6.5.2008   

MT

Il-Ġurnal Uffiċjali ta’ l-Unjoni Ewropea

L 118/1

(1)

Bir-Regolament (KE) Nru 397/2004, il-Kunsill impona dazju anti-dumping definittiv fuq importazzjonijiet fil-Komunità fuq friex tas-sodda tal-qoton li jaqgħu fi ħdan il-kodiċi NM ex 6302 21 00 (kodiċi TARIC 6302210081, 6302210089), ex 6302 22 90 (kodiċi TARIC 6302229019), ex 6302 31 00 (kodiċi TARIC 6302310090) u ex 6302 32 90 (kodiċi TARIC 6302329019), li joriġinaw mill-Pakistan. Ġie impost dazju anti-dumping ta’ 13.1 % fil-pajjiż kollu fuq il-kumpaniji kollha li jesportaw il-prodott ikkonċernat fil-Komunità.

(2)

F’Mejju 2006, wara reviżjoni interim parzjali ex officio skond l-Artikolu 11(3) tar-Regolament bażiku, il-Kunsill, bir-Regolament (KE) Nru 695/2006 (3), emenda r-Regolament (KE) Nru 397/2004 u stabbilixxa rati ta’ dazju ġodda li jvarjaw minn 0 % għal 8.5 % bbażati fuq perjodu ta’ investigazzjoni ġdid (“PI” mill-1 ta’ April 2003 sal-31 ta’ Marzu 2004. Minħabba l-għadd kbir ta’ produtturi esportaturi li kkoperaw, ġie stabbilit kampjun.

(3)

Il-kumpaniji magħżula fil-kampjun ingħataw ir-rati ta’ dazju individwali stabbiliti matul l-investigazzjoni ta’ reviżjoni, filwaqt li kumpaniji oħrajn li kkoperaw mhux inklużi fil-kampjun ingħataw ir-rata medja kkalkulata ta’ dazju ta’ 5.8 %. Ġiet imposta rata ta’ dazju ta’ 8.5 % fuq kumpaniji li jew ma ddikjarawx ruħhom jew li ma kkoperawx fl-investigazzjoni.

(4)

L-Artikolu 1(4) tar-Regolament (KE) Nru 397/2004 jagħti l-possibilità lil produtturi esportaturi Pakistani li jissodisfaw it-tliet kriterji stipulati fl-istess Artikolu sabiex jirċievu l-istess trattament bħall-kumpaniji li kkoperaw mhux inklużi fil-kampjun (“trattament ta’ produttur esportatur ġdid” jew “NEPT”).

(5)

Ir-Regolament (KE) Nru 925/2007 stabbilixxa d-determinazzjonijiet li jikkonċernaw tmintax-il kumpanija Pakistana li talbu NEPT. Erbgħa minn dawn il-kumpaniji ngħataw NEPT, filwaqt li t-talbiet ta’ l-erbatax-il kumpanija l-oħra ġew miċħuda.

(6)

Tlettax-il kumpanija addizzjonali Pakistana talbu li jingħataw NEPT.

(7)

Sar eżami biex jiġi stabbilit jekk kull applikant jissodisfax il-kriterji biex jingħata n-NEPT kif stipulat fl-Artikolu 1(4) tar-Regolament (KE) Nru 397/2004, billi ġie vverifikat li:

(8)

Intbagħat kwestjonarju lill-applikanti kollha li ntalbu jipprovdu evidenza sabiex juru li ssodisfaw it-tliet kriterji msemmija hawn fuq.

(9)

Produtturi esportaturi li jissodisfaw dawn it-tliet kriterji jistgħu jingħataw ir-rata ta’ dazju applikabbli għall-kumpaniji li kkoperaw mhux inklużi fil-kampjun, jiġifieri 5.8 % skond l-Artikolu 1(4) tar-Regolament (KE) Nru 397/2004.

(10)

Tliet kumpaniji Pakistanti li talbu NEPT ma wiġbux għall-ewwel kwestjonarju. Għalhekk ma kienx possibbli li jiġi vverfikat jekk dawn il-kumpaniji jissodisfawx il-kriterji stipulati fl-Artikolu 1(4) tar-Regolament (KE) Nru 397/2004, u t-talba tagħhom kellha tiġi rrifjutata. Dawn il-kumpaniji ġew infurmati li l-applikazzjoni tagħhom ma kinitx se tiġi ikkunsidrata aktar, u ngħataw l-opportunità li jikkummentaw. Ma waslu l-ebda kummenti.

