1.

Biex tiġi osservata l-inċidenza ta' l-infezzjonijiet bis-sottotipi H5 u H7 tal-virus ta' l-influwenza tat-tjur billi jiġu ripetuti eżerċizzji preċedenti ta' screening b'mod immodifikat u iktar iffukat.

2.

Biex titkompla s-sorveljanza għall-influwenza fl-għasafar selvaġġi għal sistema ta' twissija minn kmieni ta' tipi ta' influwenza tat-tjur li jistgħu jiġu introdotti fil-qatgħat ta' tjur ta' l-irziezet minn għasafar selvaġġi.

3.

Biex isir kontribut lejn l-għarfien dwar it-theddid ta' l-influwenza tat-tjur lis-saħħa ta' l-annimali mill-annimali selvaġġi.

4.

Biex tiġi mħeġġa konnessjoni u integrazzjoni tan-networks umani u veterinarji għas-sorveljanza ta' l-influwenza.

1.

Il-ġbir ta' kampjuni mhux se jiġi estiż lil hinn mill-31 ta' Diċembru 2006.

Għat-tjur ta' l-irziezet, il-ġbir ta' kampjuni għandu jkopri perjodu li jkun addattat għall-perjodi ta' produzzjoni għal kull kategorija ta' tjur kif meħtieġ.

2.

Il-31 ta' Marzu 2007 għandha tkun id-data għas-sottomissjoni tar-riżultati finali ta' l-istħarriġ.

3.

L-ittestjar ta' kampjuni għandu jsir mil-Laboratorji Nazzjonali għall-influwenza tat-tjur (LN) fl-Istati Membri jew minn laboratorji oħra awtorizzati mill-awtoritajiet kompetenti u taħt il-kontroll tal-LN.

4.

Ir-riżultati kollha (kemm seroloġiċi kif ukoll viroloġiċi) għandhom jintbagħtu lil-Laboratorju ta' Riferenza tal-Komunità għall-Influwenza tat-Tjur (LRK) biex jinġabru flimkien. Ċirkulazzjoni tajba ta' informazzjoni għandha tkun żgurata. L-LRK għandu jipprovdi appoġġ tekniku u jżid fil-ħażna ta' reaġenti dijanjostiċi. Antiġeni għall-użu fl-istħarriġ għandu jiġi fornut lil-LN mil-LRK biex tiġi żgurata l-uniformità.

5.

Dak kollu li jiġi iżolat mill-virus ta' l-influwenza tat-tjur għandu jiġi mressaq lil-LRK skond il-leġiżlazzjoni tal-Komunità. Il-viruses tas-sottotip H5/H7 għandhom jiġu mressqa mingħajr dewmien u għandhom ikunu suġġetti għal testijiet ta' karatterizzazzjoni standard (nucleotide sequencing/IVPI) skond id-Direttiva 92/40/KEE. Flimkien ma' dan, l-LRK għandu jirrikjedi li s-sera pożittivi ta' l-H5 u l-H7 miġbura mill-anseriformes jiġu mressqa b'mod għama sabiex jiġi stabbilit arkivju biex jiffaċilita l-iżvilupp ta' testijiet fil-ġejjieni.

1.

Kull sejba pożittiva għandha tiġi investigata b'mod retrospettiv fl-istabbiliment u l-konklużjonijiet ta' din l-investigazzjoni għandhom jiġu rrapurtati lill-Kummissjoni u lil-LRK.

2.

Protokolli speċifiċi li għandhom jakkumpanjaw il-materjal li se jintbagħat lil-LRK u rapporti f'forma ta' tabelli tal-ġbir tad-data ta' l-istħarriġ għandhom jiġu pprovduti mil-LRK. Il-metodi ta' ttestjar fil-laboratorju użati għandhom jiġu indikati f'dawk it-tabelli. It-tabelli pprovduti għandhom jintużaw biex jitressqu riżultati f'dokument wieħed.

3.

Kampjuni tad-demm għal eżami seroloġiku għandhom jinġabru mill-ispeċi kollha tat-tjur ta' l-irziezet inklużi dawk imrobbija f'sistemi tal-beraħ, minn ta' l-inqas ħames sa 10 għasafar (minbarra papri, wiżż u summien) kull stabbiliment, u minn barrakki differenti jekk hemm iktar minn barrakka waħda preżenti fl-istabbiliment.

4.

Il-ġbir tal-kampjuni għandu jkun stratifikat f'kull parti mit-territorju ta' l-Istat Membru kollu, sabiex il-kampjuni jkunu jistgħu jitqiesu bħala rappreżentantivi ta' l-Istat Membru kollu, meta jitqies:

5.

It-tifsil tal-ġbir ta' kampjuni, ibbażat fuq evalwazzjoni tar-riskju u s-sitwazzjoni speċifika ta' l-Istat Membru kkonċernat, għandu jikkunsidra:

1.

Kampjuni tad-demm għat-testijiet seroloġiċi għandhom jittieħdu preferibbilment minn għasafar li jinżammu fil-beraħ fl-għelieqi.

2.

Minn kull stabbiliment magħżul għandhom jittieħdu 40-50 kampjun tad-demm għat-testijiet seroloġiċi.

1.

Se tkun meħtieġa kooperazzjoni ma' l-istituzzjonijiet ta' konservazzjoni u ta' l-osservazzjoni ta' l-għasafar u ta' l-istazzjonijiet fejn l-għasafar jiġu mmarkati bi ċrieket. Fejn hu xieraq, il-ġbir tal-kampjuni għandu jsir taħt is-sorveljanza ta' staff minn dawn il-gruppi/stazzjonijiet jew minn kaċċaturi.

2.

