Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006O0011

Linja ta' Gwida tal-Bank Ċentrali Ewropew tat- 3 ta' Awwissu 2006 li temenda l-Linja ta' Gwida BĊE/2005/16 tat- 30 ta' Diċembru, 2005 , dwar is-Sistema Trans-European Automated Real-time Gross Settlement Express Transfer ( TARGET ) (BĊE/2006/11)

ĠU L 221, 12.8.2006, p. 17–18 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 118M, 8.5.2007, p. 1085–1086 (MT)

⏵Dan id-dokument ġie ppubblikat f’edizzjoni(jiet) speċjali (BG, RO)

Legal status of the document No longer in force, Date of end of validity: 14/09/2008; Imħassar b' 32007O0002

ELI: http://data.europa.eu/eli/guideline/2006/562/oj

8.5.2007   

MT

Il-Ġurnal Uffiċjali ta’ l-Unjoni Ewropea

1085

LINJA TA' GWIDA TAL-BANK ĊENTRALI EWROPEW

tat-3 ta' Awwissu 2006

li temenda l-Linja ta' Gwida BĊE/2005/16 tat-30 ta' Diċembru, 2005, dwar is-Sistema Trans-European Automated Real-time Gross Settlement Express Transfer (“TARGET”)

(BĊE/2006/11)

(2006/562/KE)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat li jwaqqaf il-Komunita' Ewropea, partikolarment l-ewwel u r-raba inċiż ta' l-Artikolu 105(2) u l-Artikoli 3.1, 12.1, 14.3, 17, 18 u 22 ta' l-Istatut tas-Sistema Ewropea tal-Banek Ċentrali u tal-Bank Ċentrali Ewropew,

Billi:

(1)

Ir-raba inċiż ta' l-Artikolu 105(2) tat-Trattat u r-raba' inċiż ta' l-Artikolu 3.1 ta' l-Istatut jistabbilixxu li waħda mill-ħidmiet li għandhom jitwettqu permezz tas-Sistema Ewropea tal-Banek Ċentrali (SEBĊ) hija l-promozzjoni ta' l-operat bla xkiel ta' sistemi ta' ħlas.

(2)

L-Artikolu 22 ta' l-Istatut jistabbilixxi li l-Bank Ċentrali Ewropew (BĊE) u l-banek ċentrali nazzjonali (BĊNi) jistgħu jipprovdu faċilitajiet biex jiżguraw sistemi ta' ħlas u kklerjar effiċjenti u validi fil-Komunita' u ma' pajjizi oħra.

(3)

Barra mill-komunikazzjoni (connection) permezz ta' interlinking jew permezz ta' link bilaterali, it-tielet forma ta' komunikazzjoni mat-TARGET għandha ssir disponibbli bħala miżura tranżitorja minħabba l-istruttura futura tat-TARGET2. BĊN mingħajr is-sistema tiegħu ta' RTGS għandu jingħata aċċess għall-infrastruttura kurrenti tat-TARGET permezz ta' parteċipazzjoni remota f'sistema ta' RTGS ta' BĊN.

(4)

Il-Linja ta' Gwida BĊE/2005/16 tat-30 ta' Diċembru, 2005, dwar is-Sistema Trans-European Automated Real-time Gross Settlement Express Transfer (“TARGET”) (1) għandha tiġi emendata biex tinkludi dispożizzjonijiet speċifiċi li jirregolaw parteċipazzjoni remota,

ADOTTA DIN IL-LINJA TA' GWIDA:

Artikolu 1

Il-Linja ta' Gwida BĊE/2005/16 hija emendata kif ġej:

1.

Fl-Artikolu 1 qed jiddaħħlu d-definizzjonijiet li ġejja:

“—

‘BĊN remot’ għandha tfissser BĊN li ma joperax is-sistema tiegħu ta' RTGS imma li jipparteċipa b'mod remot f'sistema ta' RTGS ta' BĊN ieħor skond id-dispożizzjonijiet ta' l-Artikolu 2(3);

—

‘BĊN host’ għandha tfisser il-BĊN li jħalli xi BĊN remot jipparteċipa fis-sistema tiegħu ta' RTGS skond l-Artikolu 2(3);”

2.

Qed jiddaħħal l-Artikolu 2(3) li ġej:

“3.   Meta xi BĊN remot u xi istituzzjonijiet ta' kreditu u entitajiet oħra fl-Istat Membru tiegħu jipparteċipaw b'mod remot f'sistema ta' RTGS ta' BĊN host skond ir-regoli ta' RTGS ta' dik is-sistema ta' RTGS, id-dispożizzjonijiet addizzjonali speċifiċi li ġejjin għandhom japplikaw:

—

il-BĊN host għandu jagħti lill-BĊN remot kreditu bla limitu u kontra l-ebda garanzija;

—

il-BĊN host u l-BĊN remot jistgħu jaqblu dwar it-termini u l-kundizzjonijiet li jikkumplimentaw ir-regoli ta' RTGS tas-sistema ta' RTGS tal-BĊN host;

—

il-BĊN remot għandu jagħti kreditu intraday lill-entitajiet fl-Istat Membru tiegħu li jipparteċipaw fis-sistema ta' RTGS tal-BĊN host skond l-obbligi ta' l-Artikolu 3(f);

—

ħlasijiet bejn entitajiet fl-Istat Membru tal-BĊN remot, u bejn dawn l-entitajiet u parteċipanti oħra fis-sistema ta' RTGS tal-BĊN host, għandhom ikunu kkunsidrati bħala ħlasijiet domestiċi għal skopijiet ta' pprezzar u kwistjonijiet rilevanti oħra, filwaqt li ħlasijiet bejn entitajiet fl-Istat Membru tal-BĊN remot u parteċipanti f'sistema ta' RTGS għajr is-sistema ta' RTGS tal-BĊN host, għandhom ikunu kkunsidrati bħala ħlasijiet internazzjonali għal dawn l-iskopijiet;

—

il-BĊN remot jista' jaħtar ir-rappreżentanti tiegħu għall-korpi msemmija fl-Artikolu 7(2) u jista' jinnomina persuna jew persuni biex iwettqu l-funzjonijiet speċifikati fl-Artikolu 7(3).”

Artikolu 2

Dispożizzjonijiet finali

1.   Din il-Linja ta' Gwida hija indirizzata lill-BĊNi ta' l-Istati Membri parteċipanti.

2.   Din il-Linja ta' Gwida għandha tidħol fis-seħħ fil-15 t'Awwissu 2006. Għandha tapplika mill-1 ta' Jannar 2007.

Magħmul fi Frankfurt am Main, nhar it-3 ta' Awwissu 2006.

Għall-Kunsill Governattiv tal-BĊE

Il-President tal-BĊE

Jean-Claude TRICHET

(1)  ĠU L 18, 23.1.2006, p. 1.

Top