This document is an excerpt from the EUR-Lex website
Document 32010D0230
2010/230/: Commission Decision of 23 April 2010 on financing the 2010 work programme on training in the field of food and feed safety, animal health and animal welfare in the framework of the Better Training for Safer Food Programme
2010/230/: Deċiżjoni tal-Kummissjoni tat- 23 ta’ April 2010 dwar il-finanzjament tal-programm ta’ ħidma 2010 għat-taħriġ dwar is-sikurezza fl-ikel u fl-għalf, is-saħħa u l-benessri tal-annimali fil-qafas tal-Programm għat-Taħriġ Imtejjeb għal Iżjed Sikurezza fl-Ikel
2010/230/: Deċiżjoni tal-Kummissjoni tat- 23 ta’ April 2010 dwar il-finanzjament tal-programm ta’ ħidma 2010 għat-taħriġ dwar is-sikurezza fl-ikel u fl-għalf, is-saħħa u l-benessri tal-annimali fil-qafas tal-Programm għat-Taħriġ Imtejjeb għal Iżjed Sikurezza fl-Ikel
ĠU L 104, 24.4.2010, p. 60–63
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
24.4.2010 |
MT |
Il-Ġurnal Uffiċjali tal-Unjoni Ewropea |
L 104/60 |
DEĊIŻJONI TAL-KUMMISSJONI
tat-23 ta’ April 2010
dwar il-finanzjament tal-programm ta’ ħidma 2010 għat-taħriġ dwar is-sikurezza fl-ikel u fl-għalf, is-saħħa u l-benessri tal-annimali fil-qafas tal-Programm għat-Taħriġ Imtejjeb għal Iżjed Sikurezza fl-Ikel
(2010/230/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej (1), (minn hawn ‘il quddiem imsejjaħ “ir-Regolament Finanzjarju”), u b’mod partikolari l-Artikolu 75 tiegħu,
Wara li kkunsidrat ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolamenti Finanzjarju li jgħodd għall-baġit ġenerali tal-Komunitajiet Ewropej (2) (minn hawn ‘il quddiem imsejjħa r-“Regoli Implimentattivi”), u b’mod partikolari l-Artikolu 90 tiegħu,
Wara li kkunsidrat ir-Regolament tal-Kunsill (KE) Nru 58/2003 tad-19 ta’ Diċembru 2002 li jfassal l-istatut għall-Aġenziji Eżekuttivi li jridu jiġu fdati b’ċerti kompiti fit-tmexxija tal-programmi tal-Komunità (3), u b’mod partikolari l-Artikolu 12(3) tiegħu,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifika tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (4), u b’mod partikolari l-Artikolu 66(1)(b) u (c) tiegħu,
Billi:
|
(1) |
Ir-Regolament (KE) Nru 882/2004 jistipula r-regoli ġenerali għat-twettiq ta’ kontrolli uffiċjali biex tkun ivverifikata l-konformità mar-regoli li jimmiraw, partikolarment, li jwaqqfu, jeliminaw jew inaqqsu għal livelli aċċettabbli r-riskji għall-bnedmin u għall-annimali, li jiggarantixxu prassi ġusta fil-kummerċ tal-għalf u tal-ikel, u li jħarsu l-interessi tal-konsumatur. L-Artikolu 51 ta’ dan ir-Regolament jistipula li l-Kummissjoni tista’ torganizza l-korsijiet għat-taħriġ tal-persunal tal-awtoritajiet kompetenti fl-Istati Membri li huma inkarigati biex jieħdu ħsieb il-kontrolli msemmijin fir-Regolament, dawn il-korsijiet jistgħu jkunu miftuħin għall-parteċipanti minn pajjiżi terzi, b’mod partikolari pajjiżi li qegħdin fi stat ta’ żvilupp. Dawn il-korsijiet jistgħu jinkludu b’mod partikolari t-taħriġ rigward il-liġi tal-Unjoni dwar l-għalf u l-ikel u rigward ir-regoli dwar is-saħħa u l-benessri tal-annimali. |
|
(2) |
Il-“Programm għat-Taħriġ Imtejjeb għal Iżjed Sikurezza fl-Ikel” ġie mwaqqaf mill-Kummissjoni biex jintlaħqu l-miri stipulati fir-Regolament (KE) Nru 882/2004. Il-Komunikazzjoni tal-Kummissjoni COM(2006) 519 finali (5) tistudja l-possibbiltajiet għall-organizzazzjoni tat-taħriġ fil-ġejjieni. |
