-Kummissjoni kellha biżżejjed evidenza prima facie għad-dispożizzjoni tagħha li l-prezzijiet tal-prodott ikkonċernat huma l-oġġett ta’ dumping meta mqabbla mal-valur normali stabbilit qabel. |
(6) |
Wara li stabbiliet, b’konsultazzjoni mal-Kumitat Konsultattiv, li hemm biżżejjed evidenza prima facie għat-tnedija ta’ investigazzjoni skont l-Artikolu 13 tar-Regolament bażiku, il-Kummissjoni adotta r-Regolament (UE) Nru 748/2010 (4) li jiftaħ investigazzjoni rigward il-possibbiltà li ġew evitati miżuri ta’ anti-dumping (“ir-Regolament tat-tnedija”). Skont l-Artikoli 13(3) u 14(5) tar-Regolament bażiku, il-Kummissjoni, permezz tar-Regolament tat-tnedija, iddereġiet ukoll lill-awtoritajiet tad-dwana biex jirreġistraw l-importazzjonijiet tal-prodott ikkonċernat dikjarati li kienu mmanifatturati minn Xiamen skont il-kodiċi addizzjonali TARIC speċifiku A981 attribwit lilhom biex ikun żgurat li, jekk ir-riżultati tal-investigazzjoni juru li kien hemm evitar, ikunu jistgħu jiġu ntaxxati dazji ta’ anti-dumping bl-ammont xieraq retroattivament mid-data tar-reġistrazzjoni ta’ tali importazzjonijiet. |
1.3. L-investigazzjoni
(7) |
Il-Kummissjoni uffiċjalment għarrfet lill-awtoritajiet tar-RPĊ, Xiamen, kif ukoll lill-kumpaniji li allegatament qed jesportaw il-prodotti tagħhom permezz ta’ Xiamen (“il-produtturi esportaturi oħra”) bit-tnedija tal-investigazzjoni u bagħtet il-kwestjonarji. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu smigħ fl-iskadenza stipulata fir-Regolament tat-tnedija. Il-partijiet interessati ġew infurmati wkoll li n-nuqqas ta’ kooperazzjoni jista’ jwassal għall-applikazzjoni tal-Artikolu 18 tar-Regolament bażiku u li jistgħu jsiru sejbiet fuq il-bażi tal-fatti disponibbli. |
(8) |
Ma waslet l-ebda tweġiba mill-produtturi esportaturi l-oħra u waslet tweġiba mhux kompluta mingħand Xiamen. |
1.4. Il-perijodu tal-investigazzjoni
(9) |
Il-perijodu tal-investigazzjoni (“PI”) kien il-perijodu mill-1 ta’ Jannar 2009 sat-30 ta’ Ġunju 2010. Inġabret data għall-perijodu minn Jannar 2006 sa tmiem il-PI biex tkun investigata l-allegata bidla fix-xejra tal-kummerċ u l-aspetti l-oħra stipulati fl-Artikolu 13 tar-Regolament bażiku. |
2. RIŻULTATI TAL-INVESTIGAZZJONI
2.1. Il-konsiderazzjonijiet ġenerali/il-livell ta’ kooperazzjoni/il-metodoloġija
(10) |
Xiamen bagħtet tweġiba inkompluta u parzjali għall-kwestjonarju. Is-servizzi tal-Kummisssjoni bagħtu ittra lil Xiamen, biex jidentifikaw in-nuqqasijiet tat-tweġiba għall-kwestjonarju u biex jitolbu tagħrif sħiħ u koerenti, li għalih Xiamen ma għamlet l-ebda reazzjoni. Barra minn hekk, Xiamen irrifjutat verifika proposta tad-data fuq il-post tagħha. |
(11) |
B’riżultat ta’ dan Xiamen ġiet mgħarrfa li, f’dawn iċ-ċirkostanzi, l-Kummissjoni tikkunsidra lill-kumpanija bħala li mhix tikkoopera, skont l-Artikolu 18 tar-Regolament bażiku, u li s-sejbiet ikunu bbażati fuq il-fatti disponibbli. Xiamen ġiet mgħarrfa wkoll li r-riżultat tal-investigazzjoni jista’ jkun anqas favorevoli milli kieku kienet ikkooperat bis-sħiħ. Xiamen ma għamlet l-ebda reazzjoni għal din l-ittra. |
