—

il-kontijiet tas-snin finanzjarji preċedenti relatati mal-implimentazzjoni tal-baġit,

—

dikjarazzjoni finanzjarja tas-sitwazzjoni attiva u passiva,

—

ir-rapport dwar l-attività annwali rigward il-ġestjoni baġitarja u finanzjarja tagħhom,

—

rapport annwali tal-Awditur Intern,

—

li ssir laqgħa formali bejn ir-rappreżentanti tal-Kunsill u l-Kumitat tal-Parlament responsabbli mil-proċedura tal-kwittanza, li għandhom jattendu għaliha s-Segretarju Ġenerali tal-Kunsill u l-Presidenza fil-kariga, il-bureau tal-Kumitat responsabbli għall-proċedura tal-kwittanza, ir-rapporteur u l-Membri li jirrappreżentaw lill-gruppi politiċi (koordinaturi u/jew shadow rapporteurs) sabiex tiġi pprovduta l-informazzjoni kollha meħtieġa dwar l-implimentazzjoni tal-baġit tal-Kunsill,

—

li s-Segretarju Ġenerali tal-Kunsill iwieġeb għall-mistoqsijiet imressqa mill-Kumitat responsabbli għall-proċedura tal-kwittanza, lill-Kunsill, kif ukoll

—

li tiġi stabbilita skeda sabiex tiġi konformi u stabbilizzata din is-soluzzjoni interim,

(a)

il-Kunsill ma aċċetta l-ebda stedina għal laqgħa uffiċjali u formali mal-Kumitat tal-Parlament responsabbli mill-proċedura tal-kwittanza jew ir-rapporteur tiegħu biex jiddiskutu kwistjonijiet li jirrigwardaw l-eżekuzzjoni tal-baġit tal-Kunsill għall-2009;

(b)

il-Kunsill irrifjuta li jipprovdi tweġiba bil-miktub li tipprovdi lill-Parlament b'informazzjoni u dokumenti mitluba lill-Kunsill fl-anness għal ittra tal-14 ta’ Diċembru 2010 iffirmata mir-rapporteur;

(c)

il-Parlament ma rċeviex dokumenti fundamentali mill-Kunsill, bħal-lista sħiħa ta’ trasferimenti baġitarji;

(a)

rigward id-dibattiti ta’ kwittanza tal-Kunsill preċedenti fil-Kumitat tal-Parlament responsabbli mill-proċedura tal-kwittanza, il-Kunsill ma attendiex dawn il-laqgħat regolarment, madankollu, jitqies tal-ikbar importanza li l-Kunsill jattendi sabiex iwieġeb il-mistoqsijiet tal-membri tal-kumitat li jirreferu għall-kwittanza tal-Kunsill. Il-Kunsill jaqbel li jattendi dibattiti futuri fil-Kumitat tal-Parlament responsabbli mill-proċedura tal-kwittanza dwar il-kwittanza tal-Kunsill?

(b)

għaliex il-Kunsill ibiddel il-preżentazzjoni/format tal-verifika interna kull sena? Il-verifika interna għaliex hi daqshekk qasira, ġenerika u mhux ċara kull sena? Mill-kwittanza tal-2010 'il quddiem il-Kunsill jista' jippreżenta l-verifika interna f'lingwa/i oħra minbarra l-Franċiż?

(c)

twettqet verifika esterna? Jekk hu l-każ, jista' jaraha l-Kumitat tal-Parlament responsabbli mill-proċedura tal-kwittanza? Jekk ma teżistix verifika esterna, għaliex il-Kunsill għażel li ma jwettaqx waħda?

(d)

s'issa, l-attività tal-Kunsill implikat kofinanzjament mal-Kummissjoni, li rat żieda wara d-dħul fis-seħħ tat-Trattat ta’ Lisbona. X'sistemi ta’ kontroll u verifika ġew stabbiliti biex tiġi żgurata trasparenza sħiħa? Peress li t-Trattat ta’ Lisbona żied fil-kofinanzjament mal-Kummissjoni, il-Kunsill x'jifhem bi “tweġiba għal mistoqsijiet xierqa”?

