24.1.2008

MT

Il-Ġurnal Uffiċjali ta’ l-Unjoni Ewropea

L 20/11

---

DEĊIŻJONI TAL-KUMMISSJONI

tat-22 ta’ Novembru 2007

dwar il-konklużjoni ta’ Ftehimiet fil-forma ta’ skambju ta’ ittri bejn il-Komunità Ewropea ta’ l-Enerġija Atomika (Euratom) u l-Konfederazzjoni Żvizzera (l-Iżvizzera) dwar l-applikazzjoni tal-Ftehim ITER, il-Ftehim dwar il-Privileġġi u l-Immunitajiet għall-ITER u l-Ftehim dwar Approċċ Usa’ għat-territorju ta’ l-Iżvizzera u dwar is-sħubija ta’ l-Iżvizzera fl-Intrapriża Konġunta Ewropew għall-ITER u l-Iżvilupp ta’ l-Enerġija mill-Fużjoni

(2008/72/Euratom)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea ta’ l-Enerġija Atomika, u b’mod partikolari t-tielet paragrafu ta’ l-Artikolu 101 tiegħu,

Wara li kkunsidrat id-Deċiżjoni tal-Kunsill 2006/976/Euratom tad-19 ta’ Diċembru 2006 dwar il-Programm Speċifiku li jimplimenta s-Seba’ Programm Kwadru tal-Komunità Ewropea għall-Enerġija Atomika (Euratom) għal riċerka nukleari u attivitajiet ta’ taħriġ (2007-2011) (1),

Wara li kkunsidrat id-Deċiżjoni tal-Kunsill tal-25 ta’ Settembru 2006 dwar il-konklużjoni, mill-Kummissjoni, tal-Ftehim dwar it-Twaqqif ta’ l-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER (“il-Ftehim ITER”), ta’ l-Arranġament dwar l-Applikazzjoni Provviżorja tal-Ftehim dwar it-Twaqqif ta’ l-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER u tal-Ftehim dwar il-privileġġi u l-immunitajiet ta’ l-Organizzazzjoni Internazzjonali ITER għall-Enerġija mill-Fużjoni fir-rigward ta’ l-Implimentazzjoni Konġunta tal-Proġett ITER (“il-Ftehim dwar il-Privileġġi u l-Immunitajiet għall-ITER”),

Wara li kkunsidrat id-Deċiżjoni tal-Kunsill 2007/614/Euratom tat-30 ta’ Jannar 2007 (2) li tikkonċerna il-konklużjoni, mill-Kummissjoni, tal-Ftehim bejn il-Komunità Ewropea ta’ l-Enerġija Atomika u l-Gvern tal-Ġappun għall-Implimentazzjoni Konġunta ta’ l-Attivitajiet ta’ Strateġija Usa’ fil-Qasam tar-Riċerka dwar l-Enerġija mill-Fużjoni (“il-Ftehim dwar Strateġija Usa’”),

Wara li kkunsidrat id-Deċiżjoni tal-Kunsill 2007/198/Euratom tas-27 ta’ Marzu 2007 (3) li tistabbilixxi l-Intrapriża Konġunta Ewropea għall-ITER u l-Iżvilupp ta’ l-Enerġija mill-Fużjoni (“l-Intrapriża Konġunta”) u li tagħtiha vantaġġi (“Deċiżjoni 198/2007 Euratom”),

Wara li kkunsidrat il-Ftehim ta’ Kooperazzjoni bejn il-Komunità Ewropea ta’ l-Enerġija Atomika u l-Konfederazzjoni Zvizzera fil-qasam tal-Fużjoni termonukleari kkontrollata u l-fiżika bil-plażma (4),

Billi:

(1)

Il-Ftehim ITER, il-Ftehim dwar il-Privileġġi u l-Immunitajiet għall-ITER u l-Ftehim dwar Approċċ Usa’ jipprovdu li jgħoddu wkoll fit-territorju tal-Konfederazzjoni Żvizzera, li tipparteċipa fil-programm tal-Fużjoni ta’ Euratom bħala Stat terz imsieħeb għal kollox skond it-Trattat Euratom jew ftehim rilevanti,

(2)

Id-Deċiżjoni 2007/198Euratom u l-Istatuti annessi ma’ dik ta’ qabel (“l-Istatuti”) jipprevedu s-sħubija fl-Intrapriża Konġunta ta’ pajjiżi terzi li kkonkludew ftehim ta’ kooperazzjoni ma’ l-Euratom fil-qasam mill-Fużjoni nukleari kkontrollata li jassoċjaw il-programmi ta’ riċerka rispettivi tagħhom mal-programmi ta’ Euratom u li esprimew ix-xewqa tagħhom li jsiru Membri ta’ l-Intrapriża Konġunta,

(3)	L-Anness I ta’ l-Istatuti diġà jipprovdi għad-drittijiet tal-votazzjoni ta’ l-Iżvizzera fil-Bord tat-Tmexxija ta’ l-Intrapriża Konġunta bħala Membru tagħha,