(12) |
Fid-dawl ta’ dak imsemmi hawn fuq u billi ma hemm l-ebda data statistika disponibbli biex tiddetermina l-volumi tal-esportazzjoni u l-prezzijiet fuq livell ta’ kumpanija waqt il-PI, is-sejbiet dwar l-allegat evitar kellhom isiru abbażi tal-fatti disponibbli skont l-Artikolu 18 tar-Regolament bażiku, jiġifieri abbażi tax-evidenza mressqa mill-awtoritajiet tad-dwana tal-Istat Membri u t-tweġiba għall-kwestjonarju parzjali mhux verifikat, mibgħut minn Xiamen għall-kwstjonarju. |
2.2. Il-prodott ikkonċernat
(13) |
Il-prodott ikkonċernat huwa xkejjer u basktijiet tal-plastik, li fihom tal-anqas 20 % skont il-piż ta’ polietilene u b’kisi ta’ ħxuna li ma taqbiżx il-100 mikrometru (μm), li joriġinaw fir-Repubblika Popolari taċ-Ċina, u li attwalment jaqgħu fi ħdan il-kodiċi NM ex 3923 21 00, ex 3923 29 10 u ex 3923 29 90 (kodiċi TARIC 3923210020, 3923291020 u 3923299020). |
2.3. Il-bidla fix-xejra tal-kummerċ
(14) |
Skont l-Artikolu 13(1) tar-Regolament bażiku, il-valutazzjoni tal-eżistenza tal-evitar twettqet billi ġie analizzat jekk kienx hemm bidla fix-xejra tal-kummerċ bejn kumpaniji individwali fir-RPĊ u l-Unjoni, b’riżultat ta’ xi prassi, ta’ xi proċess jew ta’ ħidma, li għaliha ma kienx hemm raġuni adegwata jew ġustifikazzjoni ekonomika għajr l-impożizzjoni tad-dazju, u fejn hemm xi evidenza ta’ ħsara jew l-effetti rimedjanti tad-dazju qed jixxekklu f’termini tal-prezzijiet u/jew tal-kwantitajiet tal-prodott ikkonċernat, u fejn hemm evidenza ta’ dumping fir-rigward tal-valuri normali li kienu ġew stabbiliti qabel għall-prodott simili. |
(15) |
Minħabba li d-data tal-Eurostat ma tistax tintuża biex tiddetermina l-volumi tal-esportazzjoni u l-preżżijiet fil-livell ta’ kumpanija billi hija mogħtija biss data aggregata għall-pajjiż kollu filwaqt li tipi oħra ta’ data statistika mhix disponibbli, intużaw il-volumi tal-esportazzjoni u l-prezzijiet irrapportati minn Xiamen fit-tweġiba tagħha għall-kwestjonarju parzjali. |
(16) |
Skont it-tagħrif li wasal mingħand Xiamen, il-bejgħ lill-Unjoni żdied b’mod sinifikanti wara l-impożizzjoni tal-miżuri f’Settembru 2006. Għal xi perijodi, l-esportazzjonijiet irduppjaw, meta mqabbla mal-perijodu tat-teħid ta’ kampjuni użat fl-investigazzjoni oriġinali u l-prezzijiet irrapportati kienu anqas mill-prezz immirat medju tal-UE stabbilit waqt l-investigazzjoni oriġinali. |
2.4. Nuqqas ta’ raġuni adegwata jew ġustifikazzjoni ekonomika għajr l-impożizzjoni tad-dazji anti-dumping
(17) |
Minbarra ż-żieda fil-volum ta’ bejgħ, kien innutat li skont it-tagħrif mibgħut fl-investigazzjoni oriġinali tal-eżerċizzju tat-teħid ta’ kampjuni, Xiamen iddikkjarat li ma kellhiex kumpaniji relatati u li ma kinitx tipproduċi barra mill-fabbrika prinċipali. Fit-tweġiba tagħha parzjali għall-kwestjonarju kontra l-evitar, Xiamen irrapportat li waqt il-PI hija kkuntrattat ċerti partijiet tal-produzzjoni, bħall-istampar bil-kulur jew l-ippakkjar (bagging) u li xi kultant tbigħ il-materja prima lill-kumpaniji kkuntrattati. |
