Edizzjoni speċjali bil-Kroat: Kapitolu 03 Volum 009 P. 261 - 261
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32008R1081
Commission Regulation (EC) No 1081/2008 of 4 November 2008 repealing Regulation (EEC) No 2968/79 laying down detailed rules for the provision of administrative assistance in connection with the export of soft ripened cow’s milk cheeses eligible for special treatment on import into a non-member country and Regulation (EEC) No 1552/80 laying down detailed rules for the provision of administrative assistance in connection with the export of certain cheeses eligible for special treatment on import into Australia
Regolament tal-Kummissjoni (KE) Nru 1081/2008 ta' l- 4 ta' Novembru 2008 li jħassar r-Regolament (KEE) Nru 2968/79 li jistabbilixxi regoli dettaljati għall-provvediment ta’ assistenza amministrattiva in konnessjoni mal-esportazzjoni ta’ ġobnijiet rotob u maturi tal-ħalib tal-baqar eliġibbli għal trattament speċjali mal-importazzjoni f’pajjiż mhux membru u r-Regolament (KEE) Nru 1552/80 li jistabbilixxi regoli dettaljati biex tingħata assistenza amministrattiva rigward l-esportazzjoni ta’ ċertu ġobon eliġibbli għal trattament speċjali meta impurtat fl-Awstralja
Regolament tal-Kummissjoni (KE) Nru 1081/2008 ta' l- 4 ta' Novembru 2008 li jħassar r-Regolament (KEE) Nru 2968/79 li jistabbilixxi regoli dettaljati għall-provvediment ta’ assistenza amministrattiva in konnessjoni mal-esportazzjoni ta’ ġobnijiet rotob u maturi tal-ħalib tal-baqar eliġibbli għal trattament speċjali mal-importazzjoni f’pajjiż mhux membru u r-Regolament (KEE) Nru 1552/80 li jistabbilixxi regoli dettaljati biex tingħata assistenza amministrattiva rigward l-esportazzjoni ta’ ċertu ġobon eliġibbli għal trattament speċjali meta impurtat fl-Awstralja
ĠU L 296, 5.11.2008, p. 4–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
5.11.2008 |
MT |
Il-Ġurnal Uffiċjali ta’ l-Unjoni Ewropea |
L 296/4 |
REGOLAMENT TAL-KUMMISSJONI (KE) Nru 1081/2008
ta' l-4 ta' Novembru 2008
li jħassar r-Regolament (KEE) Nru 2968/79 li jistabbilixxi regoli dettaljati għall-provvediment ta’ assistenza amministrattiva in konnessjoni mal-esportazzjoni ta’ ġobnijiet rotob u maturi tal-ħalib tal-baqar eliġibbli għal trattament speċjali mal-importazzjoni f’pajjiż mhux membru u r-Regolament (KEE) Nru 1552/80 li jistabbilixxi regoli dettaljati biex tingħata assistenza amministrattiva rigward l-esportazzjoni ta’ ċertu ġobon eliġibbli għal trattament speċjali meta impurtat fl-Awstralja
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u partikolarment l-Artikolu 172(2) flimkien mal-Artikolu 4 tiegħu,
Billi:
|
(1) |
l-Artikolu 172(1) tar-Regolament (KE) Nru 1234/2007, li ħassar ir-Regolament (KEE) Nru 2931/79 (2) mill-1 ta’ Jannar 2008, jistipula li meta jiġu esportati prodotti agrikoli li jistgħu, skont ftehimiet konklużi mill-Komunità, jibbenefikaw minn trattament speċjali waqt l-importazzjoni ġewwa pajjiż terz jekk ċerti kundizzjonijiet jiġu rispettati, l-awtoritajiet kompetenti tal-Istati Membri għandhom, meta jintalbu u wara verifiki xierqa, joħorġu dokument li jiċċertifika li l-kundizzjonijiet tħarsu. Skont dak ir-Regolament, ir-Regolamenti tal-Kummissjoni (KEE) Nru 2968/79 (3) u (KEE) Nru 1552/80 (4) jeħtieġu ċertifikat ippreżentat mill-esportaturi li jindika li l-ġobon hu konformi mad-definizzjoni ppreżentata f’dawk ir-Regolamenti, sabiex jibbenifikaw minn aċċess mingħajr ħlas u bla limitu rispettivament fl-Istati Uniti tal-Amerika u fl-Awstralja. |
|
(2) |
L-awtoritajiet tal-importazzjoni kompetenti tal-Istati Uniti tal-Amerika kkonfermaw li jivverifikaw il-klassifikazzjoni ta’ dawk il-ġobnijiet permezz ta’ eżami viżiv u permezz ta’ analiżi fil-laboratorji ta’ kampjuni, u li ċ-ċertifikat imsemmi fl-Artikolu 1 tar-Regolament (KEE) Nru 2968/79 m'hemmx bżonnu aktar. |
|
(3) |
Fl-istess kuntest l-awtoritajiet kompetenti Awstraljani kkonfermaw li, sabiex l-importazzjoni ta’ ċerti tipi ta’ ġobnijiet Komunitarji msemmija fl-Artikolu 1 tar-Regolament (KEE) Nru 1552/80 titħalla ħielsa minn kwalunkwe restrizzjonijiet kwantitattivi, huma mhumiex se jkollhom bżonn taċ-ċertifikat ta’ identità u ta’ oriġini. |
|
(4) |
Ir-Regolament (KEE) Nru 2968/79 u (KEE) Nru 1552/80 għalhekk għandom jitħassru. |
|
(5) |
Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Ir-Regolament (KEE) Nru 2968/79 u r-Regolament (KEE) Nru 1552/80 huma revokati.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 4 ta’ Novembru 2008.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1.
(2) ĠU L 334, 28.12.1979, p. 8.
(3) ĠU L 336, 29.12.1979, p. 25.
(4) ĠU L 153, 21.6.1980, p. 23.