(4)	L-Iżvizzera, li tikkontribwixxi sostanzjalment għall-programm ta’ Euratom fir-riċerka ta’ l-enerġija, esprimiet formalment l-intenzjoni tagħha li ssir membru ta’ l-Intrapriża Konġunta għal perjodu inizjali li jdum daqs is-7 Programm Kwadru ta’ Euratom,

(5)	Huwa fl-interess tal-Komunità li tiftiehem formalment ma’ l-Iżvizzera dwar l-applikazzjoni tal-Ftehim ITER, tal-Ftehim dwar il-Privileġġi u l-Immunitajiet għall-ITER u tal-Ftehim dwar Approċċ Usa’ għat-territorju ta’ l-Iżvizzera u l-modalitajiet tas-sħubija ta’ l-Iżvizzera fl-Intrapriża Konġunta,

IDDEĊIDIET KIF ĠEJ:

Artikolu 1

1.   Il-Konklużjoni tal-Ftehim fil-forma ta’ skambju ta’ ittri bejn il-Komunità Ewropea ta’ l-Enerġija Atomika u l-Konfederazzjoni Żvizzera dwar l-applikazzjoni tal-Ftehim dwar it-Twaqqif ta’ l-Organizzazzjoni Internazzjoni għall-Enerġija mill-Fużjoni ITER għall-Implimentazzjoni Konġunta tal-Proġett ITER, tal-Ftehim dwar il-privileġġi u l-immunitajiet ta’ l-Organizzazzjoni Internazzjonali ITER għall-Enerġija mill-Fużjoni fir-Rigward ta’ l-Implimentazzjoni Konġunta tal-Proġett ITER u tal-Ftehim bejn Euratom u l-Gvern tal-Ġappun għall-implimentazzjoni konġunta ta’ Attivitajiet ta’ Approċċ Usa’ fil-qasam tar-riċerka fl-enerġija mill-Fużjoni għat-territorju tal-Konfederazzjoni Żvizzera hija b’dan approvata f’isem il-Komunità.

2.   It-test tal-Ftehim huwa anness ma’ din id-Deċiżjoni bħala Anness I.

Artikolu 2

1.   Il-Konklużjoni tal-Ftehim fil-forma ta’ skambju ta’ ittri bejn il-Komunità Ewropea ta’ l-Enerġija Atomika u l-Konfederazzjoni Żvizzera dwar is-sħubija ta’ l-Iżvizzera fl-Intrapriża Konġunta għall-ITER u l-Iżvilupp ta’ l-Enerġija mill-Fużjoni hija b’dan approvata f’isem il-Komunità.

2.   It-test tal-Ftehim huwa anness ma’ din id-Deċiżjoni bħala Anness II.

Artikolu 3

Il-Kummissarju responsabbli għar-Riċerka jew persuna maħtura minnu huwa b’dan awtorizzat li jiffirma l-ittri rispettivi msemmija fl-Artikoli 1 u 2 f’isem il-Komunità.

---

(1)  ĠU L 400, 30.12.2006, p. 403 kif ikkoreġut bil-ĠU L 54, 22.2.2007, p. 139-148.

(2)  ĠU L 246, 21.9.2007, p. 32.

(3)  ĠU L 90, 30.3.2007, p. 58.

(4)  ĠU L 242, 4.9.1978, p. 2, kif emendat bil-protokoll li jemenda l-Ftehim tal-Kooperazzjoni, ĠU L 116, 30.4.1982, p. 21.

---

ANNESS I

 

ABBOZZ TA’ FTEHIM

fil-forma ta’ skambju ta’ ittri bejn il-Komunità Ewropea ta’ l-Enerġija Atomika u l-Konfederazzjoni Żvizzera dwar l-applikazzjoni tal-Ftehim dwar it-Twaqqif ta’ l-Organizzazzjoni Internazzjonali ITER għall-Enerġija mill-Fużjoni għall-Implimentazzjoni Konġunta tal-Proġett ITER, il-Ftehim dwar il-privileġġi u l-immunitajiet ta’ l-Organizzazzjoni Internazzjonali ITER għall-Enerġija mill-Fużjoni fir-Rigward ta’ l-Implimentazzjoni Konġunta tal-Proġett ITER u l-Ftehim bejn il-Gvern tal-Gappun u l-Komunità Ewropea ta’ l-Enerġija Atomika għall-Implimentazzjoni Konġunta ta’ l-Attivitajiet ta’ Approċċ Usa’ fil-Qasam tar-Riċerka dwar l-Enerġija mill-Fużjoni għat-territorju tal-Konfederazzjoni Żvizzera

Għażiż Kummissarju,

Għandi l-unur ngħarrfek li l-awtoritajiet Żvizzeri innutaw il-kontenut tad-Deċiżjoni tal-Kunsill ta’ l-UE tal-25 ta’ Settembru 2006 (12731/06) dwar il-konklużjoni tal-Ftehim dwar it-Twaqqif ta’ l-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER u tad-Deċiżjoni tal-Kunsill tat-30 ta’ Jannar 2007 (5455/07) dwar il-konklużjoni tal-Ftehim bejn il-Gvern tal-Ġappun u l-Komunità Ewropea ta’ l-Enerġija Atomika (Euratom) għall-Implimentazzjoni Konġunta ta’ l-Attivitajiet ta’ Approċċ Usa’ fil-qasam tar-riċerka dwar l-enerġija mill-fużjoni.