(18) |
It-tweġiba parzjali għall-kwestjonarju kkonfermat li l-kumpaniji kkuntrattati msemmija minn Xiamen huma l-esportaturi l-oħra li, skont ix-evidenza prima facie, allegatament kienu qed jidderieġu l-esportazzjonijiet lejn l-Unjoni. Madankollu, it-tweġiba żvelat ukoll li dan mhuwiex każ ta’ arranġament ta’ kkuntrattar fejn l-appartenenza tal-materja prima u l-prodott lest jibqa’ fil-kumpanija skont l-ordni tal-kuntratt, iżda każ li jmur lil hinn mir-raġunijiet li ġejjin. |
(19) |
Fil-każijiet kollha ta’ bejgħ irrapportati bħala “parzjalment ipproċessati”, il-ħlas mill-klienti Ewropej kien irrapportat li ma sarx lil Xiamen imma sar fil-kontijiet bankarji taż-żewġ kumpaniji allegatament involuti fid-direzzjonar (channelling). Dan il-bejgħ jammonta għal aktar minn 20 % tal-bejgħ kollu tal-UE fl-2009. Barra minn hekk, il-lista tat-transazzjonijiet ta’ bejgħ imressqa minn Xiamen turi metodoloġiji ta’ fatturazzjoni differenti fl-istruttura alfanumerika u fit-tul. Dwar il-bejgħ irrapportat bħala “parzjalment ipproċessat” minn waħda miż-żewġ kumpaniji, li jirrappreżenta l-maġġoranza ta’ dak il-bejgħ, jidher li n-numru tal-fattura jinkludi żewġ ittri li jirreferu għall-isem tal-kumpanija li allegatament qed tagħmel id-direzzjonar. Barra minn hekk, iż-żewġ kumpaniji jinsabu madwar 1 000 km ‘l bogħod minn Xiamen, ħaġa li tixħet dubji fuq il-ġustifikazzjoni ekonomika ta’ tali arranġament. |
(20) |
Minbarra dan, ma jistax jiġi eskluż li ġie affettwat aktar bejgħ minn dak identifikat fil-lista dettaljata tat-transazzjonijiet ta’ bejgħ mibgħuta minn Xiamen minħabba l-allegat direzzjonar billi skont statistiċi tal-produzzjoni u l-kapaċità mibgħuta minn Xiamen, aktar minn 40 % tal-produzzjoni tagħha fl-2007, l-2008 u l-2009 kienu ddikkjarati bħala ikkuntrattati. |
(21) |
Ġie innutat ukoll li bejgħ irrapportat bħala “parzjalment ipproċessat” waqaf f’Ottubru 2009, jiġifieri wara li l-awtoritajiet tad-dwana f’ċerti Stati Membri rrifjutaw li japplikaw ir-rata tad-dazju anti-dumping individwali ta’ Xiamen għal ċerti importazzjonijiet apparentament prodotti mill-produtturi esportaturi l-oħra. |
(22) |
Dan, għalhekk, iwassal għall-konklużjoni li kienet seħħet bidla fix-xejra tal-kummerċ wara l-impożizzjoni tal-miżuri fuq il-prodott ikkonċernat li għaliha ma hemm l-ebda raġuni adegwata jew ġustifikazzjoni ekonomika għajr l-iskartar tar-rata tad-dazju residwu tal-anti-dumping fis-seħħ. |
2.4.1. Ix-xkiel tal-effett remedjali tad-dazju anti-dumping fuq il-ħsara
(23) |
Iż-żieda tal-importazzjonijiet iddikkjarati f’isem Xiamen kienet l-aktar f’termini ta’ kwantitajiet. Skont it-tweġiba tagħha għall-kwestjonarju, Xiamen kważi rduppjat il-bejgħ tagħha lill-UE fl-2007 u l-2008, meta mqabbel mal-bejgħ irrapportat waqt il-perijodu tal-investigazzjoni oriġinali, li prinċipalment kien minħabba l-involviment tal-produtturi esportaturi l-oħra. Il-paragun tal-prezz immirat medju tal-UE stabbilit matul l-investigazzjoni oriġinali u l-prezz medju ddifferenzjat tal-esportazzjoni rrapportat waqt il-PI juri tnaqqis fil-bejgħ. |