Sorveljanza attiva fuq għasafar ħajjin jew ikkaċċjati se tkun immirata lejn:

Il-ġbir tal-kampjuni għandu jqis l-iskema tal-passa skond l-istaġun, li tista' tvarja fi Stati Membri differenti, u l-ispeċi ta' għasafar li huma elenkati fl-Anness F.

3.

Is-sorveljanza passiva ta' l-għasafar selvaġġi li jinstabu mejtin tista' timmira primarjament l-okkorrenza ta' mortalità mhux normali jew lejn tfaqqigħ sinifikanti ta' mard fi:

L-okkorrenza tal-mortalità f'bosta speċi fl-istess sit għandha tkun fattur ieħor li għandu jitqies.

1.

Għandhom jittieħdu kampjuni mill-kloaka għall-eżami viroloġiku. Flimkien ma' għasafar ’ta' l-ewwel sena’ fil-ħarifa, l-ispeċi li għandhom suxxettibbiltà għolja u iktar kuntatt mat-tjur (bħalma huma l-papri Mallard) jistgħu joffru l-ogħla ċans ta' suċċess.

2.

Minbarra l-kampjuni mill-kloaka jew ħmieġ frisk, għandhom ukoll jinġabru kampjuni mit-tessuti (il-moħħ, il-qalb, il-pulmuni, il-kliewi u l-imsaren) minn għasafar selvaġġi li jinstabu mejtin jew li sparawlhom għall-iżolazzjoni virali u l-analiżi molekolari (PCR). Tekniċi molekolari għandhom isiru biss f'laboratorji li jistgħu jiggarantixxu assikurazzjoni tal-kwalità u li jużaw metodi li huma rikonoxxuti mil-LRK għall-influwenza tat-tjur.

3.

Il-kampjuni għandhom jinġabru minn speċi differenti ta' għasafar ħajjin u ħielsa. Anseriformes (għasafar ta' l-ilma) u Charadriiformes (għasafar tax-xtut) għandhom ikunu dawk l-iktar fil-mira għall-ġbir ta' kampjuni.

4.

Kampjuni li fihom il-ħmieġ, jew il-ħmieġ miġbur b'attenzjoni għandhom jittieħdu minn għasafar selvaġġi li ġew minsuba, ikkaċċjati u misjuba mejtin reċentement.

5.

Jista' jiġi permess it-taqgħqid ta' ħames kampjuni mill-istess speċi miġbura fl-istess sit u fl-istess ħin. Meta jinġabru kampjuni f'daqqa għandu jiġi żgurat li, f'każ ta' sejba pożittiva, il-kampjuni individwali jistgħu jergħu jiġu ttestjati mill-ġdid.

6.

Għandha tingħata attenzjoni partikolari lill-ħażna u t-trasport tal-kampjuni. Jekk trasport rapidu fi żmien 48 siegħa lejn il-laboratorju (b'temperatura medja matul it-trasport ta' 4o Celsius) mhux garantit, il-kampjuni għandhom ikunu maħżuna u wara ttrasportati f'silġ xott f'temperatura ta' minus 70o Celsius (temperaturi bejn l-4o C u - 70o C jistgħu jintużaw biss għall-ħażna fuq tul ta' żmien qasir imma għandhom jiġu evitati kemm jista' jkun).

1.

Testijiet fil-laboratorju għandhom isiru skond il-proċeduri dijanjostiċi għall-konferma u dijanjosi differenzjali ta' l-influwenza tat-tjur stabbiliti fl-Anness III tad-Direttiva 92/40/KEE (inkluż l-eżami tas-sera minn papri u wiżż permezz tat-test tal-haemagglutination-inhibition (HI)).

2.

Madankollu, jekk huma previsti testijiet fil-laboratorju, mhux stabbiliti fid-Direttiva 92/40/KEE u lanqas deskritti fil-Manwal Terrestri ta' l-OIE, l-Istati Membri għandhom jipprovdu d-data ta' validità meħtieġa lil-LRK, filwaqt li jressqu l-programm lill-Kummissjoni għall-approvazzjoni.

3.

Is-sejbiet seroloġiċi pożittivi kollha għandhom ikunu kkonfermati mil-Laboratorji Nazzjonali għall-influwenza tat-tjur permezz ta' test tal-haemagglutination-inhibition, bl-użu ta' kampjuni indikati fornuti mil-Laboratorju ta' Referenza tal-Komunità għall-Influwenza tat-Tjur.

H5

H7

4.

Il-kampjuni kollha miġbura fl-istħarriġ dwar l-influwenza tat-tjur fl-għasafar selvaġġi (Kapitolu D) għandhom jiġu ttestjati kemm jista' jkun malajr bil-PCR għall-H5 iżda fi żmien gimgħatejn u f'każ ta' sejba pożittiva analiżi tas-sit tal-qasma għandha ssir kemm jista' jkun malajr biex jiġi ddeterminat jekk għandhiex l-influwenza tat-tjur b'patoġeniċità għolja (HPAI) jew influwenza tat-tjur b'patoġeniċità baxxa (LPAI) jew le.

5.

Sorveljanza seroloġika m'għandiex tiġi applikata għall-influwenza tat-tjur f'għasafar selvaġġi.

6.

L-Istati Membri għandhom jirrappurtaw lill-Kummissjoni l-kampjuni pożittivi bl-H5 u bl-H7 misjuba matul is-sorveljanza tagħhom tat-tjur ta' l-irziezet u ta' l-għasafar selvaġġi kull xahrejn. Dan hu mingħajr preġudizzju għall-obbligu ta' l-Istati Membri, stabbilit fil-leġiżlazzjoni tal-Komunità rispettiva, li jinnotifikaw każijiet ta' HPAI lill-Kummissjoni minnufih, irrispettivament mill-organiżmu li nstabet fiha.