This document is an excerpt from the EUR-Lex website
Document 32006D0142
2006/142/EC: Commission Decision of 17 February 2006 as regards Community financial aid for the year 2006, to certain Community reference laboratories in the veterinary public health field of biological risks (notified under document number C(2006) 328)
Deċiżjoni tal-Kummissjoni tas- 17 ta' Frar 2006 rigward l-għajnuna finanzjaraja tal-Komunità, għas-sena 2006, lil ċerti laboratorji ta' referenza tal-Komunità fil-qasam tas-saħħa pubblika veterinarja tar-riskji bijoloġiċi (innotifikata taħt dokument numru C(2006) 328)
Deċiżjoni tal-Kummissjoni tas- 17 ta' Frar 2006 rigward l-għajnuna finanzjaraja tal-Komunità, għas-sena 2006, lil ċerti laboratorji ta' referenza tal-Komunità fil-qasam tas-saħħa pubblika veterinarja tar-riskji bijoloġiċi (innotifikata taħt dokument numru C(2006) 328)
ĠU L 54, 24.2.2006, p. 50–52
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 118M, 8.5.2007, p. 306–308
(MT)
No longer in force, Date of end of validity: 31/12/2006
|
8.5.2007 |
MT |
Il-Ġurnal Uffiċjali ta’ l-Unjoni Ewropea |
306 |
DEĊIŻJONI TAL-KUMMISSJONI
tas-17 ta' Frar 2006
rigward l-għajnuna finanzjaraja tal-Komunità, għas-sena 2006, lil ċerti laboratorji ta' referenza tal-Komunità fil-qasam tas-saħħa pubblika veterinarja tar-riskji bijoloġiċi
(innotifikata taħt dokument numru C(2006) 328)
(Huma awtentiċi biss it-testi bl-Ispanjol, bil-Franċiż, bl-Olandiż u bl-Ingliż)
(2006/142/KE)
IL-KUMMISSJONI TAL-KOMUNITAJIET EWROPEJ,
Wara li kkunsidra t-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta' Ġunju 1990 dwar in-nefqa fil-qasam veterinarju (1) u b' mod partikolari l-Artikolu 28(2) tagħha,
Billi:
|
(1) |
Id-Deċiżjoni 90/424/KEE tipprovdi li l-Komunità għandha tikkontribwixxi sabiex tittejjeb l-effiċjenza ta' l-ispezzjonijiet veterinarji billi tagħti għajnuna finanzjarja lil laboratorji ta' referenza. Kwalunkwe laboratorju ta' referenza li jkun indikat bħala tali, jista' jirċievi għajnuna tal-Komunità, taħt ċerti kundizzjonijiet. |
|
(2) |
Ir-Regolament tal-Kummissjoni (KE) Nru 156/2004 tad-29 ta' Jannar 2004 dwar l-għajnuna finanzjarja tal-Kummissjoni lil-laboratorji ta' referenza tal-Komunità skond l-Artikolu 28 tad-Deċiżjoni 90/424/KEE (2) jipprovdi li l-kontribuzzjoni finanzjarja mill-Komunità għandha tingħata jekk il-programmi ta' ħidma approvati jitwettqu b'mod effiċjenti u jekk il-benefiċjarji jfornu l-informazzjoni kollha meħtieġa f'ċerti limiti ta' żmien. |
|
(3) |
Il-Kummissjoni vvalutat il-programmi ta' ħidma u l-estimi ta' baġit korrispondenti, ippreżentati mil-laboratorji ta' referenza tal-Komunità għas-sena 2006. |
|
(4) |
