25.10.2006   

MT

Il-Ġurnal Uffiċjali ta’ l-Unjoni Ewropea

182

(1)

Taħt l-Artikolu 27(1) tad-Direttiva 77/388/KEE, il-Kunsill, filwaqt li jaġixxi unanimament fuq proposta mill-Kummissjoni, jista' jawtorizza lil kwalunkwe Stat Membru sabiex jintroduċi miżuri speċjali għal deroga minn dik id-Direttiva sabiex jissimplifika l-proċedura ta' l-impożizzjoni tat-taxxa jew sabiex jimpedixxi ċerti tipi ta' evażjoni jew ta' evitar tat-taxxa.

(2)

Permezz ta' ittra reġistrata mas-Segretarjat Ġenerali tal-Kummissjoni fit-28 ta' Ġunju 2005, ir-Repubblika tal-Litwanja (minn hawn 'il quddiem imsemmija “l-Litwanja”) talbet awtorizzazzjoni sabiex tintroduċi miżuri li jidderogaw mill-Artikolu 21 tad-Direttiva 77/388/KEE.

(3)

Konformement ma' l-Artikolu 27(2) tad-Direttiva 77/388/KEE, il-Kummissjoni informat lill-Istati Membri l-oħra b'ittra datata 22 ta' Awwissu 2005 bit-talba magħmula mil-Litwanja. B'ittra datata 23 ta' Awwissu 2005, il-Kummissjoni nnotifikat lil-Litwanja li hija kellha t-tagħrif kollu meqjus minnha bħala meħtieġ sabiex tivvaluta t-talba.

(4)

L-Artikolu 21(1) tad-Direttiva 77/388/KEE, fil-verżjoni disposta fl-Artikolu 28g tagħha, jistipula li taħt is-sistema interna, il-persuna taxxabbli li tforni l-prodotti jew servizzi tkun normalment obbligata tħallas it-taxxa fuq il-valur miżjud (VAT).

(5)

L-iskop tad-deroga mitluba mil-Litwanja huwa li, taħt ċerti kundizzjonijiet, ir-riċevitur ikun obbligat iħallas il-VAT dovuta fuq il-fornitura ta' prodotti u servizzi f'każijiet ta' proċeduri ta' falliment jew ta' proċeduri ta' ristrutturazzjoni suġġetti għal sorveljanza ġudizzjarja, f'każijiet ta' transazzjonijiet ta' injam, ta' fornitura ta' skart ferruż u mhux ferruż u ta' xogħol ta' kostruzzjoni.

(6)

Il-persuni taxxabli taħt proċeduri ta' falliment jew proċeduri ta' ristrutturazzjoni suġġetti għal sorveljanza ġudizzjarja ikunu spiss impeduti, minħabba diffikultajiet finanzjarji, milli jħallsu l-VAT fatturata għal fornituri ta' prodotti u servizzi tagħhom. Madankollu, ir-riċevitur jista' jnaqqas il-VAT minkejja li din ma tħallsitx mill-fornitur.

(7)

Qegħdin jitfaċċaw problemi fis-suq tal-injam fil-Litwanja minħabba n-natura tas-suq u n-negozji nvoluti. Is-suq huwa dominat minn kumpaniji lokali żgħar, li ħafna drabi jkunu bejjiegħa ta' dak li jixtru u intermedjari, li l-awtoritajiet fiskali sabuha diffiċli sabiex jikkontrollaw. L-aktar forma komuni ta' evażjoni tinvolvi l-fatturazzjoni ta' fornituri minn negozji li mbagħad jisparixxu mingħajr ma jħallsu t-taxxa iżda li jħallu lill-klijent b'fattura valida f'idu li tkun valida għall-finijiet tat-tnaqqis tat-taxxa.

(8)

Qegħdin jitfaċċaw ukoll problemi ta' nuqqas ta' ħlas ta' VAT fatturata fil-Litwanja fis-settur tar-riċiklaġġ ta' skart ta' metalli ferrużi u mhux ferrużi.

(9)

Hemm ukoll problemi komparabbli fil-qasam tal-kostruzzjoni tal-Litwanja, partikolarment fejn tidħol VAT fatturata minn subkuntratturi li sussegwentement jisparixxu.

(10)

Permezz ta' dispożizzjoni li r-riċevitur ikun il-persuna obbligata li tħallas il-VAT fil-każijiet, imsemmija hawn fuq, li jolqtu ħażin il-finanzi pubbliċi, id-deroga tneħħi d-diffikultajiet misjuba mingħajr ma jintlaqat l-ammont ta' taxxa dovuta. Ir-riżultat ta' dan huwa li jiġi simplifikat ix-xogħol ta' l-awtoritajiet fiskali sabiex jimponu t-taxxa u jimpedixxu ċerti tipi ta' evażjoni u ta' evitar ta' taxxa.

(11)

Il-miżura hija proporzjonata għall-għanijiet segwiti għaliex m'hijiex maħsuba li tapplika b'mod ġenerali iżda biss fir-rigward ta' operazzjonijiet speċifiċi u ta' setturi li jippreżentaw problemi konsiderevoli fl-impożizzjoni tat-taxxa jew fir-rigward ta' l-infurzar kontra l-evażjoni u l-evitar tat-taxxa.

(12)

Derogi simili ngħataw lil Stati Membri oħra u nstabu effettivi.

(13)

L-awtorizzazzjoni għandha tkun limitata sal-31 ta' Diċembru 2009, sabiex fid-dawl ta' l-esperjenza miksuba sa dik id-data tkun tista' ssir valutazzjoni dwar jekk id-deroga tibqax ġustifikata jew le. Madankollu, fis-16 ta' Marzu 2005, il-Kummissjoni pproponiet Direttiva li tirrazzjonalizza uħud mid-derogi skond l-Artikolu 27 tad-Direttiva 77/388/KEE (2). Huwa għalhekk meħtieġ li jiġi terminat il-perjodu ta' applikazzjoni għal dawk il-partijiet ta' din id-Deċiżjoni koperti mill-proposta meta din id-Direttiva tidħol fis-seħħ.

(14)

Id-deroga ma għandha l-ebda impatt negattiv fuq ir-riżorsi proprji tal-Komunitajiet li jiġu mill-VAT,

(1)

fornituri ta' prodotti u servizzi minn persuna taxxabli waqt li tkun qiegħda taħt proċedura ta' falliment jew proċedura ta' ristrutturazzjoni li tkun suġġetta għal sorveljanza ġudizzjarja;

(2)

fornituri ta' injam;

(3)

fornituri ta' skart u rottam ferruż, ta' residwi u materjal ieħor riċiklabbli li jikkonsistu f'metalli ferrużi u mhux ferrużi;

(4)

fornituri ta' xogħol ta' kostruzzjoni minn subkuntrattur għal xi kuntrattur ġenerali, jew għal xi subkuntrattur ieħor jew għal xi kumpannija li tagħmel ix-xogħol ta' kostruzzjoni hija stess.