This document is an excerpt from the EUR-Lex website
Document 32007D0386
2007/386/EC: Commission Decision of 5 June 2007 determining the quantities of methyl bromide permitted to be used for critical uses in the Community from 1 January to 31 December 2007 under Regulation (EC) No 2037/2000 of the European Parliament and of the Council on Substances that Deplete the Ozone Layer (notified under document number C(2007) 2295)
2007/386/KE: Deċiżjoni tal-Kummissjoni tal- 5 ta’ Ġunju 2007 li tiddetermina l-kwantitajiet tal-bromur tal-metil li huma permessi għal użu kritiku fil-Komunità mill- 1 ta’ Ġunju sal- 31 ta’ Diċembru 2007 skond ir-Regolament (KE) Nru 2037/2000 tal-Parlament Ewropew u tal-Kunsill dwar Sustanzi li Jnaqqsu s-Saff ta’ l-Ożonu (notifikata taħt id-dokument numru C(2007) 2295)
2007/386/KE: Deċiżjoni tal-Kummissjoni tal- 5 ta’ Ġunju 2007 li tiddetermina l-kwantitajiet tal-bromur tal-metil li huma permessi għal użu kritiku fil-Komunità mill- 1 ta’ Ġunju sal- 31 ta’ Diċembru 2007 skond ir-Regolament (KE) Nru 2037/2000 tal-Parlament Ewropew u tal-Kunsill dwar Sustanzi li Jnaqqsu s-Saff ta’ l-Ożonu (notifikata taħt id-dokument numru C(2007) 2295)
ĠU L 143, 6.6.2007, p. 27–30
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2007
6.6.2007 |
MT |
Il-Ġurnal Uffiċjali ta’ l-Unjoni Ewropea |
L 143/27 |
DEĊIŻJONI TAL-KUMMISSJONI
tal-5 ta’ Ġunju 2007
li tiddetermina l-kwantitajiet tal-bromur tal-metil li huma permessi għal użu kritiku fil-Komunità mill-1 ta’ Ġunju sal-31 ta’ Diċembru 2007 skond ir-Regolament (KE) Nru 2037/2000 tal-Parlament Ewropew u tal-Kunsill dwar Sustanzi li Jnaqqsu s-Saff ta’ l-Ożonu
(notifikata taħt id-dokument numru C(2007) 2295)
(It-testi Olandiżi, Franċiżi, Taljani, Pollakki u Spanjoli biss huma awtentiċi)
(2007/386/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 2037/2000 tal-Parlament Ewropew u tal-Kunsill tad-29 ta’ Ġunju 2000 dwar Sustanzi li Jnaqqsu s-Saff ta’ l-Ożonu (1) u b’mod partikolari l-Artikolu 3(2)(ii) tiegħu,
Billi:
(1) |
L-Artikoli 3(2)(i)(d) u 4(2)(i)(d) tar-Regolament (KE) Nru 2037/2000 jipprojbixxu l-produzzjoni, l-importazzjoni u t-tqegħid fis-suq tal-bromur tal-metil għal kwalunkwe użu wara l-31 ta’ Diċembru 2004 ħlief, fost l-oħrajn (2), għal użu kritiku skond l-Artikolu 3(2)(ii) u l-kriterji stipulati fid-Deċiżjoni IX/6 tal-Partijiet għall-Protokoll ta’ Montreal, flimkien ma’ kriterji oħra relevanti miftiehma bejn il-Partijiet. Eżenzjonijiet għal użu kritiku huma intenzjonati li jkunu derogi limitati biex jippermettu tul ta’ żmien qasir għall-adozzjoni ta’ alternattivi. |
(2) |