|
(3) |
Il-programm ta’ ħidma 2010 għall-implimentazzjoni ta’ “Programm għat-Taħriġ Imtejjeb għal Iżjed Sikurezza fl-Ikel” għaldaqstant għandu jiġi adottat. |
|
(4) |
Id-Deċiżjoni tal-Kummissjoni 2004/858/KE tal-15 ta’ Diċembru 2004 li twaqqaf aġenzija eżekuttiva bl-isem Aġenzija Eżekuttiva għall-Programm dwar is-Saħħa Pubblika għat-tmexxija tal-azzjoni Komunitarja fil-qasam tas-saħħa pubblika b’applikazzjoni tar-Regolament (KE) Nru 58/2003 (6) tal-Kunsill, waqqfet l-Aġenzija Eżekuttiva għas-Saħħa u l-Konsumaturi (“l-Aġenzija”). |
|
(5) |
Barra minn hekk, id-Deċiżjoni tal-Kummissjoni K(2008) 4943 tad-9 ta’ Settembru 2008 ddelegat ċerti ħidmiet ta’ treġija u implimentazzjoni tal-programmi lill-Aġenzija, li għandhom x’jaqsmu ma’ miżuri ta’ taħriġ għas-sikurezza fl-ikel imwettqa skont ir-Regolament (KE) Nru 882/2004. Għaldaqstant għandu jingħata sussidju għall-ħidma lill-Aġenzija għas-sena 2010 biex jiffinanzja l-attivitajiet marbutin mal-Programm għat-Taħriġ Imtejjeb għal Iżjed Sikurezza fl-Ikel. |
|
(6) |
Billi l-programm ta’ ħidma tal-2010 huwa qafas iddettaljat biżżejjed, id-deċiżjoni attwali tikkostitwixxi deċiżjoni ta’ finanzjament fit-tifsira tal-Artikolu 90 tar-regoli implimentattivi. |
|
(7) |
Għall-applikazzjoni ta’ din id-Deċiżjoni, jixraq li jitfisser it-terminu “bidla sostanzjali”, fit-tifsira tal-Artikolu 90(4) tar-regoli implimentattivi. |
|
(8) |
Skont l-Artikolu 83 tar-Regolament (KE, Euratom) Nru 1605/2002, il-validazzjoni, l-awtorizzazzjoni u l-ħlas tan-nefqa għandhom isiru fil-limiti ta’ żmien stabbiliti fir-regoli implimentattivi. Dawn ir-regoli għandhom jispeċifikaw ukoll iċ-ċirkostanzi li fihom, dawk il-kredituri li jitħallsu b’lura jkunu intitolati li jirċievu l-imgħax fil-każ ta’ nuqqas ta’ pagament impost fuq il-linja li minnha tħallset is-somma ewlenija. |
|
(9) |
Għalhekk, din id-Deċiżjoni għandha tipprovdi r-regoli dwar il-pagament tal-imgħaxx fuq pagamenti tardivi li jkunu marbutin ma’ azzjonijiet li huma inklużi fil-programm ta’ ħidma tal-2010, |
ADDOTTA DIN ID-DEĊIŻJONI:
Artikolu 1
Il-programm ta’ ħidma għall-implimentazzjoni fl-2010 tal-Programm għat-Taħriġ Imtejjeb għal Iżjed Sikurezza fl-Ikel kif stipulat fl-Anness huwa b’dan adottat. Dan jikkostitwixxi deċiżjoni ta’ finanzjament fit-tifsira tal-Artikolu 75 tar-Regolament Finanzjarju.
Artikolu 2
1. L-ammont totali tal-kontribuzzjoni finanzjarja mingħand il-Kummissjoni għall-implimentazzjoni tal-programm ta’ ħidma għandu jkun ta’ EUR 15 370 000, li għandu jiġi ffinanzjat mil-linji baġitarji tal-Baġit Ġenerali tal-Unjoni Ewropea għall-2010:
|
(a) |
: |
linja baġitarja nru 17 04 07 01 |
: |
EUR 14 000 000 |
|
(b) |
: |
linja baġitarja nru 17 01 04 05 |
: |
EUR 260 000 |
|
(c) |
: |
linja baġitarja nru 17 01 04 31 |
: |
EUR 1 110 000 |
2. L-ammont stipulat fil-paragrafu 1(c) għandu jitħallas lill-Aġenzija Eżekuttiva għas-Saħħa u l-Konsumaturi u għandu jikkostitwixxi sussidju għall-ħidma.
3. L-imgħaxx li jkun irid jitħallas fuq il-ħlas tardiv ukoll jista’ jitħallas mill-istess linji baġitarji, skont l-Artikolu 83 tar-Regolament (KE, Euratom) Nru 1605/2002.
