EUR-Lex Access to European Union law
This document is an excerpt from the EUR-Lex website
Document 32006D0178
2006/178/EC: Commission Decision of 27 February 2006 setting up a High Level Expert Group on Digital Libraries (This text annuls and replaces the text published in Official Journal L 46 of 16 February 2006, p. 32 )
Deċiżjoni tal-Kummissjoni tas- 27 ta' Frar 2006 għat-twaqqif ta' Grupp ta' Esperti ta' Livell Għoli dwar il-Libreriji Diġitali (Dan it-test jirrevoka u jissostitwixxi t-test ippublikat fil- Ġurnal Uffiċjali L 46 tas-16 ta' Frar 2006, p. 32 )
Deċiżjoni tal-Kummissjoni tas- 27 ta' Frar 2006 għat-twaqqif ta' Grupp ta' Esperti ta' Livell Għoli dwar il-Libreriji Diġitali (Dan it-test jirrevoka u jissostitwixxi t-test ippublikat fil- Ġurnal Uffiċjali L 46 tas-16 ta' Frar 2006, p. 32 )
ĠU L 63, 4.3.2006, p. 25–27
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 118M, 8.5.2007, p. 350–352
(MT)
No longer in force, Date of end of validity: 31/12/2008
8.5.2007 |
MT |
Il-Ġurnal Uffiċjali ta’ l-Unjoni Ewropea |
350 |
DEĊIŻJONI TAL-KUMMISSJONI
tas-27 ta' Frar 2006
għat-twaqqif ta' Grupp ta' Esperti ta' Livell Għoli dwar il-Libreriji Diġitali
(Dan it-test jirrevoka u jissostitwixxi t-test ippublikat fil-Ġurnal Uffiċjali L 46 tas-16 ta' Frar 2006, p. 32)
(2006/178/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat t-Trattat li jistabbilixxi l-Komunità Ewropea,
billi:
(1) |
l-Artikolu 157 tat-Trattat li jistabbilixxi l-Komunità Ewropea jagħti lill-Komunità u l-Istati Membri l-kariga biex jiżguraw li hemm il-kundizzjonijiet meħtieġa għall-kompetittività ta' l-industrija tal-Komunità. L-Artikolu 151 jipprevedi li l-Komunità għandha tikkontribwixxi biex il-kulturi ta' l-Istati Membri jiffjorixxu, filwaqt li tiġi rrispettata d-diversità nazzjonali u reġjunali tagħhom u fl-istess waqt twassal biex il-wirt kulturali komuni jimxi 'il quddiem. |
(2) |
Il-Komunikazzjoni mill-Kummissjoni “i2010 — Soċjetà Informatika Ewropea għall-impjieg u t-tkabbir” (1) ħabbret inizjattiva prominenti dwar il-libreriji diġitali. |
(3) |
Il-Komunikazzjoni mill-Kummissjoni “i2010: Libreriji Diġitali” (2) (minn hawn 'il quddiem “il-Komunikazzjoni”) ħabbret il-ħolqien ta' Grupp ta' Esperti ta' Livell Għoli dwar il-Libreriji Diġitali li għandu jagħti pariri lill-Kummissjoni dwar kif l-aħjar tindirizza l-isfidi ta' organizzazzjoni, legali u tekniċi fil-livell Ewropew. |
(4) |
Il-White Paper dwar Politika Ewropea dwar il-Komunikazzjoni (3) adottata mill-Kummissjoni fl-1 ta' Frar 2006 issemmi r-rwol essenzjali li l-libreriji diġitali għandhom fl-għoti ta' aċċess ħieles liċ-ċittadini Ewropej għal tagħrif dwar l-Ewropa permezz tat-teknoloġiji ta' l-informazzjoni. |
(5) |
Il-grupp għandu jikkontribwixxi għal viżjoni strateġika komuni għal-libreriji diġitali Ewropej. |
(6) |
Il-grupp għandu jkun magħmul minn esperti kwalifikati ħafna b'kompetenza fil-libreriji diġitali, maħtura f'kapaċità personali. |
(7) |
Il-“Grupp ta' Esperti ta' Livell Għoli dwar il-Libreriji Diġitali” għandu għalhekk jitwaqqaf u jitħejju d-dettalji dwar it-termini ta' referenza u l-istruttura tiegħu. |
IDDEĊIDIET KIF ĠEJ:
Artikolu 1
B'dan, il-Kummissjoni twaqqaf il-grupp ta' esperti “Grupp ta' Esperti ta' Livell Għoli dwar il-Libreriji Diġitali”, minn hawn 'il quddiem msemmi “il-grupp”.
Artikolu 2
Ħidma
Il-Kummissjoni tista' tikkonsulta l-grupp fuq kwalunkwe kwistjoni li għandha x'taqsam ma' l-implimentazzjoni ta' l-inizjattiva tal-libreriji diġitali kif stabbilit fil-Komunikazzjoni.
Il-ħidma tal-grupp se tkun li:
— |
jagħti pariri lill-Kummissoni dwar kif l-aħjar tindirizza l-isfidi ta' organizzazzjoni, legali u tekniċi fil-livell Ewropew; |
— |
jikkontribwixxi għal viżjoni strateġika komuni għal-libreriji diġitali Ewropej. |
Artikolu 3
Kompożizzjoni — Ħatra
1. Id-Direttur Ġenerali tad-DĠ “Soċjetà dwar l-Informazzjoni u l-Medja” jew permezz tar-rappreżentant tiegħu/tagħha, għandu l-kariga li jaħtar il-membri tal-grupp. Għandhom jiġu maħtura bħala esperti ta' livell għoli b'kompetenza fil-libreriji diġitali.