Id-Deċiżjoni IX/6 tistipula li l-bromur tal-metil għandu jikkwalifika bħala “kritiku” biss jekk l-applikant jiddetermina li n-nuqqas ta’ disponibbiltà tal-bromur tal-metil għal dak l-użu speċifiku jista’ jirriżulta fi tfixkil sinifikanti tas-suq; u tistipula wkoll li ma hemm l-ebda alternattiva jew sostitut teknikament u ekonomikament prattiku u disponibbli għall-utent li huwa aċċettabbli mill-aspetti ta’ l-ambjent u tas-saħħa u li huwa addattat għall-uċuħ tar-raba’ u għaċ-ċirkostanzi tan-nominazzjoni. Aktar minn hekk, il-produzzjoni u l-konsum, jekk ikun hemm, tal-bromur tal-metil għal użu kritiku għandhom ikunu permessi biss jekk ikun ittieħed kull pass tekniku u ekonomiku possibbli sabiex l-użu kritiku tal-bromur tal-metil, u kull emissjoni assoċjata miegħu, jitnaqqsu kemm jista’ jkun. Applikant għandu wkoll juri li qiegħed isir sforz xieraq biex isiru l-evalwazzjoni, il-kummerċjalizzar u l-aċċertament ta’ l-approvazzjoni regolatorja nazzjonali ta’ l-alternattivi u tas-sostituti; u għandu juri wkoll li ġew implimentati programmi ta’ riċerka għall-iżvilupp u għall-użu ta’ sostituti. |
(3) |
Il-Kummissjoni rċeviet 40 proposta għall-użu kritiku tal-metil tal-bromur minn sitt Stati Membri fosthom Franza (70 900 kg), l-Italja (640 000 kg), il-Polonja (27 900 kg), Spanja (322 840 kg), l-Olanda (120 kg) u r-Renju Unit (10 049 kg). Intalab total ta’ 1 071 809 kg. |
(4) |
Il-Kummissjoni applikat il-kriterji li jinsabu fid-Deċiżjoni IX/6 u fl-Artikolu 3(2)(ii) tar-Regolament (KE) Nru 2037/2007 sabiex jiġi ddeterminat l-ammont tal-bromur tal-metil li huwa eliġibbli li jkun liċenzjat għall-użu kritiku fl-2007. Il-Kummissjoni f’konsultazzjoni ma’ l-Istati Membri sabu li alternattivi adegwati kienu disponibbli fil-Komunità u kienu saru aktar prevalenti għall-Partijiet tal-Protokoll ta’ Montreal fil-perijodu minn meta l-proposti ta’ użu kritiku ġew kumpilati mill-Istati Membri. Bħala riżultat, il-Kummissjoni ddeterminat li 521 836 kg ta’ bromur tal-metil jista’ jintuża fl-2007 biex jissodisfa użu kritiku f’kull Stat Membru li jkun talab biex juża l-bromur tal-metil. Dan l-ammont huwa 2.7 % tal-konsum ta’ l-1991 tal-bromur tal-metil fil-Komunità Ewropea u jindika li aktar minn 97.3 % tal-bromur tal-metil inbidel ma’ alternattivi. Il-kategoriji ta’ użu kritiku huma simili għal dawk imfissra fit-Tabella A tad-Deċiżjoni XVIII/13 miftiehma fit-Tmintax-il Laqgħa tal-Partijiet għall-Protokoll ta’ Montreal (3). |
(5) |
L-Artikolu 3(2)(ii) jistipula li l-Kummissjoni għandha tiddetermina wkoll liema utenti jistgħu jivvantaġġjaw irwieħhom mill-eżenzjoni ta’ l-użu kritiku. Billi l-Artikolu 17(2) jistipula li l-Istati Membri għandhom jiddefinixxu r-rekwiżiti minimi ta’ kwalifiki għall-persunal involut fl-applikazzjoni tal-bromur tal-metil, u billi l-fumigazzjoni hija l-uniku użu, il-Kummissjoni ddeterminat li l-fumigaturi tal-bromur tal-metil huma l-uniċi utenti proposti mill-Istati Membri u awtorizzati mill-Kummissjoni biex jużaw il-bromur tal-metil għal użu kritiku. Il-fumigaturi huma kkwalifikati li japplikawh b’mod sigur; l-Istati Membri ħolqu proċeduri biex jidentifikaw, fit-territorju tagħhom, fumigaturi li għandhom permess japplikaw il-bromur tal-metil għal użu kritiku. |