Il-Konfederazzjoni Żvizzera (“l-Iżvizzera”) taqbel li tapplika l-Ftehim dwar it-Twaqqif ta’ l-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER (il-Ftehim ITER, Anness I) u l-Ftehim bejn Euratom u l-Gvern tal-Ġappun għall-Implimentazzjoni Konġunta ta’ l-Attivitajiet ta’ Approċċ Usa’ fil-qasam tar-riċerka dwar l-enerġija mill-fużjoni (Ftehim dwar Approċċ Usa’, Anness II) fit-territorju sovran tagħha, kif jingħad fl-Artikolu 21 tal-Ftehim ITER u fl-Artikolu 26 tal-Ftehim dwar Approċċ Usa’, rispettivament. L-applikazzjoni ta’ dawn il-Ftehimiet għall-Iżvizzera tikkostitwixxi kontinwazzjoni ta’ l-impenn eżistenti tagħha fil-qasam tar-riċerka tal-fużjoni fl-ispirtu ta’ l-Artikolu 3(3) tal-Ftehim ta’ Kooperazzjoni ta’ l-14 ta’ Settembru 1978 bejn l-Iżvizzera u Euratom fil-qasam tal-fużjoni nukleari kontrollata u l-fiżika tal-plażma. Barra minn dan, tikkostitwixxi implimentazzjoni ta’ kooperazzjoni intensiva fil-qasam tar-riċerka xjentifika u teknika, kif jingħad fil-Ftehim dwar il-Parteċipazzjoni fis-7 Programmi Kwadru tal-Komunità Ewropea u Euratom.

Dwar l-applikazzjoni ta’ dawn il-Ftehimiet għall-Iżvizzera, Euratom u l-Iżvizzera ftiehmu bi qbil reċiproku dwar dawn il-punti li ġejjin:

(a)

Il-persuni ta’ nazzjonalità Żvizzera li għandhom drittijiet sħaħ ta’ ċittadini għandhom ikunu eliġibbli taħt l-istess kondizzjonijiet bħal dawk għal persuni ta’ nazzjonalità mill-Istati Membri ta’ l-UE biex ikunu: — nominati mill-Euratom bħala rappreżentanti tal-Kunsill ta’ l-Organizzazzjoni għall-Enerġija mill-Fużjoni ITER (Artikolu 6(1) tal-Ftehim ITER); — nominati mill-Kunsill ta’ l-Organizzazzjoni għall-Enerġija mill-Fużjoni ITER bħala impjegati anzjani (Artikolu 6 (7)(d) tal-Ftehim ITER); — impjegati sekondati mill-Euratom għall-Organizzazzjoni għall-Enerġija mill-Fużjoni ITER (Artikolu 7(2) tal-Ftehim ITER); — impjegati direttament mill-Organizzazzjoni għall-Enerġija mill-Fużjoni ITER permezz ta’ ħatra mid-Direttur-Ġenerali ta’ l-Organizzazzjoni għall-Enerġija mill-Fużjoni ITER (Artikolu 7(2) u (4)(b) tal-Ftehim ITER); — nominati mill-Euratom bħala rappreżentanti fuq il-Kumitat tat-Tmexxija dwar l-attivitajiet ta’ Approċċ Usa’ u fuq il-Kumitati tal-Proġetti ta’ l-Approċċ Usa’ (Artikoli 3 u 5 tal-Ftehim dwar Approċċ Usa’); — nominati mill-Kumitat tat-Tmexxija bħala impjegati tas-Segretarjat (Artikolu 4 tal-Ftehim dwar Approċċ Usa’); — sekondati mill-Euratom għall-Attivitajiet ta’ Approċċ Usa’, jiġifieri bħala membri tat-timijiet tal-proġetti jew bħala mexxejja tal-proġetti (Artikolu 6 tal-Ftehim dwar Approċċ Usa’).

(b)

Skond l-Artikolu 12 tal-Ftehim ITER, l-Iżvizzera taqbel li l-Ftehim dwar il-Privileġġi u l-Immunitajiet ta’ l-Organizzazzjoni Internazzjonali għall-Enerġija mill-Fużjoni ITER fir-rigward ta’ l-Implimentazzjoni Konġunta tal-Proġett ITER (ITER-API, Anness III) jgħodd għall-Iżvizzera skond l-Artikolu 24 ta’ l-ITER-API. L-Iżvizzera taqbel ukoll li l-Privileġġi u l-Immunitajiet tal-Ftehim dwar Approċċ Usa’ jgħoddu għat-territorju tagħha skond l-Artikoli 13 u 14(5) tal-Ftehim dwar Approċċ Usa’.

L-Annessi I sa III jiffurmaw parti integrali minn din l-ittra.

L-awtoritajiet Żvizzeri għandhom jiġu kkonsultati mill-Euratom jekk il-Ftehim ITER, il-Ftehim dwar Approċċ Usa’, jew l-ITER-API msemmija f’dan l-iskambju ta’ ittri jiġu emendati. Kwalunkwe emenda li taffettwa l-obbligi ta’ l-Iżvizzera teħtieġ il-qbil formali tagħha qabel ma tieħu effett għall-Iżvizzera.

