26.2.2009   

MT

Il-Ġurnal Uffiċjali tal-Unjoni Ewropea

L 53/74

(1)

Skont id-Deċiżjoni 2008/671/KE, l-Istati Membri jeħtieġ li jinnominaw u jagħmlu disponibbli fuq bażi mhux esklussiva, il-medda ta’ frekwenza 5 875-5 905 MHz għas-Sistemi ta’ Trasport Intelliġenti (ITS) soġġetta għal parametri speċifiċi, mhux aktar tard mis-6 ta’ Frar 2009.

(2)

L-Artikolu 3(2) tad-Deċiżjoni 2008/671/KE jistipula li, permezz ta’ deroga, l-Istati Membri jistgħu jitolbu perjodi ta’ tranżizzjoni u/jew arranġamenti ta’ qsim tal-ispettri tar-radju, skont l-Artikolu 4(5) tad-Deċiżjoni Nru 676/2002/KE.

(3)

L-Awstrija infurmat lill-Kummissjoni li, minħabba li l-medda fil-preżent hija assenjata fuq bażi mhux esklussiva lil sistemi tar-radju minn punt sa punt għall-Ġabra Elettronika tal-Aħbarijiet (Electronic News Gathering, ENG), mhijiex f’pożizzjoni li timplimenta r-rekwiżiti stipulati fid-Deċiżjoni 2008/671/KE fil-ħin.

(4)

L-awtorizzazzjoni sabiex tinstalla u topera s-sistemi ENG minn punt sa punt ingħatat mill-awtoritajiet Awstrijaċi lill-Korporazzjoni tax-Xandir Awstrijaka fl-1989 u hija valida mingħajr limiti ġeografiċi jew taż-żmien fl-Awstrija kollha. L-Awstrija qalet li l-Korporazzjoni tax-Xandir Awstrijaka se tadotta tagħmir ġdid tat-trasmissjoni ENG minn punt sa punt sabiex topera fuq medda differenti u qablet li tabbanduna l-awtorizzazzjoni tagħha dwar l-użu tal-medda ta’ frekwenza 5 875-5 905 MHz sal-31 ta’ Diċembru 2011. Mill-1 ta’ Jannar 2012, il-medda 5 875-5 905 MHZ se tkun kompletament disponibbli għall-applikazzjonijiet tal-ITS relatati mas-sikurezza, skont id-Deċiżjoni 2008/671/KE.

(5)

L-Awstrija għamlet talba formali, b’ittra lill-Kummissjoni fil-25 ta’ Novembru, għal perjodu ta’ tranżizzjoni li matulu l-ITS tkun tista’ tintuża fl-Awstrija biss fi ħdan limiti taż-żmien u limiti reġjonali li għandhom jitwaqqfu wara koordinazzjoni mill-awtoritajiet responsabbli mill-ġestjoni tal-ispettru fl-Awstrija mas-sistemi ENG minn punt sa punt operati mill-Korporazzjoni tax-Xandir Awstrijaka.

(6)

L-Awstrija pprovdiet tagħrif u ġustifikazzjoni teknika suffiċjenti biex issostni t-talba tagħha, ibbażati b’mod partikolari fuq konklużjonijiet mis-CEPT li tista’ tirriżulta interferenza li tagħmel il-ħsara bejn is-sistemi minn punt sa punt u s-sistemi relatati mas-sikurezza tal-ITS, sakemm il-miżuri ma jittiħdux f’livell nazzjonali sabiex jiżguraw il-koeżistenza bejn dawn is-sistemi. It-tali interferenza li tagħmel il-ħsara għandha l-potenzjal li tikkawża inċidenti kbar tat-traffiku.

(7)

Projbizzjoni totali għall-użu tal-medda 5 875-5 905 MHz mill-ITS tkun limitata għal sezzjonijiet żgħar tal-Awstrija u għal perjodi qosra taż-żmien. L-użu ta’ din il-medda mill-ITS jibqa’ jkun permess fil-bqija tal-Awstrija suġġett għall-koordinazzjoni mill-awtoritajiet responsabbli mill-ġestjoni tal-ispettru fl-Awstrija. Id-deroga għalhekk ma jkollhiex impatt sinifikanti fuq il-varar tat-tekonoloġija tal-ITS fl-Awstrija, speċjalment għaliex id-disponibbiltà kummerċjali ta’ sistemi bħal dawn hija mistennija li tkun pjuttost limitata sal-2011.

(8)

Minħabba n-natura eċċezzjonali tad-deroga, rapport dwar l-evoluzzjoni tas-sitwazzjoni fl-Awstrija għall-ITS u l-ENG ikun ta’ benefiċċju sabiex ikun hemm ġestjoni bla xkiel fil-perjodu ta’ tranżizzjoni.

(9)

Il-membri tal-Kumitat tal-Ispettru tar-Radju qalu matul il-laqgħa tagħhom fis-17 ta’ Diċembru 2008 li huma ma joġġezzjonawx għal din id-deroga ta’ tranżizzjoni.

(10)

Id-deroga mitluba mhux se tiddeferixxi bla ħtieġa l-implimentazzjoni tad-Deċiżjoni 2008/671/KE jew toħloq differenzi inutli f’sitwazzjonijiet kompetittivi jew regolatorji bejn l-Istati Membri. Hemm ġustifikazzjoni suffiċjenti għal dan meta wieħed iqis is-sitwazzjoni partikolari tal-Awstrija, u l-implimentazzjoni kompluta tad-Deċiżjoni 2008/671/KE jeħtieġ li tkun iffaċilitata fl-Awstrija,