18.8.2007   

MT

Il-Ġurnal Uffiċjali ta’ l-Unjoni Ewropea

L 215/4

(1)

L-Artikolu 13(3) tar-Regolament (KE) Nru 1493/1999 jipprovdi li, f’reġjuni kklassifikati bħala Objettiv 1 bi qbil mar-Regolament tal-Kunsill (KE) Nru 1260/1999 tal-21 ta’ Ġunju 1999 li jistabbilixxi dispożizzjonijiet ġenerali dwar il-Fondi Strutturali (2), il-kontribuzzjoni tal-Komunità ma għandhiex teċċedi l-75 % ta’ l-ispejjeż tar-ristrutturar u l-konverżjoni.

(2)

Ir-Regolament (KE) Nru 1260/1999 tħassar bir-Regolament tal-Kunsill (KE) Nru 1083/2006 (3), li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni, b’effett mill-1 ta’ Jannar 2007. Skond l-Artikolu 3(1) tar-Regolament (KE) Nru 1260/1999, ir-reġjuni li jaqgħu taħt l-Objettiv 1 għandhom ikunu reġjuni li jikkorrispondu mal-livell II tan-Nomenklatura ta’ Unitajiet Statistiċi Territorjali (NUTS livell II) li l-PGD per capita tagħhom, imkejjel bl-ekwivalenti tas-saħħa tal-valuta tagħhom [paritajiet tal-poter ta’ akkwist] fis-suq huwa anqas minn 75 % tal-medja tal-Komunità. Skond l-Artikolu 5(1) tar-Regolament (KE) Nru 1083/2006, reġjuni bħal dawn huma eliġibbli għall-finanzjament skond l-objettiv ta’ Konverġenza.

(3)

Xi reġjuni li kienu koperti minn Objettiv 1 mhumiex koperti mill-objettiv ta’ Konverġenza. Bil-maqlub ta’ dan, it-territorju tal-Bulgarija u r-Rumanija huwa kopert mill-objettiv ta’ Konverġenza, imma ovvjament qabel ma kienx jaqa’ taħt l-Objettiv 1.

(4)

Dan jikkawża problemi prattiċi speċifiċi fil-każ ta’ l-applikazzjoni ta’ pjanijiet tar-ristrutturar u l-konverżjoni li jeħtiġilhom jiġu mfassla u approvati għas-sena ta’ l-inbid 2007/2008 ġaladarba d-diċitura preżenti ta’ l-Artikolu 13(3) tar-Regolament (KE) Nru 1493/1999 la jippermetti l-finanzjament ogħla għar-reġjuni ta’ l-Objettiv 1, minħabba li ma għadhomx jeżistu, u lanqas għar-reġjuni ta’ Konverġenza, minħabba li d-dispożizzjoni msemmija mhijiex immirata lejhom. Madankollu, huwa evidenti li l-għan għandu jkun li r-reġjuni anqas żviluppati jingħataw rata ogħla ta’ għajnuna.

(5)

L-arranġament tranżitorju applikabbli fil-preżent, ipprovdut bir-Regolament tal-Kummissjoni (KE) Nru 225/2007 (4), joffri soluzzjoni biss għas-sena ta’ l-inbid 2006/2007. Għaldaqstant, fl-istennija tar-riforma ta’ l-organizzazzjoni komuni tas-suq ta’ l-inbid, huwa f’loku li tkun prevista l-possibbiltà li, għas-sena ta’ l-inbid 2007/2008, tingħata r-rata ogħla ta’ għajnuna ppovduta bl-Artikolu 13(3) tar-Regolament (KE) Nru 1493/1999 għar-reġjuni ta’ Konverġenza.

(6)

Il-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-Inbid,