This document is an excerpt from the EUR-Lex website
Document 32011R0465
Commission Implementing Regulation (EU) No 465/2011 of 13 May 2011 amending Regulation (EU) No 882/2010 as regards the lodging of export-licence applications for out-of-quota sugar for marketing year 2010/2011
Regolament ta’ Implimentazzjoni tal-Kummissjoni (UE) Nru 465/2011 tat- 13 ta’ Mejju 2011 li jemenda r-Regolament (UE) Nru 882/2010 fir-rigward tat-tressiq [tal-preżentazzjoni] tal-applikazzjonijiet għal liċenzji tal-esportazzjoni għal zokkor ’il barra mill-kwota għas-sena ta’ kummerċjalizzazzjoni 2010/2011
Regolament ta’ Implimentazzjoni tal-Kummissjoni (UE) Nru 465/2011 tat- 13 ta’ Mejju 2011 li jemenda r-Regolament (UE) Nru 882/2010 fir-rigward tat-tressiq [tal-preżentazzjoni] tal-applikazzjonijiet għal liċenzji tal-esportazzjoni għal zokkor ’il barra mill-kwota għas-sena ta’ kummerċjalizzazzjoni 2010/2011
ĠU L 125, 14.5.2011, p. 9–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 07/10/2010
|
14.5.2011 |
MT |
Il-Ġurnal Uffiċjali tal-Unjoni Ewropea |
L 125/9 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 465/2011
tat-13 ta’ Mejju 2011
li jemenda r-Regolament (UE) Nru 882/2010 fir-rigward tat-tressiq [tal-preżentazzjoni] tal-applikazzjonijiet għal liċenzji tal-esportazzjoni għal zokkor ’il barra mill-kwota għas-sena ta’ kummerċjalizzazzjoni 2010/2011
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS [Ir-Regolament dwar l-OKSWaħdieni]) (1),
Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 318/2006 dwar il-kummerċ ma’ pajjiżi terzi fis-settur taz-zokkor (2), u b’mod partikolari l-Artikolu 7(e) flimkien mal-Artikolu 9(1) tiegħu,
Billi:
|
(1) |
Skont il punt (d) tal-ewwel paragrafu tal-Artikolu 61 tar-Regolament (KE) Nru 1234/2007, iz-zokkor prodott matul sena ta’ kummerċjalizzazjoni li jaqbeż il-kwota msemmija fl-Artikolu 56 ta’ dak ir-Regolament jista’ jiġi esportat biss skont il-limitu kwantitattiv li għandu jiġi stabbilit. |
|
(2) |
Ir-Regolament tal-Kummissjoni (UE) Nru 397/2010 tas-7 ta’ Mejju 2010 li jiffissal-limitu kwantitattiv għall-esportazzjonijiet taz-zokkor u l-isoglukożju lil hinn mill-kwota sa tmiem is-sena tas-suq 2010/2011 (3) stabbilixxa l-limitu kwantitattiv għal 650 000 tunnellata fil-każ taz-zokkor. |
|
(3) |
Il-kwantitajiet taz-zokkor koperti mill-applikazzjonijiet għal-liċenzji tal-esportazzjoni qabżu dak il-limitu kwantitattiv. Għaldaqstant, ir-Regolament tal-Kummissjoni (UE) Nru 882/2010 tas-6 ta’ Ottubru 2010 li jistipula perċentwali ta’ aċċettazzjoni għall-ħruġ ta’ liċenzji tal-esportazzjoni li jirrifjuta applikazzjonijiet għal liċenzji tal-esportazzjoni u li jissospendi t-tressiq [il-preżentazzjoni] tal-applikazzjonijiet għal liċenzji tal-esportazzjoni għal zokkor ’il barra mill-kwota (4) issospenda l-preżentazzjoni tal-applikazzjonijiet għal liċenzji ta’ esportazzjoni taz-zokkor barra mill-kwota għall-perjodu mill-11 ta’ Ottubru 2010 sat-30 ta’ Settembru 2011. |
|
(4) |
Ir-Regolament ta’ Implimentazzjoni (UE) Nru 461/2011, tat-12 ta’ Mejju 2011 li jemenda r-Regolament (EU) Nru 397/2010 li jiffissa l-limitu kwantitattiv għallesportazzjonijiet taz-zokkor u l-isoglukożju barra mill-kwota sa tmiem is-sena tas-suq [is-sena ta' kummerċjalizzazzjoni] 2010/2011 (5), il-limitu kwantitattiv għall-esportazzjonijiet taz-zokkor barra mill-kwota fir-rigward tas-sena ta’ kummerċjalizzazzjoni 2010/2011 żdied bi 700 000 tunnellata. |
|
(5) |
Hekk kif jiżdied il-limitu kwantittativ għas-sena ta’ kummerċjalizzazzjoni 2010/2011, il-preżentazzjoni tal-applikazzjonijiet għandha terġa tkun possibbli sa mill-ewwel ġimgħa ta’ Lulju. |
|
(6) |
Ir-Regolament (UE) Nru 882/2010 għandu għalhekk jiġi emendat skont dan. |
|
(7) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Il-paragrafu 3 tal-Artikolu 1 tar-Regolament (UE) Nru 882/2010, huwa mħassar.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Ir-Regolament għandu japplika mill-4 ta’ Lulju 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta’ Mejju 2011.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 178, 1.7.2006, p. 24.
(3) ĠU L 115, 8.5.2010, p. 26.
(4) ĠU L 264, 7.10.2010, p. 13.
(5) ĠU L 124, 13.5.2011, p. 41.