Għaldaqstant, mill-1 ta' Jannar 2006, l-għajnuna finanzjarja Komunitarja għandha tingħata lil-laboratorji ta' referenza Komunitarji magħżula biex iwettqu l-funzjonijiet u d-dmirijiet stipulati fir-Regolament tal-Parlament Ewropew u tal-Kunsill (KE) Nru 882/2004 tad-29 ta' April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi ta' l-għalf u l-ikel, mas-saħħa ta' l-annimali u mar-regoli dwar il-welfare ta' l-annimali (3) u fir-Regolament tal-Parlament Ewropew u tal-Kunsill (KE) Nru 999/2001 tad-22 ta' Mejju 2001 li jistabblixxi regoli għall-prevenzjoni, kontroll u eradikazzjoni ta' ċerta enċefalopatija sponġiformi li tinxtered (4). |
|
(5) |
Flimkien ma' l-għajnuna finanzjarja Komunitarja, aktar għajnuna għandha tingħata għall-organizzazzjoni ta' laqgħat ta' ħidma f'oqsma li jaqgħu taħt ir-responsabbiltà tal-laboratorji ta' referenza tal-Komunità. |
|
(6) |
Ir-Regolament (KE) Nru 156/2004 jistipula regoli ta' eliġibilità għal-laqgħat ta' ħidma organizzati mil-laboratorji ta' referenza tal-Komunità. Jillimita wkoll l-għajnuna finanzjarja għal massimu ta' 30 parteċipant fil-laqgħat ta' ħidma. Derogi lil dik il-limitazzjoni għandhom jingħataw għal laboratorju wieħed ta' referenza tal-Komunità li jeħtieġ appoġġ għal attendenza ta' aktar minn 30 parteċipant sabiex jilħaq l-aqwa riżultat tal-laqgħat ta' ħidma tiegħu. |
|
(7) |
Il-Laboratorio de Biotoxinas Marinas, Agencia Española de Seguridad Alimentaria (Ministerio de Sanidad y Consumo), Vigo, Spanja, magħżul bħala l-laboratorju ta' referenza tal-Komunità għall-monitoraġġ tal-bijotossini mir-Regolament (KE) 882/2004, intalab iżid mal-programm ta' ħidma annwali tiegħu proġett b'appoġġ ta' l-iżvilupp ta' politika u leġiżlazzjoni Komunitarja dwra is-sikurezza ta' l-ikel fil-qasam ta' l-individwazzjoni u l-monitoraġġ tal-bijotossini ta' l-ibħra, fejn għandha tingħata attenzjoni speċjali biex standards isiru disponibbli għall-individwazzjoni ta' ċerti bijotossini ta' l-ibħra sabiex ikun hemm metodi alternattivi ta' l-individwazzjoni. |
|
(8) |
Skond l-Artikolu 3(2) tar-Regolament (KE) Nru 1258/1999 tas-17 ta' Mejju 1999 dwar l-iffinanzjar tal-politika agrikola komuni (5), il-miżuri tas-saħħa veterinarja u tal-pjanti li ttieħdu skond ir-regoli tal-Komunità huma ffinanzjati taħt it-Taqsima tal-Garanzija tal-Fond Ewropew Agrikolu ta' Gwida u Garanzija. Għal skopijiet ta' kontroll finanzjarju, japplikaw l-Artikoli 8 u 9 tar-Regolament (KE) Nru 1258/1999. |
|
(9) |
Il-miżuri li hemm f'din id-Deċiżjoni huma konformi ma' l-opinjoni tal-Kumitat Permanenti fuq il- Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
Għajnuna finanzjarja lil Spanja għall-funzjonijiet u d-dmirijiet taħt ir-Regolament (KE) Nru 882/2004
1. Il-Komunità tagħti għajnuna finanzjarja lil Spanja għall-funzjonijiet u d-dmirijiet stipulati fl-Artikolu 32 tar-Regolament (KE) 882/2004, li għandhom jitwettqu mil-Laboratorio de Biotoxinas Marinas, Agencia Española de Seguridad Alimentaria (Ministerio de Sanidad y Consumo), Vigo, Spanja, għall-monitoraġġ tal-bijotossini ta' l-ibħra.
Għall-perjodu mill-1 ta' Jannar 2006 sal-31 ta' Diċembru 2006, dik l-għajnuna finanzjarja ma għandhiex taqbeż EUR 360 000.
