EUR-Lex Access to European Union law
This document is an excerpt from the EUR-Lex website
Document 32008A1217(01)
Commission opinion of 11 December 2008 concerning the plan for the disposal of radioactive waste arising from the AGATE liquid effluent treatment plant, located in France, in accordance with Article 37 of the Euratom Treaty
Opinjoni tal-Kummissjoni tal- 11 ta' Diċembru 2008 dwar il-pjan għar-rimi ta' skart radjuattiv li ġej mill-impjant AGATE li jitratta l-iskart likwidu, li jinsab fi Franza, skont l-Artikolu 37 tat-Trattat tal-Euratom
Opinjoni tal-Kummissjoni tal- 11 ta' Diċembru 2008 dwar il-pjan għar-rimi ta' skart radjuattiv li ġej mill-impjant AGATE li jitratta l-iskart likwidu, li jinsab fi Franza, skont l-Artikolu 37 tat-Trattat tal-Euratom
ĠU C 322, 17.12.2008, p. 2–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
17.12.2008 |
MT |
Il-Ġurnal Uffiċjali ta’ l-Unjoni Ewropea |
C 322/2 |
OPINJONI TAL-KUMMISSJONI
tal-11 ta' Diċembru 2008
dwar il-pjan għar-rimi ta' skart radjuattiv li ġej mill-impjant AGATE li jitratta l-iskart likwidu, li jinsab fi Franza, skont l-Artikolu 37 tat-Trattat tal-Euratom
(It-test bil-Franċiż biss huwa awtentiku)
(2008/C 322/02)
Fil-21 ta' April 2008, il-Kummissjoni Ewropea rċeviet mingħand il-Gvern Franċiż, skont l-Artikolu 37 tat-Trattat tal-Euratom, Dejta Ġenerali li tirrigwarda l-pjan għar-rimi ta' skart radjuattiv li ġej mill-impjant AGATE li jitratta l-iskariku likwidu.
Abbażi ta' din id-dejta, u wara konsultazzjoni mal-Grupp ta' Esperti, il-Kummissjoni fasslet l-opinjoni li ġejja:
|
1. |
id-distanza bejn il-faċilita tal-AGATE u l-eqreb punt fit-territorju ta' Stat Membru ieħor, f'dan il-każ l-Italja, hija ta' madwar 110 km filwaqt li Spanja tinsab 230 km 'il bogħod; |
|
2. |
matul operat normali, il-ħruġ ta' skart radjuattiv likwidi jew tal-gass mhux se jikkawża esponiment li jista' jaffettwa s-saħħa tal-popolazzjoni fi Stat Membru ieħor; |
|
3. |
skart radjuattiv solidu se jinħażen temporanjament fuq il-post qabel ma jiġi ttrasferit lejn faċilità tar-rimi awtorizzata mill-Gvern Franċiż; |
|
4. |
f'każ li jkun hemm rilaxx mhux ippjanat tal-iskart radjuattiv li jirriżulta minn inċident tat-tip u d-daqs ikkunsidrat fid-Dejta Ġenerali, id-dożi li jilħqu Stat Membru ieħor mhux se jaffettwaw is-saħħa tal-popolazzjoni. |
Bħala konklużjoni, il-Kummissjoni hija tal-fehma li, sew fil-kundizzjonijiet normali tal-operat kif ukoll f'każ ta' inċident tat-tip u d-daqs ikkunsidrat fid-Dejta Ġenerali, l-implimentazzjoni tal-pjan għar-rimi tal-iskart radjuattiv ta' kull xorta ta' għamla li ġej mill-impjant AGATE li jitratta l-iskart likwidu, li jinsab f'Cadarache fi Franza, m'għandhiex tirriżulta fil-kontaminazzjoni radjuattiva tal-ilma, tal-ħamrija jew tal-ispazju tal-ajru ta' Stat Membru ieħor.