This document is an excerpt from the EUR-Lex website
Document 32009D0777
2009/777/EC: Commission Decision of 21 October 2009 concerning the extension of uses of algal oil from the micro-algae Ulkenia sp . as a novel food ingredient under Regulation (EC) No 258/97 of the European Parliament and of the Council (notified under document C(2009) 7932)
2009/777/KE: Deċiżjoni tal-Kummissjoni tal- 21 ta’ Ottubru 2009 dwar l-estensjoni tal-użu taż-żejt tal-alka mill-mikroalka Ulkenia sp . bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2009) 7932)
2009/777/KE: Deċiżjoni tal-Kummissjoni tal- 21 ta’ Ottubru 2009 dwar l-estensjoni tal-użu taż-żejt tal-alka mill-mikroalka Ulkenia sp . bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2009) 7932)
ĠU L 278, 23.10.2009, p. 54–55
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
23.10.2009 |
MT |
Il-Ġurnal Uffiċjali tal-Unjoni Ewropea |
L 278/54 |
DEĊIŻJONI TAL-KUMMISSJONI
tal-21 ta’ Ottubru 2009
dwar l-estensjoni tal-użu taż-żejt tal-alka mill-mikroalka Ulkenia sp. bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument numru C(2009) 7932)
(It-test bl-Ingliż biss huwa awtentiku)
(2009/777/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (1), u b’mod partikolari l-Artikolu 7 tiegħu,
Billi:
(1) |
Fl-4 ta’ Novembru 2004 l-kumpanija Lonza Ltd. (li qabel kienet magħrufa bħala Nutrinova) għamlet talba lill-awtoritajiet kompetenti tal-Ġermanja għal estensjoni tal-użu bħala ingredjent ġdid tal-ikel taż-żejt mill-mikroalka Ulkenia sp. |
(2) |
Fid-9 ta’ Frar 2005 l-entità kompetenti għall-evalwazzjoni tal-ikel fil-Ġermanja ħarġet ir-rapport inizjali tagħha ta’ evalwazzjoni. F’dak ir-rapport din waslet għall-konklużjoni li l-estensjoni tal-użu taż-żejt mill-mikroalka Ulkenia sp. tista’ toħloq riskju li l-konsum ta’ DHA (aċidu docosahexaenoic) jiżdied b’mod mhux aċċettabbli. |
(3) |
Il-Kummissjoni bagħtet ir-rapport ta’ evalwazzjoni inizjali lill-Istati Membri kollha fil-21 ta’ April 2005. |
(4) |
Fi żmien il-perjodu ta’ 60 jum stipulat fl-Artikolu 6(4) tar-Regolament (KE) Nru 258/97, tressqu oġġezzjonijiet motivati għat-tqegħid fis-suq tal-prodott b’konformità ma’ dik id-dispożizzjoni. |
(5) |
Fl-oġġezzjonijiet tagħhom l-Istati Membri esprimew tħassib dwar il-livelli għolja ta’ konsum ta’ aċidi xaħmin omega-3 u b’mod partikolari d-DHA (aċidu docosahexaenoic). |
(6) |
Madankollu, is-sors ewlieni ta’ aċidi xaħmin omega-3 huwa ż-żejt tal-ħut. Illum, fl-ikel tal-kategoriji li għalihom intalbet iż-żieda taż-żejt mill-mikroalka Ulkenia sp., l-aċidi xaħmin omega-3 jistgħu jiġu pprovduti jew miż-żejt tal-ħut jew minflok mill-mikroalka Ulkenia sp. |
(7) |
Għaldaqstant mhuwiex mistenni li l-użu taż-żejt mill-mikroalka fil-gruppi tal-ikel imsemmija fl-Anness se jwassal għal żieda addizzjonali mhux aċċettabbli fil-konsum ġenerali tal-aċidi xaħmin omega-3. |
(8) |
Iż-żejt mill-mikroalka Ulkenia sp. jikkonforma mal-kriterji stabbiliti fl-Artikolu 3(1) tar-Regolament (KE) Nru 258/97. |
(9) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Iż-żejt mill-mikroalka Ulkenia sp. kif speċifikat fl-Anness I jista’ jitqiegħed fis-suq fil-Komunità bħala ingredjent ġdid tal-ikel għall-użu u fil-livelli massimi kif imsemmi fl-Anness II.
Artikolu 2
L-ispeċifikazzjoni “żejt mill-mikroalka Ulkenia sp.” trid tidher fil-lista ta’ ingredjenti tal-oġġetti tal-ikel li jkun fihom minn dan iż-żejt.
Artikolu 3
Din id-Deċiżjoni hi indirizzata lil Lonza Ltd., Muenchensteinerstrasse 38, CH – 4002 Basel.
Magħmul fi Brussell, il-21 ta’ Ottubru 2009.
Għall-Kummissjoni
Androulla VASSILIOU
Membru tal-Kummissjoni
ANNESS I
SPEĊIFIKAZZJONIJIET TAŻ-ŻEJT MILL-MIKROALKA ULKENIA SP.
Valur tal-aċidu |
Mhux iktar minn 0,5 mg KOH/g |
Valur perossidu (PV) |
Mhux iktar minn 5,0 meq/kg żejt |
Umdità u volatili |
Mhux aktar minn 0,05 % |
Sustanzi li ma jistgħux jinbidlu f’sapun |
Mhux aktar minn 4,5 % |
Aċidi xaħmin trans |
Mhux aktar minn 1 % |
Kontenut ta’ DHA |
Mhux anqas minn 32,0 % |
ANNESS II
UŻU TAŻ-ŻEJT MILL-MIKROALKA ULKENIA SP.
Grupp ta’ użu |
Kontenut massimu ta’ DHA (Aċidu docosahexaenoic) |
Prodotti tal-forn (ħobż u panini) |
200 mg/100 g |
Bars taċ-ċereali |
500 mg/100 g |
Xarbiet mhux alkoħoliċi (inklużi xarbiet magħmula mill-ħalib) |
60 mg/100 ml |