EUR-Lex Access to European Union law
This document is an excerpt from the EUR-Lex website
Document 32008D0292
2008/292/EC: Commission Decision of 4 April 2008 establishing that the Black Sea and the river systems connected to it do not constitute a natural habitat for European eel for the purposes of Council Regulation (EC) No 1100/2007 (notified under document number C(2008) 1217)
2008/292/KE: Deċiżjoni tal-Kummissjoni ta’ l- 4 ta’ April 2008 li tistabbilixxi li, għall-finijiet tar-Regolament tal-Kunsill (KE) Nru 1100/2007, il-Baħar l-Iswed u s-sistemi tax-xmajjar marbutin miegħu ma jikkostitwixxux il-ħabitat naturali tas-sallura Ewropea (notifikata taħt id-dokument numru C(2008) 1217)
2008/292/KE: Deċiżjoni tal-Kummissjoni ta’ l- 4 ta’ April 2008 li tistabbilixxi li, għall-finijiet tar-Regolament tal-Kunsill (KE) Nru 1100/2007, il-Baħar l-Iswed u s-sistemi tax-xmajjar marbutin miegħu ma jikkostitwixxux il-ħabitat naturali tas-sallura Ewropea (notifikata taħt id-dokument numru C(2008) 1217)
ĠU L 98, 10.4.2008, p. 14–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
10.4.2008 |
MT |
Il-Ġurnal Uffiċjali ta’ l-Unjoni Ewropea |
L 98/14 |
DEĊIŻJONI TAL-KUMMISSJONI
ta’ l-4 ta’ April 2008
li tistabbilixxi li, għall-finijiet tar-Regolament tal-Kunsill (KE) Nru 1100/2007, il-Baħar l-Iswed u s-sistemi tax-xmajjar marbutin miegħu ma jikkostitwixxux il-ħabitat naturali tas-sallura Ewropea
(notifikata taħt id-dokument numru C(2008) 1217)
(it-testi bil-Bulgaru, biċ-Ċek, bil-Ġermaniż, bil-Pollakk, bir-Rumen, bis-Slovakk, bis-Sloven, bit-Taljan, bl-Ungeriż biss huma awtentiċi)
(2008/292/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1100/2007 tat-18 ta’ Settembru 2007 li jistabbilixxi miżuri għall-irkupru ta’ l-istokk [tal-ħażna] tas-sallura Ewropea (1), u b’mod partikolari l-Artikolu 1(2) tiegħu,
Wara li kkonsultat il-Kumitat Xjentifiku, Tekniku u Ekonomiku għas-Sajd,
Billi:
(1) |
Ir-Regolament (KE) Nru 1100/2007 jistabbilixxi qafas għall-ħarsien u għall-użu sostenibbli ta’ l-istokk tas-sallura Ewropea fl-ilmijiet tal-Komunità u fil-laguni mal-kosta, fl-estwarji, u fix-xmajjar u l-ilmijiet interni komunikanti ta’ l-Istati Membri. |
(2) |
L-Istati Membri għandhom jidentifikaw u jiddefinixxu l-baċiri tax-xmajjar individwali li jinsabu fit-territorju nazzjonali tagħhom li jikkostitwixxu ħabitati naturali għas-sallura Ewropea. L-Istati Membri għandhom iħejju Pjan ta’ Ġestjoni tas-Sallura għal kull baċin ta’ xmara tas-sallura. |
(3) |
Minħabba li s-sallura Ewropea tinsab fi kwantitajiet żgħar fil-Baħar l-Iswed u fis-sistemi tax-xmajjar marbutin miegħu, m'hemmx ċertezza dwar jekk dawk l-ilmijiet jikkostitwixxux ħabitat naturali għal dik l-ispeċi jew le. |
(4) |
Għalhekk, ir-Regolament (KE) Nru 1100/2007 jagħti s-setgħa lill-Kummissjoni li tiddeċiedi jekk il-Baħar l-Iswed u s-sistemi tax-xmajjar marbutin miegħu jikkostitwixxux dan it-tip ta’ ħabitat naturali, li jkollu bżonn l-implimentazzjoni ta’ miżuri għall-irkupru. |
(5) |
Il-Kumitat Xjentifiku, Tekniku u Ekonomiku għas-Sajd ta’ parir lill-Kummissjoni li l-Baħar l-Iswed u s-sistemi tax-xmajjar marbutin miegħu qegħdin fil-punt estrem tal-firxa tas-sallura Ewropea u li l-preżenza naturali tas-sallura fihom, qabel ma dawn tgħammru biha, kienet sporadika. Qabel ma tgħammru biha, id-densità tas-sallura Ewropea f'dawk l-ibħra kienet baxxa wisq biex din tkun tista' tiġi mistada fi kwalunkwe stadju ta’ ħajjitha. |
(6) |
X'aktarx li l-ebda kwantità sinifikanti ta’ sallura mgħammra fix-xmajjar marbutin mal-Baħar l-Iswed ma tista tilħaq il-maturità u tispiċċa b'suċċess it-tpassija lejn il-Baħar Sargasso sabiex tkun tista' tbid. Barra minn hekk, x'aktarx li l-ebda kwantità sinifikanti ta’ frieħ tas-sallura ma jkunu jistgħu jitilgħu fix-xmajjar marbutin mal-Baħar l-Iswed, jilħqu l-maturità u jpassu lejn il-postijiet fejn ibidu. |
(7) |
Kwalunke benefiċċju potenzjali għall-istokk tas-sallura Ewropea li jirriżulta minn miżuri għall-irkupru fil-Baħar l-Iswed u s-sistemi tax-xmajjar marbutin miegħu jkun negliġibbli u b'hekk ikun baxx wisq meta mqabbel mal-piż amministrattiv u finanzjarju li jkollhom iġarrbu l-Istati Membri kkonċernati. |
(8) |
Għalhekk, għandu jkun stabbilit li, għall-finijiet tar-Regolament tal-Kunsill (KE) Nru 1100/2007, il-Baħar l-Iswed u s-sistemi tax-xmajjar marbutin miegħu ma jikkostitwixxux il-ħabitat naturali tas-sallura Ewropea. |
(9) |
Il-miżuri pprovduti f'din id-Deċiżjoni huma konformi ma’ l-opinjoni tal-Kumitat għas-Sajd u l-Akwakultura, |
ADDOTTAT DIN ID-DEĊIŻJONI:
Artikolu 1
Għall-finijiet tar-Regolament tal-Kunsill (KE) Nru 1100/2007, il-Baħar l-Iswed u s-sistemi tax-xmajjar marbutin miegħu ma jikkostitwixxux il-ħabitat naturali tas-sallura Ewropea.
Artikolu 2
Din id-Deċiżjoni hija indirizzata lir-Repubblika tal-Bulgarija, lir-Repubblika Ċeka, lir-Repubblika Federali tal-Ġermanja, lir-Repubblika Taljana, lir-Repubblika ta’ l-Ungerija, lir-Repubblika ta’ l-Awstrija, lir-Repubblika tal-Polonja, lir-Rumanija, lir-Repubblika tas-Slovenja u lir-Repubblika Slovakka.
Magħmula fi Brussell, 4 ta’ April 2008.
Għall-Kummissjoni
Joe BORG
Membru tal-Kummissjoni
(1) ĠU L 248, 22.9.2007, p. 17 .