(24) |
Il-konklużjoni għalhekk hi li l-prassi spjegata hawn fuq ixxekkel l-effetti remedjali tal-miżuri fuq il-ħsara, kemm f’termini ta’ kwantitajiet kif ukoll tal-prezzijiet. |
2.4.2. Evidenza ta’ dumping
(25) |
Fl-aħħarnett, skont l-Artikolu 13(1) u (2) tar-Regolament bażiku, ġie eżaminat jekk kienx hemm evidenza ta’ dumping b’rabta mal-valur normali stabbilit qabel. |
(26) |
Il-paragun tal-valur normali medju ddifferenzjat kif stabbilit waqt l-investigazzjoni oriġinali (fejn il-valur normali ġie stabbilit fuq il-bażi ta’ pajjiż analogu, il-Malasja) u l-valur medju ddifferenzjat tal-prezz tal-esportazzjoni waqt il-PI attwali kif irrapportat minn Xiamen fit-tweġiba għall-kwestjonarju parzjali turi marġni ta’ dumping li jaqbeż il-marġni ta’ dumping stabbilit waqt l-investigazzjoni oriġinali għal kumpaniji li ma kinux fil-kampjun. |
3. MIŻURI
(27) |
Minħabba dan ta’ hawn fuq, u bl-applikazzjoni tal-Artikolu 18 tar-Regolament bażiku, ġie konkluż li seħħet bidla fix-xejra tal-kummerċ, skont l-Artikolu 13(1) tar-Regolament bażiku. Permezz tat-tieni sentenza tal-Artikolu 13(1) tar-Regolament bażiku, ir-rata tad-dazju residwu tal-anti-dumping fuq l-importazzjonijiet tal-prodott ikkonċernat li joriġinaw mir-RPĊ għandha għalhekk tiġi estiża għall-importazzjonijiet tal-istess prodott iddikjarat li huwa mmanifatturat minn Xiamen. F’termini prattiċi, il-kodiċi addizzjonali TARIC A999 għandu jkun iddikkjarat għal dawk l-importazzjonijiet mid-dħul fis-seħħ ta’ dan ir-Regolament. |
(28) |
Barra minn hekk, sabiex ikun possibbli monitoraġġ aktar dettaljat, minn issa ‘l quddiem, taċ-cirkolazzjoni tal-kummerċ fil-pajjiżi li ma kinux parti mill-kampjun, ser tkun attribwita kodiċi addizzjonali TARIC għal kull kumpanija li mhijiex parti mill-kampjun elenkata fl-Anness I tar-Regolament oriġinali. |
(29) |
Skont l-Artikoli 13(3) u 14(5) tar-Regolament bażiku, li jipprevedu li kull miżura estiża għandha tapplika għall-importazzjonijiet li daħlu fl-Unjoni skont ir-reġistrazzjoni imposta mir-Regolament tat-tnedija, għandhom jinġabru d-dazji fuq dawk l-importazzjonijiet irreġistrati ikkunsinnati minn Xiamen. |
4. ŻVELAR
(30) |
Il-partijiet interessati ġew infurmati dwar il-fatti essenzali u l-konsiderazzjonijiet li fuqhom il-Kunsill kellu ħsieb li jestendi d-dazju residwu tal-anti-dumping li hemm fis-seħħ, u ngħataw l-opportunità li jikkummentaw u jiġu mismugħa. Ma waslu ebda kummenti li kienu jiġġustifikaw bidla fil-konklużjonijiet ta’ hawn fuq, |
ADOTTA DAN IR-REGOLAMENT:
Artikolu 1
1. Id-dazju anti-dumping definittiv ta’ 28,8 % applikabbli fuq “il-kumpaniji l-oħra kollha” impost permezz tar-Regolament (KE) Nru 1425/2006 dwar l-importazzjoni ta’ ċerti xkejjer u basktijiet tal-plastik li joriġinaw fir-Repubblika Popolari taċ-Ċina b’dan huwa estiż għal importazzjonijiet iddikjarati li huma mmanifatturati minn XIAMEN XINGXIA POLYMERS CO., LTD.
