Edizzjoni speċjali bil-Kroat: Kapitolu 11 Volum 112 P. 251 - 252
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32011D0731
2011/731/: Council Decision of 8 November 2011 on the conclusion, on behalf of the European Union, of the 2006 International Tropical Timber Agreement
2011/731/: Deċiżjoni tal-Kunsill tat- 8 ta’ Novembru 2011 dwar il-konklużjoni, f’isem l-Unjoni Ewropea, tal-Ftehim Internazzjonali dwar l-Injam Tropikali tal-2006
2011/731/: Deċiżjoni tal-Kunsill tat- 8 ta’ Novembru 2011 dwar il-konklużjoni, f’isem l-Unjoni Ewropea, tal-Ftehim Internazzjonali dwar l-Injam Tropikali tal-2006
ĠU L 294, 12.11.2011, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
ELI: http://data.europa.eu/eli/dec/2011/731/oj
Language
HTML
PDF
Official Journal
|
12.11.2011 |
MT |
Il-Ġurnal Uffiċjali tal-Unjoni Ewropea |
L 294/1 |
DEĊIŻJONI TAL-KUNSILL
tat-8 ta’ Novembru 2011
dwar il-konklużjoni, f’isem l-Unjoni Ewropea, tal-Ftehim Internazzjonali dwar l-Injam Tropikali tal-2006
(2011/731/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 192 u 207 tiegħu, moqrija flimkien mal-Artikolu 218(6)(a) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
|
(1) |
Fis-27 ta’ Jannar 2006 l-konferenza ta’ negozjar stabbilita taħt il-patroċinju tal-Konferenza tan-Nazzjonijiet Uniti dwar il-Kummerċ u l-Iżvilupp (UNCTAD) approvat it-test tal-Ftehim Internazzjonali dwar l-Injam Tropikali tal-2006 (il-Ftehim tal-2006). |
|
(2) |
Il-Ftehim tal-2006 ġie nnegozjat biex jissostitwixxi l-Ftehim Internazzjonali dwar l-Injam Tropikali tal-1994 (“il-Ftehim tal-1994”) kif estiż, li ser jibqa’ fis-seħħ sad-dħul fis-seħħ tal-Ftehim tal-2006. |
|
(3) |
Il-Ftehim tal-2006 infetaħ għall-iffirmar mit-3 ta’ April 2006 u ser jibqa’ hekk sa xahar wara d-dħul fis-seħħ finali tiegħu. Il-kunsens għar-rabta b’dak il-Ftehim għandu jiġi espress jew permezz tal-iffirmar definittiv jew permezz tar-ratifika, l-aċċettazzjoni, l-approvazzjoni jew l-adeżjoni. |
|
(4) |
L-għanijiet tal-Ftehim tal-2006 huma konsistenti kemm mal-politika kummerċjali komuni kif ukoll mal-politika ambjentali. |
|
(5) |
Il-Komunità Ewropea kienet parti għall-Ftehim tal-1994. Il-Ftehimtal-2006 ser ikompli jippromwovi l-għanijiet ta’ żvilupp sostenibbli tal-Unjoni Ewropea. |
|
(6) |
Il-Komunità ffirmat il-Ftehim tal-2006 fit-2 ta’ Novembru 2007. L-Istati Membri kollha esprimew l-intenzjoni tagħhom li jirratifikawh. |
|
(7) |
Peress li l-kontribuzzjonijiet obbligatorji mill-membri konsumaturi tal-Organizzazzjoni Internazzjonali tal-Injam Tropikali huma stmati prinċipalment f’termini tal-volum tal-injam tropikali li jimpurtaw, l-Unjoni ser tikkontribwixxi għall-Kont Amministrattiv tal-Organizzazzjoni Internazzjonali tal-Injam Tropikali, ladarba jidħol fis-seħħ il-Ftehim tal-2006, waqt li l-Istati Membri, kif ukoll l-Unjoni, ser ikunu jistgħu jagħmlu kontribuzzjonijiet finanzjarji volontarji għall-azzjonijiet ippjanati permezz tal-kontijiet għall-kontribuzzjonijiet volontarji tal-Organizzazzjoni. |
|
(8) |
Il-Ftehim tal-2006 għandu jiġi approvat, |
ADOTTA DIN ID-DEĊIŻJONI:
Artikolu 1
Il-Ftehim Internazzjonali dwar l-Injam Tropikali tal-2006 (1) (“il-Ftehim tal-2006”) b’dan huwa approvat f’isem l-Unjoni.
Artikolu 2
Il-President tal-Kunsill b’dan huwa awtorizzat biex jinnomina l-persuna/i bis-setgħa jiddepożita(w) l-istrument ta’ approvazzjoni f’isem l-Unjoni mas-Segretarju Ġenerali tan-Nazzjonijiet Uniti, skont l-Artikolu 36(2) tal-Ftehim tal-2006.
Magħmul fi Brussell, it-8 ta’ Novembru 2011.
Għall-Kunsill
Il-President
J. VINCENT-ROSTOWSKI
(1) It-test tal-Ftehim ġie ppubblikat fil-ĠU L 262, 9.10.2007, p. 8, flimkien mad-deċiżjoni dwar l-iffirmar u l-applikazzjoni proviżorja.