Artikolu 3
Bidliet kumulattivi tal-allokazzjonijiet għall-azzjonijiet speċifiċi koperti mill-programm ta’ ħidma li ma jaqbżux l-20 % tal-kontribuzzjoni finanzjarja massima prevista mill-Artikolu 2(1) ma għandhomx jitqiesu bħala sostanzjali fit-tifsira tal-Artikolu 90(4) tar-Regolament (KE, Euratom) Nru 2342/2002, sakemm dawn ma jaffettwawx b’mod sinifikanti n-natura u l-għan tal-programm ta’ ħidma.
L-uffiċjal tal-awtorizzazzjoni jista’ jadotta dawn il-bidliet skont il-prinċipji tal-maniġment finanzjarju sod u tal-proporzjonalità.
Magħmul fi Brussell, it-23 ta’ April 2010.
Għall-Kummissjoni
Il-President
José Manuel BARROSO
(1) ĠU L 248, 16.9.2002, p. 1.
(2) ĠU L 357, 31.12.2002, p. 1.
(4) ĠU L 165, 30.4.2004, p. 1.
(5) SEC(2006) 1163 u SEC(2006) 1164, 20.9.2006.
(6) ĠU L 369, 16.12.2004, p. 73.
ANNESS
dwar il-finanzjament tal-programm ta’ ħidma 2010 għat-taħriġ dwar is-sikurezza fl-ikel u fl-għalf, is-saħħa u l-benessri tal-annimali fil-qafas tal-Programm għat-Taħriġ Imtejjeb għal Iżjed Sikurezza fl-Ikel
1.1. Introduzzjoni
Dan il-programm ta’ ħidma fih tliet miżuri implimentattivi għall-2010. Abbażi tal-miri stipulati fir-Regolament (KE) Nru 882/2004, id-distribuzzjoni tal-baġit u l-azzjonijiet ewlenin huma kif ġej:
|
|||
|
EUR 14 000 000 |
||
|
EUR 260 000 |
||
|
EUR 1 110 000 |
||
|
TOTAL |
EUR 15 370 000 |
||
1.2. Akkwisti
L-ammont baġitarju globali riżervat għall-kuntratti tal-akkwisti fl-2010 jammonta għal EUR 14 000 000.
1.2.1. Taħriġ: Kuntratti esterni għat-twettiq tal-programm ta’ taħriġ
BAŻI LEGALI
Ir-Regolament (KE) Nru 882/2004, l-Artikolu 51 u l-Artikolu 66(1)(b)
IL-LINJA BAĠITARJA
Linja baġitarja: 17 04 07 01
NUMRU INDIKATTIV U TIPI TA’ KUNTRATTI PREVISTI
Għal kull waħda mill-kwistjonijiet tekniċi msemmija hawn taħt se jiġi ffirmat kuntratt wieħed, jew aktar, ta’ servizz speċifiku. Huwa stmat li se jiġu ffirmati madwar 17-il kuntratt ta’ servizz. Il-kuntratturi esterni jkunu involuti primarjament fl-aspetti organizzattivi u loġistiċi tal-attivitajiet ta’ taħriġ.
IS-SUĠĠETT TAL-KUNTRATTI PREVISTI (JEKK IKUN POSSIBBLI)
Għall-2010, l-azzjoni ta’ taħriġ se tkun dwar is-suġġetti li ġejja:
|
— |
L-ispezzjonijiet ta’ kontroll veterinarju u tas-sikurezza tal-ikel u l-għalf f’Postijiet ta’ Spezzjoni fil-Fruntiera (ajruporti, portijiet u toroq/ferroviji), |
|
— |
Iż-żoonożi u kriterji mikrobijoloġiċi fi prodotti tal-ikel, |
|
— |
Il-Benesseri tal-Annimali, |
|
— |
Il-Prodotti għall-Ħarsien tal-Pjanti, |
|
— |
Il-leġiżlazzjoni dwar l-għalf: fokus fuq ir-regoli tal-iġjene tal-għalf, |
|
— |
Il-ħarsien minn, il-kontroll u l-qerda tal-Enċefalopatija Sponġiformi li Tinxtered, |
|
— |
Il-kontrolli fuq prodotti ta’ oriġini mhux mill-annimali fil-ħin tal-importazzjoni, |
|
— |
L-iskemi ta’ kwalità tal-UE (agrikoltura organika u indikazzjonijiet ġeografiċi), |
|
— |
Il-verifiki interni tas-sistemi uffiċjali tal-kontroll, |
|
— |
L-appoġġ għall-kontrolli tal-Unjoni fl-Istati Membri u f’pajjiżi terzi, |
|
— |
RASFF/TRACES f’pajjiżi terzi, |