2. It-tabella fl-Artikolu 1(2) tar-Regolament (KE) Nru 1425/2006 b’dan hija sostitwita b’ din it-tabella:
“Pajjiż |
Kumpanija |
Rata ta’ dazju (%) |
Kodiċi addizzjonali TARIC |
Ir-Repubblika Popolari taċ-Ċina |
Cedo (Shanghai) Limited u Cedo (Shanghai) Household Wrappings, Shanghai |
7,4 |
A757 |
Jinguan (Longhai) Plastics Packing Co., Ltd., Longhai |
5,1 |
A758 |
|
Sunway Kordis (Shanghai) Ltd. u Shanghai Sunway Polysell Ltd., Shanghai |
4,8 |
A760 |
|
Suzhou Guoxin Group Co., Ltd., Suzhou Guoxin Group Taicang Yihe Import & Export Co., Ltd., Taicang Dongyuan Plastic Co., Ltd. u Suzhou Guoxin Group Taicang Giant Packaging Co., Ltd., Taicang |
7,8 |
A761 |
|
Wuxi Jiayihe Packaging Co., Ltd. u Wuxi Bestpac Packaging Co., Ltd., Wuxi |
12,8 |
A763 |
|
Zhong Shan Qi Yu Plastic Products Co Ltd., Zhongshan |
5,7 |
A764 |
|
Huizhou Jun Yang Plastics Co., Ltd., Huizhou |
4,8 |
A765 |
|
Xinhui Alida Polythene Limited, Xinhui |
4,3 |
A854 |
|
Kumpaniji elenkati fl-ANNESS I |
8,4 |
Ara l- ANNESS I |
|
Il-kumpaniji l-oħra kollha |
28,8 |
A999 |
|
It-Tajlandja |
King Pac Industrial Co., Ltd., Chonburi u Dpac Industrial Co., Ltd., Bangkok |
14,3 |
A767 |
Multibax Public Co., Ltd., Chonburi |
5,1 |
A768 |
|
Naraipak Co Ltd. u Narai Packaging (Thailand) Ltd., Bangkok |
10,4 |
A769 |
|
Sahachit Watana Plastic Industry Co., Ltd., Bangkok |
6,8 |
A770 |
|
Thai Plastic Bags Industries Co., Ltd., Nakornpathorn |
5,8 |
A771 |
|
Kumpaniji elenkati fl-ANNESS II |
7,9 |
A772 |
|
Il-kumpaniji l-oħra kollha |
14,3 |
A999 ” |
3. L-Anness I tar-Regolament (KE) Nru 1425/2006 b’dan huwa sostitwit bit-test kif imniżżel fl-Anness ta’ dan ir-Regolament.
Artikolu 2
1. Id-dazju estiż permezz tal-Artikolu 1 għandu jinġabar fuq importazzjonijiet irreġistrati skont l-Artikolu 2 tar-Regolament (UE) Nru 748/2010.
