This document is an excerpt from the EUR-Lex website
Document 32009D0791
2009/791/EC: Council Decision of 20 October 2009 authorising the Federal Republic of Germany to continue to apply a measure derogating from Article 168 of Directive 2006/112/EC on the common system of value added tax
2009/791/KE: Deċiżjoni tal-Kunsill tal- 20 ta’ Ottubru 2009 li tawtorizza lir-Repubblika Federali tal-Ġermanja biex tkompli tapplika miżura ta’ deroga mill-Artikoli 168 tad-Direttiva 2006/112/KE dwar is-sistema komuni ta’ taxxa fuq il-valur miżjud
2009/791/KE: Deċiżjoni tal-Kunsill tal- 20 ta’ Ottubru 2009 li tawtorizza lir-Repubblika Federali tal-Ġermanja biex tkompli tapplika miżura ta’ deroga mill-Artikoli 168 tad-Direttiva 2006/112/KE dwar is-sistema komuni ta’ taxxa fuq il-valur miżjud
ĠU L 283, 30.10.2009, p. 55–55
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 11/10/2021
|
30.10.2009 |
MT |
Il-Ġurnal Uffiċjali tal-Unjoni Ewropea |
L 283/55 |
DEĊIŻJONI TAL-KUNSILL
tal-20 ta’ Ottubru 2009
li tawtorizza lir-Repubblika Federali tal-Ġermanja biex tkompli tapplika miżura ta’ deroga mill-Artikoli 168 tad-Direttiva 2006/112/KE dwar is-sistema komuni ta’ taxxa fuq il-valur miżjud
(2009/791/KE)
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra d-Direttiva 2006/112/KE (1), u b’mod partikolari l-Artikolu 395(1) tagħha,
Wara li kkunsidra l-proposta tal-Kummissjoni,
Billi:
|
(1) |
Permezz ta’ ittra rreġistrata mas-Segretarjat Ġenerali tal-Kummissjoni fid-19 ta’ Diċembru 2008, ir-Repubblika Federali tal-Ġermanja (minn hawn ‘il quddiem imsejħa ‘il-Ġermanja’) talbet awtorizzazzjoni biex tkompli tapplika miżura ta’ deroga mid-dispożizzjonijiet tad-Direttiva 2006/112/KE li tirregola d-dritt għal tnaqqis u preċedentament awtorizzata bid-deċiżjoni 2004/817/KE (2) skont is-Sitt Direttiva 77/388/KE tal-Kunsill tas-17 ta’ Mejju 1977 fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ — Sistema komuni ta’ taxxa fuq il-valur miżjud: bażi uniformi ta’ stima (3) li kienet applikabbli f’dak iż-żmien. |
|
(2) |
Skont l-Artikolu 395(2) tad-Direttiva 2006/112/KE, il-Kummissjoni permezz ta’ ittra ddatata t-3 ta’ Ġunju 2009 infurmat lill-Istati Membri l-oħra bit-talba li saret mill-Ġermanja. Permezz ta’ ittra ddatata d-9 ta’ Ġunju 2009, il-Kummissjoni nnotifikat lill-Ġermanja li hija kellha l-informazzjoni kollha meqjusa neċessarja biex tikkunsidra t-talba. |
|
(3) |
Il-miżura derogatorja hija maħsuba biex teskludi kompletament mid-dritt għal tnaqqis il-VAT fuq oġġetti u servizzi meta dawn jintużaw f’iktar minn 90 % tal-każi għall-raġunijiet privati tal-persuna taxxabbli, jew tal-impjegati tagħha, jew għal skopijiet li mhumiex ta’ negozju. |
|
(4) |
Il-miżura tidderoga mill-Artikola 168 tad-Direttiva 2006/112/KE, li tistabbilixxi l-prinċipju ġenerali tad-dritt ta’ tnaqqis, u hija maħsuba biex tissimplifika l-proċedura tal-imposizzjoni tal-VAT. L-ammont ta’ taxxa dovut fl-istadju finali tal-konsum huwa biss affettwat b’mod negliġibbli. |
|
(5) |
Is-sitwazzjoni legali u fattwali li kienet iġġustifikat l-applikazzjoni kurrenti tal-miżura ta’ simplifikazzjoni kkonċernata ma nbidlitx u għadha teżisti. Il-Ġermanja għandha għalhekk tkun awtorizzata tapplika l-miżura ta’ simplifikazzjoni għal perijodu ieħor, iżda limitat fiż-żmien sabiex tkun tista’ ssir evalwazzjoni tal-miżura. |
|
(6) |
Id-deroga m’għandu jkollha ebda impatt negattiv fuq ir-riżorzi proprji tal-Komunitajiet li jakkumulaw mill-VAT, |
ADOTTAT DIN ID-DEĊIŻJONI:
Artikolu 1
B’deroga mill-Artikolu 168 tad-Direttiva 2006/112/KE, il-Ġermanja hija awtorizzata li teskludi n-nefqa fuq oġġetti u servizzi mid-dritt ta’ tnaqqis tal-VAT meta f’iktar minn 90 % tal-każi l-oġġetti u s-servizzi inkwistjoni huma użati għal raġunijiet privati tal-persuna taxxabbli, jew tal-impjegati tagħha, jew, b’mod iktar ġenerali, għal skopijiet li mhumiex ta’ negozju.
Artikolu 2
Din id-Deċiżjoni għandha tkun applikabbli mill-1 ta’ Jannar 2010 sal-31 ta’ Diċembru 2012.
Artikolu 3
Din id-Deċiżjoni hija indirizzata lir-Repubblika Federali tal-Ġermanja.
Magħmul fi Brussell, l-20 ta’ Ottubru 2009.
Għall-Kunsill
Il-President
A. BORG
(1) ĠU L 347, 11.12.2006, p. 1.
(2) ĠU L 357, 2.12.2004, p. 33.
(3) ĠU L 145, 13.6.1977, p. 1.