(11)

Fil-każ ta’ żewġ produtturi esportaturi Pakistani, l-eżami tat-tagħrif mibgħut wera li kien hemm biżżejjed evidenza biex juru li jissodisfaw it-tliet kriterji stipulati fl-Artikolu 1(4) tar-Regolament (KE) Nru 397/2004. Għalhekk, dawn iż-żewġ produtturi jistgħu jingħataw ir-rata ta’ dazju applikabbli għall-kumpaniji li kkoperaw mhux inklużi fil-kampjun (jiġifieri 5.8 %) skond l-Artikolu 1(4) tar-Regolament (KE) Nru 397/2004 u jiżdiedu mal-lista ta’ produtturi esportaturi fl-Anness ta’ dan ir-Regolament.

(12)

Kumpanija Pakistana waħda nstabet li kienet relatata ma’ kumpanija li kkoperat fl-investigazzjoni ta’ reviżjoni u li esportat il-prodott ikkonċernat matul il-PI. Għalhekk, dan il-produttur ma ssodisfax it-tieni kriterju stipulat fl-Artikolu 1(4) tar-Regolament (KE) Nru 397/2004, u t-talba tiegħu kellha tiġi miċħuda. Din il-kumpanija ġiet infurmata li l-applikazzjoni tagħha ma setgħetx titqies iktar u ngħatat l-opportunità li tikkummenta, imma ma bagħtet l-ebda tagħrif addizzjonali li seta’ jwassal għal bidla fid-determinazzjonijiet.

(13)

Tliet kumpaniji Pakistani nstabu li esportaw il-prodott ikkonċernat matul il-PI. Għalhekk, dawn it-tliet produtturi ma ssodisfawx l-ewwel kriterju stabbilit fl-Artikolu 1(4) tar-Regolament (KE) Nru 397/2004 u t-talbiet tiegħu għal NEPT ġew miċħuda. Dawn il-kumpaniji ġew infurmati li l-applikazzjoni tagħhom ma setgħetx titqies iktar u ngħataw l-opportunità li jikkummentaw, imma ma bagħtu l-ebda tagħrif addizzjonali li seta’ jwassal għal bidla fid-determinazzjonijiet.

(14)

Tliet kumpaniji Pakistani ma kinux kapaċi jippruvaw li biegħu l-prodott ikkonċernat lill-Komunità wara l-PI jew li kienu daħlu f’obbligu kuntrattwali irrevokabbli li jesportaw kwantità sinifikanti lejn il-Komunità. Għalhekk, ma setax jiġi stabbilit jekk dawn il-kumpaniji kinux esportaw il-prodott ikkonċernat wara l-PI kif stipulat fit-tielet kriterju fl-Artikolu 1(4) tar-Regolament (KE) Nru 397/2004, u għalhekk it-talbiet tagħhom għal NEPT ġew miċħuda. Dawn il-kumpaniji ġew infurmati li l-applikazzjoni tagħhom ma setgħetx titqies iktar u ngħataw l-opportunità li jikkummentaw, imma ma bagħtu l-ebda tagħrif addizzjonali li seta’ jwassal għal bidla fid-determinazzjonijiet.

(15)

Kumpanija Pakistan ma kinitx kapaċi tipprova li kienet produttur ikkonċernat u ma forniet l-ebda evidenza ta’ sostenn ta’ l-ebda bejgħ tal-prodott ikkonċernat lill-KE wara l-PI. Dan l-applikant għalhekk ma ssodisfax il-kriterju bażiku ta’ produttur esportatur u l-applikazzjoni tiegħu ma setgħetx tiġi kkunsidrata aktar. Din il-kumpanija ġiet infurmata li l-applikazzjoni tagħha ma setgħetx titqies iktar u ngħatat l-opportunità li tikkummenta, imma ma bagħtet l-ebda tagħrif addizzjonali li seta’ jwassal għal bidla fid-determinazzjonijiet.

(16)

L-applikanti kollha u l-industrija Komunitarja ġew infurmati bid-determinazzjonijiet finali ta’ l-eżami u kellhom l-opportunità li jibagħtu l-kummenti tagħhom.

(17)

B’kunsiderazzjoni għad-determinazzjonijiet imsemmija fil-premessa (11), żewġ produtturi esportaturi Pakistani nstabu li jissodisfaw il-kriterji stipulati fl-Artikolu 1(4) tar-Regolament (KE) Nru 397/2004 biex jingħataw NEPT. Dawn il-kumpaniji għandhom għalhekk jiżdiedu mal-lista ta’ manifatturi li kkoperaw fl-Anness tar-Regolament tal-Kunsill (KE) Nru 397/2004 u jiġu soġġetti għar-rata ta’ dazju ta’ 5.8 %. It-talbiet mibgħuta mill-ħdax-il kumpanija Pakistana li jibqa’ għandhom ikunu miċħuda għar-raġunijiet spjegati hawn fuq,