2. Id-dispożizzjonijiet fis-seħħ dwar id-dazji doganali għandhom japplikaw.
Artikolu 3
L-awtoritajiet tad-dwana b’dan qed ikunu ordnati biex ma jkomplux jirreġistraw l-importazzjonijiet, kif kien stabbilit skont l-Artikolu 2 tar-Regolament (UE) Nru 748/2010.
Artikolu 4
Dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Madankollu, l-Artikolu 2 għandu japplika mill-jum tad-dħul fis-seħħ tar-Regolament (UE) Nru 748/2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, it-3 ta’ Mejju 2011.
Għall-Kunsill
Il-President
MARTONYI J.
(1) ĠU L 343, 22.12.2009, p. 51.
(2) ĠU L 270, 29.9.2006, p. 4.
(4) ĠU L 219, 20.8.2010, p. 1.
ANNESS
“ANNESS I
PRODUTTURI ESPORTATURI ĊINIŻI LI KKOOPERAW U LI MHUMIEX PARTI MILL-KAMPJUN
Kumpanija |
Belt |
Kodiċi addizzjonali TARIC |
BAO XIANG PLASTIC BAG MANUFACTURING (SHENZHEN) CO., LTD. |
Shenzhen |
B014 |
BEIJING LIANBIN PLASTIC & PRINTING CO LTD. |
Beijing |
B015 |
CHANGLE BEIHAI PLASTIC PRODUCTS CO., LTD. |
Zhuliu |
B016 |
CHANGLE UNITE PLASTIC PRODUCTS CO., LTD. |
Changle |
B017 |
CHANGLE HUALONG PLASTIC PRODUCTS CO., LTD. |
Changle |
B018 |
CHANGLE SANDELI PLASTIC PRODUCTS CO., LTD. |
Changle |
B019 |
CHANGLE SHENGDA RUBBER PRODUCTS CO., LTD. |
Changle |
B020 |
CHANGZHOU HUAGUANG PLASTIC PRODUCTS CO., LTD. |
Wujin |
B021 |
CHEONG FAT PLASTIC BAGS (CHINA) PRINTING FACTORY |
Shenzhen |
B022 |
CHUN HING PLASTIC PACKAGING MANUFACTORY LTD. |
Hong Kong |
B023 |
CHUN YIP PLASTICS (SHENZHEN) LIMITED |
Shenzhen |
B024 |
CROWN POLYETHYLENE PRODUCTS (INT’L) LTD. |
Hong Kong |
B025 |
DALIAN JINSHIDA PACKING PRODUCTS CO., LTD. |
Dalian |
B026 |
DONG GUAN HARBONA PLASTIC & METALS FACTORY CO., LTD. |
Dongguan |
B027 |
DONGGUAN CHERRY PLASTIC INDUSTRIAL, LTD. |
Dongguan |
B028 |
DONGGUAN FIRSTWAY PLASTIC PRODUCTS CO., LTD. |
Dongguan |
B029 |
DONGGUAN MARUMAN PLASTIC PACKAGING COMPANY LIMITED |
Dongguan |
B030 |
DONGGUAN NAN SING PLASTICS LIMITED |
Dongguan |
B031 |
DONGGUAN NOZAWA PLASTIC PRODUCTS CO., LTD. |
Dongguan |
B032 |
DONGGUAN RUI LONG PLASTICS FACTORY |
Dongguan |
B033 |
FOSHAN SHUNDE KANGFU PLASTIC PRODUCTS CO., LTD. |
Shunde |
B034 |
FU YUEN ENTERPRISES CO. |
Hong Kong |
B035 |
GOLD MINE PLASTIC INDUSTRIAL LIMITED |
Jiangmen |
B036 |
