8.9.2009   

MT

Il-Ġurnal Uffiċjali tal-Unjoni Ewropea

C 213/1

(1)

Fl-opinjoni tagħha tas-7 ta' Jannar 2008, il-Kummissjoni qieset li l-miżuri temporanji nnotifikati mill-Gvern Daniż lill-Kummissjoni b'ittra tas-27 ta' Frar 2004 fir-rigward ta' valvi tal-mudell HPV immanifatturati minn Se-won Ind Co fir-Repubblika tal-Korea kienu ġustifikati, u rrakkomandat li l-Istati Membri jiżguraw li l-valvi msemmija jitneħħew mis-swieq tagħhom sakemm jinħareġ ċertifikat ġdid tal-eżami tat-tip f'konformità sħiħa mar-rekwiżiti tad-Direttiva.

(2)

Il-Kummissjoni rrakomandat ukoll l-Istati Membri jieħdu l-azzjonijiet xierqa kollha sabiex jiggarantixxu s-sikurezza tal-bastimenti li jtajru l-bandiera tagħhom li jkunu mgħammra bil-valvi msemmija, inkluż mill-inqas il-miżuri li ġejjin: a) l-investigazzjoni ta' kull episodju li jista' jindika ħsara fil-valv, b'mod partikolari fir-rigward tat-tismir mill-pressjoni u ta' pressjoni għolja ħafna waqt it-tagħbija u l-ħatt u b) l-iżgurar li l-ebda bastiment mgħammar b'dawn il-valvi ma jkun awtorizzat iġorr tagħbijiet ta' merkanzija b'valur MESG ta' inqas minn 0,9 mm.

(3)

Il-manifattur ippreżenta evidenza lil twettqet proċedura ta' ċertifikazzjoni ġdida u kompluta, u bħala riżultat inħareġ ċertifikat tal-approvazzjoni tat-tip ġdid għal MED module-B mill-korp notifikat DNV bin-numru ta' referenza MED-B-4766 għall-prodotti Sewon HPV 65A, HPV-3, HPV-4, HPV-5, HPV-6, HPV-8 u HPV-10 (minn issa 'l quddiem “il-valvi”).

(4)

Dan iċ-ċertifikat il-ġdid ġie ppublikat fuq id-database MARED, fejn ħa post iċ-ċertifikat tal-approvazzjoni tat-tip imsemmi fil-premessa 4 tal-opinjoni msemmija fuq, li issa m'għadhiex tgħodd.

(5)

Id-dokumentazzjoni pprovduta mill-manifattur turi li ċ-ċertifikat MED-B-4766 ġie pprezentat skont ir-rekwiżiti applikabbli li jikkonċernaw, fost l-oħrajn: l-ittestjar ta' kull mudell tal-valv tas-serje HPV; il-pjan u s-sekwenza tat-test; it-testjar addizzjonali fir-rigward tal-materjal tal-ħġieġ; l-identifikazzjoni tal-apparat li qed jiġi ttestjat; l-ikkalibrar tal-istrumentazzjoni tal-kejl il-konfigurazzjoni tal-metodu tal-kejl; il-monitoraġġ tal-imġiba tal-valvi waqt l-ittestjar; il-kontenuti tar-rapport. Il-limitazzjonijiet mistennija tal-użu u b'mod partikolari t-tul massimu ta' pajpijiet għal kull mudell huma speċifikati. Il-Kummissjoni tinnota li l-manifattur beda l-proċess tar-riċertifikazzjoni fir-rigward tal-valvi qabel ma ngħatat l-opinjoni fis-7 ta' Jannar 2008.

(6)

Wara li għadda perjodu prudenti ta' żmien, l-Istati Membri ma rrapportaw ebda każ ta' funzjonament ħażin ta' valvi,