(6) |
Id-Deċiżjoni IX/6 tistipula li l-produzzjoni u l-konsum tal-bromur tal-metil għal użu kritiku għandha tkun permessa biss jekk il-bromur tal-metil mhuwiex disponibbli minn ħażniet eżistenti ta’ bromur tal-metil miġmugħ jew irriċiklat. L-Artikolu 3(2)(ii) jistipula li l-produzzjoni u l-importazzjoni tal-bromur tal-metil għandhom ikunu permessi biss jekk m’hemm l-ebda bromur tal-metil irriċiklat jew irriklamat disponibbli għand kwalunkwe Parti. Skond id-Deċiżjoni IX/6 u Artikolu 3(2)(ii), il-Kummissjoni ddeterminat li 31 605 kg ta’ ħażniet huma disponibbli għal użu kritiku. |
(7) |
L-Artikolu 4(2)(ii) jiddikjara li, suġġett għall-Artikolu 4(4), it-tqegħid fis-suq u l-użu tal-bromur tal-metil minn intrapriżi minbarra l-produtturi jew l-importaturi se jkunu pprojbiti wara l-31 ta’ Diċembru 2005. L-Artikolu 4(4) jiddikjara li l-Artikolu 4(2) ma għandux japplika għat-tqegħid fis-suq u l-użu ta’ sustanzi kkontrollati jekk dawn ikunu użati biex iwettqu t-talbiet liċenzjati għall-użu kritiku ta’ dawk l-utenti identifikati kif stabbilit fl-Artikolu 3(2). Għalhekk, minbarra l-produtturi u l-importaturi, il-fumigaturi li huma rreġistrati mill-Kummissjoni fl-2007 se jkollhom il-permess iqiegħdu fis-suq il-bromur tal-metil, u jużawh għall-użu kritiku, wara l-31 ta’ Diċembru 2006. Tipikament, fumigatur jitlob importatur kemm għall-importazzjoni u kemm għall-provvista tal-bromur tal-metil. Il-fumigaturi rreġistrati għall-użu kritiku mill-Kummissjoni fl-2006 se jkollhom il-permess jittrasferixxu ’l quddiem għall-2007 l-bromur tal-metil li jkun fadlilhom u li ma ntużax fl-2006 (minn hawn ’l quddiem “il-ħażniet”). Il-Kummissjoni Ewropea stabbiliet proċeduri ta’ liċenzjar sabiex tnaqqas dawn il-ħażniet ta’ bromur tal-metil qabel ma jiġi importat jew prodott aktar bromur tal-metil biex jilħaq it-talbiet liċenzjati għal użu kritiku fl-2007. |
(8) |
Peress li użu kritiku tal-bromur tal-metil japplika mill-1 ta’ Jannar 2007, u bl-għan li kumpaniji interessati u operatur jistgħu jibbenefikaw minn sistema ta’ liċenzjar, huwa xieraq li din id-deċiżjoni attwali tibda tapplika minn dik id-data. |
(9) |
Il-miżuri previsti f’din id-Deċiżjoni huma konformi ma’ l-opinjoni tal-Kumitat stabbilit skond l-Artikolu 18 tar-Regolament (KE) Nru 2037/2000. |
ADOTTAT DIN ID-DEĊIŻJONI:
Artikolu 1
Ir-Renju ta’ Spanja, ir-Repubblika ta’ Franza, ir-Repubblika Taljana, ir-Renju ta’ l-Olanda u r-Repubblika Pollakka għandhom jiġu permessi l-użu ta’ total ta’ 521 836 kg ta’ bromur tal-metil għal użu kritiku mill-1 ta’ Jannar sal-31 ta’ Diċembru 2007 għal kwantitajiet speċifiċi u kategoriji għall-użu deskritt f’Annessi I sa V.
Artikolu 2
Il-ħażniet iddikjarati bħala disponibbli għal użu kritiku mill-awtoritajiet kompetenti ta’ kull Stat Membru għandhom jitnaqqsu mill-ammont li jista’ jkun importat jew prodott sabiex jitħaddem f’użu kritiku f’dak l-Istat Membru.