Fil-limitu tal-valur massimu msemmi fit-tieni subparagrafu, u mingħajr ħsara għall-iskadenzi stipulati fl-Artikolu 2 tar-Regolament tal-Kummissjoni (KE) Nru 156/2004, somma ta' EUR 140 000 għandha tiġi rriservata għall-proġett għall-produzzjoni ta' materjali ta' referenza għall-individwazzjoni tas-Saxitoxin u l-analogi tiegħu, Okadaic acid u l-analogi tiegħu, Azaspiracids, Pectenotoxins, Palytoxin, Spirolides u Yessotoxin, u għandu jingħata direttament lil-laboratorju ta' referenza Komunitarju għall-monitoraġġ tal-bijotossini ta' l-ibħra f'Vigo, bil-kundizzjoni li:
|
(a) |
kull xahar jintbagħtu rapporti intermedji dwar il-progress li jkun sar fil-proġett; |
|
(b) |
jitressaq abbozz ta' rapport sa mhux aktar tard mill-31 ta' Diċembru 2006; |
|
(ċ) |
jitressaq rapport finali, flimkien ma' evidenza li tiġġustifika l-infiq li jkun sar, sa mhux aktar tard mill-31 ta' Marzu 2007. |
2. Flimkien ma' l-ammont massimu stipulat fil-paragrafu 1, il-Komunità tagħti għajnuna finanzjarja lil Spanja għall-organizzazzjoni ta' laqgħa ta' ħidma mil-laboratorju msemmi fil-paragrafu 1. Dik l-għajnuna ma għandhiex taqbeż EUR 30 000.
Artikolu 2
Għajnuna finanzjarja lil Franza għall-funzjonijiet u d-dmirijiet taħt ir-Regolament (KE) Nru 882/2004
1. Il-Komunità tagħti għajnuna finanzjarja lil Franza għall-funzjonijiet u d-dmirijiet stipulati fl-Artikolu 32 tar-Regolament (KE) 882/2004, li għandhom jitwettqu mil-Laboratoire d'Etudes et de Recherches sur la Qualité des Aliments et sur les Procédés Agro-alimentaires, ta' l-Agence Française de Sécurité Sanitaire des Aliments, Maisons-Alfort, Franza, għall-analiżi u l-ittestjar tal-ħalib u l-prodotti tal-ħalib.
Għall-perjodu mill-1 ta' Jannar 2006 sal-31 ta' Diċembru 2006, dik l-għajnuna finanzjarja ma għandhiex taqbeż EUR 145 000.
2. Flimkien ma' l-ammont massimu previst fil-paragrafu 1, il-Komunità tagħti għajnuna finanzjarja lil Franza għall-organizzazzjoni ta' laqgħa ta' ħidma mil-laboratorju msemmi fil-paragrafu 1. Dik l-għajnuna ma għandhiex taqbeż EUR 27 000.
Artikolu 3
Għajnuna finanzjarja lill-Olanda għall-funzjonijiet u d-dmirijiet taħt ir-Regolament (KE) Nru 882/2004
1. Il-Komunità tagħti għajnuna finanzjarja lill-Olanda għall-funzjonijiet u d-dmirijiet stipulati fl-Artikolu 32 tar-Regolament (KE) 882/2004, li għandhom jitwettqu mir-Rijksinstituut voor Volksgezondheid en Milieu (RIVM), Bilthoven, l-Olanda, fir-rigward ta' l-analiżi u l-ittestjar taż-żoonożi (salmonella).
Għall-perjodu mill-1 ta' Jannar 2006 sal-31 ta' Diċembru 2006, dik l-għajnuna finanzjarja ma għandhiex taqbeż EUR 305 000.
2. Flimkien ma' l-ammont massimu stipulat fil-paragrafu 1, il-Komunità tagħti għajnuna finanzjarja lill-Olanda għall-organizzazzjoni ta' laqgħa ta' ħidma mil-laboratorju msemmi fil-paragrafu 1. Dik l-għajnuna ma għandhiex taqbeż EUR 28 000.