Din l-estensjoni miftiehma lejn l-Iżvizzera għandha tiġi applikata provviżorjament fid-data tar-risposta tal-Kummissjoni għal din l-ittra. L-applikazzjoni ta’ dan l-iskambju ta’ ittri tibqa’ provviżorja sakemm il-Parlament Żvizzeru jiddeċiedi dwar l-estensjoni tal-kontenut tagħha għall-Iżvizzera. L-Iżvizzera għandha tgħarraf lill-Euratom meta jitlestew il-proċeduri interni ta’ l-Iżvizzera għall-approvazzjoni. Id-data ta’ l-irċevuta ta’ din in-notifika mill-Euratom tikkostitwixxi d-dħul fis-seħħ ta’ dan l-iskambju ta’ ittri. L-applikazzjoni tal-ftehimiet differenti għall-Iżvizzera msemmija f’din l-ittra tintemm jekk l-Iżvizzera ma tibqax membru ta’ l-Intrapriża Konġunta Ewropea għall-ITER u l-Iżvilupp ta’ l-Enerġija mill-Fużjoni.

L-Euratom għandha tinnotifika lill-Organizzazzjoni Internazzjonali għall-Enerġija mill-Fużjoni ITER u lill-Gvern tal-Ġappun dwar din l-ittra dwar l-applikazzjoni tal-Ftehim ITER u dwar il-Ftehim dwar Approċċ Usa’ għall-Iżvizzera.

Dejjem tiegħek,

Sinjur,

Nagħmel referenza għall-ittra tiegħek tal-5 ta’ Novembru 2007 li tgħid:

“Għażiż Kummissarju,

Għandi l-unur ngħarrfek li l-awtoritajiet Żvizzeri nnutaw il-kontenut tad-Deċiżjoni tal-Kunsill ta’ l-UE tal-25 ta’ Settembru 2006 (12731/06) dwar il-konklużjoni tal-Ftehim dwar it-Twaqqif ta’ l-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER u tad-Deċiżjoni tal-Kunsill tat-30 ta’ Jannar 2007 (5455/07) dwar il-konklużjoni tal-Ftehim bejn il-Gvern tal-Ġappun u l-Komunità Ewropea ta’ l-Enerġija Atomika (Euratom) għall-Implimentazzjoni Konġunta ta’ l-Attivitajiet ta’ Approċċ Usa’ fil-qasam tar-riċerka dwar l-enerġija mill-fużjoni.

Il-Konfederazzjoni Żvizzera (‘l-Iżvizzera’) taqbel li tapplika l-Ftehim dwar it-Twaqqif ta’ l-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER (il-Ftehim ITER, Anness I) u l-Ftehim bejn Euratom u l-Gvern tal-Ġappun għall-Implimentazzjoni Konġunta ta’ l-Attivitajiet ta’ Approċċ Usa’ fil-qasam tar-riċerka dwar l-Enerġija mill-Fużjoni (Ftehim dwar Approċċ Usa’, Anness II) fit-territorju sovran tagħha, kif jingħad fl-Artikolu 21 tal-Ftehim ITER u fl-Artikolu 26 tal-Ftehim dwar Approċċ Usa’, rispettivament. L-applikazzjoni ta’ dawn il-Ftehimiet għall-Iżvizzera tikkostitwixxi kontinwazzjoni ta’ l-impenn eżistenti tagħha fil-qasam tar-riċerka tal-fużjoni fl-ispirtu ta’ l-Artikolu 3(3) tal-Ftehim ta’ Kooperazzjoni ta’ l-14 ta’ Settembru 1978 bejn l-Iżvizzera u Euratom fil-qasam tal-fużjoni nukleari kontrollata u l-fiżika tal-plażma. Barra minn dan, tikkostitwixxi implimentazzjoni ta’ kooperazzjoni intensiva fil-qasam tar-riċerka xjentifika u teknika, kif jingħad fil-Ftehim dwar il-Parteċipazzjoni fis-7 Programmi Qafas tal-Komunità Ewropea u Euratom.

Dwar l-applikazzjoni ta’ dawn il-Ftehimiet għall-Iżvizzera, Euratom u l-Iżvizzera ftehmu b’kunsens reċiproku dwar dawn il-punti li ġejjin:

(a)