2. Il-grupp se jkun magħmul minn massimu ta' 20 membru.
3. Japplikaw id-dispożizzjonijiet li ġejjin:
— |
Il-membri huma maħtura fil-kapaċità personali kemm bħala esperti ta' livell għoli dwar il-libreriji diġitali u huma meħtieġa li jagħtu pariri lill-Kummissjoni b'mod independenti minn influwenza oħra minn barra. |
— |
Il-Membri se jinħatru biex jiżguraw, kemm jista' jkun possibbli, bilanċ adegwat f'termini ta':
|
— |
Il-Grupp se jinkludi esperti mill-kategoriji li ġejjin:
|
— |
Il-membri jistgħu ma jaħtrux alternattiv biex jissostitwuhom. |
— |
Il-membri jinħatru għal mandat ta' sentejn li jista' jiġġedded. Għandhom jibqgħu fil-kariga sa meta jiġu ssostitwiti jew jispiċċalhom il-mandat. |
— |
Il-membri li ma għadhomx fil-pożizzjoni li jikkontribwixxu b'mod effettiv fil-ħidmiet tal-grupp, li jippreżentaw ir-riżenja tagħhom jew li ma jirrispettawx il-kundizzjonijiet stabbiliti fil-ħames inċiż ta' dan il-paragrafu jew ta' l-Artikolu 287 tat-Trattat li jistabbilixxi l-Komunità Ewropea, jistgħu jiġu ssostitwiti għall-perjodu taż-żmien li jkun fadallu l-mandat tagħhom. |
— |
Il-membri għandhom jiffirmaw kull sena dikjarazzjoni fejn jistqarru li huma jaġixxu fl-interess pubbliku kif ukoll dikjarazzjoni li tikkonferma n-nuqqas jew l-eżistenza ta' kull interess li jista' jaffettwa l-indipendenza tagħhom. |
— |
L-ismijiet tal-membri huma ppublikati fuq is-sit ta' l-Internet tad-DĠ “Soċjetà ta' l-Informazzjoni u l-Medja”. L-ismijiet tal-membri jinġabru, jiġu pproċessati u ppubblikati skond id-dispożizzjonijiet tar-Regolament (KE) Nru 45/2001. |
Artikolu 4
Operazzjoni
1. Il-grupp għandu jkun ppresedut minn rappreżentant tal-Kummissjoni.
2. Bi ftehim mal-Kummissjoni, jistgħu jitwaqqfu subgruppi biex jeżaminaw il-mistoqsijiet speċifiċi skond it-termini ta' referenza stabbiliti mill-grupp; kif ilestu l-ħidmiet tagħhom il-gruppi għandhom jinfirdu.
3. Ir-rappreżentant tal-Kummissjoni jista' jistieden esperti jew osservaturi b'kompetenza speċifika f'suġġett fuq l-aġenda biex jipparteċipaw fil-ħidmiet tal-grupp meta dan ikun utli u/jew neċessarju.
4. L-informazzjoni akkwistata fil-qafas tal-parteċipazzjoni fid-ħidmiet tal-grupp jew subgrupp ma tistax tinħareġ jekk il-Kummissjoni tiddikjara li din tkun marbuta ma' kwistjonijiet konfidenzjali.
5. Il-grupp u s-subgruppi tiegħu normalment jitaqgħu fl-istabbilimenti tal-Kummissjoni skond il-proċeduri u l-iskeda stabbilita minnha. Il-Kummissjoni għandha tipprovdi s-servizzi segretarjali. Uffiċjali oħra tal-Kommissjoni li għandhom interess fil-proċedimenti jistgħu jieħdu sehem f'dawn il-laqgħat.
6. Il-grupp għandu jadotta r-regoli ta' proċedura tiegħu abbażi tar-regoli standard ta' proċedura adottati mill-Kummissjoni (4).
7. Il-Kummissjoni tista' tippubblika, fil-lingwa oriġinali tad-dokument ikkonċernat, kull sommarju, konklużjoni, jew parti minn konklużjoni jew dokument ta' ħidma tal-grupp.
Artikolu 5
Spejjeż tal-laqgħat
L-ispejjeż tal-vjaġġ u, ta' l-akkomodazzjoni mħallsa mill-membri, l-esperti u l-osservaturi fl-ambitu ta' l-attivitajiet tal-grupp jistgħu jiġu rimborżati mill-Kummissjoni b'konformità mad-dispożizzjoni fis-seħħ fi ħdan din ta' l-aħħar. Il-membri mhumiex imħallsa tas-servizzi tagħhom.
Artikolu 6
Id-dħul fis-seħħ
Din id-deċiżjoni għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali ta' l-Unjoni Ewropea. Hija applikabbli mill-31 ta' Diċembru 2008. Il-Kummissjoni għandha tiddeċiedi dwar estensjoni possibbli qabel din id-data.
Magħmula fi Brussell, is-27 ta' Frar 2006.
Għall-Kummissjoni
Mrs Viviane REDING
Membru tal-Kummissjoni
(1) COM (2005) 229 finali.
(2) COM (2005) 465 finali.
(3) COM (2005) 35 finali.
(4) SEC 2005(1004), Anness III.