Artikolu 4
Għajnuna finanzjarja lir-Renju Unit għall-funzjonijiet u d-dmirijiet taħt ir-Regolament (KE) Nru 882/2004
1. Il-Komunità tagħti għajnuna finanzjarja lir-Renju Unit għall-funzjonijiet u d-dmirijiet stipulati fl-Artikolu 32 tar-Regolament (KE) 882/2004, li għandha titwettaq mil-laboratorju tas-Centre for Environment, Fisheries and Aquaculture Science, Weymouth, ir-Renju Unit, għall-monitoraġġ tal-kontaminazzjoni virali u batterjoloġika tal-molluski bivalvi.
Għall-perjodu mill-1 ta' Jannar 2006 sal-31 ta' Diċembru 2006, dik l-għajnuna finanzjarja ma għandhiex taqbeż EUR 263 000.
2. Flimkien ma' l-ammont massimu stipulat fil-paragrafu 1, il-Komunità tagħti għajnuna finanzjarja lir-Renju Unit għall-organizzazzjoni ta' laqgħa ta' ħidma mil-laboratorju msemmi fil-paragrafu 1. Dik l-għajnuna ma għandhiex taqbeż EUR 30 000.
Artikolu 5
Għajnuna finanzjarja lir-Renju Unit għall-funzjonijiet u d-dmirijiet taħt ir-Regolament (KE) Nru 882/2004 u r-Regolament (KE) Nru 999/2001
1. Il-Komunità tagħti għajnuna finanzjarja lir-Renju Unit għall-funzjonament u d-dmirijiet stipulati fil-Kapitolu B ta' l-Anness X għar-Regolament (KE) Nru 999/2001, li għandhom jitwettqu mill-Veterinary Laboratories Agency, Addlestone, ir-Renju Unit, għall-monitoraġġ ta' l-enċefalopatiji sponġiformi trażmissibbli.
Għall-perjodu mill-1 ta' Jannar 2006 sal-31 ta' Diċembru 2006, dik l-għajnuna finanzjarja ma għandhiex taqbeż EUR 731 000.
2. Flimkien ma' l-ammont massimu stipulat fil-paragrafu 1, il-Komunità tagħti għajnuna finanzjarja lir-Renju Unit għall-organizzazzjoni ta' laqgħat ta' ħidma mil-laboratorju msemmija fil-paragrafu 1. Dik l-għajnuna ma għandhiex taqbeż EUR 70 000.
3. B'deroga mill-Artikolu 4(1) tar-Regolament (KE) Nru 156/2004, il-laboratorju msemmi fil-paragrafu 1 se jkun intitolat li jirreklama l-assistenza finanzjarja għall-attendenza minn massimu ta' 50 parteċipant għal waħda mil-laqgħat ta' ħidma tiegħu msemmija fil-paragrafu 2 ta' dan l-Artikolu.
Artikolu 6
Destinatarji
Din id-Deċiżjoni hija indirizzata lir-Renju ta' Spanja, ir-Repubblika Franċiża, ir-Renju ta' l-Olanda u r-Renju Unit tal-Gran Brittanja u l-Irlanda ta' Fuq.
Din id-Deċiżjoni hija indirizzata lill-Istati Membri.
Magħmula fi Brussell, is-17 ta' Frar 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, tat-18.8.1990, p. 19. Id-Deċiżjoni kif emendata l-aħħar bid- Deċiżjoni 2006/53/KE (ĠU L 29, 2.2.2006, p. 37).
(2) ĠU L 27, tat-30.1.2004, p. 5.
(3) ĠU L 165, tat-30.4.2004, p. 1, kif ikkoreġuta mill-ĠU L 191, 28.5.2004, p. 1.
(4) ĠU L 147, tal-31.5.2001, p. 1. Ir-Regolament kif emendat l-aħħar bir-Regolament (KE) Nru 1974/2005 (ĠU L 317, 3.12.2005, p. 4).
(5) ĠU L 160, tas-26.6.1999, p. 103.