Il-persuni ta’ nazzjonalità Żvizzera li għandhom drittijiet sħaħ ta’ ċittadini għandhom ikunu eliġibbli taħt l-istess kondizzjonijiet bħal dawk għal persuni ta’ nazzjonalità mill-Istati Membri ta’ l-UE biex ikunu — nominati mill-Euratom bħala rappreżentanti tal-Kunsill ta’ l-Organizzazzjoni għall-Enerġija mill-Fużjoni ITER (Artikolu 6(1) tal-Ftehim ITER); — nominati mill-Kunsill ta’ l-Organizzazzjoni għall-Enerġija mill-Fużjoni ITER bħala impjegati anzjani (Artikolu 6(7)(d) tal-Ftehim ITER); — impjegati sekondati mill-Euratom għall-Organizzazzjoni għall-Enerġija mill-Fużjoni ITER (Artikolu 7(2) tal-Ftehim ITER); — impjegati direttament mill-Organizzazzjoni għall-Enerġija mill-Fużjoni ITER permezz ta’ ħatra mid-Direttur-Ġenerali ta’ l-Organizzazzjoni għall-Enerġija mill-Fużjoni ITER (Artikolu 7(2) u (4)(b) tal-Ftehim ITER) — nominati mill-Euratom bħala rappreżentanti fuq il-Kumitat tat-Tmexxija dwar l-attivitajiet ta’ Approċċ Usa’ u fuq il-Kumitati tal-Proġetti ta’ l-Approċċ Usa’ (Artikoli 3 u 5 tal-Ftehim dwar Approċċ Usa’); — nominati mill-Kumitat tat-Tmexxija bħala impjegati tas-Segretarjat (Artikolu 4 tal-Ftehim dwar Approċċ Usa’); — sekondati mill-Euratom għall-Attivitajiet ta’ Approċċ Usa’, jiġifieri bħala membri tat-timijiet tal-proġetti jew bħala mexxejja tal-proġetti (Artikolu 6 tal-Ftehim dwar Approċċ Usa’).

(b)

Skond l-Artikolu 12 tal-Ftehim ITER, l-Iżvizzera taqbel li l-Ftehim dwar il-Privileġġi u l-Immunitajiet ta’ l-Organizzazzjoni Internazzjonali għall-Enerġija mill-Fużjoni ITER fir-rigward ta’ l-Implimentazzjoni Konġunta tal-Proġett ITER (ITER-API, Anness III) jgħodd għall-Iżvizzera skond l-Artikolu 24 ta’ l-ITER-API. L-Iżvizzera taqbel ukoll li l-Privileġġi u l-Immunitajiet tal-Ftehim dwar Approċċ Usa’ jgħoddu għat-territorju tagħha skond l-Artikoli 13 u 14(5) tal-Ftehim dwar Approċċ Usa’.

L-Annessi I sa III jiffurmaw parti integrali ta’ din l-ittra.

L-awtoritajiet Żvizzeri għandhom jiġu kkonsultati mill-Euratom jekk il-Ftehim ITER, il-Ftehim dwar Approċċ Usa’, jew l-ITER-API msemmija f’dan l-iskambju ta’ ittri jiġu emendati. Kwalunkwe emenda li taffettwa l-obbligi ta’ l-Iżvizzera teħtieġ il-qbil formali tagħha qabel ma tieħu effett għall-Iżvizzera.

Din l-estensjoni miftiehma lejn l-Iżvizzera għandha tiġi applikata provviżorjament fid-data tar-risposta tal-Kummissjoni għal din l-ittra. L-applikazzjoni ta’ dan l-iskambju ta’ ittri tibqa’ provviżorja sakemm il-Parlament Żvizzeru jiddeċiedi dwar l-estensjoni tal-kontenut tagħha għall-Iżvizzera. L-Iżvizzera għandha tgħarraf lill-Euratom meta jitlestew il-proċeduri interni ta’ l-Iżvizzera għall-approvazzjoni. Id-data ta’ l-irċevuta ta’ din in-notifika mill-Euratom tikkostitwixxi d-dħul fis-seħħ ta’ dan l-iskambju ta’ ittri. L-applikazzjoni tal-ftehimiet differenti għall-Iżvizzera msemmija f’din l-ittra tintemm jekk l-Iżvizzera ma tibqax membru ta’ l-Impriża Konġunta Ewropea għall-ITER u l-Iżvilupp ta’ l-Enerġija mill-Fużjoni.

L-Euratom għandha tinnotifika lill-Organizzazzjoni Internazzjonali għall-Enerġija mill-Fużjoni ITER u lill-Gvern tal-Ġappun dwar din l-ittra dwar l-applikazzjoni tal-Ftehim ITER u dwar il-Ftehim dwar Approċċ Usa’ għall-Iżvizzera.”

B’dan għandi l-unur nesprimi l-qbil tal-Komunità Ewropea dwar l-Enerġija Atomika ma’ din l-ittra.

Dejjem tiegħek.

F’isem il-Komunità Ewropea dwar l-Enerġija Atomika

---

(1)  ĠU L 358, 16.12.2006, p. 62.

(2)  ĠU L 246, 21.9.2007, p. 34.

(3)  ĠU L 358, 16.12.2006, p. 82.

---

L-ANNESS II

 

ABBOZZ TA’ FTEHIM

fil-forma ta’ skambju ta’ ittri bejn il-Komunità Ewropea ta’ l-Enerġija Atomika u l-Konfederazzjoni Żvizzera dwar is-sħubija ta’ l-Iżvizzera fl-Intrapriża Konġunta Ewropea għall-ITER u l-Iżvilupp ta’ l-Enerġija mill-Fużjoni

Għażiż Kummissarju,

Fit-18 ta’ Lulju 2006 il-Konfederazzjoni Żvizzera (“l-Iżvizzera”) innotifikat lill-Kummissjoni dwar l-interess kbir fl-Intrapriża Ewropea Konġunta għall-ITER u l-Iżvilupp ta’ l-Enerġija mill-Fużjoni.