GOOD-IN HOLDINGS LTD. |
Hong Kong |
B037 |
HANG LUNG PLASTIC FACTORY (SHENZHEN) LTD. |
Shenzhen |
B038 |
HUIYANG KANLUN POLYETHYLENE MANUFACTURE FACTORY |
Huizhou |
B039 |
JIANGMEN CITY XIN HUI HENGLONG PLASTIC LTD. |
Jiangmen |
B040 |
JIANGMEN TOPTYPE PLASTIC PRODUCTS CO., LTD. |
Jiangmen |
B041 |
JIANGMEN XINHUI FENGZE PLASTIC COMPANY LTD. |
Jiangmen |
B042 |
JIANGYIN BRAND POLYTHENE PACKAGING CO., LTD. |
Jiangyin |
B043 |
JINAN BAIHE PLASTIC CO., LTD. |
Jinan |
B044 |
JINAN CHANGWEI PLASTIC PRODUCTS CO., LTD. |
Jinan |
B045 |
JINAN CHENGLIN PLASTIC PRODUCTS COMPANY LTD. |
Jinan |
B046 |
JINAN MINFENG PLASTIC CO., LTD. |
Jinan |
B047 |
JINYANG PACKING PRODUCTS (WEIFANG) CO., LTD. |
Qingzhou |
B048 |
JUXIAN HUACHANG PLASTIC CO., LTD. |
Liuguanzhuang |
B049 |
JUXIAN HUAYANG PLASTIC PRODUCTS CO., LTD. |
Liuguanzhuang |
B050 |
KIN WAI POLY BAG PRINTING LTD. |
Hong Kong |
B051 |
LAIZHOU JINYUAN PLASTICS INDUSTRY & TRADE CO., LTD. |
Laizhou |
B052 |
LAIZHOU YUANXINYIE PLASTIC MACHINERY CO., LTD. |
Laizhou |
B053 |
LICK SAN PLASTIC BAGS (SHENZHEN) CO., LTD. |
Shenzhen |
B054 |
LINQU SHUNXING PLASTIC PRODUCTS CO., LTD. |
Linqu |
B055 |
LONGKOU CITY LONGDAN PLASTIC CORPORATION LTD. |
Longkou |
B056 |
NEW CARING PLASTIC MANUFACTORY LTD. |
Jiangmen |
B057 |
NEW WAY POLYPAK DONGYING CO., LTD. |
Dongying |
B058 |
NINGBO HUASEN PLASTHETICS CO., LTD. |
Ningbo |
B059 |
NINGBO MARUMAN PACKAGING PRODUCT CO., LTD. |
Ningbo |
B060 |
POLY POLYETHYLENE BAGS AND PRINTING CO. |
Hong Kong |
B061 |
QINGDAO NEW LEFU PACKAGING CO., LTD. |
Qingdao |
B062 |
QUANZHOU POLYWIN PACKAGING CO., LTD. |
Nanan |
B063 |
RALLY PLASTICS CO., LTD. ZHONGSHAN |
Zhongshan |
B064 |
RIZHAO XINAO PLASTIC PRODUCTS CO., LTD. |
Liuguanzhuang |
B065 |
DONGGUAN SEA LAKE PLASTIC PRODUCTS MANUFACTURING CO., LTD. |
Dongguan |
B066 |
SHANGHAI HANHUA PLASTIC PACKAGE PRODUCT CO., LTD. |
Shanghai |
B067 |
SHANGHAI HUAYUE PACKAGING PRODUCTS CO., LTD. |
Shanghai |
B068 |
SHANGHAI LIQIANG PLASTICS INDUSTRY CO., LTD. |
Zhangyan |
B069 |
SHANGHAI MINGYE PLASTICS GOODS COMPANY LIMITED |
Shanghai |
B070 |
SHANGHAI QUTIAN TECHNOLOGY INDUSTRY DEVELOPMENT CO., LTD. |
Shanghai |
B071 |
SHANTOU ULTRA DRAGON PLASTICS LTD. |
Shantou |
B072 |
