EUR-Lex Access to European Union law
This document is an excerpt from the EUR-Lex website
Document 32007G1204(01)
Council Resolution of 15 November 2007 on the new skills for new jobs
Riżoluzzjoni tal-Kunsill tat- 15 ta' Novembru 2007 dwar Ħiliet ġodda għal impjiegi ġodda
Riżoluzzjoni tal-Kunsill tat- 15 ta' Novembru 2007 dwar Ħiliet ġodda għal impjiegi ġodda
ĠU C 290, 4.12.2007, p. 1–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
4.12.2007 |
MT |
Il-Ġurnal Uffiċjali ta’ l-Unjoni Ewropea |
C 290/1 |
RIŻOLUZZJONI TAL-KUNSILL
tat-15 ta' Novembru 2007
dwar “Ħiliet ġodda għal impjiegi ġodda”
(2007/C 290/01)
IL-KUNSILL TA' L-UNJONI EWROPEA
WAQT LI JFAKKAR b'mod partikolari:
(1) |
Il-Kunsill Ewropew ta' Lisbona f'Marzu 2000 li nieda strateġija mmirata lejn it-tkabbir ekonomiku sostenibbli b'aktar impjiegi u impjiegi aħjar u koeżjoni soċjali akbar, b'miri ta' xogħol għal perijodu fit-tul. |
(2) |
Il-Linji Gwida Integrati għat-tkabbir u l-impjiegi (2005-2008) (1), b'mod partikolari dawk li jindirizzaw il-ħtieġa biex jitjieb it-taqbil tal-ħtiġijiet tas-suq tax-xogħol, biex jitwessa' u jitjieb l-investiment fil-kapital uman, biex jiġu adattati s-sistemi ta' l-edukazzjoni u t-taħriġ bi tweġiba għall-ħtiġijiet ta' kompetenzi ġodda, u biex jiġu żgurati riżorsi umani adatti għar-Riċerka u l-Iżvilupp (R&Ż) u l-innovazzjoni. |
(3) |
Il-Konklużjonijiet tal-Kunsill u tar-Rappreżentanti ta' l-Istati Membri mlaqqgħin fil-Kunsill ta' l-14 u15 ta' Novembru 2005 dwar ir-rwol ta' l-iżvilupp ta' ħiliet u kompetenzi sabiex isir avvanz fil-miri ta' Lisbona (2). |
(4) |
Ir-Rakkomandazzjoni tal-Parlament Ewropew u tal-Kunsill tat-18 ta' Diċembru 2006 dwar il-kompetenzi ewlenin għat-tagħlim tul il-ħajja (2006/962/KE) (3). |
(5) |
Ir-Rakkomandazzjoni proposta li tistabbilixxi l-Qafas Ewropew tal-Kwalifiki għat-tagħlim tul il-ħajja li wasal biex ikun adottat mill-Parlament Ewropew u mill-Kunsill. |
(6) |
Il-Komunikazzjoni tal-Kummissjoni “Ħiliet fl-Elettronika għas-Seklu 21: trawwim tal-kompetittività, it-tkabbir u l-impjiegi” tas-7 ta' Settembru 2007 (4). |
KONXJU li:
(1) |
L-edukazzjoni u t-taħriġ, fil-kuntest ta' perspettiva ta' tagħlim tul il-ħajja, huma mezz indispensabbli għall-promozzjoni ta' l-adattabbiltà u l-impjegabbiltà, iċ-ċittadinanza attiva, is-sodisfazzjon personali u professjonali. Huma jiffaċilitaw il-mobbiltà libera għaċ-ċittadini Ewropej u jikkontribwixxu għall-ksib ta' l-għanijiet u l-aspirazzjonijiet ta' l-Unjoni Ewropea, billi jfittex li jirrispondi għall-isfidi mpoġġijin mill-globalizzazzjoni u popolazzjoni li qed tikber fl-età. Huma għandhom jippermettu li ċ-ċittadini kollha jiksbu l-għarfien meħtieġ biex jieħdu sehem attiv fis-soċjetà ta' l-għarfien u fis-suq tax-xogħol. |
(2) |
L-objettivi ta' livell massimu ta' impjiegi, il-kwalità ta' l-impjiegi, il-produttività tax-xogħol u l-koeżjoni soċjali jistgħu jinkisbu l-aħjar jekk jiġu riflessi fi prijoritajiet ċari: biex ikunu attratti u miżmumin aktar nies fl-impjiegi, biex jiżdied il-forniment tax-xogħol; biex titjieb l-adattabbiltà tal-ħaddiema u ta' l-impriżi; u biex jiżdied l-investiment fil-kapital uman permezz ta' edukazzjoni aħjar, u l-iżvilupp tal-ħiliet u l-kompetenzi. |