Għandi l-pjaċir ngħarrfek li l-awtoritajiet Żvizzeri kkonċernati innutaw il-kontenut tad-Deċiżjoni tal-Kunsill 2007/198/Euratom tas-27 ta’ Marzu 2007 dwar it-Twaqqif ta’ l-Intrapriża Ewropea Konġunta (“l-Intrapriża Konġunta”). B’mod partikolari, l-Iżvizzera hija konxja tal-possibbiltà li pajjiżi terzi jsiru membri ta’ l-Intrapriża Konġunta bil-kundizzjoni li jkunu kkonkludew ftehim ta’ kooperazzjoni ma’ l-Euratom fil-qasam tal-fużjoni nukleari kkontrollata li tassoċja l-programmi ta’ riċerka rispettivi tagħhom mal-programmi ta’ l-Euratom.

F’isem l-Iżvizzera għandi l-unur niddikjara li, skond l-Artikolu 2(ċ) ta’ l-imsemmija Deċiżjoni tal-Kunsill, l-Iżvizzera hija ppreparata li ssir membru ta’ l-Intrapriża Konġunta. Din l-isħubija tkun il-bażi ta’ kooperazzjoni li tibqa’ għaddejja bejn l-Euratom u l-Iżvizzera. Sejra tissostanzja l-kontinwazzjoni ta’ impenji eżistenti għar-riċerka dwar il-fużjoni skond l-Artikolu 3(3) tal-Ftehim tal-Kooperazzjoni ta’ l-14 ta’ Settembru 1978 bejn Euratom u l-Iżvizzera fil-qasam tal-fużjoni nukleari kkontrollata u l-fiżika tal-plażma. Ukoll, din l-isħubija sejra tikkostitwixxi l-implimentazzjoni ta’ kooperazzjoni intensiva fil-qasam tar-riċerka xjentifika u teknika, kif jingħad fil-Ftehim dwar il-Parteċipazzjoni fis-7 Programmi Kwadru tal-Komunità Ewropea u l-Euratom.

Minħabba r-rieda ta’ l-Iżvizzera li ssir membru ta’ l-Intrapriża Konġunta, nibqa’ nafhulek jekk tikkonferma li din l-interpretazzjoni li ġejja hija wkoll dik tal-Kummissjoni li tirrappreżenta lill-Euratom:

Minkejja l-Artikoli 12(2)(a) u 82(3)(a) tar-Regolament tal-Kunsill (KEE, Euratom, KESE) Nru 259/68 tad-29 ta’ Frar 1968 dwar ir-Regolamenti tal-Persunal ta’ l-uffiċjali u l-kundizzjonijiet ta’ impjieg ta’ uffiċjali oħra tal-Komunitajiet Ewropej u skond l-Artikolu 10 ta’ l-Istatuti ta’ l-Intrapriża Konġunta mehmuża mad-Deċiżjoni tal-Kunsill dwar it-twaqqif ta’ l-Intrapriża Konġunta u d-dispożizzjonijiet ta’ l-implimentazzjoni għall-applikazzjoni tar-regolamenti ta’ l-Impjegati mill-Intrapriża Konġunta, il-persuni ta’ nazzjonalità Żvizzera li għandhom drittijiet sħaħ ta’ ċittadini jistgħu jiġu maħtura mid-Direttur ta’ l-Intrapriża Konġunta bħala impjegati ta’ l-Intrapriża Konġunta.

Barra minn hekk, nixtieq nikkonferma li l-Iżvizzera bħala membru ta’ l-Intrapriża Konġunta se tħares l-imsemmija Deċiżjoni tal-Kunsill dwar it-Twaqqif ta’ l-Intrapriża Konġunta u li tagħtiha l-benefiċċji. B’mod partikolari:

(a)	Skond l-Artikolu 7 ta’ l-imsemmija Deċiżjoni tal-Kunsill, l-Iżvizzera tapplika l-Protokoll dwar il-Privileġġi u l-Immunitajiet tal-Komunitajiet Ewropej għall-Intrapriża Konġunta, id-Direttur u l-Impjegati tagħha taħt il-modalitajiet mehmuża ma’ din il-korrispondenza (l-Anness I).

(b)	L-Iżvizzera tagħti l-vantaġġi kollha provduti fl-Anness III tat-Trattat Euratom (Anness II) lill-Intrapriża Konġunta fl-ambitu ta’ l-attivitajiet uffiċjali tagħha.

(ċ)	L-Iżvizzera taċċetta d-distribuzzjoni tad-drittijiet tal-votazzjoni tal-Membri tal-Bord tat-Tmexxija u li tagħmel il-kontribuzzjoni annwali ta’ is-sħubija għall-Intrapriża Konġunta skond l-Anness I u l-Anness II ta’ l-Istatuti inklużi fl-imsemmija Deċiżjoni tal-Kunsill.

(d)	L-Iżvizzera taċċetta l-kontroll finanzjarju fir-rigward tal-parteċipazzjoni tagħha fl-attivitajiet ta’ l-Intrapriża Konġunta stipulat fl-imsemmija Deċiżjoni tal-Kunsill u mehmuża ma’ din il-korrispondenza (l-Anness III).

L-Annessi I, II, u III jiffurmaw parti integrali minn din l-ittra.

