Edizzjoni speċjali bil-Kroat: Kapitolu 03 Volum 037 P. 108 - 108
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32009R0899
Commission Regulation (EC) No 899/2009 of 25 September 2009 amending Regulation (EC) No 1290/2008 as regards the name of the holder of the authorisation of a preparation of Lactobacillus rhamnosus (CNCM-I-3698) and Lactobacillus farciminis (CNCM-I-3699) (Sorbiflore) (Text with EEA relevance)
Regolament tal-Kummissjoni (KE) Nru 899/2009 tal- 25 ta’ Settembru 2009 li jemenda r-Regolament (KE) Nru 1290/2008 li jikkonċerna isem id-detentur tal-awtorizzazzjoni ta’ preparazzjoni ta’ Lactobacillus rhamnosus (CNCM-I-3698) u Lactobacillus farciminis (CNCM-I-3699) (Sorbiflore) (Test b’relevanza għaż-ŻEE)
Regolament tal-Kummissjoni (KE) Nru 899/2009 tal- 25 ta’ Settembru 2009 li jemenda r-Regolament (KE) Nru 1290/2008 li jikkonċerna isem id-detentur tal-awtorizzazzjoni ta’ preparazzjoni ta’ Lactobacillus rhamnosus (CNCM-I-3698) u Lactobacillus farciminis (CNCM-I-3699) (Sorbiflore) (Test b’relevanza għaż-ŻEE)
ĠU L 256, 29.9.2009, p. 11–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
29.9.2009 |
MT |
Il-Ġurnal Uffiċjali tal-Unjoni Ewropea |
L 256/11 |
REGOLAMENT TAL-KUMMISSJONI (KE) Nru 899/2009
tal-25 ta’ Settembru 2009
li jemenda r-Regolament (KE) Nru 1290/2008 li jikkonċerna isem id-detentur tal-awtorizzazzjoni ta’ preparazzjoni ta’ Lactobacillus rhamnosus (CNCM-I-3698) u Lactobacillus farciminis (CNCM-I-3699) (Sorbiflore)
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1) u b’mod partikolari l-Artikolu 13 (3) tiegħu,
Billi:
|
(1) |
Preparazzjoni ta’ Lactobacillus rhamnosus (CNCM-I-3698) u Lactobacillus farciminis (CNCM-I-3699) (Sorbiflore), li jidħlu fil-kategorija tal-addittivi “addittivi żootekniċi” u fil-grupp funzjonali “addittivi żootekniċi oħra”, ġie awtorizzat bħala addittiv għal mal-għalf bir-Regolament tal-Kummissjoni (KE) Nru 1290/2008 (2) għal Sorbial SAS, id-detentur tal-awtorizzazzjoni. |
|
(2) |
Ir-Regolament (KE) Nru 1831/2003 jistipula l-possibbiltà li l-awtorizzazzjoni għal addittiv tista’ tkun immodifikata wara talba mingħand id-detentur tal-awtorizzazzjoni u wara li tingħata l-opinjoni tal-Awtorità Ewropea dwar is-Sigurtà fl-Ikel. Sorbial SAS ippreżenta applikazzjoni fejn talab li jibdel isem id-detentur tal-awtorizzazzjoni minn Sorbial SAS għal Danisco France SAS fir-rigward tar-Regolament (KE) Nru 1290/2008. |
|
(3) |
L-applikant stqarr li Sorbial SAS inbidel f’Danisco France SAS b’effett mit-18 ta’ Mejju 2009. Danisco France SAS issa huwa l-proprjetarju tad-drittijiet għat-tqegħid fis-suq tal-addittiv. L-applikant issottometta d-dokumenti relevanti biex isostnu l-istqarrija tiegħu. |
|
(4) |
It-tibdil propost, tat-termini tal-awtorizzazzjoni, huwa purament tibdil ta’ natura amministrattiva u ma jinvolvix valutazzjoni ġdida tal-addittiv ikkonċernat. L-Awtorità Ewropea dwar is-Sigurtà fl-Ikel ġiet infurmata b’din l-applikazzjoni. |
|
(5) |
Biex l-applikant jitħalla jeżerċita d-drittijiet tiegħu fuq is-suq bl-isem ta’ Danisco France SAS huwa meħtieġ li jinbidlu t-termini tal-awtorizzazzjonijiet. |
|
(6) |
Ir-Regolament (KE) Nru 1290/2008 għalhekk għandu jkun emendat skont dan. |
|
(7) |
Huwa xieraq li jkun stipulat perjodu ta’ tranżizzjoni li fih jistgħu jkunu eżawriti l-istokkijiet kollha li hemm fil-preżent. |
|
(8) |
Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina tal-Ikel u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fil-kolonna 2 tal-Anness tar-Regolament (KE) Nru 1290/2008 l-isem “Sorbial SAS” jiġi sostitwit bl-isem “Danisco France SAS”.
Artikolu 2
Stokkijiet eżistenti li jikkonformaw mal-istipulazzjonijiet applikabbli qabel id-data tad-dħul fis-seħħ ta’ dan ir-Regolament jistgħu jibqgħu jinbiegħu u jintużaw sa sitt xhur wara din id-data.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament ikun jorbot fl-intier tiegħu u applikabbli direttament fl-Istati Membri kollha.
Magħmul fi Brussell, il-25 ta’ Settembru 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 268, 18.10.2003, p. 29.
(2) ĠU L 340, 19.12.2008, p. 20.