Artikolu 3
Din id-Deċiżjoni għandha tapplika mill-1 ta’ Jannar 2007 u tiskadi fil-31 ta’ Diċembru 2007.
Artikolu 4
Din id-Deċiżjoni hija indirizzata lir-Renju ta’ Spanja, lir-Repubblika Franċiża, lir-Repubblika Taljana, lir-Renju ta’ l-Olanda u lir-Repubblika tal-Polonja.
Magħmula fi Brussell, 5 ta’ Ġunju 2007.
Għall-Kummissjoni
Stavros DIMAS
Membru tal-Kummissjoni
(1) ĠU L 244, 29.9.2000, p. 1. Ir-Regolament kif emendat l-aħħar bir-Regolament tal-Kunsill (KE) Nru 1791/2006 (ĠU L 363, 20.12.2006, p. 1).
(2) Użi oħrajn huma għall-kwarantina u qabel ma ssir il-konsenja, bħall-oġġetti ta’ l-għalf u għall-użu fil-laboratorju u użu analitiku.
(3) UNEP/OzL.Pro.18/10. Rapport tat-Tmintax-il Laqgħa tal-Partijiet għall-Protokoll ta’ Montreal dwar is-Sustanzi li Jnaqqsu s-Saff ta’ l-Ożonu, li saret bejn it-30 ta’ Ottubru u t-3 ta’ Novembru 2006 fi New Delhi. www.unep.org/ozone/Meeting_Documents/mop/index.asp
ANNESS I
Ir-Renju ta’ Spanja
Kategoriji ta’ użu kritiku permess |
Kg |
Frawli li jixxeblek (imkabbra fil-għoli) |
217 000 |
Fjuri maqtugħin (Andalucia u Catalonia) |
35 000 |
Frott tal-frawli (riċerka biss) |
50 |
Bżar (riċerka biss) |
70 |
Total |
252 120 |
Ħażniet ta’ bromur tal-metil disponibbli għall-użu kritiku fl-Istat Membru - 18 090 kg
ANNESS II
Ir-Repubblika Franċiża
Kategoriji ta’ użu kritiku permess |
Kg |
Fjuri maqtugħin: Ranunculus, Anemone, Paeonia u Ġilju tal-Widien fl-għelieqi miftuħa |
9 600 |
Zunnarija |
1 400 |
Frawli li tixxeblek |
25 000 |
Mixtla tal-Foresta |
1 500 |
Żrieragħ |
96 |
Qastan |
1 800 |
Total |
39 396 |
Ħażniet ta’ bromur tal-metil disponibbli għall-użu kritiku fl-Istat Membru - 392 kg
ANNESS III
Ir-Repubblika Taljana
Kategoriji ta’ użu kritiku permess |
Kg |
Tadam (protett) |
80 000 |
Bżar (protett) |
50 000 |
Frawli li jixxeblek |
35 000 |
Fjuri maqtugħin |
20 000 |
Imtieħen |
18 000 |
Total |
203 000 |
Ħażniet ta’ bromur tal-metil disponibbli għall-użu kritiku fl-Istat Membru - 12 893 kg
ANNESS IV
Ir-Renju ta’ l-Olanda
Kategoriji ta’ użu kritiku permess |
Kg |
Diżinfestazzjoni ta’ wara l-ħsad tal-frawli li jixxeblek. |
120 |
Total |
120 |
Ħażniet ta’ bromur tal-metil disponibbli għal dan l-użu kritiku fl-Istat Membru - 25 kg
ANNESS V
Ir-Repubblika tal-Polonja
Kategoriji ta’ użu kritiku permess |
Kg |
Ħxejjex aromatiċi mediċinali u faqqiegħ imnixxef bħala prodotti mnixxfa |
1 500 |
Frawli li jixxeblek |
24 500 |
Kawkaw u żerriegħa tal-kafè |
1 200 |
Total |
27 200 |
Ħażniet ta’ bromur tal-metil disponibbli għall-użu kritiku fl-Istat Membru - 205 kg