Skond l-Artikolu 6(5) u l-Artikolu 21 ta’ l-Istatuti mehmuża ma’ l-imsemmija Deċiżjoni tal-Kunsill l-awtoritajiet Żvizzeri se jiġu kkonsultati jekk id-dispożizzjonijiet ta’ l-Istatuti se jiġu emendati. Fil-fatt, l-Iżvizzera tenfasizza li kwalunkwe emenda li taffettwa l-obbligi ta’ l-Iżvizzera teħtieġ il-qbil formali tagħha qabel ma tieħu effett għall-Iżvizzera.

Jekk dan ta’ hawn fuq huwa aċċettabbli għall-Kummissjoni, għandi l-unur nipproponi li din l-ittra, flimkien mar-risposta tal-Kummissjoni f’dak is-sens għandha tikkostitwixxi ftehim bejn l-Iżvizzera u Euratom li għandu jiġi applikat provviżorjament fid-data tar-risposta tal-Kummissjoni għal din l-ittra. L-applikazzjoni ta’ dan il-ftehim tibqa’ provviżorja sakemm il-Parlament Żvizzeru jiddeċiedi dwar is-sħubija ta’ l-Iżvizzera fl-Intrapriża Konġunta. L-Iżvizzera għandha tgħarraf lill-Euratom meta jitlestew il-proċeduri interni ta’ l-Iżvizzera għall-approvazzjoni. Id-data ta’ l-irċevuta ta’ din in-notifika mill-Euratom tikkostitwixxi d-dħul fis-seħħ. Dan il-ftehim se jiġi konkluż għat-terminu tas-seba’ programm kwadru ta’ l-Euratom, jiġifieri mill-2007 sal-2011. Jiġġedded b’mod taċitu għat-terminu tal-programmi kwadru ta’ l-Euratom sussegwenti, sakemm ebda parti ma tikkanċella l-ftehim għall-inqas sena qabel it-tmiem tal-programm kwadru rispettiv li jkun fis-seħħ.

Dejjem tiegħek tassew,

Sinjur,

Għandi l-unur nirrikonoxxi l-wasla ta’ l-ittra tiegħek tal- 5 ta’ Novembru 2007 li taqra kif ġej:

“Fit-18 ta’ Lulju 2006 il-Konfederazzjoni Żvizzera (‘l-Iżvizzera’) innotifikat lill-Kummissjoni dwar l-interess kbir fl-Intrapriża Ewropea Konġunta għall-ITER u l-Iżvilupp ta’ l-Enerġija mill-Fużjoni.

Għandi l-pjaċir ngħarrfek li l-awtoritajiet Żvizzeri kkonċernati innutaw il-kontenut tad-Deċiżjoni tal-Kunsill 2007/198/Euratom tas-27 ta’ Marzu 2007 dwar it-Twaqqif ta’ l-Intrapriża Ewropea Konġunta (“l-Intrapriża Konġunta”). B’mod partikolari, l-Iżvizzera hija konxja tal-possibbiltà li pajjiżi terzi jsiru membri ta’ l-Intrapriża Konġunta bil-kundizzjoni li jkunu kkonkludew ftehim ta’ kooperazzjoni ma’ l-Euratom fil-qasam tal-fużjoni nukleari kkontrollata li tassoċja l-programmi ta’ riċerka rispettivi tagħhom mal-programmi ta’ l-Euratom.

F’isem l-Iżvizzera għandi l-unur niddikjara li, skond l-Artikolu 2(ċ) ta’ l-imsemmija Deċiżjoni tal-Kunsill, l-Iżvizzera hija ppreparata li ssir membru ta’ l-Intrapriża Konġunta. Din l-isħubija tkun il-bażi ta’ kooperazzjoni li tibqa’ għaddejja bejn l-Euratom u l-Iżvizzera. Sejra tissostanzja l-kontinwazzjoni ta’ impenji eżistenti għar-riċerka dwar il-fużjoni skond l-Artikolu 3(3) tal-Ftehim tal-Kooperazzjoni ta’ l-14 ta’ Settembru 1978 bejn Euratom u l-Iżvizzera fil-qasam tal-fużjoni nukleari kkontrollata u l-fiżika tal-plażma. Ukoll, din l-isħubija sejra tikkostitwixxi l-implimentazzjoni ta’ kooperazzjoni intensiva fil-qasam tar-riċerka xjentifika u teknika, kif jingħad fil-Ftehim dwar il-Parteċipazzjoni fis-7 Programmi Kwadru tal-Komunità Ewropea u l-Euratom.