SHAOXING YUCI PLASTICS AND BAKELITE PRODUCTS CO., LTD. |
Shangyu |
B073 |
SHENG YOUNG INDUSTRIAL (ZHONGSHAN) CO., LTD. |
Zhongshan |
B074 |
SUPREME DEVELOPMENT COMPANY LIMITED |
Hong Kong |
B075 |
TAISHING PLASTIC PRODUCTS CO., LTD. ZHONGSHAN |
Zhongshan |
B076 |
TIANJIN MINGZE PLASTIC PACKAGING CO., LTD. |
Tianjin |
B077 |
UNIVERSAL PLASTIC & METAL MANUFACTURING LIMITED |
Hong Kong |
B078 |
WAI YUEN INDUSTRIAL AND DEVELOPMENT LTD. |
Hong Kong |
B079 |
WEIFANG DESHUN PLASTIC PRODUCTS CO., LTD. |
Changle |
B080 |
WEIFANG HENGSHENG RUBBER PRODUCTS CO., LTD. |
Changle |
B081 |
WEIFANG HONGYUAN PLASTIC PRODUCTS CO., LTD. |
Changle |
B082 |
WEIFANG HUASHENG PLASTIC PRODUCTS CO., LTD. |
Changle |
B083 |
WEIFANG KANGLE PLASTICS CO., LTD. |
Changle |
B084 |
WEIFANG LIFA PLASTIC PACKING CO., LTD. |
Weifang |
B085 |
WEIFANG XINLI PLASTIC PRODUCTS CO., LTD. |
Weifang |
B086 |
WEIFANG YUANHUA PLASTIC PRODUCTS CO., LTD. |
Weifang |
B087 |
WEIFANG YUJIE PLASTIC PRODUCTS CO., LTD. |
Weifang |
B088 |
WEIHAI WEIQUAN PLASTIC AND RUBBER PRODUCTS CO., LTD. |
Weihai |
B089 |
WINNER BAGS PRODUCT COMPANY (SHENZHEN) LIMITED |
Shenzhen |
B090 |
WUI HING PLASTIC BAGS PRINTING (SHENZHEN) COMPANY LIMITED |
Shenzhen |
B091 |
XIAMEN EGRET PLASTICS CO., LTD. |
Gaoqi |
B092 |
XIAMEN GOOD PLASTIC CO., LTD. |
Xiamen |
B109 |
XIAMEN RICHIN PLASTIC CO., LTD. |
Xiamen |
B093 |
XIAMEN UNITED OVERSEA ENTERPRISES LTD. |
Xiamen |
B094 |
XIAMEN XINGYATAI PLASTIC INDUSTRY CO., LTD. |
Xiamen |
B095 |
XINTAI CHUNHUI MODIFIED PLASTIC CO., LTD. |
Xintai |
B096 |
YANTAI BAGMART PACKAGING CO., LTD. |
Yantai |
B097 |
YANTAI LONGQUAN PLASTIC AND RUBBER PRODUCTS CO., LTD. |
Yantai |
B098 |
YAU BONG POLYBAGS PRINTING CO., LTD. |
Hong Kong |
B099 |
YINKOU FUCHANG PLASTIC PRODUCTS. CO., LTD. |
Yingkou |
B100 |
YONGCHANG (CHANGLE) PLASTIC INDUSTRIES CO., LTD. |
Weifang |
B101 |
ZHANGJIAGANG YUANHEYI PAPER & PLASTIC COLOR PRINTING & PACKING CO., LTD. |
Zhangjiagang |
B102 |
ZHONGSHAN DONGFENG HUNG WAI PLASTIC BAG MFY |
Zhongshan |
B103 |
ZHONGSHAN HUANGPU TOWN LIHENG METAL & PLASTIC FACTORY |
Zhongshan |
B104 |
ZHUHAI CHINTEC PACKING TECHNOLOGY ENTERPRISE CO., LTD. |
Zhuhai |
B105 |
ZIBO WEIJIA PLASTIC PRODUCTS CO., LTD. |
Zibo |
B106 ” |