(e)

fir-rapport annwali tal-2009 tagħha, il-Qorti tal-Awdituri sabet li fi tnejn minn kull sitt proċeduri ta’ akkwist pubbliku li ġew verifikati, il-Kunsill ma rrispettax ir-regoli tar-Regolament Finanzjarju għall-pubblikazzjoni tar-riżultat tal-proċedura. Il-Kunsill eżamina iktar eżempji ta’ akkwisti pubbliċi simili? Il-proċedura interna ġiet konformi sabiex jiġu evitati każijiet simili fil-futur?

(f)

il-persunal tar-Rappreżentanti Speċjali tal-Unjoni Ewropea (RSUE): Indika l-persunal (il-persunal kollu, il-pjan ta’ stabbiliment u oħrajn) — għadd ta’ postijiet, grad — għall-RSUE fil-Kunsill għall-2009. B'liema mod u meta se jiġu allokati l-postijiet tal-persunal tal-RSUE bejn il-Kunsill u s-Servizz Ewropew għall-Azzjoni Esterna (SEAE)? X'kien il-baġit tal-ivvjaġġar għal kull wieħed mill-RSUEs? Kemm mill-persunal tal-RSUE ġew trasferiti fl-1 ta’ Jannar 2011 għall-SEAE? Kemm se jibqgħu mal-Kunsill u għaliex?

(g)

il-Kunsill jenfasizza l-mistoqsijiet baġitarji dwar il-konsegwenzi tat-Trattat ta’ Lisbona fil-punt 2.2 fir-rapport finanzjarju ta’ attività - 11327/10, FIN 278. Il-Kunsill solva l-problemi relatati man-nefqiet tas-Sur Solana? Liema parti tan-nefqiet jaqgħu taħt il-baġit tal-Kunsill u liema parti hi parti mill-baġit tal-Kummissjoni?

(h)

x'kienu n-nefqiet operattivi, amministrattivi, tal-persunal u tal-bini eċċ previsti mill-Kunsill għall-2009 sabiex jiġi stabbilit Rappreżentant Għoli/Viċi President tal-Kummissjoni (RGħ/VP)?

(i)

ir-RGħ/VP beda l-mandat tiegħu fl-1 ta’ Diċembru 2009. L-ispejjeż kif tqassmu bejn il-Kunsill u l-Kummissjoni (għall-persunal, l-ivvjaġġar, eċċ)? Il-Kunsill kif ipprepara l-baġit għar-RGħ/VP għall-2010? Liema linji baġitarji u ammonti kienu riżervati għall-attivitajiet tiegħu?

(j)

l-ispazju tal-uffiċċji li se jsir disponibbli fil-proċess tat-trasferiment tal-persunal lill-SEAE kif ser jaffettwa l-pjani tal-Kunsill għall-bini? Saru xi arranġamenti għall-użu sussegwenti ta’ dan l-spazju ta’ uffiċji? X'inhi l-ispiża antiċipata għat-trasferiment? Meta ġew ippubblikati s-sejħiet għal tenders għat-trasferiment (jekk kien hemm)?

(k)

x'kienet in-nefqa amministrattiva u operattiva relatata mal-kompiti tal-Politika Estera u ta’ Sigurtà Komuni (PESK)/il-Politika ta’ Sigurtà u ta’ Difiża Komuni (PSDK), li kienu tal-inqas parzjalment iffinanzjati mill-baġit tal-Unjoni fl-2009? X'kien l-ammont totali tan-nefqa tal-PESK fl-2009? Il-Kunsill jista' jidentifika tal-inqas il-missjonijiet ewlenin u l-ispiża tagħhom fl-2009?

(l)

x'kienet l-ispiża tal-laqgħat għall-gruppi ta’ ħidma tal-Kunsill dwar il-PESK/PSDK fi Brussell u postijiet oħra u fejn saru dawn il-laqgħat?

(m)

x'kienet in-nefqa amministrattiva relatata mal-implimentazzjoni tal-operazzjonijiet militari tal-Politika Ewropea ta’ Sigurtà u Difiża (PESD)/PSDK? X'sehem tal-ammont totali tan-nefqa li rriżultat mill-operazzjonijiet militari tħallas mill-baġit tal-Unjoni?

(n)

x'kienet in-nefqa amministrattiva implimentata għall-operazzjoni tal-mekkaniżmu “ATHENA”, kemm kienu meħtieġa karigi għal dak il-mekkaniżmu, se jiġu trasferiti xi wħud mill-karigi involuti lill-SEAE? Dawk li jkollhom il-kariga għal min ikunu qed jaħdmu?