Minħabba r-rieda ta’ l-Iżvizzera li ssir membru ta’ l-Intrapriża Konġunta, nibqa’ nafhulek jekk tikkonferma li din l-interpretazzjoni li ġejja hija wkoll dik tal-Kummissjoni li tirrappreżenta lill-Euratom:

Minkejja l-Artikoli 12(2)(a) u 82(3)(a) tar-Regolament tal-Kunsill (KEE, Euratom, KESE) nru. 259/68 tad-29 ta’ Frar 1968 dwar ir-Regolamenti tal-Persunal ta’ l-uffiċjali u l-kondizzjonijiet ta’ impjieg ta’ uffiċjali oħra tal-Komunitajiet Ewropej u skond l-Artikolu 10 ta’ l-Istatuti ta’ l-Intrapriża Konġunta mehmuża mad-Deċiżjoni tal-Kunsill dwar it-twaqqif ta’ l-Intrapriża Konġunta u d-dispożizzjonijiet ta’ l-implimentazzjoni għall-applikazzjoni tar-regolamenti ta’ l-Impjegati mill-Intrapriża Konġunta, il-persuni ta’ nazzjonalità Żvizzera li għandhom drittijiet sħaħ ta’ ċittadini jistgħu jiġu maħtura mid-Direttur ta’ l-Intrapriża Konġunta bħala impjegati ta’ l-Intrapriża Konġunta.

Barra minn hekk, nixtieq nikkonferma li l-Iżvizzera bħala membru ta’ l-Intrapriża Konġunta se tħares l-imsemmija Deċiżjoni tal-Kunsill dwar it-Twaqqif ta’ l-Intrapriża Konġunta u li tagħtiha l-benefiċċji. B’mod partikolari:

(a)	Skond l-Artikolu 7 ta’ l-imsemmija Deċiżjoni tal-Kunsill, l-Iżvizzera tapplika l-Protokoll dwar il-Privileġġi u l-Immunitajiet tal-Komunitajiet Ewropej għall-Intrapriża Konġunta, id-Direttur u l-Impjegati tagħha taħt il-modalitajiet mehmuża ma’ din il-korrispondenza (l-Anness I).

(b)	L-Iżvizzera tagħti l-vantaġġi kollha provduti fl-Anness III tat-Trattat Euratom (Anness II) lill-Intrapriża Konġunta fl-ambitu ta’ l-attivitajiet uffiċjali tagħha.

(ċ)	L-Iżvizzera taċċetta d-distribuzzjoni tad-drittijiet tal-votazzjoni tal-Membri tal-Bord tat-Tmexxija u li tagħmel il-kontribuzzjoni annwali ta’ l-isħubija għall-Intrapriża Konġunta skond l-Anness I u l-Anness II ta’ l-Istatuti inklużi fl-imsemmija Deċiżjoni tal-Kunsill.

(d)	L-Iżvizzera taċċetta l-kontroll finanzjarju fir-rigward tal-parteċipazzjoni tagħha fl-attivitajiet ta’ l-Intrapriża Konġunta stipulat fl-imsemmija Deċiżjoni tal-Kunsill u mehmuża ma’ din il-korrispondenza (L-Anness III).

L-Annessi I, II, u III jiffurmaw parti integrali minn din l-ittra.

Skond l-Artikolu 6(5) u l-Artikolu 21 ta’ l-Istatuti mehmuża ma’ l-imsemmija Deċiżjoni tal-Kunsill l-awtoritajiet Żvizzeri se jiġu kkonsultati jekk id-dispożizzjonijiet ta’ l-Istatuti se jiġu emendati. Fil-fatt, l-Iżvizzera tenfasizza li kwalunkwe emenda li taffettwa l-obbligi ta’ l-Iżvizzera teħtieġ il-qbil formali tagħha qabel ma tieħu effett għall-Iżvizzera.

Jekk dan ta’ hawn fuq huwa aċċettabbli għall-Kummissjoni, għandi l-unur nipproponi li din l-ittra, flimkien mar-risposta tal-Kummissjoni f’dak is-sens għandha tikkostitwixxi ftehim bejn l-Iżvizzera u Euratom li għandu jiġi applikat provviżorjament fid-data tar-risposta tal-Kummissjoni għal din l-ittra. L-applikazzjoni ta’ dan il-ftehim tibqa’ provviżorja sakemm il-Parlament Żvizzeru jiddeċiedi dwar l-isħubija ta’ l-Iżvizzera fl-Intrapriża Konġunta. L-Iżvizzera għandha tgħarraf lill-Euratom meta jitlestew il-proċeduri interni ta’ l-Iżvizzera għall-approvazzjoni. Id-data ta’ l-irċevuta ta’ din in-notifika mill-Euratom tikkostitwixxi d-dħul fis-seħħ ta’ dan l-iskambju ta’ ittri. Dan il-ftehim se jiġi konkluż għat-terminu tas-seba’ programm kwadru ta’ l-Euratom, jiġifieri mill-2007 sal-2011. Jiġġedded b’mod taċitu għat-terminu tal-programmi kwadru ta’ Euratom sussegwenti, sakemm ebda parti ma tikkanċella l-ftehim għall-inqas sena qabel it-tmiem tal-programm kwadru rispettiv li jkun fis-seħħ.”

Għandi l-unur ngħarrfek li Euratom taqbel ma’ l-imsemmija interpretazzjoni tar-regolamenti tal-Persunal u l-kontenut ta’ din l-ittra, u li nikkonferma li l-Iżvizzera għandha ssir il-membru ta’ l-Intrapriża Konġunta fid-data ta’ din l-ittra.

Dejjem tiegħek,

F’isem il-Komunità Ewropea dwar l-Enerġija Atomika

---

(1)  ĠU C 321 E, 29.12.2006, p. 318..

---