JISĦAQ dwar il-ħtieġa:
(1) |
Li ċ-ċittadini Ewropej kollha jiġu pprovduti b'opportunitajiet ġodda biex itejbu l-livelli ta' l-għarfien, tal-ħiliet u tal-kompetenzi tagħhom, biex jadattaw għall-ħtiġiet ġodda u biex jgħaddu għal impjiegi ġodda u aħjar, billi jiġu kkumbinati l-istrumenti li diġà jeżistu fil-livell Ewropew u dak nazzjonali. |
(2) |
Li jiġu antiċipati l-ħtiġijiet tal-ħiliet — u wkoll id-distakki bejn il-ħiliet — li qed joħorġu fis-swieq Ewropej tax-xogħol. |
(3) |
Li jittejjeb it-tqabbil ta' l-għarfien, tal-ħiliet u tal-kompetenzi mal-ħtiġijiet tas-soċjetà u l-ekonomija permezz ta' żieda fil-kompetittività u fit-tkabbir, kif ukoll għal koeżjoni soċjali akbar, fl-Ewropa. |
GĦALHEKK JISTIEDEN LILL-ISTATI MEMBRI U LILL-KUMMISSJONI BIEX
(1) |
Jattrezzaw lin-nies għal impjiegi ġodda fis-soċjetà ta' l-għarfien, b'mod partikolari permezz:
|
(2) |
Ikomplu l-ħidma dwar il-validazzjoni ta' riżultati tat-tagħlim u t-trasparenza tal-kwalifiki, b'mod partikolari billi:
|
(3) |
Jindirizzaw kwistjonijiet ta' finanzjament u ta' kwalità permezz ta':
|
GĦALHEKK JISTIEDEN LILL-KUMMISSJONI BIEX:
(1) |
Tanalizza, fil-kuntest tal-proċess ta' Kopenħagen u l-kooperazzjoni fl-edukazzjoni għolja, il-ħtieġa għal mekkaniżmi konsultattivi b'valur miżjud biex tissaħħaħ l-identifikazzjoni ta' tipi ġodda ta' impjiegi u ħtiġijiet tal-ħiliet fil-livell Ewropew, b'użu ta' attivitajiet u proġetti li jikkonċernaw ħiliet settorjali eżistenti taħt linji politiċi għat-tagħlim tul il-ħajja, għall-impriżi u d-djalogu soċjali. Dawn il-mekkaniżmi għandhom jimmiraw li jiżviluppaw previżjoni regolari tal-ħtiġijiet tal-ħiliet għat-terminu medju u jidentifikaw nuqqasijiet fil-ħiliet għal terminu fil-qosor, definiti f'termini ta' funzjonijiet ta' l-impjiegi, livelli ta' referenza (QEK) u kompetenzi ewlenin. Il-mekkaniżmi għandhom jibnu fuq:
|
(2) |
Issaħħaħ in-netwerk Ewropew għall-identifikazzjoni u t-tbassir bikrin tal-ħtiġijiet tal-ħiliet (Skillsnet tas-Cedefop) u s-sistema Ewropea ta' previżjoni dwar ix-xejriet fl-impjiegi. |
(3) |
Tirrapporta dwar is-segwitu ta' din ir-Riżoluzzjoni fil-livell Ewropew u nazzjonali fil-qafas tal-Programm ta' Ħidma ta' Edukazzjoni u Taħriġ, b'kont meħud tar-rapporti nazzjonali biennali ta' l-Istati Membri. |
(1) Id-Deċiżjoni tal-Kunsill 2005/600/KE tat-12 ta' Lulju 2005 dwar linji gwida għall-politika dwar l-impjiegi ta' l-Istati Membri u r-rakkomandazzjoni tal-Kunsill 2005/601/KE tat-12 ta' Lulju 2005 dwar il-linji gwida wiesa' għal-linji politiċi ekonomiċi ta' l-Istati Membri u l-Komunità (2005 sa 2008), ĠU L 205 tas-6.8.2005, p. 21.
(2) ĠU C 292, 24.11.2005, p. 3.
(3) ĠU L 394, 30.12.2006, p. 10.
(4) COM(2007) 496 finali.
(5) Konklużjonijiet tal-Kunsill tar-rappreżentanti tal-Gvernijiet ta' l-Istati Membri mlaqqgħin fil-Kunsill dwar Prinċipji Komuni Ewropej għall-identifikazzjoni u l-validazzjoni ta' tagħlim mhux formali u informali (adottati fit-28 ta' Mejju 2004), dok. 9600/04