(o)

hemm rata baxxa ta’ okkupazzjoni ta’ karigi fil-pjan ta’ stabbiliment tal-Kunsill (91 % fl-2009, 90 % fl-2008). Din ir-rata konsistentement baxxa għandha xi riperkussjonijiet fuq il-funzjonijiet tas-Segretarjat Ġenerali tal-Kunsill (SĠK)? L-SĠK jista' jwettaq il-funzjonijiet kollha tiegħu bir-rata ta’ okkupazzjoni attwali? Ir-rati iktar baxxi ta’ okkupazzjoni huma speċifiċi għal xi servizzi partikolari? Liema huma r-raġunijiet tad-diskrepanza persistenti?

(p)

x'inhu l-għadd totali ta’ karigi assenjati għall-kompitu ta’ “koordinazzjoni tal-politika” u l-appoġġ amministrattiv (kif definit fir-rapporti annwali tal-iskrining tal-persunal tal-Kummissjoni)? X'inhu l-perċentwal tiegħu b'relazzjoni mal-għadd totali ta’ karigi?

(q)

biex jinkisbu l-objettivi amministrattivi fl-2009 l-Kunsill żied it-teleworking mal-proċeduri ta’ xogħol tiegħu. Kif jistal-Kunsill juri l-effiċjenza ta’ din il-proċedura ta’ xogħol? Barra minn hekk, jitlob lill-Kunsill jirrapporta dwar iktar miżuri li ttieħdu f'dan ir-rigward u partikolarment dawk għat-titjib tal-kwalità tal-ġestjoni finanzjarja kif ukoll l-impatt tagħhom;

(r)

il-Kunsill żied il-karigi tiegħu bi 15 (8 AD u 7 AST) biex ikopri r-rekwiżiti tal-persunal tal-unità tal-lingwa Irlandiża. Kemm-il membru tal-persunal jaħdem b'lingwi oħra (membru tal-persunal għal kull lingwa)? Hemm diġà personal impjegat għal u mill-pajjiżi applikanti? Jekk iva, kemm il-kariga hemm (separati skont il-pajjiż u l-lingwa)?

(s)

il-“Grupp ta’ Riflessjoni” ġie stabbilit fl-14 ta’ Dicembru 2007, u l-membri tiegħu nħatru fil-15-16 ta’ Ottubru 2008. Liema kienu r-raġunijiet għaliex il-finanzjament meħtieġ ma setax jiġi ppjanat u inkluż fil-Baġit tal-2009? It-trasferiment fil-Baġit tal-2009 mir-riżerva ta’ kontinġenza għal pożizzjoni tal-baġit li tiffinanzja struttura li nbdiet fl-2007 hu strettament newtrali għall-baġit? Il-Kunsill ippjana EUR 1 060 000 għall-“Grupp ta’ Riflessjoni”. Kemm-il kariga tista' tiġi allokata għal dan il-grupp?

(t)

in-nefqiet li jirrigwardaw id-delegazzjonijiet tal-ivvjaġġar għadhom jidhru problematiċi, (ara n-nota tal-Kunsill tal-15 ta’ Ġunju 2010, SGS10 8254, inċiż II, paġna 4). Għaliex dawn in-nefqiet jidhru f'daqshekk linji baġitarji differenti?

(u)

għaliex il-verifika interna għadha ssib li hu meħtieġ li jiżdiedu “les frais de voyage des délégués et les frais d'interprétation” (l-ispejjeż tal-ivvjaġġar tad-delegati u l-ispejjeż tal-interpretazzjoni), wara kritika kbira fl-aħħar żewġ riżoluzzjonijiet mill-Parlament dwar il-kwittanza tal-Kunsill?

(v)