|
— |
L-analiżi tal-OĠM, |
|
— |
Ir-regoli tal-UE dwar l-ikel u r-rekwiżiti tal-UE għall-importazzjoni tal-ikel, |
|
— |
Id-dijanjożi u l-kontroll tal-Influwenza tat-Tjur bi Patoġeniċità Qawwija, |
|
— |
Kwistjonijiet oħra dwar il-benessri u saħħa tal-annimali, kwistjonijiet dwar is-sikurezza tal-għalf u tal-ikel; il-kooperazzjoni ma’ Organizzazzjonijiet Internazzjonali oħra għat-taħriġ u l-istudji l-konferenzi u l-valutazzjonijiet tas-sikurezza fl-ikel. |
L-IMPLIMENTAZZJONI
It-EUR 13 320 000 (il-finanzjament ta’ miżuri għas-sikurezza fl-ikel skont ir-Regolament (KE) Nru 882/2004) se jkunu amministrati u użati mill-Aġenzija Eżekuttiva għas-Saħħa u l-Konsumaturi (id-Deċiżjoni tal-Kummissjoni 2008/544/KE (1)). Is-EUR 680 000 li jibqa’ se jintużaw mill-Kummissjoni biex ikopru l-programm dwar l-OĠM u fuq studji, konferenzi u stimi.
IL-PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWISTI
Bejn wieħed u ieħor minn April sa Ġunju biex il-kuntratti jkunu ffirmati fl-2010.
AMMONT INDIKATTIV TAS-SEJĦA GĦALL-OFFERTI
EUR 14 000 000.
1.2.2. Taħriġ: rapport annwali, tagħmir u strumenti tal-IT, materjal promozzjonali, appoġġ tat-tagħrif u tal-komunikazzjoni
BAŻI LEGALI
Ir-Regolament (KE) Nru 882/2004, l-Artikolu 66(1)(ċ)
IL-LINJA BAĠITARJA
Linja baġitarja: 17 01 04 05
NUMRU INDIKATTIV U TIPI TA’ KUNTRATTI PREVISTI
Huwa stmat li se jiġu ffirmati madwar tliet kuntratti ta’ servizz.
IS-SUĠĠETT TAL-KUNTRATTI PREVISTI (JEKK IKUN POSSIBBLI)
L-azzjonijiet li se jkunu ffinanzjati taħt dan il-baġit jimmiraw li jiffaċiltaw l-implimentazzjoni tal-programmi ta’ taħriġ, tat-tagħmir u l-għodod tal-IT u tat-tagħlim elettroniku, kif ukoll l-appoġġ għall-materjali promozzjonali, għat-tagħrif u għall-komunikazzjoni.
L-IMPLIMENTAZZJONI
Din l-azzjoni se tkun implimentata direttament mid-DĠ SANCO.
IL-PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWISTI
Bejn wieħed u ieħor minn April sa Settembru.
AMMONT INDIKATTIV TAS-SEJĦA GĦALL-OFFERTI
EUR 260 000.
1.3. Azzjonijiet oħra: Sussidju operattiv għall-Aġenzija Eżekuttiva dwar is-Saħħa Pubblika u l-Konsumaturi
Il-BAŻI LEGALI
Ir-Regolament (KE) Nru 58/2003, b’mod partikolari l-Artikolu 12(3) tiegħu
IL-LINJA BAĠITARJA
Linja baġitarja: 17 01 04 31
L-AMMONT
EUR 1 110 000
ID-DESKRIZZJONI U L-GĦAN TAL-MIŻURA IMPLIMENTATTIVA
Dan il-baġit jiffinanzja s-sussidju operattiv tal-Aġenzija għas-sena 2010 marbut mal-programmi skont l-“FP Intestatura 2”. Il-linja ta’ Baġit 17.01.04.31 tiffinanzja s-sussidju operattiv tal-Aġenzija għall-2010 għall-parti marbuta mal-programm Taħriġ Aħjar għal Aktar Sikurezza fl-Ikel. Skont l-Artikolu 12(3) tar-Regolament (KE) Nru 58/2003, is-sussidju operattiv għandu jittieħed mill-allokazzjoni finanzjarja għall-progammi tal-Unjoni mmaniġġjati mill-Aġenzija. Żewġ linji ta’ baġit separati nħolqu bil-baġit 2010 għas-sussidju li jrid jitħallas lill-Aġenzija, wieħed għall-programmi skont l-Intestatura 2 u ieħor għal programmi skont l-Intestatura 3b tal-Perspettivi Finanzjarji.