1.5.2007   

MT

Il-Ġurnal Uffiċjali ta’ l-Unjoni Ewropea

L 114/8

(1)

Skond l-Artikolu 3(2) tar-Regolament tal-Kummissjoni (KE) Nru 2535/2001 (2), il-liċenzji ta' l-importazzjoni għandhom ikunu validi biss għall-kodiċi tal-prodott li jidher fuqhom. L-importazzjoni skond il-kwoti tista' taffronta diffikultajiet fejn il-koeffiċjenti ta' l-allokazzjoni għal kull kodiċi ta' prodott inaqqsu l-kwantitajiet li għalihom ikunu tressqu applikazzjonijiet għal liċenzji. Biex jitħaffef il-kummerċ u biex jiġi ottimizat l-użu tal-kwoti ta' l-importazzjoni, huwa f'loku li l-liċenzji ta' l-importazzjoni jkunu wkoll validi għal kodiċijiet ta' prodotti li jaqgħu taħt l-istess numru tal-kwota, sakemm ikunu suġġetti għall-istess dazju ta' l-importazzjoni. Ġaladarba d-dispożizzjonijiet attwali jistgħu jkollhom l-effett li ma jintużawx kwantitajiet ta' liċenzji ta' l-importazzjoni maħruġa f'Jannar 2007, huwa f'loku li jsir provvediment għall-applikazzjoni retroattiva tad-dispożizzjonijiet il-ġodda.

(2)

Il-Ftehim bejn il-Komunità Ewropea u l-Konfederazzjoni Żvizzera dwar il-kummerċ fil-prodotti agrikoli (3), approvat bid-Deċiżjoni tal-Kunsill u tal-Kummissjoni 2002/309/KE, Euratom (4), minn hawn 'il quddiem il-“Ftehim ma' l-Iżvizzera”), jinkludi l-ftuħ ta' kwoti u t-tnaqqis fid-dazji doganali fuq ċerti prodotti tal-ħalib li joriġinaw fl-Iżvizzera. Fl-Anness 3 tiegħu, dwar konċessjonijiet rigward ġobnijiet, il-punt 1 jipprovdi għal-liberalizzazzjoni sħiħa tal-kummerċ bilaterali fil-ġobnijiet mill-1 ta' Ġunju 2007 'l quddiem, wara perjodu tranżitorju ta' ħames snin.

(3)

Il-Ftehim ma' l-Iżvizzera għandu l-għan li jsaħħaħ ir-relazzjonijiet ta' kummerċ liberu bejn il-Partijiet billi gradwalment jelimina l-ostakli li jaffettwaw il-parti l-kbira tal-kummerċ bejniethom. Il-kummerċ bilaterali fil-ġobnijiet mill-1 ta' Ġunju 2007 mhu se jibqa' suġġett għall-ebda kwota. Għaldaqstant, u ġaladarba l-kummerċ fil-ġobnijiet bejn il-Komunità u l-Iżvizzera jinvolvi kwantitajiet kbar u valur kummerċjali għoli, huwa f'loku li l-garanzija fuq il-liċenzji ta' l-importazzjoni għall-ġobnijiet li joriġinaw fl-Iżvizzera titnaqqas sostanzjalment.

(4)

Wara l-adozzjoni tar-Regolament tal-Kummissjoni (KE) Nru 1719/2005 tas-27 ta' Ottubru 2005 li jemenda l-Anness I tar-Regolament tal-Kunsill (KEE) Nru 2658/87 dwar it-tariffa u n-nomenklatura statistika u dwar it-Tariffa Doganali Komuni (5), tħassru l-kodiċijiet tan-NM 0406 90 02 sa 0406 90 06. L-Artikolu 4(3) tar-Regolament (KE) Nru 2535/2001 għaldaqstant safa żejjed, u għandu jitħassar ukoll.

(5)

L-Anness II tal-Ftehim fil-forma ta' Skambju ta' Ittri bejn il-Komunità Ewropea u r-Repubblika ta' l-Iżlanda dwar preferenzi kummerċjali addizzjonali fi prodotti agrikoli li sar abbażi ta' l-Artikolu 19 tal-Ftehim dwar iż-Żona Ekonomika Ewropea (6), approvat bid-Deċiżjoni tal-Kunsill 2007/138/KE (7), jipprovdi għall-ftuħ ta' kwota tat-tariffi annwali għal ċerti prodotti tal-ħalib. Għandhom jiġu adattati skond dan il-Kapitolu I tat-Titolu 2 tar-Regolament (KE) Nru 2535/2001 u l-Anness I tiegħu.

(6)

Ir-Regolament (KE) Nru 2535/2001 għandu għalhekk jiġi emendat skond dan.

(7)

Il-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-ħalib u l-prodotti tal-ħalib,

(1)

Fl-Artikolu 3(2), għandu jiżdied is-subparagrafu li ġej:

“Madankollu, fejn il-liċenzji jinħarġu taħt kwoti tat-tariffi ta' l-importazzjoni msemmija fil-Kapitolu I u s-Sezzjoni 2 tal-Kapitolu III tat-Titolu 2, għandhom ikunu validi għall-kodiċijiet kollha tan-NM li jaqgħu taħt l-istess numru tal-kwota, sakemm id-dazju ta' l-importazzjoni applikat ikun identiku.”

(2)

Fl-Artikolu 4, għandu jitħassar il-paragrafu (3);

(3)

L-Artikolu 5 huwa emendat kif ġej:

(4)

Fl-Artikolu 13(2), it-tieni subparagrafu għandu jinbidel b'dan li ġej:

“Madankollu, fil-każ tal-kwoti msemmija fl-Artikolu 5(c) sa (f), (h) u (i), l-applikazzjonijiet għal-liċenzji għandhom jinvolvu talanqas 10 tunnellati, u mhux aktar mill-kwantità disponibbli għal kull perjodu.”

(5)

Fl-Artikolu 19, għandu jiżdied il-punt (h) li ġej:

(6)

L-Artikolu 20 huwa emendat kif ġej:

(7)

L-Anness I huwa emendat kif ġej:

(8)

L-Anness II.D għandu jinbidel bit-test fl-Anness III ta' dan ir-Regolament.