il-Kunsill reġa' uża l-infiq anqas fl-interpretazzjoni biex jiġi pprovdut finanzjament żejjed għall-ispejjeż tal-ivjaġġar tad-delegazzjonijiet; b'riżultat ta’ dan, l-impenji attwali tal-2009 għall-ispejjeż tal-ivjaġġġar kienu jammontaw għal ammont ħafna inqas mill-baġit inizjali, u inqas minn nofs l-ammont disponibbli wara t-trasferiment (EUR 36 100 000 inizjalment u EUR 48 100 000 disponibbli wara t-trasferiment kontra it-EUR 22 700 000 impenjati). X'kienu r-raġunijiet għal dan it-trasferiment ta’ EUR 12 000 000 (ara r-rapport tal-attività finanzjarja — 11327/10, FIN 278 -punt 3.3.2- inċiż VI)? Għaliex it-trasferiment mill-interpretazzjoni għall-ivvjaġġar tad-delegati hu stmat bħala EUR 12 000 000 mill-Kunsill fil-paġna 12 u EUR 10 558 362 fil-paġna 13? Għal xiex intuża l-ammont li kien fadal mit-trasferiment mill-interpretazzjoni (l-ammont totali trasferit mill-interpretazzjoni hu EUR 17 798 362)? Barra minn hekk, jitlob lill-Kunsill jispjega l-ammont kbir ta’ ordnijiet ta’ rkupru li saru qabel l-2009 u ġew trasferiti għall-2009 (EUR 12 300 000) kif ukoll l-irkupru li sar mid-dikjarazzjonijiet relatati mal-2007 (EUR 6 300 000)

(w)

fl-2009 l-Kunsill, kif kien għamel fl-2008, reġa' alloka ammont konsiderevoli tal-baġit tiegħu għall-binjiet, partikolarment, aktar milli irdoppja l-allokazzjonijiet inizjali għall-akkwist tal-Bini tal-Palazz Residenzjali (irrialloka EUR 17 800 000 minbarra EUR 15 000 000 ippjanati fil-baġit għall-2009). X'inhuma r-raġunijiet għal dan? Is-Segretarjat Ġenerali tal-Kunsill jista' jipprovdu ċifri konkreti tat-tfaddil li nkiseb b'riżultat ta’ dan? X'kienet in-nefqa ppjanata inizjalment għall-Bini tal-Palazz Residenzjali? Il-Kunsill hu tal-fehma li n-nefqa ppjanata inizjalment se tkun preċiża jew tista' tkun ogħla milli previst? X'inhuma l-passi previsti għall-finanzjament tal-bini?

(x)

l-implimentazzjoni tal-baġit tal-Kunsill — approprjazzjonijiet trasferiti: Il-Kunsill jista' jippreżenta l-ammont stmat u s-suġġett tal-fatturi li ma waslux sa' Ġunju 2010 għas-sena 2009 u għalhekk ġew trasferiti?

(y)

it-trasferiment għall-2010 tal-approprjazzjonijiet tad-dħul allokat dovut fl-2009 ammonta għal EUR 31 800 000. Dan hu madwar 70 % tad-dħul allokat għall-2009. X'inhuma r-raġunijiet għal dan il-proporzjon kbir ta’ trasferiment? X'ser jiġri jew x'ġara b'dan id-dħul fl-2010?

(z)

xi tfisser “għotja teknika ta’ EUR 25 000 000 għat-tnedija tal-Kunsill Ewropew 2010”? (ara r-rapport finanzjarju ta’ attività — 11327/10, FIN 278 — punt 3.1, inċiż IV)

(aa)

x'inhu l-livell ta’ kunfidenzjalità tal-baġit tal-Kunsill speċifikat mid-diversi linji baġitarji?

(ab)

jistal-Kunsill jindika l-miżuri speċifiċi li ttieħdu biex tittejjeb il-kwalità tal-ġestjoni finanzjarja tal-Kunsill, partikolarment rigward il-punti li tqajmu fil-paragrafu 5 tar-riżoluzzjoni tal-Parkament (14) tal-25 ta’ Novembru 2009 li takkumpanja d-deċiżjoni tiegħu dwar il-kwittanza tal-Kunsill għas-sena finanzjarja 2007?

(a)

il-lista sħiħa tat-trasferimenti baġitarji li jirrigwardaw il-baġit tal-Kunsill gaħll-2009;

(b)

stqarrija bil-miktub dwar in-nefqiet tal-Kunsill tal-missjonijiet tal-RSUE;

(c)

id-dikjarazzjoni tal-Istati Membri għall-2007 (ara r-rapport finanzjarju ta’ attività — 11327/10, FIN 278 — punt 3.2.2, inċiż II); u

(d)

ir-rapport tal-“Grupp ta’ Riflessjoni” sabiex ikun jista' jifhem għaliex rapport bħal dan jiswa EUR 1 060 000 (ara r-rapport finanzjarju ta’ attività — 11327/10, FIN 278 — punt 2.2).